ريلي يكلم وحده ..

[الكويتـ80ـية]

السلام عليكم ورحمة الله وبركاته
الصراحة الله يعينج على مصيبتج .. برأي لا تصارحينه لأنه المشكلة راح تتعقد .. حاولي تشوفين النقص اللي عندج؟ حاولي تخلينه يوخر عن رفيجته بأهتمامج..(إذا تحبينه و تبينه يرجعلج) لازم تخططين شلووون تردينه حقج و تخلينه ينسى رفيجته .. و مع الوقت أنت اللي راح تربحين ريلج و كرامتج اللي راح تنهااار لو كشفتي انج عااارفه لانه عمرج ما رااح تنسين و لا هو عمره ما رااح ينسى أنج كشفتيه و تصير هالسواالف أشكره..خليه يهااااب أنج تعرفين...

أتمنى اكوون ساعدتج بشي أدري ان الحل هذى ما يريج بسرعه لكن أأكدلج انه مع الوقت بتدعين لي ..

 

[far007a]

انا من رأيي اكبر غلط تواجهينة بمثل هالشيئ..

بتقولين لي ليش!!

لان اذا صرتي بمثل هالموقف وماكان عندج الشخصيه والخبره الكافيه راح ينعكس هالشيئ ضدج.. لان اذا واجهتيه .. اقولج اياها راح يكلمها اشكرره جدامج بعدين.. وراح تأخذه العزه بالاثم .. لان الريال مايحب انه يطلع بهالموقف وانج طحتي عليه وماسكه عليه شيئ.. ف احسن شيئ.. حاولي تجذبينه لج بطريقة غير مباشرة.. شوفي نفسج .. وجاوبي بكل صراحة

انتي مقصره معااه بشيئ؟
تحسين هالفتره انج مبتعده عنه؟ اهوا مبتعد عنج؟ شنو الاسباب؟
في مشاكل بينكم؟ في بينكم عيال؟

شوفي كل ناحية من النواحي وفكري فيها عدل واذا لقيتي انج مومقصره معاه بشيئ ومافي اي سبب يبرر له الي سوواه..

حاولي تهدينه وخلي نيتج انج ماتبين ربي يغضب عليه.. اهديله اشرطه دينية.. قصي له قصص عن سوء الخاتمه.. ادعي له وادعي له وادعي له وان شاء الله بيرد لج ويتحسف على الي سواه​

ماشالله وايد حلو ردج ربي يكثر من امثالك وانا معاك يا اختي بكل اللي قلتيه

 

[Molecular Special]

الله يكون بعونج حبيبتي

البنات ماشاء الله كفوا وفوا .. انا من راي لا تواجهينه لانه ممكن يقلب الموضوع عليج وانه ليش تتجسسين علي ومن هالحجي
حاولي تعرفيني شنو السبب الي خلاه يكلم وحده
اذا انتي وياه مبتعدين عن بعض ؟؟؟ او اي سبب ممكن يخليه يسوي هالشي
حاولي تعرفين اذا انتي كنت مقصره بشي معاه
لانه لو كنت مقصره راح يكون هذا رده لو واجهيه وبيكون المبرر للي سواه
حاولي تردين ريلج لج ..غيري قصتج صبغي شعرج ...حاولي تغيرين طريقتج معاه دلعيه ...وان شاء الله بيردلج

والله يكون بعونج حبيبتي .... ولا تنسين الدعاء

 

[^ليلاس^]

الله يعينج حبيبتي والله مادري شقولج بس البنات كفو ووفوا

 

[قمر ضاوي33]

انا ريي انك ما تواجهينه لأنك لمن تواجهينه راح ينكر 100% ما راح يقول اني انا .... او راح يقول لك اذا دليلك قوي انها لحظة ضعف ونزوة واني خلاص راح انهي العلاقة بس ما راح تضمنين ان الموضوع انتهى واعتقد حتى اهو ما راح ينهي العلاقة بسهولة خاصة اذا كان مستانس وياها ولا يحبها وبعدين راح يصير وايد حريص ويمكن يحط له تلفون خاص حق هالخرابيط خو صايرة موضة تلفون للبيت وتلفون حق الخرابيط ..... اعوذ بالله من بنات ابليس صايرين ما يهتمون متزوج عازب مطلق كله واحد ولا وبعد ما يخافون وحدة من رفيجاتي دقت على وحدة ريلها يكلمها بتهددها جان تقول لها اعلى ما في خيلك ركبيه ريلك يحبني وانتي الخسرانة لأ نه راح يطلقك ....
انا اقول انك ضغطي على نفسك وغيري من نفسك مثل ما قالولك البنات وما اوصيك بالدلع والتغنج ميخالف تحملي بس ترى مفعولهم على الريال مثل السحر والله سأليني زوجي ما صار يعاملني بحب ودلال الا بعد ما صرت اتدلع عليه ....
الله يوفقك ويهديه لك ....

 

[om el7elwen]

حبيبتي الله يعينج على مصيبتج وحياج الله بالمنتدى لان هذي مشاركتج الاولى.
حبيبتي احنا ما انعرف العلاقة اللي بينج وبين ريلج ؟
ماقلتي اشلون دريتي ان اكلم وحده؟
طبيعة عمل ريلج شنو يعني مدير او شنو؟
ياقلبي لا تستعيلين ولاتحكمين عليه ابسرعه صبري وتأكدي وشوفي شنو الشي اللي خلاه اكلم نقص او تقصير منج او عينه زايقه؟
من متى متزوجين؟

 

[كويتية أصيلة]

اول شي تاكدي و اذا تاكدتي لايكون تواجهينه لانه بكل بساطه راح ياخذ راحته على ابو انج تدريين الحين و ماكو شي يخاف منه و هم اذا قالج خلاص بهدها ما راح يسويها و حتى لو سواها راح يكلم غيرها لكن هالمره راح ياخذ حذره اكثر!

فالافضل انج تتعاملين معاه بذكاء
يعنى زيدى تدلع و جددي من نفسج و خليه يشوفج بعيون يديده ترى الريال ما يكلم الا اذا كان يبي التجديد الا اذا كان مريض و هذا ماله حل و هو يكلم طول عمره مو توه
و اتوقع ريلج مو جذى فانتى جددي من حياتج و شكلج و كل شيء و خليه ينبهر فيج و بين فتره و فتره قطى نقزات شلون وحده بالدوام تكلم ريال و ان انتى تحتقرينها و تحتقرينه و انها لو ما كانت حقيرة و حثاله ما سوت جذى و لوما انه هو مو مثلها جان ما تنزل لها و من هالحجى بس نقزات عقب مده مو على طول تتغيريين و تنقزين

هذا بالضبط اللي كنت باقوله

بس حطي بالج لا تصارحينه .. وحاولي تعرفين اهي منو

............

خل اقولج سالفه وحده اعرفها ..

درت ان زوجها يكلم وحده .. وبعد محاولات عده عشان تحاول تجذبه صوبها ماكو فايده شكله اهو مريض .. المهم خذت رقم بيتهم تقول ايامها ماكو موبايلات غير انطلق واحد الثابت .. تقول خذيت الرقم ودقيت على وحده من ربعي تشتغل بسنترال وطلعت لي باسم منو ومن بيته .. تقول رحت لها لي البيت وطلعت لي اهي بعد ما عرفت اسمها .. وامها طالعه وراها .. واكتشفت انها تعرف البنت وذيك البنت تدري انها مرته .. تقول ما تكلمت بس رفعت حاجبي والام واقفه جان تقول للأم لا حبيبتي الظاهر انا غلطانه فلانه اللي ابيها مو من طقه بنتكم .. تقول البنت تبريدت واخترعت .. وتقول انا سويت هالحركه بس عشان اهددها اني قادره اوصل لها لا اكثر ولا اقل

 

[alanoood]

لسلام عليكم .....
أنصحج أختي أولا بالدعاء..وهذا له مفعول السحر على نفسيتج وبأذن الله بهداية زوججّ...وبعدين لاتصارحينه أبدا..هذا خطأ كبيييير بل العكس كوني ودوده جدا معاه ...المهم قبل كل شي أنج تتركين البحث والتجسس وتلتفتين لنفس والأهتمام بشكلج لجذب أهتمامه

 

[LaSt WoMeN]

بس عاد لمطلقة ..والأرملة وووو...دورولكم مطلقين ...عزابية ...بس مو متزوجين..
طبعا كل واحد متزوج...عبالكم صاج في كلامة..كله تأليف في تأليف...يبي يقرب البنت ويخليها تتعاطف معاه يألف لها قصة حزينه..
وحرام عليكم خراب البيوت...​

ليش هالأسلوب يا ماما ؟

خلاص يعني اذا وحدة تطلقت لازم تدور لها واحد متزوج و تخرب بيته !​

لا تخلين غضبج يأثر على انج تجرحين غيرج يا عزيزتي .. ​

و حبيبتي ...على فكرة ..​

في بنات عمرهم ما تزوجوا يكلمون متزوجين !​

​

أسأل الله العظيم انه يهدي رياييلكم لكم و يهديكم لهم ..​

​

عليكم بالدعاء و التوكل على الله و قيام الليل و الاستغفار ​

و حاولوا تفهمون ليش رياييلكم يتجهون لغيركم ​

شنو اللي مو لاقينه فيكم ؟​

​

اذا كان دلع و مياعة .. و الا اهتمام و اشعاره برجولته ..​

​

شوفوا وين مكمن الخلل اذا كان في خلل .. ​

​

و قولوا الدعاء اللي بتوقيعي .. ​

 

[طير الحب]

الله يكون بعوونج بصراحه ماني قادرة افيدج بشي

 

[aloyaa]

آنا أييد منورة الكويتية أخاف تصارحينة يكلمها جدامج
لا تتسرعين وأنصحج تدعين له وايد بكل صلاة... وحاولي تخلينه دايما معاج كل مكان ريلج فوق ريله وشوفي عيوبج وحاولي تعدلينها
والله يعينج ويحفظ رياييلنا كلهم من بنات الحرام

 

[TooToo]

لا حول ولا قوة الا بالله العلي العظيم

ما ادري ّّّ!!!!!! اهو طاح من عينج الحين يعني هي خاربة خاربة

حاولي اتعرفين رقمها من موبايلة ودقي تأكدي منهابكل هدوء . وإذا صج !!!!!!!!!

قولي حق امج وابوج وهم يتفاهمون معاه


وادعي إنشاءالله ربي يصلح أمره

 

[LaSt WoMeN]

عدنا ..



شوفي حبوبة ...


اول شي لا تخلين هالسالفة تأثر على علاقتج معاه

و تخليج ناشفة او تكلمينه بنزرة و عصبية.. لاااااء ديري بالج

جذي اوتوماتيكيا راح يروح لها و يلقى فيها الحضن الدافي الحنون
و انتي بتصيرين بعينه النسرة الشريرة الشرشبيلة .. !
فإنتي شتسوين ..

تكلمي دائما برقة و انوثة ..
عطيه النظرات اللي هيه ..
و مدحيـــه واايد ... و ساعات حقريــه ..
خليه يتدوده و يفكر فيج شنو اللي مغيرج ..

يا يمه حطي ذيج العطور اللي تخليه ما وده يفاارقج ..

خلي بيتج البيئة السحرية الجاذبة له ..
من عطور هادية و ألوان راقية ..

سولفي معاه بسوالف تفتح النفس دلعيه و اتدلعي

اذا قال شي مليق .. ؟!
ميخالف ..ضحكي خليحس معاج انه انسان مميز ..
:eh_s(9):
لعبي معاه و غيري روتينكم شوفي بهالمنتدى في موضوع
مثبت ألعاب المتزوجين ..

و سوي الليالي الحمراء و الخضراء و هالسوالف اكششن ..

شوفي روحج اذا نوعج خجول وايد كسري حاجز الحيا ..
اهتمي بجمالج و نعومتج ..
و اذا انتي حنانة وايد .. غيري هالطبع لأنه صج ينرفز ..

و بنفس الوقت..
لا تجابلينه وايد .. لا يمل منج ..

حاولي تكسرين خاطره ..
قبل لا تنامون مثلا ..
مدحيه و انت جذي و جذي و ماكو مثلك ..
قولي حبيبي انا مقصرة معاك ابشي ؟ لأن أبي أكون بعيونك كاملة
مثل ما انت بعيوني كامل < اذا اهو مو جذي ميخالف كلام الليل يمحيه النهار



و على كل اللي قلته لج ..
مازلنا نحتاج معلومات أكثر عن مدة زواجكم و اذا كان عندكم
يهال و طبيعة علاقتج معاه من قبل
شلون تعامله معاج ؟
و اشلون اكتشفتي ..​

 

[مستقبلي احلى]

لا تدورينها ولا تدورين ارقامها ولا تحاولين تعرفينها منو اهي تكون
انتي حبيبتي دوري في نفسك ودوري شنو تقصيرك معاه اكيد ولازم في شي ناقص
اهيا خليها تولي وعليك بالدعاء وسهام الليل ولا تحسسينة انك عارفة بس زيدي العيار بالاغراء والدلع عليه وين الحين الريال اللي ما يكلم ولا يطالع الا ما رحم ربي
وربي يعينك ويفرجها

 

[مستقبلي احلى]

عدنا ..



شوفي حبوبة ...


اول شي لا تخلين هالسالفة تأثر على علاقتج معاه

و تخليج ناشفة او تكلمينه بنزرة و عصبية.. لاااااء ديري بالج

جذي اوتوماتيكيا راح يروح لها و يلقى فيها الحضن الدافي الحنون
و انتي بتصيرين بعينه النسرة الشريرة الشرشبيلة .. !
فإنتي شتسوين ..

تكلمي دائما برقة و انوثة ..
عطيه النظرات اللي هيه ..
و مدحيـــه واايد ... و ساعات حقريــه ..
خليه يتدوده و يفكر فيج شنو اللي مغيرج ..

يا يمه حطي ذيج العطور اللي تخليه ما وده يفاارقج ..

خلي بيتج البيئة السحرية الجاذبة له ..
من عطور هادية و ألوان راقية ..

سولفي معاه بسوالف تفتح النفس دلعيه و اتدلعي

اذا قال شي مليق .. ؟!
ميخالف ..ضحكي خليحس معاج انه انسان مميز ..
:eh_s(9):
لعبي معاه و غيري روتينكم شوفي بهالمنتدى في موضوع
مثبت ألعاب المتزوجين ..

و سوي الليالي الحمراء و الخضراء و هالسوالف اكششن ..

شوفي روحج اذا نوعج خجول وايد كسري حاجز الحيا ..
اهتمي بجمالج و نعومتج ..
و اذا انتي حنانة وايد .. غيري هالطبع لأنه صج ينرفز ..

و بنفس الوقت..
لا تجابلينه وايد .. لا يمل منج ..

حاولي تكسرين خاطره ..
قبل لا تنامون مثلا ..
مدحيه و انت جذي و جذي و ماكو مثلك ..
قولي حبيبي انا مقصرة معاك ابشي ؟ لأن أبي أكون بعيونك كاملة
مثل ما انت بعيوني كامل < اذا اهو مو جذي ميخالف كلام الليل يمحيه النهار


و على كل اللي قلته لج ..
مازلنا نحتاج معلومات أكثر عن مدة زواجكم و اذا كان عندكم
يهال و طبيعة علاقتج معاه من قبل

و اشلون اكتشفتي ..
​

​

روعه يا فلانة ردك عجبني تعالجين المشاكل دوم بحكمة

 

[دلوعة حمني]

الصراحة موقفج صعب....

اول شيء تأكدي من ان زوجج يكلم البنت
ثاني شيء افض طريقة للدفاع الهجوم! يعني لازم تواجهينه و لا تخلينه يخونج... لأن هو واثق انج ماتعرفين عن شيء فراح يخون و يكلم اكثر من وحدة.... فانت اللي تسوينه حبيبتي تخلينه يعرف انج عارفة بهالشيء.... علشان اذا فكر يسويها مرة ثانية يفكر مليون مرة! والله يعينج

 

[دلوعة حمني]

الصراحة موقفج صعب....

اول شيء تأكدي من ان زوجج يكلم البنت
ثاني شيء افض طريقة للدفاع الهجوم! يعني لازم تواجهينه و لا تخلينه يخونج... لأن هو واثق انج ماتعرفين عن شيء فراح يخون و يكلم اكثر من وحدة.... فانت اللي تسوينه حبيبتي تخلينه يعرف انج عارفة بهالشيء.... علشان اذا فكر يسويها مرة ثانية يفكر مليون مرة! والله يعينج

 

[دلوعة حمني]

الصراحة موقفج صعب....

اول شيء تأكدي من ان زوجج يكلم البنت
ثاني شيء افض طريقة للدفاع الهجوم! يعني لازم تواجهينه و لا تخلينه يخونج... لأن هو واثق انج ماتعرفين عن شيء فراح يخون و يكلم اكثر من وحدة.... فانت اللي تسوينه حبيبتي تخلينه يعرف انج عارفة بهالشيء.... علشان اذا فكر يسويها مرة ثانية يفكر مليون مرة! والله يعينج

 

[bambena]

من رايي لاتبينين للبنت انج تدرين لانج جذي تبينين انها تهدد حياتج
شيليها اهي من بالج مايمنع انج تعرفين عنها معلومات لكن لايكون تحاولين تكلمينها

ولاتصارحينه

حاولي بطريقتج تلهينه عنها وتردينه لج