ريلي يكلم وحده ..

[دوهتري]

بنات لحقوني ريلي يكلم وحده ..بمووووووووووت ... شسوي ... اخليه و لا شسوي مو قادرة افكر .. اسوي روحي ما ادري.. و لا اصارحه .. ساعدوني الله يخليكم ..

 

[الاسطورية]

اول شي انتي متاكده ولاظن يعني شلون اكتشفتي هالشي؟

 

[Shestylet]

لا تتسرعين تاكدي زين وبعدين صارحيه واذا عندج دليل احسن لا شي طبيعي راح ينكر

 

[Amory]

بنات لحقوني ريلي يكلم وحده ..بمووووووووووت ... شسوي ... اخليه و لا شسوي مو قادرة افكر .. اسوي روحي ما ادري.. و لا اصارحه .. ساعدوني الله يخليكم ..

شنو اللي اسوي روحي مادري والا اصارحه!!!!!!!!!!!

منصجج انتي تتكلمين والا اتغشمرين؟

يعني عندج هالشي هين انه يكلم واتسوين نفسج ما تدرين؟!

لا حبيبتي وألف لا

شوفي أنا اقولج شتسوين:

بالبدايه وقبل كل شي لازم اتعلمينه اشلون صدتيه لأن يمكن اتكونين غلطانه وظالمته.
وثاني شي واجهيه ولازم اتواجهينه ولازم يكون عندج اثباتات علشان لا ينكر هالشي.... واذا اعترف وتأسف خليه يبينلج اشلون عرفها وشنو نوع العلاقه اللي بينهم واذا عرفتي انها سحابة صيف سامحيه هالمره وقوليله هاذي اول وآخر مره وهدديه وقوليله اذا عدتها مره ثانيه مالي عيشه معاك لأن مو من السهل انج اتعيشين مع انسان خاين!

ناطرين منج الرد

والله يهون عليج وعلى الجميع

 

[لازوردي]

شوفي حبيبتي انا بقولج سالفه صارت حق وحده من رفيجاتي و انا واهي و حده معانا سوينا خطه طبعا قلنا حق رفيجتي تأكدي و من تأكدت قلنا لها ييبي رقمها و يابته و طلعنا عن البنت معلومات عن مكان شغلها و بيتهم حتى البنت مو متزوجه المهم بعد ما مسكنا كل المعلومات عن البنت واهلها المهم رفيجتي قالت خلاص الحين بكلم البنت و كلمتها و البنت قامت تسكر التلفون ودزينا لها مسج عنوان بيتهم و انه انعرفهاو نعرف اهلها وقلنا لها وخري عن فلان احسن لج المهم دقينا عليها مرة ثانيه وكلمتها رفيجتي و قالت لها انا ما ابي منج شي بس وخري عن ريلي و انا ما ارضى اي وحده تكلمه و احسن لج وعلشان ماتييبن المشاكل لنفسج واهلج وخري المهم البنت خافت و قالت خلاص ماراح اكلمه و عقب دق ريلها عليها معصب وقاعد يرقع انه هذي عندها شغل و من هالحجي عاد قالت له رفيجتي انها تدري عن كل شي بينه وبين البنت و راحت البيت و تفاهمت معاه وقالت له اذا كرر هالشي مره ثانيه سواء مع هالبنت او غيرها قالت له انها راح تعلم اهلها و اهله على سوالفها و رفعت الجام وماقامت تعطيه ويه و قامت تكشخ اكثر من قبل و وتسوي حركات تحره و ماتعطيه ويه وايد لما خلته يتأدب مع انه رفيجتي ماشالله عليها حلوه و كشيخه حيل و زقرتيه و شهاده وكانت تهتم فيه حيل بس مابين بعينه اللي تسوي له و من عقب السالفه سوت له هالجم حركه لما تادب ردت له مثل قبل بس ليلحين تراقبه بدون مايدري لأنه تقول خلاص ما قامت تثق ....

و هذي خطه مجربه انا اعطيج اياها و شوفي بعد البنات بشنو يفيدونج حبيبتي و الله يكون بعونج حبيبتي

 

[norema-sarto]

الله يعينج حبيبتي: الله يساعدج أنا كل يوم والثاني اصيد عليه وحدة وأتهاوش واعصب وأسوي كل شي بس ؟؟؟ ما أتخذ قرار لهذا الشي فصار الشي عنده عادي ...وبصره مصخه صار الشي أشكره ...حتى أنا أبي حل واللي عندها تطرشلي على الخاص بليز.
بس بقول شي واحد لكل البنات اللي مو متزوجات ...
خلكم مكانا..لو كنت متزوجة ..ترضين ريلج يكلم وحدة..طبعا لأ
واللي متزوجة...شلون تسمحين حق نفسج تكلمين واحد ثاني غير ريلج حتى لو خاينج ..حللي المشكله بس مو تكبرينها.
بس عاد لمطلقة ..والأرملة وووو...دورولكم مطلقين ...عزابية ...بس مو متزوجين..
طبعا كل واحد متزوج...عبالكم صاج في كلامة..كله تأليف في تأليف...يبي يقرب البنت ويخليها تتعاطف معاه يألف لها قصة حزينه..
وحرام عليكم خراب البيوت...
ع

 

[منورة الكويتية]

انا من رأيي اكبر غلط تواجهينة بمثل هالشيئ..

بتقولين لي ليش!!

لان اذا صرتي بمثل هالموقف وماكان عندج الشخصيه والخبره الكافيه راح ينعكس هالشيئ ضدج.. لان اذا واجهتيه .. اقولج اياها راح يكلمها اشكرره جدامج بعدين.. وراح تأخذه العزه بالاثم .. لان الريال مايحب انه يطلع بهالموقف وانج طحتي عليه وماسكه عليه شيئ.. ف احسن شيئ.. حاولي تجذبينه لج بطريقة غير مباشرة.. شوفي نفسج .. وجاوبي بكل صراحة

انتي مقصره معااه بشيئ؟
تحسين هالفتره انج مبتعده عنه؟ اهوا مبتعد عنج؟ شنو الاسباب؟
في مشاكل بينكم؟ في بينكم عيال؟

شوفي كل ناحية من النواحي وفكري فيها عدل واذا لقيتي انج مومقصره معاه بشيئ ومافي اي سبب يبرر له الي سوواه..

حاولي تهدينه وخلي نيتج انج ماتبين ربي يغضب عليه.. اهديله اشرطه دينية.. قصي له قصص عن سوء الخاتمه.. ادعي له وادعي له وادعي له وان شاء الله بيرد لج ويتحسف على الي سواه​

 

[أم ^ علي]

الله يعينج على هالبلوه أكيد تدقين عليها وتلعنين بو أسلافها
وهو تصارحينه وتطيحينله بوكسااااااااااااات والله يخاف ويقعد يتضحك

 

[الديار]

يمكن تلقين في هالمقال شي يفيدج
الخيانة الزوجية.. الأسباب، وطرق العلاج!
د. محمد توفيق الجندي



الخيانة الزوجية.. الأسباب، وطرق العلاقج!

يمكن تعريفها بأنها علاقة غير شرعية يقيمها أحد الزوجين مع طرف ثالث. لذلك فالخيانة في المفهوم الشامل لا تقتصر فقط على الزنا؛ بل إن إقامة أي علاقة تتجاوز حدود الشرع يمكن أن تعتبر نوعاً من الخيانة وإن كان أشدها بين الزوجين العلاقة الجنسية.

ولا توجد إحصائية عن الخيانات الزوجية في مجتمعاتنا؛ إلا أنه في الولايات المتحدة في إحصائية عام 1994م وجد أن حوالي 85% من النساء المتزوجات و 75% من الرجال المتزوجين مخلصين لزوجاتهم.

وإذا أردنا معرفة الأسباب فهناك أسباب لابد من تذكرها وهي أن الخيانة الزوجية إذا حصلت ففي الغالب تكون نتيجة تراكم عدة أسباب و ليس لسبب واحد منفرد. ويبقى أن أهم أسباب وقوعها ضعف الوازع الديني لدى المرء ؛ فالأسباب الأخرى كلها يمكن السيطرة عليها تقريباً إذا تم التعامل معها بشكل إيجابي. ويبقى أنه مهما كان الإنسان يعاني من مشكلات ومن نقائص فمما لا شك فيه أن الدافع الديني له دور كبير جداً في الوقاية من الوقوع فيما يغضب الله فالإحساس برقابة الله والخوف من عقابه والرغبة في ثوابه لها الأثر الأكبر في السلوك الإنساني إذا كانت متمكنة في نفس صاحبها.

آثار الخيانة الزوجية على الأسرة و المجتمع

من الآثار على الأسرة:

· قد تؤدي إلى دمار الأسرة فقد يحدث الطلاق إذا اكتشف الطرف الآخر الخيانة

· قد تؤدي إلى القتل و بالذات إذا كلنت الزوجة هي الخائنة فمسائل الشرف و العفة حساسة جداً في مجتمعاتنا و شرعنا، فقد يقتل الرجل زوجته إذا اكتشف أنها تخونه، و قد يقتا الخائن حداّ فتفقد الأسرة أحد أطرافها.

· فقدان التوازن العاطفي و النفسي بين الزوجين

· فقدان الثقة و التي هي من أهم أسس النجاح في العلاقات الزوجية.

من الآثار على المجتمع:

· الفوضى الأخلاقية التي يمكن أن تحدث إذا انتشرت الخيانات

· تشتت الأسرة و انتشار الضغائن لأن الخيانة و خاصة عند انتشار أخبارها لا تقتصر آثارها على الأسرة بل على أهالي كل طرف و يتلوها فضيحة اجتماعية أحياناً و قد يمتد ذلك الأثر أجيالاً. فسيتردد مثلاً الشاب أن يخطب فتاة إذا علم أن أمها خانت أباها يوماً و ستتردد الأسرة أن توافق على خطيب لوالده علاقات مشبوهة خوفاً ان يكون مثل والده و هكذا ...

· التقليد و المحاكاة و ما يتبع ذلك من انتشار للفاحشة فقد تقلد البنت أمها و تقيم علاقات إذا علمت أن أمها لديها علاقات جنسية مثلاً، و قد يفعل الشاب نفس الأمر إذا وجد والده يخون أمه و هكذا.

لماذا يخون الرجل زوجته؟

· إذا كان صاحب شخصية مضطلربة أو لا أخلاقية أو لا متدينة أو إذا كان يستعمل المخدرات

· إذا كانت الزوجة مريضة أو حاملاً و هتاك صعوبات في إقامة علاقات جنسية معها بسبب ذلك

· إذا كانت الزوجة لديها مشكلة في إقامة علاقة عاطفية مع زوجها أو لديها اضطرابات نفسية أو لديها خوف من العلاقة الجنسية

· إذا كان الزوج نفسه مصاب باضطرابات أو عقد نفسية أو لديه شذوذ جنسي أو ميول جنسية غير مألوفة و لم توافقه الزوجة على ذلك

· إذا كانت رغبة الزوج الجنسية جامحة و لم يتم إشباعها من قبل زوجته و لسبب أو لآخر لم يتزوج زوجة ثانية. أو لأنه لا يستطيع الزواج من أخرى بسبب منع هذا الزواج كما يحدث في بعض البلداو أو لعدم قدرته على ذلك

· إذا شعر الرجل بأن زوجته ليست على المستوى المطلوب من الجمال أو الغنج أو الأنوثة و هذا له أسباب متعددة أهمها كثرة النظر إلى النساء الجميلات في القنوات الفضائية أو الأفلام و عمل المقارنة بينهن و بين زوجته مما قد يدفعه للوقوع في الحرام لما يرى من اللذة المصاحبة له

· إذا كانت الزوجة لا تحسن مبادلة زوجها الحب فقد تكون باردة جنسياً أو ليست من النوع الذي يهتم بهذه المسائل. بل إن رجلاً كانت زوجته زاهدة في الجنس و لا تهتم به فأدى ذلك به إلى مشكلة كادت أن توقع به في علاقات جنسية مع غيرها

· الاختلاط بين الرجال و النساء في مختلف المجالات يؤدي بالرجل إلى التعرف على نساء كثيرات و بالتالي يمكن أن يكون بيئة خصبة للخيانة الزوجية و خاصة في البيئات غير المتدينة و الأمر نفسه يمكن أن ينطبق على المرأة

لماذا تخون الزوجة زوجها؟

· إذا كان الزوج يعاني من اضطراب جنسي كالعجز الجنسي مثل ضعف الانتصاب أو سرعة القذف أو أن لا تكون لديه شهوة جنسية فلا يكفي زوجته جنسياً مما قد يؤدي بهاإلى إقامة علاقة جنسية مع غيره

· غياب الزوج المتواصل عن المنزل و لفترات طويلة حيث أن للمرأة شهوة كما أن للرجل شهوة و هذا ما دعا عمر بن الخطاب رضي الله عنه أن يسأل ابنته أم المؤمنين حفصة رضي الله عنها عن الفيرة التي يمكن للمرأة أن تصبر بها عن زوجها ثم أصدر أمراه نأن لا يغيب الرجل عن زوجته في الجهاد أكثر من ثلاثة أشهر دفعاً للمفسدة المتوقعة من غيابه. و هناك في عهدنا الكثير من الأزواج اللذين يسافرون لخارج بلادهم و لفتلاات طويلة مما لا يجعل الزوجة تعيش في ارتياح و لا يتم اشباع حاجاتها الجنسية و النفسية و العاطفية

· إذا كانت الزوجة نفسها ذات شخصية مضطربة و أضرب لذلك مثلاً ما يسمى باضطراب الشخصية الحدية و عادة ما تكون صاحبته امرأة و تتميز صاحبة هذا الاضطراب بوجود طفولية و عدم نضج الشخصية و انفعالية و محاولات للفت الانتباه و جذب تعاطف الآخرين بالإضافة إلى إقامة علاقات جنسية مع عدة رجال و محاولة إغوائهم مع وجود اضرابات مصاحبة مثل الاكتئاب و محاولات الانتحار

· إذا اكتشفت الزوجة أن زوجها خانها فقد تلجأ في بعض الحالات إلى خيانته – انتقاماً – حسب تفكيرها

والخيانة الزوجية ليست بالضرورة نتاج المدنية الحديثة؛ فالخيانة موجودة في العصور السابقة و موجودة في حقب التاريخ و المجتمعات المختلفة. و لكن القضية قضية نسبة حدوثها و انتشارها و الكلام عنها و نظرة المجتمع لها. و هذا ما يمكن ان نقول أنه مخيف في المدنية الحديثة حيث أن مسائل الخيانة تطرح أحياناً و ينظر إليها بتقليل من حجمها و أثرها و قد تعتبر نوعاً من الحرية الشخصية بل و تقبل بعض المجتمعات المعاصرة و خاصة في الغرب أن تكون هناك علاقات بشكل أو بآخر مع غير الأزواج أو الزوجات ما داما متفاهمين على ذلك و راضيين بذلك.

يمكن علاج هذه الآفة بالنقاط التالية:

· تنمية الوازع الديني و الرجوع إلى الله و التوبة من هذه القبائح

· تقليل التعرض للفتن المثيرة للغرائز بوسائلها المختلفة

· التعرف على المشكلات الزوجية في وقت مبكر و الاهتمام بها و محاولة حلها بطرق إيجابية و ليس بالسكوت أو التغاضي عنها

· اعتراف صاحب المشكلة بمشكلته و البحث لها عن حل بدل الإنكار أو التمادي مما يجعل الطرف الآخر يلجأ لغيره لإشباع رغباته

· الاهتمام باختيار الزوجة الصالحة و الزوج الصالح و عدم تغليب الجوانب المادية في مقومات الاختيار

 

[ombaza]

الله يكون بعوونج بصراحه ماني قادرة افيدج بشي فعلا الله يعينج بس لا تسوين شي اللا وانتي متاكده منه وانا اقول شاوري احد من اهلج ثقه

 

[QUMAR]

الله يهديه ويسخره لج
ما عندي غير الدعاء
بس شوفي شنو نوعية ريلج يعني أنا أعرف وحده معاي أكتشفت أن ريلها يكلم وحده يوم صارحته باللي اكتشفته عصب وتنرفز ليش تتجسس عليه وطردها أهي وعيالها وقالها محد له شغل باللي أسويه
يعني الله يكون بعونج وتتجاوزين هالمحنه بسلام

 

[OmZizo]

لا تواجهينه.......اذا اهو خاش هالشي عنك و خايف على مشاعرك اذا عرف انك دريتي ما تدرين شنو طبيعه هلاقته وياها يمكن يفضلها عليك و يمكن ينكر يعني الزبدة انتي منتي مستفيدة من المواجهة...الا اذا اني بايعتة ومستعدة اتخلين عنه.
احسن شيء شوفي روحك ووضعك و قربية منك أكثر..

وتذكري الشيطان شلون يستانس اذا فرق بين اثنين..

وادعي و صلي..والله يتمم عليكم ويمكن تطلعين غلطانة مثل ما قالوا البنات

 

[Dancing^Queen]

الله يكون بعونج عزيزتي
والله يصبرج ويعدي هالمشكله علي خير يارب
ومن رايي مو من صالحج تصارحينه وتواجهينه
اولا بيقولج مدامج دريتي حلاص كيفج وجان اول يحترمج الحين بيصير الشي جدامج وماتقدرين تتكلمين موعاجبج كيفج روحي بيت اهلج

ثاني شي بتتهاوشون وبتضطرين تاخذين موقف ياتروحين بيت اهلج وتكبر المشكله يا تقعدين بالبيت وماتكلمينه ولايكلمج وتعطينها فرصه تتقرب منه اكثر وتاخذه منج اكثر واهي اللي تستفيد
من رايي سكتي
وتاكدي اولا انه عنده رفيجه صج
وسوي خطه لازوردي
هذا احسن شي ممكن تسوينه

 

[Kuwait]

لاتهدمين بيتج وتواجهينه
في حلول اسلم نعرف شلون عرفها ولاي درجه وصلت العلاقه

 

[لازوردي]

شوفي حبيبتي قبل لا تسوين خطة رفيجتي لا زم تعرفين زوجج ينفع معاه اللي رفيجتي سوته بريلها و لا ينفع معاه انج تحقرينه و تسوين اشياء تلفت انتباهه عليج و يخليه يلهى فيج وينشغل بالتغيير اللي صار لج بدال لا يلها بسوالفه مع هذي .... يعني الريال اذا سوا جذي يا اما تصارحينه او يا اما انج تحقرينه و تسوين اشياء تخلينه يلتفت لج وينتبه لج و ينشغل فيج بدال الثانيه .....

يعني روحي غيري بشكلج حييل و خليج جدامه انج مو مهتمه بس اغريه بطريقه غير مباشره قربيه منج بدون ماتبينين انج قاطه نفسج عليه يعني تخيلي انج توج تتعرفين عليه و تبين اتييبينه لج بس بدون ماتقطين نفسج عليه حبيبتي و ضحكي بالبيت خليج وايد مستانسه بيني له كأنه انه عندج شي بس حيريه خلي ينشغل فيج و شوفي شيصير معاه ...

و احسن شي انصحج انج تسوين هالخطه اول شي و اذا ما نفع معاه لا شاوري احد من اهلج ثقه و شوفي شيقولون لج و الله يساعدج حبيبتي و يهدي ريلج ويسخره لج انشالله يارب

 

[شهدQ]

لا تواجهينه.......اذا اهو خاش هالشي عنك و خايف على مشاعرك اذا عرف انك دريتي ما تدرين شنو طبيعه هلاقته وياها يمكن يفضلها عليك و يمكن ينكر يعني الزبدة انتي منتي مستفيدة من المواجهة...الا اذا اني بايعتة ومستعدة اتخلين عنه.
احسن شيء شوفي روحك ووضعك و قربية منك أكثر..

وتذكري الشيطان شلون يستانس اذا فرق بين اثنين..

وادعي و صلي..والله يتمم عليكم ويمكن تطلعين غلطانة مثل ما قالوا البنات

وضيفي شوفي شنو الشي الي خلاه يكلم

حاولي تصلحين الغلط

الله يهديه ان شاء الله

 

[bnt q8 in usa]

البنات كفو ووفوا بس بقولج شغله خلج ذكيه
خلج من النوع الي من ذاقني ماسلاني يعني صيري له كل يوم شكل ونسيه وريحيه..................وحاسبي نفسج شوفي شنو القصور اذا مافي
بشاطرتج شوفي منو هالعوبه الي يكلمها بس مو انتي تكلمينها خلي احد قريب منج وعاجل اخوج مثلا يخرعها ويهددها علي بون مباحث

والله يوفقكم يارب ويصلح زوجج

 

[Harmony]

اول شي تاكدي و اذا تاكدتي لايكون تواجهينه لانه بكل بساطه راح ياخذ راحته على ابو انج تدريين الحين و ماكو شي يخاف منه و هم اذا قالج خلاص بهدها ما راح يسويها و حتى لو سواها راح يكلم غيرها لكن هالمره راح ياخذ حذره اكثر!

فالافضل انج تتعاملين معاه بذكاء
يعنى زيدى تدلع و جددي من نفسج و خليه يشوفج بعيون يديده ترى الريال ما يكلم الا اذا كان يبي التجديد الا اذا كان مريض و هذا ماله حل و هو يكلم طول عمره مو توه
و اتوقع ريلج مو جذى فانتى جددي من حياتج و شكلج و كل شيء و خليه ينبهر فيج و بين فتره و فتره قطى نقزات شلون وحده بالدوام تكلم ريال و ان انتى تحتقرينها و تحتقرينه و انها لو ما كانت حقيرة و حثاله ما سوت جذى و لوما انه هو مو مثلها جان ما تنزل لها و من هالحجى بس نقزات عقب مده مو على طول تتغيريين و تنقزين و هو بروحه راح يغير الحسبة و يهدها
و عسى الله يهديه لج و يوفقج و يسخره لج

 

[رقي]

الله يكون بعونج
بس شتقولين البنات صايرين بزع
وحده متزوجه اتكلم واحد متزوج
كل شي صار عادي
وتدخله بيتها بعد في غياب ريلها
الحمدلله والشكر
الله يستر علينه وعلي بناتنا يارب

 

[زهرة اللوتس]

الله يعينج