ريلج يدش معاج محلات قمصان النوم ؟؟

[zaaraa]

أنا ريلي ما يدش ولا اصلا انا ارضى ان يدش.... حلو انج تفاجئينه باللبس عليج ويشوفه اول مره على جسمج ... وبعدين مو حلوه الرياييل يدشون هالمحلات لو كل وحده بتدش مع ريلها ماراح ناخذ راحتناااااا احس فشله ... بس بالملابس العاديه بالعكس وايد يحب يشوفهم ويعطيني رايه

 

[ورد]

موضوع مررة حلو

بس طبعاً عندي يختلف لأنه الظروف غير
انا ودي يوم يدخل يختار لي بس ما يرضى يستحي ,, يعني ينتظرني برا لين انقي الي ابغى وبعدين اما ادق له يدخل او أأشر له على حسب عشان يجي يدفع لأني استحي ادفع عند الكاشير وهم رجال :$

وذكرتيني بسالفة صارت معاي اول مرة دخل الدخلة الفعلية وقام يطالع وش فيه
المهم دخل معاي مرة الصبح وكان فاضي وحسيته مسكين قام يبالع يقول لي هذا حلو ليش ما تاخذينه هههههههههههههههه وشوي الا هو يقول وهذاك حلو بعد ليش ما تاخذين زي كذا
وطلع يا قلبي عليه من يوم وهو في امريكا يشوفهم وخاشين مزاجه وينتظر اليوم الي يجي وزوجه تلبس زيهم ولما انخطبنا وانا اجهز راح معاي كم مرة وقعد يلمح لي
قلت له احنا في السعودية ما عندنا شغلات زي امريكا
حدنا نعومي ولاسنزا وايتام وهالطخة يعني اشياء كلها كلاسيك <<< وانا اصلا ادري انو نعومي يجيبو من الشغلات الي في باله بس استحي ولبعد العرس قالها بصريح العبارة فيكتوريا سيكرت فيه شغلات عجيبة وانا اقول له لا ما فيه عندنا زيهم
بس جا اليوم الي دخل نعومي معاي وشافهم وحسيته دار راسه يبغاهم كلهم

 

[([عطر رومانسي])]

هذا اللي ناقص عاد انا ريلي مايواطن السوق خير شر وكله رايح بالغصب
بعد هالمره يدخل محل قمصان نووووووووووم حده فشله
قبل جم يوم شفت واحد مع زوجته بمحل قمصان نوم تخيلوا شيسوي>>>>>
يمسك القمصان المجيسه واللي مغطينها بورقه بيضه ويرفع الورقه ومبقق عيونه ويطالع!!!!!
تخيلوا الصدمه والخبله زوجته تطالعه والوضع حده طبيعي عندها صج وقاحه وقلة حيا (اللي اختشوا ماتوا)
يارب لاتبلانا بأزواجنا قولوا اميـــــن بنات

 

[كتكوته و اموره]

لا طبعا اصلن اضايق من اللي دخل زوجها لاني ماخذ راحتي بالمحل وطلع علا طوووول

 

[eng.q8]

لا طبعا

 

[مريومه ام حمود]

والله هني بالديره اروح بروحي مع او مع اختي واشتري اللي بخاطري واذا مسافرين يدخل معاي خصوصا اذا كان العاملين ريااااايييل يدخل ويكلمهم بعد ,

 

[om-HaSsoOon]

لا ما ارضى احس انه فشله وماراح ناخذ راحتنا واحنا نختار لوول

 

[روحي تحب]

لا ابد لايمكن لاآنا ارضى ولاهو يرضاها بس صارت جم مره برا الكويت وهم ماعجبه الوضع مااحس انها حلوه واستغرب من البعض لما اكون بمحل قمصان نوم والقى ريال يمي داش مع زوجته ويتمقل باللي اشتريه كلش ماآخذ راحتى ويصير احراج واعصب واقوم اطلع ولااشتري شئ فيريت يعممون ممنوع دخول الرجال

ومشكوره صاحبة الموضوع طقيتي على الوتر الحساس ( وحده حدها منقهره) لووووووووووول

 

[الدنيا ربيع]

احس هذا مو مكان للرجال حتى زوجي يقول: هذي سوالف حريم ما احب احرج نفسي و الحريم الي بالمحل
مع اني ودي مرات هو يختار و البس على ذوقه بس يقول انتي و شطراتك

 

[Spoildish]

اذا ماكان فيه احد يدش معاي عادي بس اذا كان يوم عطله و زحمه لا لا اهوا يرظا ولا انا

 

[كشوخه]

لا والف لا ... فشله ... زوجي ما يرضى ولا أنا أرضى ... أحس شكل الريال بالمحل مو حلو .... وشكرا حبيبتي على الموضوع

 

[ام فطوم وحمود]

لا طبعا

 

[أم أنور]

اهوا خل يدش معاي المحلات العاديه أول

 

[sallyq8]

لا طبعاً ومليون لا

ما أحب ريلي يدش معاي ولا هو يقبلها لأن مو مكانه كلش
وحتى بالأماكن العادية مثل الملابس بعد ما يفضل يكون معاي بس ساعات يتقبل ويشاركني إذا مافي أحد بالمكان
بعدين ما أحب يدخل هالأماكن ويشوف القمصان وسوالف المشخلع حده أخاف على ريلي ينحرف وما يعجبه إلا هالسوالف
ههههههه (لا اتغشمر بس مو حلوه)

والأكيد ما أحبه يشوفني شنو أختار والقياسات طبعاً فضيحه ههههههه بس هو يحب أفاجئه وآنا أحب أفاجئه بعد
وتعودنا على جذي

 

[ام محمد3]

لا طبعاً ، ينطرنى بره ، فشله

 

[فديـت عيـونك]

لوووووووووووول يحليلكم بنات ردودكم تهبل الله يخليلكم أزواجكم ومشكورين ع المرووووور

 

[خذاك الموت]

موفقات

 

[amna_83]

مايدش معاي

 

[مطير عز علي عز]

بالكويت لا ماعمري سويتها

تعرفون الحريم شلون يخزون

بس برااا الكويت عادي يدش وينقيلي بعد

 

[نور ونوير]

لالالالالالالالالالالالالالا طبعااا ومشكوره ع السؤال