ريلي راح حق المُدرسه الي طقت بنتي (تابع الموضوع الاول)

[blue rain]

زين سويتو فيها
حسبي الله عليهم كرهو الجهال بالمدرسه
بس لازم زوجج يروح المستشفى ويسوي تقرير حتى لو ما اشتكى بالمخفر ويصورون ايدها
عشان الله لايقوله لو تكررت الا عندج اثبات
وعسى الله يخليلج زوجج وعيالج

 

[أم عبووووود]

الحمد الله ان خذا حق بنيتج واحسن شي سويتوه ان هو اللي راح

لان هالمواقف يبي لها ريال ولو انج رايحه جان ماخذتي منهم لا حق ولا باطل

بس حطي بالج على بنيتج الله يحفظها لاتحط عليها

 

[سيدة الكويت]

خلاص خذيتو حقهم بس ديرى بالج لا تنتقم وتحط بقلبها خلاص انسوا وما فى داعى مخافر سامحوها ا دام بجت يعنى حست بغلطتها والمسامح

كريم وانتو اهل الكرم

واذا شفتى المدرسه باجتماع سلمى عادى ولا جنا سار شئ ...والله يعدى الأمور على خير ان شاء الله

 

[رفرف]

زييييين سويتو ...
لو الكل يتصرف مثلكم جان انقرضت هالفئة من المدرسات اللي يستقوون ع اليهال وحسبو حساب ..

انا مفهمة بنتي لو اي احد يمد ايده عليج اتيين تقولين لي لأن محد له الحق يطقج .. المدرسة تعلمج وانتي تحترمينها بس مو شغلها تطقج اذا غلطتي تقولي وانا اطقج واكسر راسج بعد بس محد غيري يمد ايده عليج !!

وصدقيني الناظرة بتتصرف وتعطيها لفت نظر محترم لأن هشي يأثر على سمعة المدرسة والناظرة اللي تتضرر فلا تخافين بتتصرف مثل ما وعدتكم ..

 

[al_gardenia]

الحمدالله بنات كلامكم برد قلبي شوي

بس مادري شفيني اوسوس اخلف اتسوي بننتي شي

وانتوا اتعرفون قلب الام مع الوسواس ياريت اتطمنوني

اتهقون تقدر اتسوي شي

وادي انقل عيالي مدرسه ثانيه مادري مادري

شرايكم

 

[dnyay_mll]

عفيـه عليه واللـه
زين يسوي فيهم
واللي اني قعدت احاتيج واحاتي بنتج وبعرف شصار عليها
بس الحمدلله انج خليتي ريلج يروح عشان يهزأها
وعشان تحرم ماتمد ايدها على اي طالبـه

 

[đeɱɛɼɑ™]

زين سويتواا
هالمدرسآت ما يخافون ربهم
ميخالف عاقبوا بس موووووووو بالطق@@
وعندهم اهل يتصرفون معاهم ..

بس تصرف حكيييم انه ريلج رآح ومو انتي

وعلى سآلفة انج تنقلينهم ..
صلي صلاة الاستخآرة وان شاء الله ماكو الا العآفية

 

[رقي]

الله كريم
ويخليلج عيالج
والمسامح كريم

 

[الكـ صمتـ ــلام]

الحمدلله ان راح وبرد جبدج اقهرتني لما قالت بتكزب<---قطيعه فوق شينها قوات عينها
المهم خلي بالج من درجاتها بس هالشي اللي ممكن اتخافين منه ولا ما تقدر تسوي شي ثاني:eh_s(15):

 

[المبدعة]

والله زين سويتي

من الو مرة الواحد لازم يحط حد

والله حالة طاقة البنت عشان تسولف

واللي يقهر انها مو كويتية يعني احترمي على الاقل غربتج شوي

والله احنا خدمنا ما نمد ايدنا عليهم و يكسرونا خاطرنا

اهم شي ان برد قلبج

 

[brettey]

زين يسوي
انا عن نفسي مجرمه اهجم على المدرسه الي تطق عيالي لوووووووول

 

[سيدة الذوق]

زين يسوي زوجج وانتي حتي لو رحتي زفتيها ماراح يبرد قلبج صدقيني ,, الرجال احسن يحترمونه لو رايحه انتي جان ماشافوج ولا عبروج

 

[FiOnKa]

زيييين يسوي فيها كفى و وفى .. و خلــــه اللي ما يشتري يتفرج على قولتهم ,,

بس ضرووري خل ياخذ التقرير و يسوي اثبات حالة و تستاهل اللي بيي لها بنت ابليس

يعني هذي طفله و طقها لها يعتبر (ضرب مبرح) حسبي الله عليها ما بقلبها رحمه

بس اشلون بنيتج اللحين عسى نفسيتها و ايدياتها احسن طمنينا عليها

اي صج طلبوا من الناظرة تغير المدرسه لا تتأزم نفسيه البنت من مجابل ويهها العكر

 

[أم وجيه]

خخخخخخخخخخخخخخخ جاردينيا آنا مثلج إذا ما رحت ما يبرد قلبي
بس زين سوا فيها بعض المدرسات ما ايون الا جذي
والله آنا للحين فيني حره عليها

 

[نسمه بارده]

اختي انا رديت بالموضوع الاول برد هني بعد
خلاص اهي الحين صارلها درس ماتطق احد يعني تتوب وتفكر مليون مرة
وماعليه جذي بتظل تحسب حساب وماراح تاذي بنتج
ادعي بس السنه تعدي علي خير
لانهم حقودين ماينسون

 

[.:!:. ونس .:!:.]

جذابه بعينها
جاهل يعني بتيلى عليج!

 

[ايثار]

الله يبرد على قلبك حبيبتي بس اهم شي تفكريون فيه الحين نفسية البنت
المفروض تطلبون نقل البنت لصف ثاني ما تدرسه نفس المدرسة
لان فيه وسائل ثانية غير الطق ممكن تحطم فيها بنتك وخصوصا ان بنتك هادية وطيوبة
ترهم لعينات بعض هالمدرسات اذا حقدوا ممكن تحطمها من غير طق فاهمة علي..
اطلبوا تغيير لصف ثاني واذا كانت هي ماسكة المرحلة كاملة اضغطوا على المديرة تغير مدرسات المرحلة وخلي زوجك هو اللي يروح ويتكلم لان باين عليه ماشاء الله جدا منطقي وكلامه موزووووون خلا حتى المديرة تنافض
وموفقة اختي واهم شي لاحظي بنتك في الايام الجاية

 

[ليالي العاشقين]

لا زين خليتي ريلج يروح ..
اهو ريال وصوته بس يهزهم ..
اذا انتي الي رايحه بتقعد وتحجج لج ..
وانتي بتمدين ايدج عليها وتصير سالفه ثانيه ...

 

[توتيه]

يعله للعافيه انه غسل شراعها

 

[tmtmt]

زين سويتوا بالعكس اهوا راح احسن بخافون من الريال اكثر من منج اتوقع ..

ما يفيد معاهم الا جذي