ريلي كسر مجاديفي بعد ما شاف عملية التجميل

[بوسيcat]

الرياييل هذي سوالفهم انا نفخت كاني وطبيعي والله شحلاته ويهي واصلا محد ملاحظ اني مسويه شي الا اهلي اللي قلت لهم بس اهو بعد يقولي اذا فش اشبتسوين بتروحين بعد تنفخين يخاف اتعود على هالسوالف مثل ماقالت الاخت حقريه وكشخي واعتزي بلوكج اليديد وكوني واثقه من نفسج مرده بييلج0 والريال حتى لو عجبه مايبين ويمكن اهو مثل ريلي يبيه عاديه وما اسوي اي شي بعمري مايبي الناس تشوف شكلي وتغييري للاحلى0

 

[ريونه المزيونه]

ويييييييييييي حبيبتي يمكن شافج حلويتي ,, من كثر ما ملامحج تعدلت ,, هو استغرب ,, في ريايل احس مايبون المره وايد تلفت النظر.. وييي

بيزعل يوم ويومين ,, وبيرضى ,,,بعد انتي منتعدلت له,, وثاني شي حبيبتي انتي رديتي النظاره حق ويهج,, يمكن تعود فتره يشوفج بشكل ,, عادي

باقولج انا مره سامعه في برنامج ان في الدول الاجنبيه في ناس قبل مايسون تجميل ,, يروحون حق دكتور نفسي عشان يقدرون يتقبلون شكلهم اليديد

يختي انا رفيجتي خشمها كان منسدح شكبره,, سوته ويصير لج نتفه اينن وطبيعي,,, تدرين الخشم اينن وحلو ,, بس هي اصلا بنفسها حست انه ملامحا تبدلت ,, وشي طببيعي ,, وعقب فتره هي و واللي يعرفونها لازم بيتعودون على الشكل اليديدد,, حتى لوتصبغين شعرج ولا تقصينه قصه يديده ,, اول شي تحسين شي غريب ويديد بعدين عادي


انتي الحين استانسي وتعدلي ,, وان شاف الناس تمدحج الا بيستانس وبيغار.,, ويذكرج بايام قبل الزواج بالغيره

 

[حياة زوجي]

البنات ما قصرو
بس حبيت اسأل جم خذى منج لانى ودى ارح اسوى
ولما رحتى سويتى موعد متأخر ولا بسرعه رحتى له
عفيه ردى على
والابر يعورون والا وخز عادى

 

[نووونتها]

الله يعينج حبيبتي ,, ويهدي زوجج ياااااااااااارب

 

[قطوتي]

طمنينا شصار عليج ؟

 

[اخصائيه]

مشكورين كل البنات اللي ردوا علي وحاولوا يواسوني هذا العشم في بنات منتدانا
حياة زوجي خذا مني 325 دينار من ضمنهم فتح ملف والموعد كان عادي مو بعيد بس شفت ناس حاطين اساميهم بالويتنج اذا احد كنسل
اما بالنسبة للالم فوخز يعور شوية مو وايد عموما الالم نسبي في ناس ما يحسون بالم وفي ناس يبجون وفي ناس حسوا شوية وانا من ضمنهم

 

[اخصائيه]

قطوتي هذا انا علي حطتي بروحي زوجي مطنقر حتي ما نطرني علي الغدا مثل كل يوم تغدا مع امه وراح ينام وشكلنا بنتم جذي فترة بس حالتي النفسية الحين احسن وخصوصا لما بنات الدوام شافوا لوكي اليديد ومدحوه

 

[مراسي الشوق]

حياتي مالج شغل استانسي بالنيو لوك وبعدين الفيلر كل ما اتمر عليه فتره يصير اخلى خاصة بعد اسبوعين او شهر يصير واااو وان شاءااله بيقتنع ويستانس فيج وانتي عاد ساحليه قوليله كله عشانك وبكشخلك وانج مستانسه بالتغيير ومن هالسوالف والله يوفقج

 

[بوسيcat]

والله عياره هذا شكله يبيها من الله يروح ينام عند امه وامه شبتقول اكيد بتقول في شي بينكم الله يهدي بس وانتي لاتزعلين نفسج الدنيا ماتسوى0

 

[ريمه الكويت]

انتي كتبيله مسج تبين له انه الي سويتيه مفاجئه علشانه وانج تحبين يشوفج باحلى صوره

انا راي من راي البنات يمكن من الغيره سواا جذيه انتي كشخي ولبسي احلى لبس علشان اذا رد البيت يزوغ قلبه عليج ماعليج تلقينه ميت بس محتر لانج ماقلتي له والله يسخره لج

 

[شمس المنتدى]

شوفي حبيبتي انا ريلي مثل ريل قطوتي والله تقولين اخوان انا اقرا كلامها واقول جنه حجي ريلي ... مالج شغل هذي الغيره والله محد من الريايل يحب زوجته تبين حلوه اي حلوه حق نفسه بس لاتبين ملفته في قلبه منصطل عاجبه بس الصدمه وانه ماتوقع شكلج حلو انربط السانه ما عرف شيقول صبري خلي المياه تعود الى مجاريها بعدين بيقولج صايره حلوه انا والله يوم سويت شفط حق جسمي في يوم العمليه قال حق اختي والله حلو جذي الحرمه تهتم في جسمها وتعدله .. شفتي بس يخافون لانتمادي على قولة البنات لا بعد اهو مايدري اني في نفس يوم العمليه نافخه ويهي بس شاف القلم مرسوم على ويهي وعرف بس قال حلو ولما قتله بعد جم شهر ابي انفخ بعد قال لالالا خلاص انسي وحلفني شفتي يقولي ما ابيج تصيرين وايد حلوه وملفته جذي انتي عاجبتني صبري عليه جمن يوم وبتشوفينه ما يشيل عيونه من عليج

 

[Ť I Ỷ Y A ®]

هههههههه ، ابييه شكله انصدم
الله يهدي الجميع

 

[النويره]

الرياييل لو راده لهم يبي زوجته جيكره عشان يقول للناس زوجتي فيها وفيها عالبالج احنا نفس الاجانب اللي الوحده فيهم عيوز وعلي عكازه ويقول لها احبج ومدللها يعني بصراحه اقلها زوجج يقول حلو او يجاملج مو يعيطج ظهره
بالعكس خلج واثقه من روحج واهتمي بنفسج عيشي عمرج طاعيهم عيونهم مبققه علي هالممثلات وحق حريمهم يكسرون مجاديفهم
مبروك علي اللوك اليديد وعقبالي

 

[عاشقة الكاكاو]

حبيبتي المفروض تعرفين وجهة نظر ريلج بأمور التجميل بعدين تروحين تسوين هالسوالف

وبعدين ابتدي خظوة خطوة انتي ركض رحتي ولا سألتي الله بالخير

ماادري بس هو معاه حق لان لو احد يسوي فيني جذي ماراح أتقبله

والله يعينج

 

[فـلـفـلـهـ]

بنات رحت اليوم عند دكتور منذر وطقيت ابر فيلر لجوانب الخدود وخطوط الفم وتحت الفم وابر بوتكس لجوانب العيون والجبهة ونفخت شفايفي يعني اعادة تشكيل الويه والله العظيم كانت النتيجة واااااااو عجييييييبة حبيت شكلي حيل وكنت مستانسة وايد وحسيت اني صغرت عشر سنين رديت اركض للبيت هات يا كشخة وقميص النوم وروج وبارفان يكون بسوي جو.. من حقي طالعة بلوك يديد والله اول ما شافني ريلي قالي شنو هذا ليش مسوية جذي صايرة تخرعين احنا نضحك علي الممثلات وصرت اخس منهم وعطاني مقفاه وطلع ... اهئ اهئ بنات ليش الرياييل جذي بس تكسير فينا قاعدة اكتب لكم وانا ابجي ما خلاني افرح بشكلي اليديد

لانه الريال مايشووووووف بعيووونه .. والحب سخره من الله .. وزوجج عسي الله يهنيج فيه يحبج ومتقبل شكلج

وماعنده اي انتقاد عليييج .. وعمليات التجميل ماتجمل الحرمه بعيون زوجها .. بالعكس اللس يحب زوجته يحبها

بكل أوضاعها .. عسي الله يخليه لكم ويخليه لعياله ياارب .. ولازم تفرحين بزوجج

 

[قطوتي]

الحمد لله اخصائيه ان شكلج حلو هذا شي مهم وايد ..

بس الحين حاولي تراضينه نصيحه .. لان صدقيني اهو زعلان لان ماخذيتي رايه

دزيله مسج عزميه على العشا بره وشوفي رايه اذا وافق .. كشخي .. وهناك فهميه ان انتي تبين تفاجاينه

وتكشخين له .. وان شاء الله راح يرضى .. و تنحل المشكله : ) الله يهدي القلوب

 

[اخصائيه]

حبيباتي لان المنتدي العمليات الجراحية مو الحياة الزوجية فانا ما توسعت بالكلام وعن قصتي معاه بس حبيت اقول ان زوجي كويتي تربية لبنان يعني اوبن مايند ما عنده اعتراض ابد علي عمليات التجميل هذا اذا ما كان هو يسويها بعد هناك هذا غير ان يشوف ويطالع ويعلق ويطلع مزايا وعيوب اللي يطلعون بالتلفزيون والي نقابلهم بره هذا ليش مهمل شكله هذا ليش لابس جذي هذي شعندها قاصه شعرها هالقصة يعني بالعربي واحد يدقق حيل حيل حيل معقولة خواتي وحدة عندها واحد مثل ريلي وتهمل شكلها وتنسي عمرها انا مع العناية ومو مفتكة ..لا تلوموني

 

[قطوتي]

مانلومج

حتى لو ريلج مايلاحظ المره تحب دايم تكون جميله ومهتمه بروحها

المهم الحين شلون وضعج ان شاء الله رضى زوجج

 

[اخصائيه]

قطوتي امبييييييييه اليوم همن ما نطرني وتغدا والله العظيم صار لي يومين مو شايفته جنة السالفة صارت صج اذا عالعناد فماكو اعند مني هين ولا راح اعبره ومثل ما يتهرب انا بتهرب من ويهه ونشوف منو اللي باله طويل ويتحمل

 

[Turquoiseya]

مادري شقولج
بس ان شالله يتأقلم مع النيو لوكج الجديد