ريلي يخوني مع بنت عمه .. شالحل

[جامعيه طموحه]

عالجي الموضوع مع زوجج اذا فضحتيها ممكن يرقع الموضوع و يتزوجها عشان ماتصير فضيحه لها وله


و خالتج مدام ماتحب ام البنت كلميها


قوليلها شوفي فلانه بنت فلان تبي تخرب بيت ولدج
و ماراح تخليه اهي حاطته في بالها عشان تهدم استقرار عيالج


مثل ماقالو من له حيله فليحتال
وانتي لازم تحافظين على بيتج و زوجج


وخلي ام زوجج تتدخل و سوي نفسج ماتدرين عن شي


و اتفقي مع خالتج ام زوجج تقوله انها سمعت من ناس ان البنت تقول والله لخرب بيت فلان اللي اهو زوجج
وانها تقول عنه خروف و يغازل اكثر من بنت وانها تتكلم عنه و تخرب سمعته


و انها بتخليه ينسى زوجته وولده و توري الناس اشلون اهو واطي


و اهم شب ماتكونين موجوده
ولو قالج ريلج انتي مكلمه امي
قولي عن شنو
افضحك واقول انك تكلم بنت عدوتها مستحيل


وخلج بعيده وتفرجي عاللي راح يصير

انا معاها هذي طريقهوايد حلوه استغلي موضوع انه ام ريلج ما تحب امها وخلج طيبه وزينه مع ام ريلج واكسبيها بصفج قوليلها انا مابي اخسر بيتي وريلي وانا احبه ومن هالكلام وخليها تسوي مثل ما قالت الاخت وخلج جدامه البريئه جنج ماتعرفين عن شي ولا متحجيه اصلآ لو قالج انتي قلتي استغربي وقوليله واهيه شلون درت ومنو قالها انا مادري عن شي واصلآ ماحطيت الموضوع في بالي ووثقت فيك انه خلاص مافي شي وصكرت عالموضوع !

 

[دنيا الصدمات]

الحين انتي ليش تفكرين في فضيحتها
زوجج راح لها بكامل ارادته وقواه العقليه مو المفروض تبتدين في معاقبته بالاول
اذا هو زوجج ومعاشرج وانتي ام عياله واقرب الناس له ما راعه هالعشره هل تنظرين من الناس البعيده تحافظ على بيتج

انا اقول تعاملي بذكاء مع الموقف مو علشانه هو لانه الشخص الي مايصون كرامة زوجته مايستحق الاحترام
بس عشان بنتج باجر لين كبرت سمعتها من سمعة ابوهاا

وسامحيني اذا كلامي قاسي بس اكره لما اشوف حواء تتعرض للخيانه وتلوم المرأه الي خاينها زوجها معاها
مو الاولى انه الزوج هو الي يتعاقب اشد عقاب لان كرامة مرته من كرامته وهو مو ياهل

 

[دلع انثه]

الله يهديه لج يارب

 

[الزيـــــ^^ـــــن]

والله موضوعج يحير الله يعينج

شوفي تعاملي بعقلآنيه ،، تروحين لأم زوجج وتكلمينهآ وقوليلها الموضوع كيت وكيت

وان شاءالله تلاقي حل لمشكلتج

والله يسخركم لبعض ويبعد عنكم بنات السوء

 

[Stylista_Q8]

أنا مع أميرة بكلامي ،،
عدل كلامها ، كلميه وواجهيه مرة ثانية إنج كلمتي البنت واعترفتلج بكل شي
وان ما تعدل لا تفضحينه وتسوينله سالفة لا صارت ولا استوت
وانج مو لعبة! يعني ما حلت بعينه بنت ابليس الا بعد ما تزوج؟
والله ييسرلج أمورج حبيبتي

 

[عبوه]

يا سسلام عليكم بنات الحين اللوم كله على البنت الي يكلمها .. وهو قووي العيين طللع برئ و لا بعد تحجز فندق له و رومنسيات وخرابييط !!!


وين قاعدين فيه انتم ؟ .. من جدكم تقولون كذآ ..


و انتي ياصاحبة الموضوع وين كرامتك ؟ وين الاحترام ؟ .. مبسسوطه علي هالوضضع ماتبينه يندم على الي يسويه فيك بسس تبين

توصلين للبنت للي يكلمها و تخربين سمعتها مدري وش ؟


يكون بعلمك لو وصل الموضوع لآي شخص بعايلتهم راح يخلونه يتزوجها عشان سمعتها و سمعتهم لانهم آهـل و عياال عم يعني سمعتها من

سمعته .. فككري فيها انتي لوحدك قداااام عائلته الي ماراح يرضون شئ يمس بنتهم ! ..


أنتي وين آهلك بالموضووع ؟ ما عندك نية تقولين لهم ؟ عطيهم خبر .. لان واضح انك مو عارفه وش تسوين او كيف تتصرفين ..

 

[rose of kw]

السلام عليكم
اختي انا من رايي لا تهددينه و لا شي
تصرفي بهدوء و من دون هو لا يحس على شي
اصلا يمكن هي اللي دقت عليج و كانت تبيج تعرفين عشان يصير هالشي و هو يتزوجها
ان هددتيه راح يسوي نفسه تركها و الله العالم يبي يبعدج عن طريقه و يروح يتزوجها
و هي بعد لا تكلمينها
و لا تحاجين احد من اهلها او من خواتها من صجج بيوقفون معاج ضد اختهم
اكيد بيقولولها تزوجيه و فكينه
مثل ما قالت وحده من الخوات خلي احد من اخوانج يكلمها وتساب و خلي يشوف عشان يكرهها
اما تقوليله و تهددينه ماراح تستفيدين شي و الله العالم الا انه يتعلق فيها زيادة
انا ابوي لما بغى يتزوج على امي وحدة قلتله مع انه كان معزم بس الحمدلله هون قلت له مافي وحدة صغيرة و دكتورة بعد , تاخذ شايب الا فيها شي ليش تترك الشباب و تركض وراك و ترك السالفة كلها بفضل الرحمن
ربي يهدي لج و يحفظ بيتج و يبعد عنا و عنج بنات ابليس :eh_s(7):

 

[keka89]

هدديها بإخوانها وأهلها يمكن تخاف

 

[ήoori.ⓢⓙ]

الحل بيد الله ..
اجتهدي بالدعاء
وتحري ساعات الاستجابة ..
مع اليقين انه ربي بيحل المشكلة ..
الحل مو بيد البشر

وربي بيفرج همج ويرده لج .. ان كان ايمانج بربج قوي ..
وانا كاتبة رد طويل اتوقع حيل بيفيدج بهالرابط
http://www.q8yat.com/t1160067.html

الله يفرج همج وييسر امرج .. ويسعدنا وياج في الدارين ..

 

[rose of kw]

مثل ما قالت لج اختي ήoori.ⓢⓙ
البشر ما بيدهم حل
الحل بيد ربج سبحانه
و انا غلطت برايي اللي قدمته لما قلت لج خلي احد اخوانج يكلمها
مشكورة

 

[rose of kw]

مثل ما قالت لج اختي ήoori.ⓢⓙ
البشر ما بيدهم حل
الحل بيد ربج سبحانه
و انا غلطت برايي اللي قدمته لما قلت لج خلي احد اخوانج يكلمها
مشكورة

 

[mi corazon]

شوفي لها معرس يمكن تبرد دودتها وتفتكين

والدعاء أقوى سلاح

ادعي وتهجدي يارب ملكني قلب زوجي وجملني في عينه

يارب اصرف قلبه عن سواي من النساء واكفه واعفه بس

لا تستقلين بمفعول الدعوه الصادقه ترى نفس السحر تغير الحال

 

[monaty89]

وليش تخافين تفضحينها جدام اهلها ؟ اهي ماخافت تخرب بيتج واهو ماخاف على بيته وضناه
خافي يطحها فوق راسج
طرشيها انا كلمتج مره بهدوء وقلت لج وخري عنه وانتي وعدتيني توخرين بس الظاهر الكلام مافاد وهدديها انج قلتي حق ام ريلج وراح تبلغين اهلج وبيروحون لاهلها وهدديها ترفعين عليها قضيه قوليلها البسج قضية زنا مع واحد متزوج خوفيها بالكلام لاتبينين انج خايفه من شي كلش
واذا ماردها الكلام روحي لاهلها والله لايردج شي خل يقضبونها قولي تطرش لزوجي وزوجي مايدري منو وانا تأكدت انه رقم بنتكم قلبي الدنيا عليها خليها تعرف حدودها وانها مو سايبه اي والله بنات اخر زمن

 

[Sarouna__]

يا سسلام عليكم بنات الحين اللوم كله على البنت الي يكلمها .. وهو قووي العيين طللع برئ و لا بعد تحجز فندق له و رومنسيات وخرابييط !!!


وين قاعدين فيه انتم ؟ .. من جدكم تقولون كذآ ..


و انتي ياصاحبة الموضوع وين كرامتك ؟ وين الاحترام ؟ .. مبسسوطه علي هالوضضع ماتبينه يندم على الي يسويه فيك بسس تبين

توصلين للبنت للي يكلمها و تخربين سمعتها مدري وش ؟


يكون بعلمك لو وصل الموضوع لآي شخص بعايلتهم راح يخلونه يتزوجها عشان سمعتها و سمعتهم لانهم آهـل و عياال عم يعني سمعتها من

سمعته .. فككري فيها انتي لوحدك قداااام عائلته الي ماراح يرضون شئ يمس بنتهم ! ..


أنتي وين آهلك بالموضووع ؟ ما عندك نية تقولين لهم ؟ عطيهم خبر .. لان واضح انك مو عارفه وش تسوين او كيف تتصرفين ..

معاها ??

 

[-فلانة-]

شيلي قشج و روحي بيت أهلج، و خليه يحفر القاع عشان تردين له، خل يفهم انج ممكن تتخلين عنه بسهولة، بيني له انه اللي يلعب عليج تدوسين عليه..
الرجل الخائن يظل مرتاح بخيانته طالما كان واثق ان الخيانة هذي يمكن تزعلج بس انج عادي راح تطوفين و تسامحين، بس مجرد ما يحس انه بيته راح ينهدم راح يحسب الف حساب لكل حركة يسويها..
لا تتنازلين عن كرامتج في مقابل انج تحافظين على بيتج، ترى البيت اللي مالج فيه حشيمه حلال هدمه.
طلعي بكرامتج، و خليه يردج بعد ما تمسحين بكرامته القاع..
لا تحاولين تكرهينه في البنت، ولا تطرينها أصلا، حسسيه انها حشرة بالنسبة لج، حرام طاريها على لسانج،
خليج ذكية، و خليه من نفسه يكرهها، خليه يحس انها راح تهدم حياته، خلي حبه لها ينقلب كراهية من غير ما تنطقين بحرف واحد عنها، و عشان اسهل عليج الفكرة تخيلي واحد مدمن زقاير مثلا، و تخيلي انه هالزقارة سببت له السرطان مثلا، و الله رحم حالة و شافاه بعد معاناة و تعب و علاج و ألم، تهقين لين ربي شفاه بيرد يشتهي الزقارة و لا بيتذكر عذابه بسبتها و يكره حتى طاريها؟؟
اعتبريها زقارة، و طلعتج من بيتج هي العلاج القاسي لزوجج، و راح تشوفين شلون حبه لها يتحول كراهية..
شدي على نفسج و خليج قوية شخصية، و عمرج لا تسمحين لأحد يهينج زوجج و الا غيره، ترى درب المذلة ان مشيتي فيه ما انتهيتي.
موفقة خير يالغالية و سامحيني هذرت وايد بس عساها هذرة بفايدة.

 

[لجين بنت الزين]

انا من رأي
عطييها طاااااف.
من اللي محتر غيرها ؟! تتمنى لحظه مكانج!
انتي زوجته..حبيبته..ام عياله تنامين في احضاااانه

وهي بس علاقة محرمه وعارفه هالشي ومقهوره!! بس نزوه وبتروح
دام يحبك انسيها وبينسااااااها
قوليله دائماً أثق فيك وامدحيه
دخلي ف عقله الباطني انك مميزه وهو محظوظ فيج

وخلي. بنت عمه تتسلى بالنهاية بيتركها

بيني له أن واراك سند خليه يخاف


لا تتركين بيتج أخذيها. مني جارتي زوجها خانها والكل درى وما تركت بيتها واحترمها والحين خاتم ف أصبعها

 

[نوفآ]

قوليله بنت عمك ماتستحي وقليلة ادب وماتخاف من الله واللي مايخاف من الله ينخاف منه
لو فيها خير ما كلمتك حتى لو انك ولد عمها مكلمتك من ورى اهلها ليش متعوده هي ع هالحركات ! عندها خبره لدرجة ان اهلها ماشكوا فيها !!!
خليه يشك باخلاقها
قولي هذي ماحافظت ع سمعك ابوها ولا خافت من ربها هذي ماتحب هذي تلعب
لو تحب صج ماتكلمك تستحي منك بس هذي فاصخه الحيا وانا مااكده ان هي اللي قاطه نفسها عليك
وعايشه معاك فلم على مايجي نصيبها تقطك قطة جلب ولا تدري عنك وتنساك
بس تقزرها عليك وتعيش نفسها قصة حب محرمه
قليلة ادب ومو متربيه و جريئة ووقحه شهالوقاحه والجرأه تكلمك سواء متزوج ولا مو متزوج


البنت لا تكلمينها لا تخلينها تستانس انج محتره
و يمكن عي اللي داقه لان عبالها انج واح تفضحينها وراح يزوجونها غصب لرجلج
لا تجيبينها ضره لج بايدج
علمي ام زوجج وقوليلها وقولي ان البنت اعترفت
وقولي انا ماعلمت الا انتي لاني اعتبرج مثل امي و انا مابي صورة زوجي تشوه عند اهلي ومابي اهدم بيتي واضيع بنتي عشان وحده مالقت من يربيها


الله ياجرج ويفرجها عليج
ادعي في هالدعاء وراه تكون الدعوه مستجابه
لا اله الا انت سبحانك اني كنت من الظالمين
ولا تنسينا من دعائج

 

[نوفآ]

واستخيري الله قبل خطوة عشان ماتندمين

 

[Bnt aldo7a]

والله شي يقهر

لو انا منج اكت عليهم قاز واحرقهم

هاذي صج ما تستحي على ويها شلون تكلم ريال متزوج مافي الا تهددينه بالطلاق مب حاله هاذي بعد انتي عندج مشاعر ليش ما يراعي مشاعرج هو ليش متزوجج عيل

 

[دلال الكويت q8]

دايم قول عليها حسبي الله ونعم الوكيل

الله يكفيج شرها ولازم استغفرالله تبينين بطريقتج لزوجج انها راعية علاقات

عساه يكرهها يارب