زباد جامد ممتاز للشعر

[dema Q8]

صباح الخير للي عنده صباح .. ومساء الخير للي عنده مساء..

أحب على طول أدش بالموضوع..روحي الحواي وقوليله أبي زباد جامد..انا عن نفسي استخدمه من سنة 97 والحمدالله ماشفت من أي مضره وماشي معاي واحط بعد حق حواجبي..طبعا اهو يطول الشعر ويكثره...

طريقة استخدامه ..اهو صاير جنه فازلين بس لونه ادعم محومر يعني بني مايل الى الاحمرار..تاخذين شويه وتحطينه على فروة الراس بعدين حطي الدهن اللي انتي تستخدمينه .. بس ها للامانه علشان لاتقولون ديمه ماقالت لنا ترى ريحته اتييب اليهد بس لما تتسبحين تروح على طول هذا الحلو اللي فيه..اما لما احطه بالبيت الكل يزفني يقولي خيستينا هيهيهيههيه كيفهم خل يخيسون المهم شعري مايخيس ويطيح بجبدي_03BA:
عاد اقولكم شلون عرفته مره كنت رايحه ملجه مع اختي شفت رفيجتها ماشاءالله تبارك الرحمن شعرها طوييييييييل وكثيف قلت حق اختي ساليها شنو تحط بشعرها عاد قالت ان من عمر الدنيا واهم يحطون زباد جامد يعني اللي عندها بنات صغار الله يحفظهم تحطلهم علشان لما يكبرون يدعونلج وانتي تدعين لي :eh_s(6):
عاد أتمنى اني فدتكم ويعطيكم الف الف عافيه

 

[ღ❤سـنــيـــڪـرز❤ღ]

الله يجزاك الف خير

وشنو الدهن يعني اي زيت استخدمة احطة علية ....لما اتسبح منة اتسبح اتسبح بماااي وشامبو او الشاامبو ما اسوية

ومشكووورة ...

 

[dema Q8]

الله يجزاك الف خير

وشنو الدهن يعني اي زيت استخدمة احطة علية ....لما اتسبح منة اتسبح اتسبح بماااي وشامبو او الشاامبو ما اسوية

ومشكووورة ...

هلا اختي ام ميار.. الدهن اهو الزيت مثل دابر املا او ناريل او اي نوع انتي تفضلينه..اي طبعا لازم تغسيلنه بشامبو لانه اهو اذا صار بالشعر يصير مثل الزيت وان شاءالله اكون فدتج

 

[امـ عـسـكـر]

والله انا قريت موضوع اهني عن مره تمدحه واشلون اعرفته اهي

شافت يمكن بنت حماتها الصغيره كان شعرها حده خفيف وفجأه صاااااااااااااار كثيف

مشكوره حبيبتي عالافاده

 

[امـ عـسـكـر]

حبيبتي اذا ماعليج أمر نزلي صورته يا الغلا

 

[dema Q8]

العفو اختي ام عسكر وشاكرتلج مرورج حبيبتي

 

[بنت البصرة]

الموضوع زين بس مااعرف الزبادي الي تقصدين

 

[dema Q8]

صورته وبحطه مو راضي حجم الصوره كبير بس اوعدج اليوم بالليل بالكثير راح انزل الصوره ..وبنت البصره مو زبادي حبوبه اسمه زباد جامد اهو ينباع عند الحواي(العطار)

 

[Mshael]

مشكوره حبيبتي على الافادة بس بغيت اعرف من اي عطار تشترينه لاني ستلت العطار اللي بمنطقتنا وقال ماعرفه

 

[dema Q8]

مشكوره حبيبتي على الافادة بس بغيت اعرف من اي عطار تشترينه لاني ستلت العطار اللي بمنطقتنا وقال ماعرفه

والله آنا آخذه من خيطان القديمه عند مجمع الرجعان في هناك حوايين يم بعض وبعد حصلته بحواي القادسيه وفي بعد حواي سوق السالميه سيتي سنتر..

 

[كويتيه رزتها ملكيه]

اى صااجه رفيجه الوالده قالتلها على الزباد وانه بناتها لما يصير لها سنتين تحلقها على الزيرو وتحط لهم من هالزباد لين ينبت ويكثر

وانا عرفت عنه انه يستخرج من نوع نادر من القطط لما تنذبح فكرهته لووووووول

 

[dema Q8]

اى صااجه رفيجه الوالده قالتلها على الزباد وانه بناتها لما يصير لها سنتين تحلقها على الزيرو وتحط لهم من هالزباد لين ينبت ويكثر

وانا عرفت عنه انه يستخرج من نوع نادر من القطط لما تنذبح فكرهته لووووووول

تصدقين عاد كويتيه انا بعد سمعت انه يطلعونه من مرارة القطو وفي نوع عليه صورة بعير (جمل) عاد تخيلته انه من شي خايس من الجمل تعقدت بس سالت وبحثت قالولي هذي اعشاب..ممممممم بس تهقين من القطاوه؟؟ :\
وانا اقووووووووول وين قطاوة الفريج فاقدتهم:krkrkr:

 

[كويتيه رزتها ملكيه]

تصدقين عاد كويتيه انا بعد سمعت انه يطلعونه من مرارة القطو وفي نوع عليه صورة بعير (جمل) عاد تخيلته انه من شي خايس من الجمل تعقدت بس سالت وبحثت قالولي هذي اعشاب..ممممممم بس تهقين من القطاوه؟؟ :\
وانا اقووووووووول وين قطاوة الفريج فاقدتهم:krkrkr:

لوووووووول :eh_s(6): لا مومن قطاوه الفريج المعفنه وووع بس تشوفينها تلوع جبدج

من نوع نادر من القطاوه يكون بالجبال ولازم عقب ماينذبح مباشره وهو للحين دافى يستخرجونه <<ادرى لوعت جبودكم

هالحجى سمعته من مؤرخ بحرينى لانه هالعلاج ااشتهر عند اهل البحرين والخليج وعند البدو بعد 00يقولون يكثر الشعر وينبته بكثااافه

سبحان الله !!

 

[طفلة كبيرة]

مشكوووووووورة بعد عمري
بس ناطرين الصووورة ؟؟

 

[شموخ شيوخ]

ثانكيوو دييييييما

 

[غلا حائل]

يحيي نزلي صورته بسرعه

 

[أم حمادين]

انا صارلي مده احطه حق ولدي وماشالله نبت شعره من قبل اصلع حبيبي

 

[وردة سلفر]

الله فدييتج ابي ابي ............. بس انتي قصدج احطه عالجذور بس وباقي الشعر اي دهن ابيه ؟؟

 

[كرسي دوار]

مشكوره أختي أنتي لاحظتي نتيجة أو بعد؟

 

[dema Q8]

وهذي صورته واخيراااااااااا