ريلي والانستقرام

[swanyway]

انا مافهمت ليه انت معصبه ؟

يعني احس عادي الانستقرام برنامج عادي طبيعي وهو علق بس وش صار خربت الدنيا ؟ احسك مع الحمل بالغتي برده الفعل والحساسية الزايدة

وبعدين مبين ان نيته صافيه لانه جاء وقالج لو براسه شر ماتكلم الحين انت بتخلينه يخبي وكل شئ من وراج عشان يفتك من الحنه

بكل ادب عقب الغداء و انتوا تشربون شاي وقهوة وبعد ماتشوفين التعليق كلميه حبيبي معليش ماترد على البنات بطريقة الاستهبال والمزح تراني اغار وفيه بنات يفهمونها تميلح و يظنون سوء مع تسبيله عيون وخلصت السالفة

 

[wesh jaah]

الصراحة. أنا موشايفة انه غلطان يمكن لانج اتغارين صارت ردة فعلج جذي بي كلللللللللش ماكان يحتاج الموضوع هل حجم
زوجج قصدة شريف وعادي مافيها شئ إذا علق على صورة وحدة على قولتة ماعطاها رقمة
وبعد الإنستقرام مافي خاص :eh_s(10):
وماتحرش فيها أو سوى اكاونتات من وراج أو أو أو ......
يمكن راح تزعلين بس للأسف انتي الغلط أنة :eh_s(17):
والله يخليكم حق بعض ولايفرقكم :eh_s(17):

 

[dectora 7elwa]

الله يسخره لج
والله هالتكنولوجيا يابت مشاكل للي مايستخدمها صح

 

[yam_yam]

هونيها و تهون انا اقول بس
هالبرامج خربت بيوت

 

[Um Tuki]

وايد كبرتي السالفة
الحين حتى لو ما كان منتبه عليها
بينتبه و كل مره بجيك عليها
بطريقتج هذي انتي اتدخلينها بمخه


و سالفة الطلعة انتي غلطانة

و ترى مو شطارة تحلين الغلط بالغلط

 

[انسام الكويت]

والله مفروض ساكته احسن عالاقل ايي ويقولج شنو علق وشنو حاطين يعني الريال ماخش عنج

لو اهي نيته شينه جان ماقالج ولا سولفلج شي وخش عنج الحين اتوقع خذا موقف منج مراح يقولج عن اي شي يخص الانستغرام

عمومااا هالبرامج هاذي ماوراها الا الخراب وطوفي اذا بيسوي شي غلط ترا يقدر مايرده شي بنات ابليس بكل مكان مو بس باالفون

اهم لاتعصبين انتي حامل وتراضوا مايصير جذي زعلانين ووكلي امرج لله اهو اللي بينفعج اكثر منا

 

[ابدا يالغالي مانساك]

عااادي هبة يهبوون فيهااا ويترركونهاا
وعاادي علق ماافيهاا شي بعدياااا



وعن طلعتكك زوجكك وعاادي يوافق او يرفض
هم جذي مرات يعاندون
موفقه

 

[خالتي قموش]

حسبي الله على اللي حط هلبرامج
صج خراب بيوت
الكل هاب فيها
بس مسيرهم يملون

 

[بحرانيـه]

اممممممممممم اغلب مشاكل المتزوجين هالبرامج تويتر وانستغرام لاتحطين ببالج وايد حاجيه وتفاهمي معاه مثل ماهو عنده بنات يتابعونه انت بعد لج صبيان يتابعونج شالمشكله او اثنينكم تلغون حساباتكم لاتشددين وياه بعدين يسوي من وراج

 

[أم حورية]

لانج تغارين بالغتي بردة فعلج بس دامه بالعلن وكان الرد عادي حاولي تطوفين

بس اختي ديري بالج ترا اللي تطلع من البيت من غير شور ريلها او من غير رضاه تلعنها الملائكة بكل خطوة من اول ماتطلع من البيت ليييين ترد

يعني يا انج كنتي مساحلته بكلمتين حلوين عشان تطلعين او انج قاعدة بالبيت

واهو عصب لان عنده الموضوع عادي وهم الريال ما يحب احد يحاسبه وكنتي تقدرين توضحيله وجهة نظرج باسلوب حلو مو بالهواش

لو كنتي مكلمته باسلوب حلو جان سويتي اللي براسج ومن غير هواش ولا يطلعج انتي الغلطانة

عيل وين كيد النسا !!

 

[وزيره الخارجيه]

من صجج انا زوجي ضايف بنات وايد بتويتر وعادي ولا وحده شكثر يمدح تغريداتها وبالعكس انا ضفتها جدام قلت له من كثر مامدحته انا ضفتها اهم شي الثقه بين الزوجين بعدين اللي يبي يخربط مايجي ويقول
الله يهديج ان ششاءالله
تدرين مشي حياتج عادي تكلمي معاه جنه مو صاير شي

 

[دلولتك]

حبيبتي ترا مافيها شي الانستغرام مافي نفس لتويتر خاص تكلمه ومادري شنو وحمدي ربج انه قالج خليج واثقه فيه ماله داعي كل هالعصبيه عشان برنامج

من حقج تغارين بس تكلمينه بهدوء مو عصبيه اممم شوفيني انا انا وريلي عندنا تويتر بس اي وحده تكلمه خاص على طول دليت يكلم بنات بس بالعام بحدود الادب واكثر شي هم البنات اللي يتحرشون واقولج شي في بنتين دايم يتهاوشون على ريلي اموت من الضحك يوم اشوفهم يقولي تعالي تعالي قعدي يمي شوفي هالخبلات ههههههه وابشرج عنده انستغرام بعد ... حبوبه خليج واثقه فيه لو يبي يسوي شي ما قالج

 

[To AMo]

انا مع البنات مدام ايه وقالج عديها لو في شي جان ما قالج

 

[live life]

اذا ضايفها يحق لج تحاسبينه وتسألينه بطريقه ما تستفزه تالي يعاندچ

اذا كلش باطه جبدج سويلها بلوووك وسوي بروفايل ريلج برايفت من غير مايدري جذي احسن تريحين وترتاحين

ولا تعصبين وتنغثين طنشي خوو

 

[مولاي الفرج]

انا مرة زعلت على هالسالفه

بس قعد يوريني شوفي هذي صور ويعلقون وجذي

عادي مافيها شي

وقالي بطلي انستغرام حطي صور اللي تعجبج

يعني عادي اقنعني

ومثل ماقالت اختنا

في ناس يستعملونه بطريقه بشعه فقولي الحمدلله

ولاتعصبين يالغيووووووورة p:

 

[بنفسجيه_Q8]

تعوذي من شيطاان غير زوجج يغازل اشكره وصوره متروسه الانستقرام غير اضافات البنات هدي الموضوع وخلي غيرتج لها حلا والله يصلح في مابينكم

 

[برستيجي مآركة]

ماقصروا البنات ربي يسهل امورج

 

[Mamselle]

انا ماني فاهما حاجا..ليش تكتبين بهالطريقااا؟ ترا كلها هاء واحدا و تنتهي السالفااا..لانا بصراحا افتر مخي في القراءاا

هههه اضحك معاج

 

[برنسس كاتي]

الصراحة ما الوم الريال جان انه انبطت جبدة
مو معناته انه تزوجج يعني لازم ينقطع عن العالم التكنلوجي ويعيش على جوال نوكيا
وكمبيوتر بو صخر عشان ما تزعلين
ما اشوف انه فيها شي هو رد عليها عادي يعني ما غازلها ولا قالها شي
رافعه ضغطج وهو الرد اصلا سخيف
والأنستقرام ماافيه طريقة للتواصل لا كلام ولا مسجات ولا بطيخ
لا تناشبينه على كل صغيره وكبيرة
لو بيسوي الغلط ما بيسويه قدام الناس
وعلى سالفة الطلعه ايه الغلط راكبج انتي الصراحة
لازم تعتذرين منه وشكرا

 

[نبض القلب]

توكنولوجيا دمرت بيوت

الله يعينا