زاد الطين بله

[الجوري70]

السلام عليكم خواتي بنات منتدانا

سبق كتبت هالموضوع

http://www.q8yat.net/showthread.php?t=33710

وواجهت زوجي وكل يوم أتزعل وأنت تكلم وأنت ما حبني وليه تكلم البنات طبعازوجي غير متفهم فصار يحب أكون بيت أهلي يعني أذا قلت بقعد يومين يقول على راحتك واذا جيت عنده يقوول ما ودك تستانسين عند أهلك

وأخر المطاف قال أنا صراحة ما عاد أتحملك ولا أتحمل حنتك


وش السواه

 

[ام الخييير]

وين ابوج اخوانج خوالج عمامج اكلمونه ايوقفونه عند حدة شنو بنات الناس مو لعبة قولي حق اهله ابوه امه
رياييل مسخرة
اخر زمن
استغر الله
الله يهديه

 

[Dancing^Queen]

وليش تهدين بيتج وتروحين بيت اهلج
اصلا المفروض دارج ماتهدينها مو تروحين بيت اهلج الله يهديج ويصلحج ويصلحه لج
انتي حاولتي كل الطرق معاه
ليش ماتكلمين اهله؟ ولاتقولين مابي افضحه لان اهو فاضح عمره ومايبي الستر علي قولتج خواته يدرون عنه !

 

[ام^^حمودي]

اختي انا ادري قلبج يحترق بس انتي غلطتي لمه صارحتيه!! يمكن الكثير يختلفون معاي..

بس انا اشوف ان المفروض تحاولين تتقربين منه وتلهينه عنهم بدلعج وحركات البنات وتبينيله انج تردين وصابره وساكته لانج شاريته وصدقيني مع الوقت بيستحي اما المصاحره غالبا(مودائما) تكون نتاجها وحده من التالي:

- يعاند
-يقول خلاص تدري ويسوي اشكره جدامج
- ينحرج ويبطل السوالف كم يوم بعدين يردلخا
- يألفله اي ترقيعه ويقط السالفه براسج

وغلطتج الثانيه انج تطلعين من بيتج خلج قاعده على قلبه ولاتحنين ومالج غير الدعاء..

 

[ورد وردي]

انا مع فطوم 1 وممكن بعد يبتعد عن هالاشياء فعلا لكن بس جدامج ومن وراج ياخذ راحتة بطريقة ماتكشفينه فيها مدامج كشفتيه الحين ، مثل خط ثاني وغيرها من حركات الريايل ،، انتي سوي روحج ماتدرين ودوبلي كشختج ولبسج وزينتج ،،، بتقولين انا مو مقصرة . صح بس دبليها بدال الكشخة الي نسويها بالبيت سوي شعرج بالصالون واذا مالج خلق كل يوم صالون وانا معاج بهالشي اكو كوافيرات وايد اييون لي البيت وشغلهم مضبوط ورخاص طيحي على وحدة وقولي لها اتفنتك لج كل يوم شي والمكياج انتي حطيه و............. مو بس هذا والتعامل واحد لا تقربي منه ،،، بعض الريايل يبي شي مو محصلة بالبيت لو هالشي تافه استغفر الله تلقين هذي الي يكلمها تسوي هالشي ( دلع او كلام من الي.... الخ) زيدي جرعة هالاشياء وبعدها ان شاء الله بفترة بتبشرينا الله وياج واكييد هذي اسباب اول شي يخليج تبشرينا هو الدعاء قولي
( اللهم لا تجعل له حظا في النساء غيري ) اعتقد هذي صيغة الدعاء بس المهم هذا المعنى اتمنى ان وصلج

 

[QUMAR]

الله يآجرج في مصيبتح ويكون بعونج:eh_s(21):
يعني شنو ردة فعله لو هالشئ طلع منج لا سمح الله أقل شئ بيفضحج بين أهلج ويطلقج (أدري يا قلبي أنج سنعه ومتربيه والحمدالله عمر العيبه ما راح تطلع منج مدام أنج ساكته وحافظه سره وما قلتي لأحد):eh_s(4):
بس أذا أنتي شاريته حاولي تكسبين وده بالكلام وسحبيه صوبج لا تخلين بنات الحرام يخربون حياتج حسبي الله عليهم اللي ما يخافون ربهم :eh_s(14):
الله يكون بعونج يا قلبي :eh_s(17): :eh_s(17):
عليج بالدعاء:eh_s(21):

 

[سفيرة العشق]

الله يهديه ان شاء الله
وانا مع فطوم ترى الريال متى ما درى ان مرته تعرف سوالفة وخرابيطة
بيقول خلاص اللي كنت أخاف منه صار
تزعل لها يومين وبعدين ترضى
وراح يتمادى أكثر وأكثر
ترى والله حتى لو دخلتي أحد من اهلج او أهله
ما راح يتأثر يمكن يومين أو أكثر بس راح يرد ...

أنتي مالج الا الدعــــــــــــــــــــــــــــــــاء وما في غير الدعاء قولي ( اللهم اصرف عنه كل منكر اللهم حببني في قلبه اللهم قربه لي واجعلني ملكة قلبه)

وانشالله الله بيهديه وانتي عليج انج تتجملين له وتتدلعين
وما تقصرين في حقه عشان ما تعطينه أي عذر ....
والاله يهدي سرج آمــــــــــــــــــين....

 

[العـذوب]

حبوبة ..

تبين خطة " من راس عاشق" مثل ما تقول سعاد عبدالله ؟؟!

أول شيء ..

انتي خلاص عرفتي ان زوجج يغازل .. واستوت مشكلة وانتهت .. دامج تفتحين السالفة مرات ومرات ريلج بيمل من الحنة وهذا حقه .. الانسان ما يتحمل انه يتعاقب ع الغلط ألف مرة ..
بعدين .. يعني شو أصى شيء سويتيه .. رحتي بيت هلج ..! وخير يا طير .. وبعدين .. أكيد بترجعين ..
شو يعني بتخبرين أبوج .. وso ؟!! تعتقدين أبوج بيقص رقبته ...


لا يا حلوة ..

هذي حلول جديمة .. عفا عليها الزمن ..


تعالي عندي ..


أول شيء .. باجر من الصبح .. مسج لطيف ظريف مكتوب فيه : " صباحك ورد يا الغالي" بس ولا كلمة زيادة ..


هو أكيد بيتصل بج .. يبا يتهاوش .. خليه يحن ويرن يبا يعرف شو مناسبة المسج .. ردي عليه بكلمتين .. ( دامك شيخ الرياييل .. يحق لي أشتاقك) ..


تعالي شوفي ردة فعله ...


نسيت لا تطولين معاه المكالمة .. صكريي الخط .. بسرعة



بعد الظهر ..

مسج ثاني ..


فديتك لا تنسى تتغدى ..


وإذا اتصل ..

قولي .. ما أقدر أتطمن عليك وأنا بعيدة ..



ولا تطرين سالفة رجوعج البيت ..


يومين عيشي معاه الرومانسية وانتي في بيت أهلج ..


أهم الشروط :

ممنوع الزعل والعتب

ممنوع تذكرين له مغازل البنات .. لو تلميح ..

تنسين انج زوجته ولا تقولين له أنا زوجتك ولي حقوي .. انسي .. خليج صاحبته .. قولي له .. انت الغالي ..


لا تعطينه مجال يعاتبج ع تصرفاتج ...

ولا تقولين ببدا صفحة يديدة ..


اليوم الرابع ..

قولي فديتك ..

اتولهت ع قربك .. موب قادرة أقعد عند هلي .. ايدي الصبح تدورك في السرير غصب عني ..


وشوفي .. نفس الليلة بيكون عندج بياخذج البيت



شوفي ..

إذا صار ها الشيء .. خبريني بعطيج باقبي الخطة



بس حطي فلي بالج .. هذي خطة سميها .. ( خطة استراجع زوجي )


وفكري عدل


انتي تبين تسترجعينه كحبيب أو كزوج ؟؟


وأنتظر تقررين وتردين علي ..



والسموحة

 

[همسات ليالي]

ما شاء الله عليج عذووووب خوش افكار

اصلا الريال ساعات يمل من زوجته

يبي حبيبه عاشقة

واحنا ماخذين سالفه حقوقي كرامتي ما يحبني

جربي حبيبتي سالفه عذوب وتعاملي معاه كأنك تتعاملين مع مدمن لان اللي يعاكس مدمن كلام حلو

فعالح\جي ادمانه وشوفي نقاط الضعف اللي عنده

والله يوفقج

 

[@ الرسامة @]

ادعي يا حبيبتي واقيمي الليل

وباذن الله الريال يتعدل

 

[عهود الحب]

للأسف مورجال
سامحيني
بس دام جذي يعاملج وانتم للحين عرايس
بعد سنين شنو بتكون معاملته لج
قريت مشكلتج انا كلها وتضايقت
الي يحب يكلم بنات يصبح هذا ادمان بدمه
لاتتقبلين الوضع واقلبي الطاسه فوق راسه
الهدوء والسكينه ماتؤدي لنتيجة
اخذيها مني انا
بعض الرياجيل ماينفع معاهم الطيب
وانتي نوعية زوجج جذي
للأسف
بس الحمدلله للحينج ماخسرتي شبابج مثلي
ولاجبتي عيال وتوهقتي مثلي
انحاشي من هيك رجال ............ سامحيني بس جذي احس شخصيته
دام للحينج خفيفة وماجبتي عيال
من الحين يقولج ماحبج؟؟؟؟؟؟؟؟؟؟؟؟؟؟؟؟؟؟
شنو بيقوووووووول بعدييييييين؟؟؟؟؟؟؟؟؟؟؟؟؟
الله يكوووون بعونج

 

[QUMAR]

ماشاءالله العذوب حلها وايد ممتاز
حبيبتي الجوري 70 جربي هالحل وكان الله بعونك

 

[الجوري70]

ام الخييير تسلمين على المشاركة في حل مشكلتي بس والله مابي أدخل أحد بالموضوع مابيه يكبر

 

[الجوري70]

Dancing^Queen هلا فيك أختي وتسلمين على المشاركة بس ما أحب أحس لأنه مهو راغب وجودي عنده

 

[الجوري70]

فطوم1 مرحبتين ومشكوره وأحس أن كلامك عقلاني جدا وفعلن كنت ساكته وكان يقولي حتا شنو قالوووله البنات بس لما بيت أحن واعيد وازيد كرهني

 

[الجوري70]

ورد وردي تسلمين على المشاركه في حل هالمشكله العويصة وأن شاء الله ببدأ أسوي اللي قلتي عليه

 

[الجوري70]

Qumar هلا بقمرنا والله أني شاريته وهو داري بشئ هذا

 

[الجوري70]

سفيرة العشق هلا وغلا وكلامك سليم أحس أنه ماله داعي أدخل أحد مافيه فايده

 

[الجوري70]

العـذوب أنا معاك على الخط ومنك نستفيد ابيه زوج وحبيب

 

[الجوري70]

همسات ليالي من ناحية مدمن بس الله كريم ونلقا علاجة