ريلي زعلان مني صارله يومين شسوي ؟؟

[غرور 9]

الله يعينه عليج يما قطيعه شنؤ هاللسان الي عندج
ودي تنحطين بموقف الي داش عليج ريلج ومعاه شريجتججججججج
بتعرفين ساعتها شنو يعني الخرابيط وطولة اللسان وعدم الاحترام الي عندج


عيب بابا عيب

 

[نكهةالبرتقال]

فوفو ،،،،، الله لايحرمنا منج

 

[دلال و غلا]

اختي اسمحي لي بسألج وين احترام الزوج ؟؟

النبي عليه الصلاة و السلام وصانا بازواجنا

وانتي ع شان يوم ميلادج اللي هو حرااااام تحتفلين فيه غلطتي بحق زوجج و سويتي سالفه !!!

الله يهدي كل ضال



*

 

[غلاتي غلا]

غلطانه حبيبتي
لو انا صج ازعل زعل دلع تغلي احسسه بالذنب واخليه يجيب احلي هديه
وعلي طلبي بعد
بس يعني سوال شكوووووو اهله
الله يهديج حبيبتي

 

[عسل مرت قيمر]

وايد وايد كبرتي السالفه حبيبتي

ومايصير تغلطين على زوجج مهما كان


كان في الفاظ مو حلوه

ادري انتي قاعده تكتبين لنا

بس هم مو حلوه


كنتي تقدرين تاخذين الي تبينه بدلع واسلوب حلو


ترا يمكن صج راح عن باله


وكان المفروض ماتدخلين اهله بسالفه


اذا عندج تعليق عليهم مضايقج كنتي تقدرين تختارين وقت ثاني زين وتتكلمين عن الي مضايقج بهدوء لان مهما كان اهله واكيد مايرضا عليهم



حاولي تعالجين الغلط ياقلبي


ولا تكبرون الموضوع ترا مو حلو الزعل يطول

 

[PuPa^^SWeeT]

حلوة و دلووعة

الله يهداج

الريال مايحب المرة اللي اتييب تراكم المشاكل كلها عند لحظة نسيانه شي من امورها


شدعوا

انتي كنتي قبل عيد ميلادج اتقطين نقزات انه عيد ميلادج ياااي


جذي ضيعتي على رووحج مراضاة حلوة بتصرف ما كان له داعي

 

[معصبه وايد]

نسى عيد ميلادج تدرين ليش من سوالفج من حنتج من الهذره والحجي الفاضي من سالفة امك وخواتك وحماي ومرت حماي ومرت اخوي واخوي ؟؟ وطلعاتي وطاقه الكل بالطوفه


هذا الي خلاه ينسى من اسلوبج وتعاملج معاه وحنتج ولازم تفرضين رايج فاهمه الزواج غلط انتي

اوكي انا ماقولج ان الزواج طباخ وتنظيف البيت وغسيل ملابس واتيبين عيال وبس لا عشان ماكون سطحيه الزواج حب احترام تضحيه شوق شنو كرامتي وماكرامتي الريال شراج من بد هالبنات ياخي فجي عنه شوي رحمي !! كافي سوالف اهلك واهلك وانتي ماتبين تدخلين اهلج لانج عارفه الغلط راكبج والحب مافي كرامه

حمدي ربج الي عندج مو مثل ريل اختي الي يصبحها بنعال مكرم الي يقرا الكلام ويمسيها بنعال ويتفل عليها وفوق هذا تطبخ حق اهله صبح وليل واهما خدامتين عندهم مايتحركون حتى ملابسهم تغسلها اهيا ويكرفونها حتى الفير يقعدونها من عز نومها عشان تقوم تسوي ريوق حق عيالهم وفوق هذا ساكته وصابره وهذي المفروض الي نقول الله يعينها زين منها متحمله هذي الي المفروض تشتري كرامتها وتطلب الطلاق وتسوي سوالف وتزعل مو انتي على كل شي قبيتي

حمدي ربج عالنعمه والله عيب الله يعين زوجج واهله واهلج عليج