ريلي ودوامه بالبنك ساعدوني لاعت جبدي

[jooosy]

اشلونكم بنات وشخباركم
انا زوجي يشتغل بالبنك
ابصراحه وظعي مأساوي
يرد من الشغل يبدل ينام
يقعد من النوم ياكل ويطلع
واذا قعد معاي امبي كله ساكت
انا احاول اسولف معاه بس ماكو فايده مايتفاعل معاي
ماكو ظحك ماكو غشمره الا نادر
واذا صار بالليل وبنام مايمديني اغسل وادش الدار الا واهو نايم
ساعات اقوله خل نطلع يقولي تعبان واذا قتله ليش ماتسولف يقولي راسي يعورني من الدوام
واذا زعلت يقولي لو دوامج مثل دوامي جان حسيتي فيني
يعني لي هالدرجه الي يشتغل بالبنك جذي يصير (صمٌ بكمٌ)
والا زوجي وايد يبالغ
انا ابصراحه لايعه جبدي من وضعي
حتى ولده مايجابله الا 10 دقايق وعقبها ماله خلقه
عطوني نصيحتكم
جوووود اقدر اغير شي

 

[franshiska]

اي حبيبتي
انا كنت موظفه في بنك وجنج تتكلمين عني
اهو يشتغل في خدمة العملاء ؟؟ بفرع يعني ؟؟
اذا بفرع تخيلي نفسج مكانه تقعدين من الصبح لي العصر ما عندج الا عملاء ومشاكلهم وحنتهم ورنتهم وناس ما تستوعب وقعدي فهمي فيهم
غير الاهداف اللي تنطلب من الموظف على شان تقييمه تحطه تحت ضغط
لااااااا تلومينه انا كنت نفسه لما ادخل البيت كنت اسلم وابي اسمه رد السلام بس مالي خلق اسمع احد يسولف لما طلعت وارتحت
ريلي يقولي كنت لما اطلع صوت تزفيني وانتي نايمه تخيلي ما احس بعمري من التعب

 

[zain-alq8]

نفس زوجي انا يشتغل بالبنك بعد لاتحنين علييه ولاتضغطين علييه ترا برووحه بيحس فييج بعديين

 

[iLLuMinaTion]

يوفر لقمه العيش

اكل العيش مر يا حياتي

والله يوفقكم يارب

 

[سارووونه22]

هل ايام الرياييل مادري شفيهم حتى انا ريلي مايسولف معاي صاير وكله يتشكى من دوامه وصج دوامه تعب شفتات وخصوصا دوام اليل

 

[الشهد كله]

تصدقون بنات حسستوني إن ريلها يشتغل في الجيش واحنا في حالة حرب لا سمح الله

اشدعوا ؟؟؟؟؟؟؟

شكو شغل البنك بسكوته بالبيت ولا عدم اهتمامه في ولده ولاب بيته ولا زوجته؟؟؟؟؟

آنا صار لي 17 سنة أشتغل في بنك وللحين أشتغل فيه ، أشوف عندي وقت فراغ أرد

عليكم فيه !!!!!!!!!!!!!!

لا يا حبيبتي الرياييل جذيه في بيوتهم ما يتكلمون بس إذا صاروا بالديوانية يقرق أكثر

من الحريم :bbbiu::bbbiu::bbbiu:

وبعدين عنده نهاية الأسبوع يقدر يتفرغ لكم في هاليومين ، معقولة كل يوم ضغط عنده

بصراحة مو مقتنعة :eh_s(2)::eh_s(2)::eh_s(2):

قعدي معاه وسأليه وشوفي ردة فعله شنو ، حتى إذا قالج مضغوط بالدوام قولي له سولف

لي عن العملا ومشاكلهم خليه يعطيج فكرة عن شغل البنك عالأقل اسم إنه قاعد يتكلم

معاج :eh_s(15)::eh_s(15)::eh_s(15):​

 

[q8 83]

عندي لج فكرة كنوع من التغير و عشان تخففين من الضغط الي عليه

سوي له هدية كوبون جلسة مساج و استرخاء من سبا تايم

تروحين لهم بس بقسم الحريم و تختارين نوع الجلسه و يسون لج الكوبون بنفس الوكت مكتوب عليه اسمه و نوع الجلسه

سويتها مره حق زوجي حده ستانس و من بعدها ادمن على سبا تايم

و ممكن تسوين عند مكان ثاني بس مادري وين يسون كوبونات الهدية

 

[فوفو22]

انا اصدقه لانه رفيجتي ترجع البيت العصر

تافله العافية

حبيبتي غضي النظر عنه ايام الاسبوع

وخلي الطلعه والوناسه بالويك اند

وقدري ظروفه

ووقفي العتب والتشره لانه يخلي الزوج يهرب من هالسيناريو اليومي

بالذهاااب الى النوم

فوفو

 

[jooosy]

بعدعمري كلكم
ومشكورين وماقصرتو عالردود
والله انه صج دوامه جنه بالجيش انظباااط مو طبيعي
الحين الي بالجيش عندهم أوف وياخذون اجازات ويطلعون بال١٢ و ال١
واهو يروح من ال٧ ونص ومايرد الا بال٤
صج يتعب
بس هم بعد لي متى بيستمر الوظع جذي
انا عاذرته بس لايعه جبدي
حتى لما اسولف معاه ما ياخذ ويعطي معاي كللللش
حلوه سالفة لسبا بس خوفج يدمن عليها  ويكشت فيني
والله يبيلنا سفره عدله انغير فيها روتينا الخايس

 

[Model Look]

وااي مثل ريلي اسحب منه الحجي تسحب

دوامه شفتات وهالايام حجز

يعني ما اشوفه ولي رد نام ويقعد سيدا الدوام مافيه مجال نتكلم

ومرات يتفطر بالدوام بعد

اوووف دوامه غثيييث :/

 

[بنت الفوزان]

الله يعينج

 

[عنود مطير]

الله يعينج

 

[franshiska]

تصدقون بنات حسستوني إن ريلها يشتغل في الجيش واحنا في حالة حرب لا سمح الله​

اشدعوا ؟؟؟؟؟؟؟​

شكو شغل البنك بسكوته بالبيت ولا عدم اهتمامه في ولده ولاب بيته ولا زوجته؟؟؟؟؟​

آنا صار لي 17 سنة أشتغل في بنك وللحين أشتغل فيه ، أشوف عندي وقت فراغ أرد ​

عليكم فيه !!!!!!!!!!!!!!​

لا يا حبيبتي الرياييل جذيه في بيوتهم ما يتكلمون بس إذا صاروا بالديوانية يقرق أكثر​

من الحريم :bbbiu::bbbiu::bbbiu:​

وبعدين عنده نهاية الأسبوع يقدر يتفرغ لكم في هاليومين ، معقولة كل يوم ضغط عنده ​

بصراحة مو مقتنعة :eh_s(2)::eh_s(2)::eh_s(2):​

قعدي معاه وسأليه وشوفي ردة فعله شنو ، حتى إذا قالج مضغوط بالدوام قولي له سولف​

لي عن العملا ومشاكلهم خليه يعطيج فكرة عن شغل البنك عالأقل اسم إنه قاعد يتكلم ​

معاج :eh_s(15)::eh_s(15)::eh_s(15):​

حبيبتي يمكن فرعج مو زحمة
و17 سنه اكيد مو كلها فراغ اكيد مريتي بايام مزحومه ومالج خلق احد

 

[خالف تعرف]

مسكين الله يعينه اذا مو قادر خل ينتقل حق مكان اريح

 

[الأميرة جوري]

دوام البنك يخلي الواحد احول من دوخه والكتابه اعذريه ياقلبي واتفقى معاه علي يوم يكون باجازه وسويله ليله خاصه وخلي الجو حده هادي او ليله مساج تنزل كل التعب عنه ومنها سولفي معاه ...والله يحفظكم يارب

 

[أميـِـِره]

الله يعينج

 

[•Brown•Sugar•]

تصدقون بنات حسستوني إن ريلها يشتغل في الجيش واحنا في حالة حرب لا سمح الله​

اشدعوا ؟؟؟؟؟؟؟​

شكو شغل البنك بسكوته بالبيت ولا عدم اهتمامه في ولده ولاب بيته ولا زوجته؟؟؟؟؟​

آنا صار لي 17 سنة أشتغل في بنك وللحين أشتغل فيه ، أشوف عندي وقت فراغ أرد ​

عليكم فيه !!!!!!!!!!!!!!​

لا يا حبيبتي الرياييل جذيه في بيوتهم ما يتكلمون بس إذا صاروا بالديوانية يقرق أكثر​

من الحريم :bbbiu::bbbiu::bbbiu:​

وبعدين عنده نهاية الأسبوع يقدر يتفرغ لكم في هاليومين ، معقولة كل يوم ضغط عنده ​

بصراحة مو مقتنعة :eh_s(2)::eh_s(2)::eh_s(2):​

قعدي معاه وسأليه وشوفي ردة فعله شنو ، حتى إذا قالج مضغوط بالدوام قولي له سولف​

لي عن العملا ومشاكلهم خليه يعطيج فكرة عن شغل البنك عالأقل اسم إنه قاعد يتكلم ​

معاج :eh_s(15)::eh_s(15)::eh_s(15):​

يمكن انتي البنك اللي تشتغلين فيه ماعليه ضغط
او الفرع اللي انتي فيه ماعليه زحمه
انا بعد كنت اشتغل بالبنك
وكانت حياتي الاجتماعيه شبه معدومه
ارد الساعه 8 << ع ايام الدوامين
ميته تعب انام مرات ما اكل شي
وما الوم الريال راد البيت فوق التعب لويه اليهال
امم بس يقدر بدال لايروح الديوانيه ياخذج وتطلعون بدون اليهال
بهالشي مقصررر .. يعني يوم لج ويومين لربعه مثلا

 

[رواسي الشوق]

ميخالف عوضيهم بالويك اند

الله يعينج

 

[رواضي قطر]

الله يعينك

 

[seedo]

شتسوين شغله يهد الحيل

حاولي تخففين عنه و تفرفشين يعني لما تشوفينه لا تكثرين طلبات ..