ريلي كان بيتوتي كان ياما كان :(

[njoom1]

رد : ريلي كان بيتوتي كان ياما كان

توه وصل
وشافني قاعده على الاب سلم وما ردي ياه وقعد اقبلي جان يقولي اشفيج امطنقره
ما رديت غير الموضوع وين اليهال هم ما رديت
جان يقولي اشفيج مو اليوم كنا طالعين من الصبح وبعدين رحت عندهم
هم ما رديت قعد يطالعني جان يروح ينام بالصاله

ليييييييييييييش مارديتي ؟؟؟
والله حبيبتي لا تعبين نفسج وتتضايقين ميخالف قوليله بالكلمه الطيبه قعدي معاه قوليله ولهت عليك
ليش مما نرد نفس اول ذكرييييييييه بأيامكم الحلوه ...

الحين اهو كان يكلمج وانتي معطيته طاف !!!!
لاتزعلين مني بس ما الووومه لين خلاج وراح نام

:blueSmCLR:

 

[صمــت_ALsHfaaH]

حبيبتي الله يكون بعونج

بس ترا كل الرياجيل بهالوقت يطلعون ويسهرون وينامون برا بعد وانا فااهمه ان هالوضع صعبه عليج

بس لاتكرهينه بقعدته بالبيت بالهواش بالعكس حاولي تغيرين بالبيت خليه لما يرد يلقى شي حلو سوي له مفاجاء او

ليله رومنسيه ومن هالسسوالف


واذا على النومه بالصاله ياكثثر ماتصير وياي بس انا عادي اجيب قششي وانسدح عنده اقول ماعرف انام بروحي

ولا اقول اخاف هذا اذا كنا متزاعليين

بس اذا متراضين اقوله ماعرف اانام وانا مو بحضنك< حتى لو كسر فيني اطنش

 

[sharshora80]

رد : ريلي كان بيتوتي كان ياما كان

مشكورين حياتي
كل وحده ردت الله يبعد عنها الهم والغم يا رب
بس هم ما اقدر اتاقلم مع الوضع وانا ما اتناجر معاه ولا اتهاوش بالعكس انا ماخذه الزعله على السايلنت هههههههههه
والله ما اتكلم معاه بس كل شئ بالبيت مثل ما هو التنظيف اغراضه زاهبه والغدا واليهال واكشخ والبس يعني جنه ماكو شئ بس ما اكلمه ولا اعطيه الشسمه وهذا بديت فيه من اول هاللاسبوع لما شفته نام بالصاله :bbbiu:

 

[جذابه بنت ذيابه]

رد : ريلي كان بيتوتي كان ياما كان

الله يهديه يارب

:eh_s(7):

 

[Laidy n3ooma]

رد : ريلي كان بيتوتي كان ياما كان

مادري شاقول لج الله يعينج

 

[انسام الكويت]

أنا حاسه فيج لأنه للحين أعاني مثل

معناتج يقعد برا أكثر من انه يقعد عندنا والله

انقهر حتى اليوم الجو غبار وهوا وطاق شلاله ورايح المخيم

مع انه ماكو أحد بالمخيم غير البنغالي مادري شلي حاده يبط

جبدي قعدته بالبيت عندنا أحسبها بالساعة إذا لقيتي حل ينفع

علميني فيه والله يسخرلج زوجج يارب ويهديهم لنا يارب

 

[manoolita]

الله يهديه لج و ترجع ايامكم أحسن من أول
بس نصيحه مني لج و اتمنى تتقبلينها مني بصدر رحب صدقيني الحقران و العناد ماراح إييب نتيجه مرضيه وبما أنه مو مقصر معاكم وحاطكم في الأولويه أنصحج بعدم الحقران و الهجر و طول الفراق عشان ما يمل و يطفش و يتعود على البعد عنج
وعسى الله يصلح الأمور للأحسن يارب​

 

[ألمـاااس]

الله يهدي سركم

:yaaaaaarb::yaaaaaarb::yaaaaaarb:

 

[Om_Ksha]

الله يسخره لج والله ضاق خلقي على كلامج ..
شوفي اانا حالي تقريبا مشابهه لج يعني اهوا معاي 24 ساعه ومو معاي 24 ساعه هههه
قصدي انه بالبيت مايطلع كله بالدوانيه .. بس هم انا مثلج ماشوفه خير شر .. غدا مايتغدا معاي عشا مايتعشى اللهم وقت النوم اشوفه ونسهر لي الفير بس هاذى قعدتنا ..

وساعات يزرق يصعد يطل علي وربعه يشقوووونه عاد اتنرفز يعني انت مجابلهم 24 ساعه شكو يطفرونك وجذي انا مرتك ولا اهما !! ترا توني ماصارلي سنه وجذي .. زهقت عيشتي كلا قاعده بروحي :eh_s(2):

لي كلمته يقول حمدي ربج مو راعي سوق ماسوق اقوله ماقلت شي بس مو متنقع بالدوانيه اقعد معاي تغدا بعد المغرب انزل ورجع امبجر بس لا حياة لمن تنادي ..
صار اذا صعد فجأه ادري مو عشان ويهي تلقين راسه يعوره ولا شي .. سوري دشيت عرض بس حيييييل حاز خاطري هالشي وكلمته ويعتذر وثاني يوم يتغدا معاي بعدين يرد نفس ماكان .. شنسوي بعد الله كريم

 

[<ام تركي>]

رد : ريلي كان بيتوتي كان ياما كان

اختي اسمحيلي اسلوبج مع زوجج غلط وان ظليتي جذي راح تخسرينه نصيحه اخذيها مني
تعاملي مع وضعه الجديد دام تقولين مو مقصر معاكم بشي :eh_s(17):
وانتي ما تقدرين تمسكين الرجال وتقعدينه غصب عندج اذا هذا اسلوبج تراه راح يطوف الاولى والثانيه
وبعدين بينفجر والله اعلم شبيسوي دورج تأقلمي مع وضعه الجديد بتقولين ما اقدر بقولج حاولي
دايم الكلمه الطيبه والحلوهخليها عالسانج ردي مثل ما كنتي قبل واذا يبي شي عطيه لا تمنعينه
لانه يقدر يسويه بسهوله يا زوجه ثانيه يا يلعب برا وانتي خصصي ايام تطلعون فيها مع بعض ومع العيال
وسويله سهرات في البيت يعني كل عطلة اسبوع سهره ولا تمنعينه من السهر مع ربعه وقوليله راح انتظرك
لين تجي صدقيني ماراح يتأخر بالسهر والرجال ما يحب احد يقيده لا تفقدين زوجج على اشياء تافهه
ولا تحطين راسج براسه شنو يسوي انا بعد اسوي مثله والله بتندمين خلي وضعج طبيعي ودايم حطيله
العذر واذا على قعدت البيت العصر سوي القهوه والشاي وقعدي معاه تقهوي وسولفي معاه جذيه
خصصتي لج وقت تقعدين معاه والعيال معاكم والله انا كنت نفسج وعاندت وكابرت بس قعدت مع
نفسي قلت ليش اخرب حياتي بيدي على شغلات تافهه اهو رجال يسوي إلي يبي بس انا إلي بخسر
في النهايه والله غيرت من اسلوبي وطبعي والله المعامله اختلفت 180 درجه معاي
الله يوفقج مع رجلج والله ان الحرمه إهي إلي تبني بيتها بيدها وإهي إلي تهدمه
وبيدها يصير جنه وبيدها تحوله لجحيم

 

[Om_Ksha]

ههههههههه كلا من موووضوعج ازمتي مشاعري هههههههه
قلت توه حق ريلي اني حشيت فيه قلت له سالفتج وردي عليج وقعدنا نتناقش ..

بس جدال عقيم ادري .. اعيد وازيد على نفس الحجي ومافي تغير .. اللي يبط الجبد انه اغلب اللي يجابلهم مطلقين ماوراهم شي .. ويقولي شسوي يعني .. شنو شسوي اهما يعتبرون عزوبين انت عندك بيت وعيال اوف قرقت قرقه وادري ماكو نتيجه

 

[** محبوبه**]

رد : ريلي كان بيتوتي كان ياما كان

توه وصل
وشافني قاعده على الاب سلم وما ردي ياه وقعد اقبلي جان يقولي اشفيج امطنقره
ما رديت غير الموضوع وين اليهال هم ما رديت
جان يقولي اشفيج مو اليوم كنا طالعين من الصبح وبعدين رحت عندهم
هم ما رديت قعد يطالعني جان يروح ينام بالصاله

لاتزعلييين من كلامي بموقفج هذا دلييييييييييل أنج جااافه معاه هو حس أن متضايقه وجاء يسليج وأستصعب سالفه الأعتذار وجاء يسولف جنه مااااصاااااار شئ وهذا طبع شبابنا يستصعبوووون الأعتذار ويجون بطريقه ثانيه ، مره ثانيه أذا جاء سولفي معاه وردوا مثل أول وقولي له أشوفك من شغل عنا وأحننا أولا من تنشغل عنا خصص لا يوم بأسبوع نطلع مع الأعيال وننونسهم ويوم لي أنا وياك نطلع نتمشى والله يوفقج:eh_s(7):

 

[lovely jojo]

الله يسخره لج ان شالله :yaaaaaarb:

 

[sharshora80]

رد : ريلي كان بيتوتي كان ياما كان

مشكورين بنات اللي دعولي ان شاء الله لكم مثل الدعوه الحلوه

انسام الكويت

حبيبتي الله يهدي ريلج وريلي بس اشوه انا ريلي مو لهدرجه لاء يقعد معانا بس من المغرب هم اللي يدقون والا اذا ما دقوا لاء يقعد عندنا
manoolita
ام تركي
محبوبة

حبيباتي مشكورين بس بصراحه انا ما اقدر والله تحز بنفسي ان ما اعرفوا الا توه لما وصل وينهم عنه قبل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟om- ksha
لا يمعوده لا تتهاوشين مع ريلج بسبتي باجر تصير بذمت

 

[Om_Ksha]

هههههههههه لا حبيبتي مالج شغل بس تأزمت من قريت موضوعج وتذكرت حالي .. وتفاهمنا ومايندرا .. كاهو ليلحين بالدوانيه لا دزيت مسج ولا شي اهوا قام يدزدز وانا مخليته على راحته بشوف متى بيصعد بس ..


وانا مع البنات صح كلامهم ترا ريلج الحين ماشاءلله اكيد معاشه تسنع وجذي لا تنحشينه منج لا يمل ويفكر اب مره حتى قعدته بالصاله غلط حاولي تقربينه شنسوي بعد احنا الحريم لازم نتحمل كل شي والريال ان شاف اي تغير من المره على طول يفكر يبدلها .. مو الكل الاغلب .. مايتحملون مالهم خلق حنه ورنه والحل عندهم سريع !!:eh_s(14):

 

[sharshora80]

رد : ريلي كان بيتوتي كان ياما كان

om ksha
شنو هالتفكير
ابد لا تفكرين بهالطريقه انتي توج باول حياتج الزوجيه
لاتفكرين ان اذا ما سويت راح يروح من ايدي والا راح يتزوج بالعكس الريال ما يحب المرى اللي ما عنده شخصيه وكل ما سوا شئ رضت شهالحياة ابدي وناسته على وناستي ليش بس علشان ما يتزوج لا قلبي هو حتى لو عنده ديون الدنيا اذا يبي يتزوج يتزوج في بنات هي اللي تدفع المهر بس علشان تتزوج ما يهمها

حياتي انا ادري انج خايفه علي بس تفكيرج جدا مو شئ وانتي توج باول سنه زواج
والله حتى لو ريلي سواها انا اهم شئ عندي انا واعيالي باللي يحفظه المهم نص معاشه لي ولعيالي وحتى البيت اللي بسكن فيه انا لي حصه فيه عمرج لا تدفنين عمرج علشان ريال حتى لو قلتي يستاهل بس انتي تستاهلين تعيشين حياتج بعد

ادري بتعصبين بتقولين هذي مو ويه نصيحه بس هذا الكلام لمصلحتج

 

[رحيل المرافيء]

رد : ريلي كان بيتوتي كان ياما كان

دام مو مقصر معاج خلاص شتبين فيه انتي
خليه يروح ويستانس كل هالسنين مجابلج بعد شتبين
احسن لج عشان يوله شوي يحس فيه تجديد
ومالج حق تمنعينه من نفسج نام بالصالة ولا نام عندج بالفراش هااا هو حر
اي اية اللي تقول لازم الزوج ينام مع الزوجة بنفس الفراش
خلاص معطيج كل حقوقج لاتصيرين انانية
ولاتهملينه طلع طلعتي سوى شي عناد سويتي مثله تصرفج غلط حبوبة
هو ريال يطلع ويدخل بكيفه بس انتي لازم تاخذين امره وشوره مو بكيفج
ولاتفتحين على نفسج باب باجر يتعرف على وحدة ويكلمها ويهدج تالي تتندمين
يعطي الريال اللي يبي وسوي اللي يبي
وخليه ينام وين مايبي خليه على راحته مو كل شي مناشبته عليه
الواحد ساعات محتاج يقعد مع نفسه خليه على راحته

 

[رحيل المرافيء]

رد : ريلي كان بيتوتي كان ياما كان

om ksha
شنو هالتفكير
ابد لا تفكرين بهالطريقه انتي توج باول حياتج الزوجيه
لاتفكرين ان اذا ما سويت راح يروح من ايدي والا راح يتزوج بالعكس الريال ما يحب المرى اللي ما عنده شخصيه وكل ما سوا شئ رضت شهالحياة ابدي وناسته على وناستي ليش بس علشان ما يتزوج لا قلبي هو حتى لو عنده ديون الدنيا اذا يبي يتزوج يتزوج في بنات هي اللي تدفع المهر بس علشان تتزوج ما يهمها

حياتي انا ادري انج خايفه علي بس تفكيرج جدا مو شئ وانتي توج باول سنه زواج
والله حتى لو ريلي سواها انا اهم شئ عندي انا واعيالي باللي يحفظه المهم نص معاشه لي ولعيالي وحتى البيت اللي بسكن فيه انا لي حصه فيه عمرج لا تدفنين عمرج علشان ريال حتى لو قلتي يستاهل بس انتي تستاهلين تعيشين حياتج بعدادري بتعصبين بتقولين هذي مو ويه نصيحه بس هذا الكلام لمصلحتج

اتأمرون الناس بالبر وتنسون انفسكم

وانتي ليش زعلانة عيل ودافنة نفسج عشان ريال باللله
حبيبتي اسلوب تفكيرج غلط
هذا انتو تكابرون وتعاندون لين يتزوجون عليكم ولايطلقونكم
حبوبة الريال ماسوى شي غلط
وتصرفاتج كلها غلط بغلط
وانتي الخسرانة لاراح لغيرج تعالي قولي هالكلام
هو ريال مايعيبه شي وخلي نص معاشه تالي ينفعج
ولايجوز لج انج تتمنعين عنه لايجوز
هو ريال اذا انتي ما اشبعتيه وين يروح؟؟؟؟؟ فكري فيها
باجر يقول حق ربعه ويقولوله تزوج ولا يعرفونه على بنات
لاتصيرين غبية

 

[أنا Top أنا]

رد : ريلي كان بيتوتي كان ياما كان



يختي مو مقصر عليج بشي احمدي ربج ..

اشتبين فيه تقابلينه طول الوقت ... ريحي شوي منه واهتمي لنفسج وخليه دااامه ما غلط بحقج ...

اكره هالنوعيه من الحريم اكرهها ...........................:rgewrg:.

 

[زوجة عزيز]

الله يهديه ويعود ايامكم الحلوه ونصيحه لا اتعاملينه بالمثل