ريلي ومستقبلي...؟؟!!

[frketa1]

حبيبتي انا كنت متزوجة وأدرس بالجامعة وعندي 2 عيال يعني وايد اصعب منج والحمدالله تخرجت،، بس أهم شي تنظيم الوقت
خلي وقت حق الدراسة استغلي الساعات اللي بين محاضراتج وانتي بالجامعة درسي فيهم ولما تردين البيت تفرغين لزوجج والتنظيف والترتيب خلي له وقت سوي جدول كل يوم شي اليوم غسيل باجر اوتي اللي عقبه تنظيف والله يسهل والمفاجآت خليها اليمعة والسبت

 

[cat walk]

الحمدالله انا تزوجت وانا باول سنه بالكليه وحملت او ولدت والله سهل وتخرجت ,اهو صعب بس الله سهل وعدت مرحلة الدراسه على خير

 

[خاطر مذبوح]

والله آنا ما ادرس حق الامتحان الا قبله بخمس ست ساعات اجابله مجابل واروح اقدم والحمدلله درجاتي كلها بين الa و a- وb+
هذا وانا ما ادرس الا قبل الامتحان بجم ساعه و تخصصي كيميا صعب بس القدرات تختلف من شخص لي شخص
اذا كنتي مكلفه بتنظيف وغسيل وغيره من شغل البيت لازم اتييبين لج خدامه بجذي حليتي جزء من المشكله ووفرتي عليج وقت
الوقت اللي وفرتي من يبتي خدامه تقدرين تجابلين فيه ريلج وتهتمين فيه وبنفسج.. واكيد راح يكون عندج جم ساعه للدراسه بوقت غياب ريلج عن البيت او وقت نومه او .......

 

[منيتي اسعده]

طلعت درجاتي كلها جيد اهئ اهئ
مولازم لوحه شرف >> شهاده وبس
وبصير محاميه انا وويهي خخخخخ

 

[همسة وله]

جيبي خدامة وفكي نفسج

 

[G!RLooNa]

الله يعينج زواج ودراسه :s

خصوصا الكليات العلميه الصعبه :/

 

[الغاليه نونو]

شوفي يمه اذا ساكنه مع حمولتج ترا الامور سهالات خلي الخدامه اتييج وتسنع لج البيت وانتي تسنعي وبنفس الوقت درسي واهم شي تختارين الوقت الصح للدراسه وتعطين ريلج حقوقه واذا اهو يحبج غصبن عليه يتحملج ويساعدج بدراستج

كل بناتنا معرسين واهم بالجامعه واللي بالمعاهد الله يتمم عليهم وكاهم اللي حامل واللي يابت تبارك الرحمن وماشيه امورهم اشزينهم
لا تسوين من السالفه مشكله ترا كل شي بيدج ان عرفتي تنظمين وقتج كل امورج بتنحل وتمشي مثل الساعه واحسن

الله يسهل امرج ويسخر لج حمولتج وريلج وتخلصين دراستج بالعفو والعافيه يمه

 

[احلى سماء]

مشكلتنا تنظيم الوقت
وخلي خدم اهلج يجون بالاسبوع مره متين يساعدونج

 

[DoDo909]

اي والله مشكله وعويصه بعد

خااصه بعد مااشرفت اميرتنا بنوتي الغاليه

سقطت بمادتين من تزوجت والله يستر من البقيه

والله احاول اضغط على عمري عشان اخلص مبجر قبل ازهق

 

[ام ساره 4]

حبيبتي ديري بالج على دراستج والله ماينفعج بهالزمن إلا شهادتج ووظيفتج وبس صدقيني أنا إختي تزوجت وكانت تدرس بالجامعه وحملت علطول ماقدرت توافق بين الدراسه وبالبيت من بعد ما كانت شاطره نزل مستواها حيل وفي ماده سقطت فيها 3 مرات وآخر شي إنفصلت من الجامعه من بعد ما اجتازت 95 وحده ومسكينه قعدت بالبيت واستغفر الله لا وظيفه ولا دراسه والزوج ماشاء الله لا يصرف ولا شي أي شي تبيه ماتقدر تجيبه وصبرت على هالحال 14 سنه وبعدها توظفت الحين صارلها سنتين متوظفه والحمدلله عالأقل تقدر تصرف على روحها فنصيحه شدي حيلج وتمسكي بدراستج وشهادتج والله فتره وتعدي وخصوصا إن ليلحين ماعندج عيال والله يوفقج إن شاء الله

 

[Stylista_Q8]

انا مو متزوجة

بس حاولي تنسقين وتنظمين وقتج اكثر وايد اعرف بنات كملوا دراستهم واهم متزوجين!

والله يوفقج ان شالله