زاد الطين بله

[الجوري70]

ان شاء الله بردلش خبرbambena

 

[الجوري70]

لازوردي هلا وغلا لازوردي والله كريم يا أختي وعسا يطيح في وحده تشرشحه وتمسح فيه القاع

 

[الجوري70]

flana أن شاء الله بسوي اللي قلتيه والله يعين بس هو كلامه جارح وقت المشكله

 

[الجوري70]

ام مارية الحمدالله اللي رد زوجها لها والله يهدي اللي عندي

 

[الجوري70]

على فكرة بنات أنا ما أرسل له مسجات لأني أموت حره لما ألقاها مرسله لغيري

 

[العـذوب]

جوري ..


حبوبة .. لا تطرشين له مسجات من النوع الشائع .. اكتبي انتي المسج .. وحطي كلمة ريلي أو كلمة حبيب .. أو أي كلمة تكون تبين إن المسج لرجل ..


يعني أنا زوجي اسمه عبدالله أكتب له وايد ( عبادي/ عبودي/ بو محمد / بوحمود/ حبيب العذوب/ روح العذوب.. وغيره)


جربي هالطريقة في المسجات ..


بعدين لا تتعاملين معاه إنه ملكج الخاص..

وياويلج لو قلتي له ( انت مالي اروحي ، أو انت حقي اروحي ) ترا الريال يتعقد حتى لو ابتسم بعد هالكلمة .. خاصة في الأوقات الحميمة ..


خذيس الجانب المعاكس قولي له : أنا دلوعة منو؟ أنا نونوة منو؟ أنا كتكوتة منو؟... أنا بنوتة منو ؟ ؟؟ يعني خليه يحس إنج إنتي ملكه عقب بيسلمج الخيط والمخيط ..


كلمة ( الغالي، حبيبي، غناتي، الغلا، بعد هلي، بعد طوايفي .. وغيرهن .. خليهن كلمات أساسية في كل جملة تكلمينه أو تطلبينه شيء .. )*


أبدا أبدا أبدا .. لا تخلين نبرة صوتج تزيد على نبرة صوته .. خليج كوايتة قد ما تقدرين ولما تحسين إن نبرة صوته جدا عالية .. قولي له بصرامة: ليش معصب؟ أنا أتكلم بهدوء ياليت ترد علي بهدوء .. صدقيني بيحط الشيء هذا في خاطره ..



بعدين حاولي تتناسين إن هالانسان عنده موبايل .. انسي .. لا تلمسين الموبايل أبدا ولا تقربين منه .. ترا الريال يحط هالتصرفات في باله ..



بعدين بخبرج فكرة .. بس لازم أعرف زوجج من النوع المتفهم والا لأ ..


إذا زوجج من النوع المتفهم .. امسحي الأرقام من الصادر والوارد من موبايلج إذا جا يبا يشوفه .. أول مرة هو ما بيسألج بس المرة الثانية إذا سألج .. قولي له: عجبني منظر موبيلك والسجل ممسوح منه فحبيت أمسح السجل من موبايلي .. ) صدقيني المرات الثانية بيغلق الموبايل ..


حاولي تحطين لموبايلج رقم سري .. علشان هو يتحرقص كل ما مسك موبايلج .. وإذا قال لج افتحي الرقم السري .. قولي له .. يعور صح؟ يعور ان الزوج أو الزوجة يكون عنده شيء سري وتصرف خاطئ بموبايله .. أنا ما بخبي شيء عليك .. لكن إنت لا تجرح قلبي اللي يحبك ...




حبوبة ..

المشكلة إن الحب ما ينشحت .. والاحترام نحن اللي نفرضه .. الحنة والضرابة بشكل يومي تطفر الريال .. واللي يبا الورد يتحمل أشواكه ..


خبريني بالتفصيل شو صار .. زخلي عنج العناد وكلام العذال واللي يوزونج عليه ..

 

[الجوري70]

يسلم قلبش يا عذوب وزوجي غير متفهم بالمره وعصبي حتى أذا قلت ليه تكلم انا ما قصرت معك بشيء يقووول تملكيني أنا ما تملكني حرمه (فضيع) بس بحاول وبأذن الله بنجح وبمساعدتش

 

[LaSt WoMeN]

الله يحنن قلبه عليج يا جوري .. اذا كان يقول جذي " انا ما تملكني حرمة " يعني النقطة اللي قالتها العذوب و بالتحديد لما نصحتج ما تبينين له انه ملكج الخاص و انج تسوين العكس - تبينيين انج انتي ملكه - ياية عليج 100%

 

[طفوش]

كلام عذوب صح ميه بالميه واتبعيه

وزوجك لو كان ذيب ماقالج عن سوالفه بأمكانه يخبى عليج ويسوى اللى يهواه

وانتى ماتدرين ولو تسألينه وينك يقول ديوانيه ماتقدرين تشكينه وهو يخربط


طريقة زوجك مو قادر يخلى ايام العزوبيه جديده عليه ايام الزواج موقادر يتأقلم


يعنى اجلى الحماله شوي وحاولى تصلحين من حاله وبعدين فكرى فى الحماله

لايقصون عليك ويقولون بعد الحماله راح يتغير ترى مايتغير


يعنى حاولى تضبطينه اول شئ مثل ماقالت عذوب وبعدين لكل حادث حديث


شوفى الجوانب المميزه فى زوجك وراح تنسين المشاكل الصغيره


يعنى مايمد ايده -- ولايسكر--ولابخيل---ولاحكر---ولايقولج كلام خايس و و و و

 

[الجوري70]

flana
تسلمين يافلانه على أهتمامش بموضوعي والله أنكم ريحتوني وأنا ماعاد قلت له شيء بس اذا تضايقت من شيء أسكت ووصلت أني قلت له كل اللي تبيه سوه حتى لو تكلم في غرفتي كيفك كل شيء تساوى عندي أنت ملك نفسك

 

[الجوري70]

هلا وغلا بطفوش وزوجي أدري أنه على نيته ومعتبرني صديقته يعني ما يبيني أغار يقوول هذي علاقات بتنتهي في يوم من الأيام لكن أنتي الباقيه (يقص على ) ويحب يصارحني بس صراحته تذبح وهو عيوبه واجد صدق طيب وأذا غلط يعتذر بس نوعا ما حكر وشوي بخيل لأني موضفة مايحب أطلب منه شيء

والله يعين الوحده مو كل يوم لها زوج

 

[العـذوب]

جوري .. انتي رجعتي بيتج والا لأ؟؟؟


إذا ما رجعتي .. طرشي له مسج " حبيبي .. أنا راجعة البيت أريد آخذ أغراض وأريد أنظفه " . ولا تزيدين..


وأول ما ترجعين البيت ..

رتبي البيت كامل ونظفينه وجهزي دخون حلو وبخري البيت ..

غيري الفراش كامل (فراش السرير طبعا) .. وحطي لون جديد ياليت تكونين مشتريه لون جديد مميز قبل لا ترويحين البيت..


الشيء الثاني ..

حاولي تجهزين هالهدية .. روحي اشتري فوطة حمام ووديها الخياط خليه يطرز عليها اسم زوجج على جانب من جوانبها .. واخذيها معاج للبيت ..

بعد التنظيف والدخون ياليت تحطين الفوطة مع مستحضرات حمام على الطاولة .. وحطي كرت معاهن ( أريد أغسل الماضي كله ) .. وقولي له .. وعد ما تلقى مني إلا اللي يسرك ..

تدرين .. هو اللي مزعلج .. لكن إنج تعطينه برستيجه كامل بيخليه ينبسط ويخف الحدة عنج ..

رتبي له بيجامة واغسليها .. وخليها جاهزة ..

اطبخي له شيء خفيف .. وما أوصيج باللبس والتعدل .. البسي له فستان سواريه من الفساتين اللي تلبسينهم للأعراس .. وتجهزي كنج عروس ..


لا تقصرين في العطور .. كل شيء تطيح عليه ايدج عطريه ..


وخليج منتظرة ..


طرشي له مسج " حبيبي ليش الكهرباء مقطوعة في البيت" .. بيطير لين البيت يريد يشوف شو السالفة ..


انتظريه عند الباب .. ( انتي تقولين إن أهله مسافرين) .. المهم أول ما يدخل ما أوصيج ( احضنيه) وقولي له : اشتقت حضنك .. وادمعي دمعتين ..


لا تقولين له إذا تبا تكلم في غرفتي تكلم .. ترا يسويها .ز انتي ازهلي الموضوع .. وتناسي انه يكلم بنات ولا تتطرقين للموضوع أبدا أبدا ..


بالعكس لما يتكلم بالموبايل .. روحي المطبخ .. أو الحمام .. كمن دقيقة وارجعي .. روحي سوي له عصير .. منها ما بتحرقين قلبج ومنها بتسوين شيء يخليه يفكر إنه قاسي عليج .. المهم الحين لا تحسسينه بالقسوة أو انج ماخذة على خاطرج..


اصبري الحين وبتنالين إن شاء الله .. وصدقيني وجع ساعة ولا وجع كل ساعة ..

 

[أذكري الله]

الله يهداج يا جوري صج عذوب قالت لج خليه على راحته بس لا تبينين له انج راضية

على اللي يسويه و أشكره تقولين له يغازل بغرفتج ؟؟؟!!!! )لا تهون عليج نفسج أبدأبد

خلج عزيزة و لا تخلين له مجال إن يكلمج عن مغامراته العاطفية ولا تقولين له

أشكره صك الموضوع لاء ضيعي الصقلة يعني حاولي تقاطعينه و تغيرين الموضوع


و بالإضافة لخطة عذوب اللي ما تخرش الميه انشاالله عليج بسهام الليل و الدعاء له

و لج إن الله يصبرج . و عسى الله ينولج اللي ببالج

 

[الجوري70]

عذوب أبشرش أني ما طلعت من بيتي لأن حمولتي هونت من السفر وسوالف المغازل طنشتها أه أخرها اليوم الفجر دقت وحده ونص وكان نايم والفجر حسيت بحركه أثاري الاخ أرسل رساله لها الساعة أربع يعتذر لأنه نايم وشفت التلفون بس ما حبيت أواجهه
وبروح بيت هلي يومين وبرجع بأذن الله

 

[الجوري70]

أذكري الله هلا وغلا والله يا أختي تعبت بس صرت أزعل من تقصيره والله كريم ولا تنسوني في دعاكم المشكله يعترف ياليته ساكت

 

[العـذوب]

حلو يا جوري إنك مطنشة وإنت ما طلعتي من بيتك .. بس خبريني كيفه الحين معاكي .. هو بعده عصبي والا خلاص مافيه شيء تتخانقون على شانه ..


لا تعتقدين حبيبتي إني بخليج تطوفين هالغلط اللي يغلطه في حقج .. تأكدي إنج بتحاسبينه حساب عسير .. بس موب الحين .. على قدام شوي .. ننتظر إنه يتعلق فيج إنتي بس ويقعطع كل البنات بصفة أكيدة .. وشوي شوي بتلاحظين انتي هالشيء ..


اكسبيه الحين .. وخلي حسابج له بعد كذا شهر .. وبتشوفين ..


المهم دورج الفترة هذي .. تكتبين مسجات حلوة .. وتشتغلين عليه بالمحاتاة ..
يعني تسألينه عن غداه .. وعن عشاه ..


تقومين الصبح معاه لما يروح الدوام هذي نقطة جدا مهمة .. تقربين له الريوق .. وتتأكدين إن ملابسه مكوية ونظيفة .. وخزانته مرتبة .. والحمام مغسول بمطهر وتحطين حبات نفتالين في المغسلة .. خليه يحس إنج موب مقصرة لا في نظافته ولا نظافة بيته ..

والشيء الأهم خليج زينة ويا أهله .. دايما متجاوبة معاهم ..


وفيه نقطة بعد .. لا تسمحين لأي حد يدخل غرفتج غيره .. وإذا سألج ليش .. قولي له هذا عالمي أنا وإنت .. ما أريد حد يدخل فيه غيرنا ...



اهتمي فيه زين .. لأنه يدور الاهتمام .. وساعدي نفسج على تقبل إنج بتحاسبينه مع الوقت على زلاته في حقج .. بس موب الحين ..




والخطوة الياية .. بتكون الأهم .. خبريني الجديد على شان أخبرج ..



المرحلة الياية .. كيف نجبره يغلق موبايله في الغرفة .. خاصة وقت النوم ..

 

[الجوري70]

هلا وغلا ياعذوب هو صراحة إذا حس أنه مقصر أو كلم وحس أني عرفت يصير شحلاته بس يبي رضاي حتا ما يطلع من الدار ( أحس أنه يحبني صج أني مسكينه
بس هو مقصر بشغلات أخرى مثل مصرف يقوول موظفة ومو محتاجة وهو موظف شركة ما عنده دوام كله قاعد بالبيت ولا برا يلف مع الشباب الطايش وأنا أن شاء الله بالويك إند بروح بيت هلي علشان يفتك مني ويمكن يشتاقلي بس ما طرش له مسجات ما أحب أقط وجهي عليه بس هو أذا مزعلني يطرش يحب يتحرش

 

[أم الطيب]

حبيبتي خليج مع العذوب ترا كلاااااااااااااااامها وايد صج
والله يهديه ويهدي كل هالرياييل هذيل والله ملينا

انزين هذا عمره 23 قلنا صغير وللحينه مراهق
ولما يوصل الـ 40 قالو مراهقة متأخره
بالله متى يعقلون ؟

لما احن نموووووووووووووووووووووووووووووووووووت !!

ما اقول الا الله يعطينا الصبر ويهديهم يا الله يا كريم

 

[العـذوب]

هو صراحة إذا حس أنه مقصر أو كلم وحس أني عرفت يصير شحلاته بس يبي رضاي حتا ما يطلع من الدار

هذا اعتراف انه يحبج .... لا تنسين إن 23 سنة يعني في آخر المراهقة .. بعد سن 25 بيتغير بشكل جذري .. اتحملي الحين .. علشان تعدين هالمرحلة بسلام.

أحس أنه يحبني صج أني مسكينه

هو فعلا يحبج بس اعذريه هو صغير ولا عارف كيف يعبر عن هالحب .. يبا يعيش سنه

بس هو مقصر بشغلات أخرى مثل مصرف يقوول موظفة ومو محتاجة

لا .. هذي النقطة لازم انتفاهم عليها .. قوامة الرجل على المرأة لازم تحدد انه يصرف عليها ..
شوفي .. لازم تخبرينه إنج محتاجة بس موب عن طريقج .. روحي لوحدة من خواته اللي تمونين عليها وايد أو لأمه .. وقولي لها .. خالة أنا حرمة ومن واجبات زوجي إنه يعطيني مصروف .. صحيح أنا أشتغل .. بس موب معنى هذا إني مستغنية عنه .ز قوامته علي تحدد هالواجب .. وقولي لهم يرمسونه ..
شوفي لج صرفة .. ابدأي بأهله .. وعقب كلميه بروحج بس في حزة يكون رايق فيها حيل وراضي عليج .. وقولي له بشكل رومانسي .. وطبعا لا تنسين الكلمات الحلوة ..

وممكن تستعملين الحيلة .. تتصلين فيه وهو بالسوق وتقولين له حبيبي مر المكان الفلاني وخذ لي الحاجة الفلانية .. وممكن تتصلين فيه وتقولين حبيبي ناسية بوكي ومحتاجة فلوس .. المهم اخدعيه علشان يصرف عليج .. وممكنت تخبرينه إنج تبين تسوين حساب توفير عائلي لج وله .. باسمكم الاثنين .. وخليه يحول من راتبه على الحساب ..

الله بالويك إند بروح بيت هلي علشان يفتك مني

اياني واياج تقولين يفتك مني ، المفروض تحسسينه إنج مهمة وإن غيابج حدث عالمي ممكن تتوقف بسببه الدنيا .. خليه ملخبط من دونج ولا يسوى فلس .. عوديه على انج تسوين له كل شيء علشان إذا غبتي يضيع حتى دلاغاته .. غيري أماكن ملابسه وأغراضه .ز خلسيه يحتاس شوي .. علشان تكثر اتصالاته لج وانتي في بيت أهلج ..
والنقطة الأهم إنج تحاولين إن اتصالاته تطول مدتها .. يعني ممكن تناقشينه عن موضوع يحبه .. أو تقرين له كمن سطر من مجلة أو تجيبين له خبر تعرفين إنه يبا يعرف تفاصيله .. يعني مثلا تقولين : تدري اليوم شو استوى في سوق شويخ؟ أكيد بيتحمس .. اخترعي له قصة حلوة عادية .. او اقري صفحة الحوادث عندكم وقولي له سمعت عن اللي صار في الروضة؟
يعني اخترعي سوالف .. علشان تطول المكالمة .. منها بيكتشف إن حوارج حلو ومنها بتبعدينه عن غيرج بالتدريج ..

هلا ما طرش له مسجات ما أحب أقط وجهي عليه بس هو أذا مزعلني يطرش يحب يتحرش

تعرفين جوري إن واحد من أهم أسباب الطلاق في الخليج العناد .. انتي تعاندين نفسج .. شو يعني أقط وجهي عليه ؟؟
هذا زوجج وبالله من متى في مسائل عزة نفس وكرامة بين الأزواج ؟؟
اسمعي ..
إذا ما بتقطين وجهج عليه بيقطج ع صخر ..
البنات يقطن عمرهن عليه ويتصلن تالي الليل وانتي مستكثرة مسج ..

تدرين جوري .. مرة زوجي زعل علي .. رحت ووقف قدام باب بيتهم 4 ساعات لحد ما نمت بالسيارة .. بس تعرفين شو ردة فعله .. تم يعتذر ودموعه تهل على وجهه ..

العلاقة بين الزوجين المفروض تحسب بكرامة الزواج نفسه .. بكرامة الارتباط موب الكرامة الشخصية .. انتو اثنين في كيان واحد .. لو حسبتي انج كيان مستقل هو بيحاول يتخلص منج ..

يا بنتي اللي يقولون لج كرامتج مايذوقون عذابج .. صدقيني النفصال بيتركج حطام .. وبعدين أنا قلت لج الامور بتعدل .. إذا انتي موب واثقة فيني خبريني علشان ما أزعجج بنصايحي ..

أذا مزعلني يطرش يحب يتحرش

دليل إن لج اعتبار عنده .. الريال ما يراضي بسهولة ..




ديري بالج الغالية على عمرج وبشريني

 

[الجوري70]

يا مرحبا بأم الطيب والله يعينا ويصبرنا ويسخرهم لنا يارب