زاد الطين بله

[الجوري70]

الرسامه الله يسمع منك ويتعدل وأتعدل معه

 

[الجوري70]

عهود الحب أنا معتبره هذا تحدي ومابي أخسر زوجي علشان بنات مالهم والي بس أبي أظبطه عدل

 

[العـذوب]

جوري يا عيوني ..

انسي انج تزوجتي هالريال .. وحطي في بالج إنج تحبينه حب من طرف واحد .. شو بتسوين علشان يستوي متيم بج ؟؟؟


الدرس الأول ..

حبي نفسج .. واصنعي شخصية مختلفة ..
الصوت العالي يخرب برستيج البنت ..

الكلام السيئ يأذي السمع ..

الحنة .. تضيق صدرج ..


امسحي كل اللي راح .. وعينج على هالحبيب كيف تضمينه لصفج ..


قالت أمامة بنت الحارث لبنتها :
أي بُنية ، ءان الوصية لو تُركت لِعاقلٍ وأدبٍ ، أو مكرمةٍ في حسبٍ ، لتركْتُ ذلك مِنكِ ، ولزويتُه عنكِ ، ولكن الوصِية تذكرةٌ لِلعاقِلِ ، ومنبهةٌ للغافلِ.

أي بُنية ، أنه لو استغنتِ المرأةُ بِغِنَى أبويها ، وشِدةِ حاجتِها ءاليها ، كُنتِ أغنى الناسِ عن الزواج ، ولكن للرجلِ خُلِق النساءُ ، كما لهُن خُلِقَ الرجالُ.

أي بُنية ، ءانكِ قد فارقِتِ الحِواء الذي منه خرجتِ ، والوَكْرَ الذي منه دَرَجْتِ ، ءالى وكرٍ لَمْ تَعْرِفيهِ ، وَقَرين لَمْ تَألفيهِ ، فأصبَحَ بملكِهِ عَلَيْكِ ملِكاً ، فَكوني لَهُ أَمةً يَكُنْ للك عَبْداً ، واحفظي عَني خصالاً عَشْراً ، تَكُنْ للكِ دَرَكاً وذِكراً .

فأما الأولى و الثانية ، فالمعاشرةُ لهُ بالقناعةِ و حُسْنُ السمْعِ لهُ و الطاعةُ ، فاءن في القناعةِ راحةَ القلبِ ، و حُسنَ السمعِ والطاعةِ رأفةُ الرب.

وأما الثالثةُ و الرابعةُ ، فلا تقع عيناهُ مِنْكِ على قبيح ، ولا يشم أنفهُ مِنْكِ ءالا طيبَ الريح ، واعلمِي - أي بنية - أن الماء أطيب الطيبِ المفقودِ ، وأن الكُحْلَ أحْسَنُ الحُسَنُ الموجود

وأما الخَامِسةُ و السادِسَةُ ، فالتعَهد لوقت طعامه ، و الهُدُوءُ عَند منامة ، فاءن حرارة الجوع ملهبةٌ ، و تنغيص النومه مغضبةٌ.

وأما السابعةُ و الثامنةُ ، فالاحتفاظُ بمالهِ ، و الرعايةُ على حشمهِ و عياله ، فاءن الا حتفظ بالمالِ مِن حُسْنِ التقْديرِ، والرعاية على الحشمِ و العيال من حُسْنِ التدبيرِ.

وأما التاسعةُ و العاشرةُ ، فلا تُفشي لهُ سِراً ، و لا تعصي لهُ امراً ، فاءنكِ ءان أفشيتِ سرهُ لم تأمني غدرهُ ، وءان عصيتِ أمرهُ أغرتِ صدرهُ.

واتقي الفرح لديهِ ءاذا كان ترحاً ، والاكتئاب عندهُ ءاذا كان فرحاً ، فاءن الأولى مِن التقصير ، والثانية مِن التكديرِ ، و اعلمي أنكِ لن تصِلي ءالى ذلك منهُ حتى تُؤثري هواهُ على هواكِ ، ورِضاهُ على رِضاكِ فيما أحببتِ وكرهتِ ، والله يخيرُ لَكِ ، وَيَصْنَعُ لكِ بِرحْمَتِهِ.



هالكلمات .. اقريهن وافهمينهن زين ..


شوفي .. الريال المعاكس يدور على الاهتمام من البنت .. صدقيني محد عنده هواية جمع البنات .. بس فيه هواية الحصول على اهتمام البنات ..


شوفي الغالية ..


طبيعي البنت والزوج تصير بينهم مشاكل في أول سنة زواج .. توهم يعرفون بعض ..


لما تتضايقين منه ..


أرسلي له مسج ..


لا تتعاملين معاه لفظيا هالفترة بالعتاب ..

خلي العتاب مسجات ..


أكتبي له : (( أهون عليك؟!! ))


ولا تزيدين ..


شوفي تأثير الكلمات عليه .. الكلمات المنطوقة والمكتوبة ,,, الكلمات الحلوة تقلب حال الريال ..


هالأيام خليج ع الكلمات .. ولا تدخلين في الهدايا .. لا تشترين له هدية هاليومين .. وانتظري ..



عطيني رد فعل زوجج .,. علشان أعرف أتابع معاج الخطة ,,

 

[الجوري70]

أبشري بطبق وأرد لك خبر أن شاء الله

 

[هامورة]

واي كلش ولا الريال الخوان الله يعينج

حبوبه الحنه اكبر غلط وبتخليه ينفر منج اكثر

اقترحي عليه تسافرون قعدي معاه اكثر

غيري من اسلوبج شكلج كوني حنونه اكثر يمكن ريلج يحب جذي

ولا تنامين بره اووووووووووووعي

 

[الجوري70]

هلا فيك هاموره الله كريم بس تصدقين تعب من الحنه ألحين حمولتي بسافرين وهو يقول روح حق أهلك وبيقعد في البيت بروحة أقوله ليش ماتبيني يقول بيفضا البيت وراح تذبحيني بالحنه ولما تكونين في بيت أهلك تشتاقين وما تحنين

 

[هامورة]

الجوري لا تروحين

قعدي ومسكي نفسج لا تحنين لهي نفسج باي شي

ولا تخلينه يحس انه عندج عادي انه يغازل ؟؟؟؟

ترى زوجج جريء !!!!!!!!!!!!!!!!!!!!!!!!!!!!

اشكره

وشنو دور اهلج ؟ يدرون ؟

انتي عندج عيال منه؟

وابي اعرف شلون تزوجتيه خطبة اهل؟

 

[شادن المطيري]

جوري طبقي كلام عذوب ولو مافاد

صراحه ماعليه حسافه- لاتزعلين حبوبه

بس هو مااحترم انوثتج واشكرا فضل غيرج

عليج مع ان توكم معاريس والألعن قالج انتي مثل

اختي..الله يعينج على مابلاج ويسخره لج

أو يفكج منه لو كان هالشي اخير لج

 

[السفيرة عزيزة]

كلام العذوب اكثر من رائع

امشي معاها
و احنا نستفيد معاكم بعد

 

[عهود الحب]

الله يعينج وقلبي معاج
ربي يصبرج
وعليج بالدعاء اخر الليل
الله يعينج وياجرج بمصيبتج
وينصرج على هالبنات وعليه اهو قبلهم

 

[لازوردي]

واااااااااااااااااااااايييييي ياربي شهالبنات اللي يحبون خراب البيوت مايرتاحون الا لما ياخذون الريال من زوجته ولو اهم يصير لهم جذي شوفي شسوون بالريال يخلونه بيزه مايسوى يمسحون فيه القاع اخخخخخخخخخخخخ حاريني مال تعطين كل وحده فيهم طراق يلفها 100 لفه عمااااااااا :eh_s(13):

 

[لازوردي]

الله يعينج حبيبتي ويصبرج على مابلاج

 

[الجوري70]

هامورة هلا وغلا ابشري بقعد وببطل من الحنه وهو جريء جدا وماعندي عيال وتوني متزوجه صارلي عشرة شهور وأهلي ما يدرون وتزوجته خطبة أهل وهو للحين مراهق عمره 23 علشان كذا ساكته

 

[الجوري70]

مرحبتين يا نغم بس هو قصده يصارحني عشتوا مثل خواته وترا زوجي فظيع يبدي خواته على كلش شيء فبالنسبه لي حققت إنجاز أني صرت مثل خواته

 

[الجوري70]

سفيره عزيزه هلا وغلا وبأذن الله بطبق كلام عذوب مع المراهق

 

[الجوري70]

تسلمين يا عهود الحب ياكل الحب والله كريم

 

[bambena]

طبقي وقوليلنا شيصير والله يعينج

 

[LaSt WoMeN]

بانتظار نتيجة خطة عذوب .


دام زوجج صغير عمره 23 يعني سهل تردينه لج .. اهو شكله ماخذ الزواج لعب و وناسة و انصدم بالمسئوليات ..
فأنتي خففي عليه .. و خلي البيت مكان راحته .. و سوي له جو بالبيت ..

الطريق الى قلب الرجل يبدأ من معدته .. جربي هالطريق سوي له الأطباق اللي يحبها و فنتقي فيها .. و زينيها ترى الرياييل يحبون جذي ..

خليه يعجب فيج من جميع النواحي .. خلج فنكية بلبسج و شعرج .. اهتمي بجمالج .. قطي على روحج ..

حطي له هالعطور اللي تخليه غصبن عنه اييلج .. خلج الأنثى الرقيقة الحالمة بنعومتج و دلالج .. و خليه اهو يركض وراج .. و اهم شي اذا بتغيرين شي بتصرفاتج و شخصيتج يكون التغيير تدريجي و بدون ما تنتظرين ردة الفعل منه .. يعني سوي هالشي كأنه طبيعي و لا تخلينه يبين تصنع ..
و حاولي ما تطلبين منه شي قد ما تقدرين .. و اذا تبين اغراض الجمعية مثلا كتبيهم على ورقة و حطيهم بمخباته و كتبي معاهم كلام لطيف ..

خليه ما يستغني عنج .. لي احتاج ملابسه تكونين من قبل مجهزتهم و مبخرتهم ..
و تحري حزة غداه و عشاه و جهزي له اللي يحبه ..
و حزة نومه لااااا تزعجينه .. وفري له الهدوء و الراحة .. و عطيه قبلة قبل لا ينام و دفيه عدل .. بالضبط نفس الياهل ..
تدلعي عليه .. بدوون حنة و لا رنة ..

و حاولي تفهمينه عدل .. تصرفاته و كلامه و اللي يحبه و اللي ما يحبه ..

و حبوبة ترى المشاكل بأول سنة طبيعية لكنها خطرة بنفس الوقت .. انتي الحين ربان السفينة .. وصليها لبر الأمان ..

و تذكري قول الله سبحانه " ان الله لا يغير ما بقوم حتى يغيروا ما بأنفسهم "

و لا تنسين الدعاء بأسماء الله الحسنى ..

و حبيبتي قولي الدعاء اللي بتوقيعي ترى عجييب ..

و الله يكون بعونج ..

 

[LaSt WoMeN]

و نسيت شي مهم .. حاولي تكسبين اهله و تقوين علاقتج فيهم و لا تتكلمين معاهم عن تصرفاته هذي بالعكس مدحيه و بيني ان علاقتج معاه زينة و انج مريحته .. اوكي ؟

ترى الأهل ما يحبون يسمعون الجنة تتحلطم على ولدهم مهما كان .. :*

 

[ام مارية]

اختي خليج مع خطة عذوب

وشدي حيلج بالدعاء والله بنت اختي تخيلي من يوم ملجت ورفيجات زوجها يدقون

عليها ولما تزوجت علي طول مسافر وخليها لين صارت مشكله كبيره بينهم وانفصلت عنه مع انها ماعندها عيال منه لكن كانت تحبه

وبعدين سبحان الله رجعت لزوجها وصار دين اتوقعين شنو كان السبب سبحان الله

قيام الليل والاستغفار وكثري منهم.

الله يفرج همج يارب العالمين.