شلونكم يا احلى سويتات
هذاك اليوم قاعده من الصبح واشم خبز مفروووووك حده مشتهيته
قلت ما اخليه بنفسي جان اسال ولدى مشتهى خبز مفروك مثل اللى نسويه بالبر
قال يس ماما تكفين قلت بعد السالفه فيها تكفين لا والله قمنا للمطبخ واروح اعين عينتى وهى عباره عن ( طحين - ماء - ملح - نتفه خميره ) عينتها وتكون اخف شويه من عينه الفطاير وخليتها مغطيه نص ساعه بعدين مسحت المقلاه بزيت شويه وممكن تسوينها على صاج وحطيت العجينه مثل الخبزه نطرتها تستوى من تحت بعدين قلبتها انا سويت خبزتين
بعدين يبت الخلاط
وقطعت الخبز وخليته داخله وحطيت نص قالب زبده المراعى واستكانه شاى ( شاى عادى مسويته ) وقفشتين كبار عسل العويد ويدوبك شغلت الخلاط يعنى خليته مفروم مو ناعم حيل خشن شويه مثل الصوره بعدين قصيت ربع بصله صغار حيل وخلطته معاه خليته بالحافظه لحين التقديم
وطبعا خدرت معاه احلى شاى وتريقنا الذ ريوق علينا بالعافيه
اتمنى تجربونه ويعجبكم :eh_s(15):
هديه الموضوع
http://audio.islamweb.net/audio/inde...o&audioid=8466
