ريلي ومستقبلي...؟؟!!

[منيتي اسعده]

قوه بنات شلونكم
انا توني يديده معاكم وهذا اول موضوع لي>> ارجو التشجيع

انا عندي مشكله واتوقع في بنات واااااااااااايد يعانون منها نفسي قلت نتشارك ونلقى لها حل انشالله
المشكله......................
..
..
..
..
..
..
..
..
..
..
..
..
..
..
..
..
((( الزواج مع الدراسه )))
والله معاناه وتعب :cxxxp: جم مخ لي ادرس ولا اجابل ريلي ولاانظف البيت واغسل واطبخ:dfgl: ولا اسويه مفاجات بعد؟؟؟
يعني اكون مشتته بين دراستي ومستقبلي وبين ريلي وحقه علي خصوصن ان كليتي صعبه بس لها مستقبل قوي انشالله
بتقولولي ليش تزوجتي وانتي ماتخرجتي اقولج صح كلامج ناس تقول( الريال بايد والشهاده بايد ) اذا تخرجتي فكري بالزواج
,,, بس النصيب الحمدلله
والحب لاعب دور بعد خخخخ :hjy5jewf:
وانا طول عمري متفوقه والحين... على الحفه خخخ مادري شلون بقول للوالده

ابي تقولون لي معاناتكم يلي تدرسون وشلون تقدرون توفقون بين الدراسه وبين ريلج وبيتج؟؟؟
وابي رايكم بصراحه هذه مشكله صج؟؟ ولا دلع ورباده مني؟؟
لان رفيجتي تقولي عادي مافي مشكله بس انتي (تنبل) وانا اشوف نفسي صج اتعب وهذا حدي خصوصا اني ابيت اهلي ماسوي شي كلش ومعتمده كله على الخدم
اول ماتزوجت ماكنت اعرف اشغل الغساله وكان ريلي يفتحلي الجوله خخخ

ارجوووووو الررررررد لو مجامله عالاقل تشجيعا لي

 

[رتو الكيوت]

ماكو مشكله الشاطر شاطر طول عمره

ناقصج تخطيط حبوبه ركزي ع دراستج لاحقه ع الزوج دراسه كم سنه وتخلصين وتقابلينه

المفاجات والاهتمام وهالسوالف في ويك اند + عطل

شي ثاني شغل البيت جيبي لج شغاله ولا نظمي وقتج كل يوم شغله ويوم بالويك اند تشطيب من اول لاخر

وهاذي ضريبه الزواج مع الدراسه الحياه مو مثل مانبي الي مو مو ظفات منكرفات فمبالج انتي

 

[ماكنتوشة***]

الله يعينج وديري بالج .....الشهااااده مهمة بهالزمن
انا وحده من البنات ماتزوجت الابعد التخرج ......لاني كنت مقتنعه 100%
الشهاده اولا" والزواج ثانيا"
والله يوفقج

 

[الاميره وبس]

مينتى اسعده كل كلمه قلتيها انا مثللللللك بالضبببببببببببط والله ماتصدقييين
بس انا الحمد الله عايشه مع حمولتى وهم الى يطبخون الغداء لنا ومرات يرسلون لى عشاء 00 ياحليلهم الله يوفقهم يااارب
وشغالتهم تجينى تنظف 00 بس انا اكثر شى انا الى انظف لانو اضييع وقتى بالشغل
بس الدراسه الله يعين يااارب
واكبر دليل انى بوقت الاختبارت ماتصدقين انا اسهر بغرفه واذا جانى النوم انام فيها ماروح انا م مع زوجى لانو اذا رحت الغرفه ادرى تروح علي نومه
وارجع من الدوام تعبانه ادور السرير وانام ولا صحيت الساعه اربع هو يجى ينام تخيلى ماجلس معاه الا بايام الويكند
<<<هذا بس بالاختبارت
<<<<وانا الحين قاعده اكتب لك والكتاب بحضنى لسى ماراجعت الله يعينى بعد شوى اختبارى
يالله التوفيق
وبدخل عاد لاركزت وصحصت بشوف وشو صار لانى نفسك بالتمام

 

[StrOnG WoMeN]

الله يوفقج بالاول بدراستج وبزواجج
اما ثانيا على موضوعج
الدافع الاول :انتي تخططين للمستقبلج لانج شهادتج سلاحج
وثانيا :زوجج يكون متعاون معاج وهذي نقطه مهمه**
وثالث:خلج على اصرار وبان لج هذف تكملين دراستج وبتفوق
ورابعا :حاولي بقدر المستطاع
تنسقين الوقت بين الدراسه وريلج
وكل شي يرجع بالدرجه الاولي لي مده تعاونكم مع بعض
والله يوفقج
فرحي الوالده بالنتيجه

 

[حلوه ولمآحه]

صح صعبه بس حاولي توفقين بينهم،،
يعني الغسيل خليه يوم بالاسبوع ،،
الغداء اذا لازم عندكم سويه وحميه االيوم الثاني العشاء ممن برا ولا انتي سويه،، بوقت هو برا انتي ادرسي،،
شويه شويه تعدي اموكم،،

 

[tmtmt]

الله يوفقج حبيبتي ..
انا يوم تزوجت معدلي نزل وااايد ...

ان شاءالله تعدي الايام على خير وتفتكين ...

بس حاولي تنظمين وقتج ...

 

[zanobita]

حبيبتي يبيلج تنظيييييييم كل السالفه يبيلها تنظيم لا اكثر انتي الحين بما انج تزوجتي صار زوجج واااااجب تهتمين فيه مهما كانت الدراسه فيها مستقبل و حياة يضل زوجج اوجب و ربج يحاسبج اذا قصرتي بحقه ... عموما حاولي تنظمين وقتج على حسب دوام زوجج يعني مو كل مايرد يلاقي الكتاب بيدج ... و ديييري بالج تحملين بهلفتره عشان لا يزيد الضغط عليج الا اذا انتي و زوجج حبيتو هذا شي راجع لكم...

و موفقه انشالله حياتي

 

[منار123]

اذا عندج فاينل أو حتى لو مدتيرم خلج عند أهلج درسي وخلصي ورديله وانتي متزقرته طبعا هذا اهم شي عشان يحس انه صج متزوج وتكسبينه
وهوموركات حليها عادي وانتي عنده وحتى لو قصير بس قسمي وقتج يعني خلي تنظيف كل ويك اند جمعي الملابس بعد شتسويين وسوي حملة تنظيف اسبوعية أوبالايام العادية عادي بس خلج سريعه واستغلالية للوقت يعني مثلا شي بالغساله شي يتكوى شي يتعدل أو تغيرين غرفتج ..والخ ، انتي بعد بيني وبينج لي حصلتي لج فرصه بالدوام روحي حلي بالمكتبه او اي مكان هادي ودرسي
والأهم من هذا كله لاتحسيين زوجج انها هذي عرقلة أو (مشكله ) بالنسبه لج عوديه على روتينات معينه بس مو (تتشكين ) ولاتضغطين عليه .

وصبري عاد كلها جم سنه ان شاءالله مع ان مادري انتي جم سنه باقيتلج بس ان شاءالله هااانت

الله يوفقج يارب وسهل عليج
وأتمــنى إني أفدتج يارب

 

[يوآش يوآش]

انا بنظري دراسه وزواج هلاك ومستحيل .. عندج انا مستحيل اتزوج قبل ما اخلص دراستي

الله يعينج وشدي حيلج واهم شي دراستج : )

 

[منيتي اسعده]

ماقصرتو عالردووود
الحمدلله انا ساكنه عند حمولتي والغدا كل يوم يصعدونه لي انا وياه لما نرد من الدوام
وغسبل الملابس على خدامه البيت بوقت الامتحانات
وريلي يشجعني على الدراسه
بس...... تعرفون عروس بستانس بطلع خصوصا اذا صارت عزايم لازم اكشخ وارتز طول العزيمه خخخخخخ
انا بقتلي 3 سنين درااااااااااااااااااااااسه
والحماله؟؟؟؟؟ ريلي يبي اليوم قبل باجر واحنا صارلنا 7 شهور متزوجين ولي الحين ماصار شي وانا حدي خايفه من الحماله مع الدراسه مشكله ثانيه بعد
يلا الحين اقول خل انجح بس بلا معدل بلا لوحه شرف >> كان عندي طموح دراسات عليا بعد بالمشمش خخخخخخ

 

[غلا عيوني]

ان شالله خيره لج وهذي الحياه فتره وتعدي وتذكرينها احلى اايام حياتج موفقه ان شالله

 

[Tender Heart]

عادي حبيبتي انا تزوجت باول سنين الجامعه ولازم تنظمين وقتج عشان توفقين بين زوجج ودراستج بس طبعا مو سهله هالشغله

 

[منورة الكويتية]

غيرج مو احسن منج
تذكري بهالزمن ماينفعج الا شهادتج بعد الله
لازم تضمنينها
وتقدرين بالتخطيط والتنظيم ترتبين وتنسقين بين بيتج ودراستج

 

[DooLy88]

نظمي وقتج حبيبتي

 

[StrOnG WoMeN]

حبيبتي الله يوفقج
بس عادي اول فتره تاثر عليج بعدين تاكذين ان شاء الله شهادتج وتكملين الي تبينه
احتي تزوجت اول كورس جامعه
ماشاء الله الحين مدرسه
وكلي امرج لله وربي مايقصر وانتي اسعي لدراستج
موفقه

 

[فرااااولة]

انا دشيت الجامعة ومعاي ريل لووووول
وكاني هالكورس تخرجت
وماكان الوضع صعب وايد لان الخدامة اتنظف والغدا من امي او اهل ريلي
على حسب مزاجج انتي اذا لج خلق تدرسين ولا لا لووول

 

[حبـ admant ـك]

الله يعينج صج صعبه
بس اهم شي يكون ريلج متفهم
خصصي لج ساعتين على الاقل باليوم للدراسه
قعدي بالغرفه بروحج وقوليله هالوقت مخصص لي عشان مايتشتت تفكيرج
ولا حزه اللي اهو يطلع خلي هالوقت لج ولدراستج
وعن المفاجآت وهالسوالف خليهم في الويك اند

 

[Princess Lady]

جيبي لج خدامه ( تطبخ / تغسل / تنظف )

وأنتي جبلي ( الدراسه / وزوجج )

حبوبه مافي الا هالحل .. وعقب لي ياج البيبي شبتسووين ؟؟؟ لازم لازم خدامه .. أنتي مو مكينه شبتبدين له !!

ترى الشهاده سلاح وعشان تثبتين نفسج في المجتمع مو تعلقينها لووووول

 

[اشتياق]

موفقه خير ياقلبي والبنات ماقصروا
..
كلنا نفسج وعقب عدت سهالات..