ريلي وطموحه متعبني !!!!

[جوري العين]

مشكورات خواتي
الموضوعراكبر عني حاولت اقترح عليه مشاريع ثانيه بس ما اقتنع

احس اني كرهته والله مب طايقه اشووفه حتي

وانا ما كنت اعرف عنه قبل الزواج وبعد الزواج بفتره طلع بهالموضوع

قلبي يتقطع مب عارفه كيف اتصرف كل الابواب انسدت جدامي

والي مرت بحالتي اكيد بتحس فيني

والله لايبليكم بما ابتلاني

مشكوووورات

 

[حبيبي مالكني]

ريلج حاط جدامه هدف ويبي يوصله
انا مابي اقول رايي بالفن لان مالي خص وكل واحد بيتحاسب بروحه عند ربه
انتي بين حلين يا انج تقررين توقفين معاه وتشجعينه على الي يبيه واهو راح يفرح بهالشي وراح يحس انج سبب نجاحه
او
انج تخلينه يشق طريقه بروحه يعني لا تساعدينه ولا تكسرين من عزيمته

والله يهدي الجميع

 

[أم لطووف]

مثل ماقالوو البنات اول شي الدعاااء له ان ربي يكافيه شر الفتن ماظهر منها وما بطن ويحفظه لج ..
ثاني شي فتحي عيونه ع مجالات ثانيه يقدر يثبت نفسه فيها ويحسن وضعكم المادي ويكتسب شهره فيها ..
الصحافه ،، التجاره ،، الرياضه ،، حتى الرسم والفن التشكيلي واذا هوو مو مكمل دراسته شجعيه انه يكمل بمجال يحبه ويبدع فيه سواء في الطب او الهندسه او غيره وغيره خليج اسنده لا تدقريينه وانتي تحكمي وسيطري ع طموحه خليه بذكائج وحباب وسعة صدرج يبتعد وينسحب من هالمجال اللي ربي يستر ع اللي ماشي فيها ووجهيه لشي ثاني احسن ... في واايد اشياء حلوو ومافي غضب رب العالمين وربي بيباركلكم ان شاء الله ..