ريلي وحليب المراعي؟

[ZajiL]

الحليب البقري مايناسب اليهال الا بعد السنه
والحين اغلب شركات التتغذيه بتعليمات من المنظمه العاليه
صار الياهل ليه سنتين واكثر ياخذ حليب اليهال البودر الي مخصصه لعمره
اول شي لانه يناسب معدته وسهل الهضم
ثاني شي مدعم بالفيتامينات الي تانسب عمره من جذي كل مرحله مختلف حليبها عن الثاني
ثالث شي مكوناته وتركيبته ماتعدتم على حليب وبس فيه مكونات ثانيه غذائيه

انا لو منج مااسمع كلامه واظل على حليب اليهال
والله يعينج عليه

 

[عبث طفله]

من صجه ابوهم ..

انا بنتي سنه وشهرين ماقطعت حليب السيملاك عنها ..


وعيالج خدج يعني لازم حليبهم اللي واصفه الدكتور لين يقولج الدكتور خلاص شربيهم الحليب العادي

لاتسببون في الصغار

 

[ام ناصر 2009]

رد : ريلي وحليب المراعي؟

لااااااااااا طبعاا لاتسمعين كلامه حراام جهال ماتستحمل معدتهم
طفارتي الرجال اللي يتدخل ويسوي نفسه فااهم الله يعينج عليج

 

[غلا الروح79]

وي ياحافظ وش بلا الرياييل الله يهديهم لا لا لا والف لا لاتخلين ريلج يتصرف ع كيفه احنا عيالنا عمرهم سنه مانخليهم يشربون
الا حليبهم وانتم تبون تشربونهم وعمرهم توه ماصار لهم سنه وخصوصه انهم في حاله خاااصه خدج واااي الله يهديه ياارب
حبيبتى لا تكسبين ذنب بولدج تراهم امانه برقبتكم

 

[عسل مرت قيمر]

لا ترضين اصلن حتى بدون ماتسألين دكتور


شي مايدش العقل


هذيل يهال مايتحملون اي شي


الله يهديه ريلج


.
.
.

 

[حرم سي السيد]

لاحرام عليكم وخدج بعد الله المستعان

 

[شاي حليب وهيل]

الأطفال تحت عمر سنة جهازهم الهضمي ما يقدر على حليب البقر، وانتي عيالج روحهم خدج! يعني مايصير!!

 

[فركيته]

لالالالالا يأثر على الكبد وما يستحملون انا سألت دكتور ولدي