ريلي ودوامه بالبنك ساعدوني لاعت جبدي

[Daleela]

اممم ما ادري حتى لو في بنك يشتغل وايد ناس من اهلنا يشتغلون بالبنك وعادي يمكن قبل لمن كان التوقيت يختلف ودوامهم ليه الليل ممكن بس الحين ساعات العمل اقل

انتي كلميه وقولي اللي بقلبج

 

[jooosy]

والله انا حاسه فيه
وما قعد اظغط عليه
ووايد احاول اني اغير جو
بس اهو واايد يتعب يرد يدور المخده
وفوق هذا لانه امرقينه الحين
فالمسؤله حطت عليه ثلاث ارباع الشغل
ويطلع اهو وياها اخر ناس من الفرع
يراجع الاوراق ورا الموظفين ويوقع عليها
فصار ضغط عليه وايد
لانه البنك كله شغل احسابات وتدقيق
حتى لما ادق عليه مو فاظي يكلمني
اسمعه يجمع ويطرح بالارقام
ويخليني عالخط وبعدين يردلي
والله كاسر خاطري
انا وياه ودنا انه يتغير دوامه
بس وين في مكان يظمن له معاش قوي
وفوق انه معاشه زين هم بعد مو املحقين عالمصاريف
فما يبي يروح مكان يقل عن معاش البنك

 

[jooosy]

والله انا حاسه فيه
وما قعد اظغط عليه
ووايد احاول اني اغير جو
بس اهو واايد يتعب يرد يدور المخده
وفوق هذا لانه امرقينه الحين
فالمسؤله حطت عليه ثلاث ارباع الشغل
ويطلع اهو وياها اخر ناس من الفرع
يراجع الاوراق ورا الموظفين ويوقع عليها
فصار ضغط عليه وايد
لانه البنك كله شغل احسابات وتدقيق
حتى لما ادق عليه مو فاظي يكلمني
اسمعه يجمع ويطرح بالارقام
ويخليني عالخط وبعدين يردلي
والله كاسر خاطري
انا وياه ودنا انه يتغير دوامه
بس وين في مكان يظمن له معاش قوي
وفوق انه معاشه زين هم بعد مو املحقين عالمصاريف
فما يبي يروح مكان يقل عن معاش البنك

 

[دنيتي^صلوح]

مسكييين اعذرييييه ميخاالف ياقلبي صبري واستحملي
واللي تبينه بالويك اند سوبفي طلعي استانسي
ربي يوفقج ويهدي بالج

 

[منو انت]

اذا اهو معدل نومه وينام بالليل بدري احس طبيعه دوامه عادي ترى حتى موظفين البترول جذي يطلعون 3 او 3 ونص ومع زحمه شوارع شوفي متى يوصل البيت بس ممكن يريح شوي ويشرب قهوه ويسبح حزتها يكون هادي ومرتاح انا اشوف ان الدوام مو سبب كافي صج تعب بس يمكن اهو مو حاب الدوام اعتقد لو يحبه كان هانت عليه المشكله شوي

لايكون منزعج من عتبج عليه خففي عنه صدقيني راح تخسرينه حاولي تسوين له اي شي يريحه يعني دايم بيني له انج مشتاقه له وانج تحبينه وتبين راحته والويك اند خلي يوم لج ويوم يطلع حق ربعه ترى بعد اهو محتاج يريح

وترى مافي احد مرتح بدوامه المدني زعلان والعسكري زعلان واللي بالبنك زعلان واللي بالنفط زعلان خليها على الله

 

[زوجة عزيز]

الله ايعينكم

 

[عبير-الشرق]

انا وحده من رفيجاتي تشتغل ببنك وتطلقت من ريلها بسبب تقصيرها لزوجها وعيالها عشان دوامها والحين في محاولات للرجوع الله يهديه لج ويسخره يارب

 

[EleGanZa]

انا اصدقه لانه رفيجتي ترجع البيت العصر

تافله العافية

حبيبتي غضي النظر عنه ايام الاسبوع

وخلي الطلعه والوناسه بالويك اند

وقدري ظروفه

ووقفي العتب والتشره لانه يخلي الزوج يهرب من هالسيناريو اليومي

بالذهاااب الى النوم

فوفو

معاها والله يعينج ان شاءالله

 

[دنيا أبوها]

يارب يعينكم و يسهل أموركم و يسخركم لبعض ....

 

[cat^q8]

اي معاج حق انا ريلي جذي قبل وصج كان يرجع ينام واذا قعد راح الدوام

لا وكان الفرع بالديرة وزحمممممة

وعلى حظه فرع يديد وماكو موظفين

اييه بس مايذبح عياله

اول ما يرجع ماي حار وملح الله يسلمج

وبخور بالبيت

اليهال دقيقتين بالصالة يحبب ويلمم بعدين اشغللهم مسرحية بالدار

اذا مانام بالصالة يروح ينام بالدار لي باجر

حتى اهوه يقوللي انا لي متى جذي !!

بس الحمدلله ان الفرع اليديد دوام واحد شوي ارحم من ذيك الايام دوامين حتى انا ما كنت اشووفه

فحال عن حال يفرق

و مااضغط عليه وايد

اخليه على كيفه متى ما بغى نطلع ومتى ما اشتهى مطعم على كيفه

والحمدلله شوي شوي بديت اسيطر عالامور معاه

 

[شموخي أنت يايبه]

الله يعنيكـ عاد لو منكـ أصارحه أفضل
يعني أعرفي منه السبب لاكن بأأسلووب حلووو وذووق وهالشي أكيد ماينخفي عليك
التحاور مهم بين الزوجين وفي النهاية قدري ووضعه اذا كان مثل ماقالوا الاخوات انه متعب
فاأنتي أصبري وبالوويكـ أند لازم لازم أنه يتفرغ لك
وبس||~
الله يوفقك ويعطيكـ اللي تبغينه

 

[شقرديه كيوت]

الله يعينج ويعينه

 

[dectora 7elwa]

اغلب الرياييل جذي ما يتكلمون موبس اللي بالبنك
انا زوجي دوامه شفتات ووضعي معاه جذي وازيد
هذا طبع الريال مو من الدوام
كا له خلق يطلع بروحه ويسولف مع ربعه

 

[miss_jamsheer]

انزين انتي اتقولين يقعد من النوم يطلع ليش يطلع خل يقعد معاج او يطلع معاج قوليله كا عندك وقت تطلع لك خلق يعني

 

[مناير ...!]

الله لايلومه
انا موظفه بنك وخذا وضعي
الله يكون بعونا
وصج ماتحسون فينا

 

[Tom ♥ Jerry]

.,


الله يعينه حبيبتي لا تضغطييين علييه
لما يرد البيت خلج مكشخه نفسج و مكشخه البيت ،
خليييه ينسااا تعب الدواام و لويته
سويله مسااج .، خلي هدوومه جاهزين ،
لما يقعد وياااج اذا مزاجه حلوو سولفي ويااه عن الشغلات الي يحبهم .،
و اذا مزاجه مو اووكي خليييه يرتااااح لا تتكلمييين
الطلعه خلييها بالوقت الي يكون ما عنده دوام يعني بالويكند .،
طلعه وحده بالاسبوووع وايد حلووو
و طلعي انتي بروحج مع اهلج مو الا مع زوجج دام تعبان .،

 

[ROYAL]

طولي بالج عليه الله يعينه وظيفته متعبه انا اختي تشتغل ببنك تري نفس حالته تقول ارحموني من ادخل الدوام لي الطلعه وانا مخي يفكر لا وقامت تعاملنا في البيت مثل العملاء اذا ناديتها بكلمها تقول لي هلا مرحبا تفضلي تعاملني رسميات بعد ما كانت تقول لي هااااااااااا شتبين خخخخخخخخخخخخخخ اسلوبها وايد تعدل بعد ما اشتغلت بالبنك صارت ذربه كانت دفاشه
طولي بالج وتاقلمي مع الوضع عادي مصيره هو بيزهق ويعدل وضعه معاكم والله يوفقكم يارب

 

[هذا مزاجي]

ماقصرو البنات فديتهم