ريلي طبيعي ولا انا مو طبيعيه

[@أم الصبيان@]

صبحكم عسل ياحلووووين .. بغييت اسالكم هالشي طبيعي ولا انا حيل حساسه ..
كان مسافر دوره وطول فيها .. وقبل مايرجع رحت وصبغت شعري وجهزت نفسسي .. وحتى سويت اظافري فرنسي .."لاحظو هالشي" تخيلوا ماعلق ولاقال شششي :eh_s(22): حتى لبست له قميص نوم ييديد .. هم ماعلق قلت ميخالف يمكن تعبان من الرحله .. وبعدها بيوووم هم كشخت ولبست ومستشوره شعرررري هم ماكو فااايده تخيلوااا !!
عاد انا جاااااان ابطهاااااا واقول له اششششششدعوا .. مالاحظت شعري.. مالاحظت شي فيني .. شسالفه :nocommint: جان يقولي مالاحظت قلت له اشدعوا كان شعري بني والحين اشششششقر ماتوقع فيك عمى الالوااااااااااااااااااااااااااااااان :eh_s(22): بس اهو عموما مايعلق ولايتكلم حددددددددددددده كتوم وهالشششششششششششششششششششششششششششي متعبني مادري شسوي ياجمااااااااااعه حدددددي تعبانه نفسياااااااااا ...​

 

[wafa82]

رد : ريلي طبيعي ولا انا مو طبيعيه

عادي عندنا وعندج خير انا ريلي مايعلق الا اذا سالته حلو؟ يقولي اي مايحتاج اقولج اقوله بلى تكفه قوووول انا احتاج وااااي الله يعينه على الجمود العاطفي

 

[سيدة المنزل]

رد : ريلي طبيعي ولا انا مو طبيعيه

أغلب الرجال هذاطبعهم
لكن نصحية دلعي نفسك وماعليك منه علق ولا ماعلق واذا هذا طبعه من ماتزوجت ماراح يتغير

 

[ريماس77]

رد : ريلي طبيعي ولا انا مو طبيعيه

ههههههه حلوه يوم قلتيله فيك عمى الوان الله يغربل ابليسج يبا الرياييل عادي ولايحبون يتكلمون الا بطلعه الروح عادي خليج نفس وضعج كل يوم كشخي وتمخطري لين هالمره يشوفج الله يهديهم

 

[dectora 7elwa]

انا يقول ما الاحظ
او شفته بس ليش لازم اقول:eh_s(11):
بس رديتها له يوم لبس سيارته من داخل خشب
قلتله واااي مادري شالسالفه مو اهتمامي ولا اعرف بالهالسوالف
قالي ما فرقت عليج :080402ask_prv:
بالليل جان اقوله البوز عشان سالفه السياره قال لا عادي
قلتله انت كم مره تسويها اكون مسويه تغيير وما تلاحظ يعني عادي
يعني ما علمته انه انتقام بس بردت جبدي:icon30:

 

[noo7a]

انتي قلتيها نوعه كتوم
انتي سالي
اشرايك بشعري
اشرايك بلبسي
سحبي الحجي غصب منه

 

[مرهفة الأحساس]

ترا رياييلنا يموتون اذا أبدوا أعجابهم فيج أنا اصبغ واكشخ ولايقول كلمه بس عقبها بفتره ذيج الليله شكلج حلو

 

[غُمـۈض بَنيـۃَ]

رد : ريلي طبيعي ولا انا مو طبيعيه

رجال كثاار كذا
فأنتي وفري ع نفسك التعب
وروحي اسأليه هاه فلان شرايك حلو ؟
وريحي بالك

 

[اشتياق]

دشي موضوعي(مادري ماعرف بهالسوالف)وشوفي سوالف البنات وبتسكتين لووووووووووول
ذكرتيني بفلم أجنبي
جيكي يعني أجنبي اللي عندنا قدوه بالرومانسيه
كانت عنده مهمه انه يسوي روحه بنيه يعني يقعد مع بنتين متنكر
والبنتين وحده فيهم كل ماترد من حبيبها تبجي
تقول مالاحظ
ورفيجتها تلمها وتقولها ميخالف ان شاء الله يلاحظ ويعلق المره اليايه
والريـال يطالع ومستغرب!!!
ولمن اخلصت المهمه ورد لمرته جان يقولها ترى حلو عطرج اللي حطيتيه ...
وحلو نفنوفج اللي لبستيه لي وحلو لون شعرج وقعد يعلق عقب ماعرف ان هالشي مهم عند البنات ويحبونه
يعني عشتوا مايعرفون بهالسوالف!!

 

[نور78]

رد : ريلي طبيعي ولا انا مو طبيعيه

هذولي الريااايل اصلا صار عندي مناااعه انا اكشخ وادلع نفسي حق عمري وكلماااا حسستيه انج واثقه من نفسج راح يسال عن التغيير

 

[اكابر]

يووووووووه عندنا وعندج خير انا ريلي ولاااا شي يلاحظ او حتى لو لاحظ ما يعلق يعني مو بس علي اذا كشخت او سويت نيو لوك حتى اذا غيرت بالديكورات او عطيت شي يديد ..

والله ساعات من كثر مايقوليما انتبهت ولا ما لاحظت اقوله والله يخوفي على يوم يبدلوني ويحطون لك وحده ثانيه وهم ما تلاحظ ..

ريلج طبيعي وانتي طبيعيه بس هذا هم الرياييل اغلبهم جذي ..

الله يعين

 

[شيخة الغراشيب]

الله يعييينج بس انا ريلي يلاحظ ويتمدح فديته
ماعليج انتي بادري واسالي شو تسويييييييين

 

[( مي )]

ترى في نقاط أو أمور البنت تعتبرها مهمة ومصيرية ،، بس الريال يعتبرها شي ثانوي ومو مهمة
احنا البنات ننطر المدح والغزل وانه يلاحظ الشي اليديد فينا
بس اهم ما يعتبرون هالنقطة مهمة لهالدرجة ،،

بنفس الوقت
عندهم أمور مهمة ينطرونها منا
احنا نعتبرها ثانوية او مو مهمة

اهم شي تكشخي لنفسج ،، ولا تنطرينه يعلق عشان لا تتعبين

 

[بحور المحبة]

رد : ريلي طبيعي ولا انا مو طبيعيه

انتي لا تبينين له انك متضايقة

بس اساليه بدلع يعني مثلا البس هذا ولا هذا

شو احلى اصبغ اي لون

عوديه انك تساليه بأدق تفاصيلك وانه رايه يهمك وامدحي ذوقه

وان شاءالله بعدين بيبدي رايه لحاله بس اهم شي الصبر

 

[مدام د.علي]

رد : ريلي طبيعي ولا انا مو طبيعيه

هذا مو جمود ولا اهمال بس هذي اطباعه .. عاد انتي تأقلمي على الوضع

وكل واحد يعبر عن حبه وسعادته بطريقته لا تجبرينه ولا تزعلين نفسج ولا تفتحين على روحج بيبان مسكره

 

[فـدوه]

رد : رد: ريلي طبيعي ولا انا مو طبيعيه

انا يقول ما الاحظ
او شفته بس ليش لازم اقول:eh_s(11):
بس رديتها له يوم لبس سيارته من داخل خشب
قلتله واااي مادري شالسالفه مو اهتمامي ولا اعرف بالهالسوالف
قالي ما فرقت عليج :080402ask_prv:
بالليل جان اقوله البوز عشان سالفه السياره قال لا عادي
قلتله انت كم مره تسويها اكون مسويه تغيير وما تلاحظ يعني عادي
يعني ما علمته انه انتقام بس بردت جبدي:icon30:

زييييييين تسوين فيه.... عشان يتعلم :eh_s(14):

 

[بنت فينا]

صارحيه قوليله انا مرى واحب اسمع منك مدح وكلام حلو حني مره مرتين وبيتعود

زوجج فظيييييييييع يرفع الضغط


انا اخوي عمره 11 سنه يلاحظ اسم الله عليه يقولي صايره حلوه ... او لون شعرج حلو حتى لو مغيره درجه من بني لي بني

انا الحمدلله ريلي والله لو احط قلوس شفاف تشوفين تعابير على ويهه بس في رياييل جافين مو حلو هالشي ابد

الله يعينج

 

[hneen2]

تري عادي اغلب الريايل عندهم جمووود عاطفي صدقيني بس تدرين هم صج شي يحر ياربي اتكشخ واتزهب واهو ولا كلمه صج شي يبط الجبد

 

[الأميرة جوري]

رد : ريلي طبيعي ولا انا مو طبيعيه

ينتبهون بس مايحبون يعلقون مادري غيره ههههههههه زوجى جذيه اقوله زين ليش ماعلقت قال لازم كافي انى شفته متغير <<شيء يحر

 

[جـــواهر]

ينتبه بس مايعلق

والرجل مخلوق بصري صااااااااااااامت