ريلج ياخذ سيارتج ؟؟ ومو عاجبج !! تقوليله لاتاخذها !! والا تسكتين ؟؟

[كادى الحب]

اعطية مافيها شى

 

[! بــدويه وآآيــد !]

،


ماعندي سياره وحتى لو اتوظف مابي اسوق
عشان مو اذا رديت من الدوام ياخذها ويروح وانا انقهر ماحب احد يستخدم اغراضي هالمره سياره !
عاد اهو مسجين يخليني اخذ سيارته ساعات

 

[ديانا سبنسر]

اي عادي ياخذها مع انه ماعندي سيارة

 

[الأمل لحظه]

ماشاء الله الجماعه كلها راضيه


تدرون بنات مرات اقوله لاتاخذ سيارتي حتى لوماعندي مشوار وهو يدري انه ماعندي شغل بس ارفض ليش انه يدخن وتلصق ريحه الزقاير بالسياره وتصير جنها مغبره

ويزعل مني على هالسالفه بس شسوي بعد اذا قلت له لاتدخن يقول زين واذا ركبتها انصدم شارب زقارتين اربع تسع زقاير عادي

بس الحين بعد ماسمعت ردودكم صراحه حسيت اني نحيسه وانانيه عبالي عادي ارفض مااعطي
واعليا مسكين زوجي
عليه بالعافيه من اليوم السياره

 

[((الزيــــــــــن))]

يااخدهااا ليش لاا الحياااة تعاون يمكن تخرب سيارته يمكن مافيها بانزين امنعه ليش شي عاااااادي وطبيعي جدااااا

 

[أحبه موت]

انا ما أحب اعطي ريلي سيارتي لأن مو حريص عليها وتنبط جبدي ويقهرني ياخذها ويدوس فيها وانا قاطه عليها دم قلبي والي فقع مرارتي اخر مره دازلي عالواتساب وبكل ثقه يقولي في خدمه حقكم الموظفات بالداخليه مسجات المخالفات اول باول توصلج شكثر عليج ومتى خالفتي والتفاصيل اول ما اشتركت بالخدمه جان اتييني 5 مسجات كلها مخالفات ومخالفاتي صاكه 150 دينار قلبي وقف من الصدمه انا بحياتي ماخالفت عاد دشيت على سايت المرور وشفت المخالفات بأي تاريخ والوقت متى ولا كلهم الفير عالساعه 4 و5 الفير ولمن قتله انت مخالف بسيارتي قالي لأ نكررررررررر قهرني قتله عيل منو الي يطلع بسيارتي 4 و5 الفير انا ولا اليني؟؟
اهني اعترف ههههههههههههههههه ولمن قتله انت الي راح تدفعهم وقف قلبه وقالي انا مالي شغل انتي دفعيهم ومن يومها حرماااااااان يحلم اعطيها اياه لدرجه اذا صار عنده شفت ويرجع متأخر انا اقطه الدوام واخليه يرد بتاكسي لأن يطلع الفير ههههههههههههههههههههه ادري بتقولون حقيره بس يستاهل فوق شينه قوات عينه هم مخالف وهم يبيني انا ادفعهم ​

 

[حبيبي اللة]

اعطي زوجي عاتي
بس مرة زعلت علية اخذ سيارتي وععطاة اخوةالمشكلة مرت حماي عندة سيارة
خذت سيارتة رحت دوامي بعدين خذيت عيالي من المدرسة وديتهم المطعم بسيارتة وخليت ريلي بالبيت