ريلي يوم درا ان بسقط الحمل

[al-musk]

شهالاسلوب بدال لايواسيج ويطيب خاطرج - اللهويعين والله الاحتران مهم حيل وشي اساسي بالحياة

 

[عسل مرت قيمر]

لا حول ولا قوة الا بالله


ليش هلإسلوب

معقوله عاد جذي

الله يهديه بس

الصراحه ماقدر انصحج بشي

احس مادري اهوا شلونه معاج بكل الحالات


صبري وشوفي شيسوي

هل اييج ويعتذر ولا شلون بيتصرف

 

[مولاي الفرج]

حبيبتي ماعليه صج المفروض يعذرج

لكن يمكن متضايق عشان البيبي

الله يعوضكم يارب

وبعدين خل يقول حق الناس لان مصيرهم راح يعرفون

وانتي موذنبج يعني ماسويتي جريمه!

 

[pink chiffon]

والله مادري شقولج

يمكن مافهم الموضوع عدل

فهميه وقوليله ان هذي ارادة رب العالمين والشي مب بيدج

والله يهديه

 

[قدساوية 99]

حبيبتي فكري عددل الطلاق مو سهل ترا ويمكن انتي فبداية زواجج تحسين نفسج مو مرتاحة وماتبينه كل البنات في بداية حياتهم الزوجية جذي آنا ادق على امي بنص الليل وأبجي اقولها يماا أبيج لوووول عادي شعور طبيعي اللي تحسين فيه وبخصوص الحمل انشالله ربج يعوضج وانتي مو أول وحدة تجهض ريلي كان يقولي إذا طاح اللي ببطنج راح اطقج انا عبالي يتغشمر طلع صج بس الحمدلله ثبت ... وكل الرياييل حاطين ببالهم ان المرة اذا طيحت يكون منها يعني اهي ماتبي البيبي علشان جذي يعصبوون

 

[انثى عاشقة]

الطلاق مو حل
انتي اقعدي عند اهلك
وخلي ابوك يتفاهم معاه ان هالاسلوب غلط
الله يهديه ويسخره لك​

 

[Alias]

حبيبتي قرار الطلاق انت تقررينه مؤ إحنا وبعدين يمكن هو جذي أسلوبه. هو شنو طبيعة شخصية ودوامه

 

[BeNt PaRiS]

الله يسخركم لبعض


و يهديه لج

 

[الجنه ي يمه]

لا حول ولا قوة الا بالله الله يكون بعونج عاد انا كلش ولا احد يكلمني جذي لو منو كان وبخصوص الطلاق انا اقول تروي اشوي ويمكن ربج يصلح حاله

 

[PuPa^^SWeeT]

شووفي

اذا انتي ببيت اهلج

او للحين ببيتج مو مشكلة

بس دقي على امه او اخته
اي وحدة فيهم يسمع لها



و قوليلها عن اللي قاله و اللي سواه


قولي بروحي انا مات ببطني و نفسيتي تعبانة يزود علي بالكلام ليش


اذا انتي للحين ببيتج

خليهم اييون و ينطرونج لين ايي و اتفاهم امه وياه و انتي سكتي خليها اتفاهم وياه و اتوعييه

 

[شوارفسكيه حمره]

حسبي الله ونعم الوكيل

 

[omaseel]

الله يعينك

 

[monyy]

الله يهديه لج و يصلح حاله
و لا تتسرعين بالطلاق
لي غبتي عنه فتره راح يحس بقيمتج و يتاسف منج

 

[سناء]

زوجك تصرفه سخيف جدا وأسلوبه بايخ ,,, لكن هذا ما يستدعي انك تتركين بيتك... خلي لزعلك هيبه عند زوجك وروحتك لبيت اهلك ما تكون الا على شي كبير ,,,

كان بإمكانك تندمينه على كلامه وأسلوبه وتصرفه بطريقة ثانية ,,,

ربي يوفقكم

 

[غلآ نوآف]

امبي !!!!!!

شهالاسلوب الخايس؟!!!

حرني انا شلون انتي

بس اختي الطلاق مو حل
يمكن كان معصب
واذا سكر التلفون بويه امه
وما احترمها ولا سوا لها قيمة وهي امه ! شلون انتي

امه اكيد تعرف طبايع ولدها
واكيد انها عاذرتج
بس يفضل تشرحين لها موقفج
وان مالج ذنب
بعد يعني قسمة ربج جذي
الله ماراد ان الحمل يتم
خلاص مالج شغل انتي شي مكتوب شلون يعني نعترض ع المكتوب !!!!

استغفرالله العظيم
الله يهديه ويصلحه ويحنن قلبه عليج

هو جذي معاج
ولا بس يومه كان معصب؟

ومدام مومتاكدة من رغبتج انج تكملين وياه
خلي فكرة انج تيبين عيال تاجلينها كم سنة
ولاتردين له
روحي بيت اهلج
واذا فيه خيره لج خليه يجي ويعتذر وينذل مثل ما قلل شانج واحترامج
وااذا تقدرين تتحملينه وترضين فيه
ردي له وان لا الله يعوضج بالي احسن منه

 

[هيبة ملك]

حاسة فيج والله ربي يعوضج إن شاءالله
وزوجج يمكن حزنان على الحمال يمكن من العصبية قال هالكلام

أنت ارتاحي ألحين ومع الأيام يبين لك ولاتكبرين السالفة الرجال يطقون حريمهم ومو بس كلمه قالها وهو معصب
مع الأيام يبين اذا يبي حياتكم تستمر راح يجي ومنه نفسه بيعتذر وإذا مايبي كيفه مافي يدج شئ اسمج إنج حاولتي بصبرج تمشين هالمركب

 

[ماكواسم2]

هو لو ما يحبج ما زعل على الاجهاض.بس يمكنمن الزعل

 

[Jumanh]

صدقيني راح تتعذبي وتتعذبي اذا مفكره بالطلاق الحين تطلقي احسن لان ابو طبيع مايتغيذ واذا يبتي عيال راح تزيد مسؤلياتك وراح يطول لسانه اكثر وراح تفكري مليون مره بالطلاق هذا اكيد سايف له سوفات ومو قاعد يشوف منج الي يشوفه الرياييل مايعجبهم العجب يبون اخلاق وجمال ومتعلمه وبيت سنع وطبخ ونظافه وعيال وووو علبالهم ملاااك اهو مو مقدرك روحي لتهلك احسن انا كنت ضد الطلاق واخر خيار بس والله كل شي يهون ولا اني كل يوم اسمع لي كلام واقعد ابجي

 

[Jumanh]

زوجي لو بسقط المفروض يكون اول واحد واقف معاي ويشاركني همي

 

[Perfect J]

ليش طلاق من اولها
اصبري ..

بعدين اعذريه .. أول حمل لج وأكيد فرحان بعدين الصدمة قوية
يمكن ما عرف يتحكم باعصابه

عطيه فرصة بيكلمج ويتأسف .. ولا تخلي الشك يدمر حياتج انتي بعدج ما تأكدتي من شي

والله يعوضكم خير ويرزقكم الذرية الصالحة