ريلج جم مرة يتصل عليج باليوم والليله

[ريكو الحلوه]

حبيبتي عااادي يمكن يعطيج مساحه من الحريه عشان تشتاقين له اكثثر

شوفي ايجابياته ولاتشوفين سلبياته دام زين معاج ويحبج ومب مقصر بشي خلاص عيشي حياتج مرتاحه ومستانسه ولاتفكرين باشياء صغيره وتخلينها تنكد عليج جووج وسعادتج معاه


والله يووفقج ويهنيج حبيبتي

 

[Um Rashed]

مضكورات يالغاليات


انا اصلا مسويه كل اللي قلتوا عليه


يعني لمن اطلع مكان اكلمه عالواتس وادز له صور مع ان انا المفروض طالعه واهو اللي يحاتيني

واسولف له بكل شي ..... استادنه بكل صغيره وكبيره مع انه لو ماعلمه ماراح ينتبه


مليت سنه وانا اللي ابادر ولو اقطع عنه الرسايل ماراح يهمه ادري


الحين صرت طاف ماكلمه عالفون خير شر خله هو يبدأ



لا وبعد ازيدكم من الشعر بيت جدام اهله مايكلمني كلش يستحي جني مو موجودة





ودي احس حياتي طبيعيه نفس البنات


صيح لمن يكون معاي مدلعني لاخر حد

وكلامه حلو لي
وكلش مايرضى بزعلي ومايرد لي طلب


بس همن انا لي مشاعر واحس

عاادي في رياييل واايد فيهم جرعة الحيااء والحياء من الايمان ...ولا تحاتيين انا بعد ريلي من هالنوع ماا يقول لي كلمه حلوه جداام اهله ولا يكلمني بحب يعني صج ساعات يحز بقلبي بس اعرف ريلي وطبااعه

 

[اذوب بكلامه]

عادي يا قلبي لا تكبرين السالفه
كل زوج وطبعه

 

[زبــــــــدة]

انا ريلي يدق علي وااايد حتى واهوا بدوامه ....


وفي ساعات مايدق يعني اذا رحت السوق او بيت احد مايدق ...وبصراحه انا ماحب يدق علي اذا كنت بالسوق او عند احد


يعني احسن خليه شوي يشتاقلج انا عادي عندي

 

[انيقه الملامح]

بالعكس احلا من انه يدق ويزعجج

 

[كويتيه فرنسيه]

اريح اغلب الي يدقون وايد يكونون شكاكيين

زوجج واثق فيج ومعطيج الحريه كااامله

 

[barish]

بالعكس اشوف حيل احسن و اريح

انا ودي جذي

و الله شلج بالاذية كل دقيقة وينج :/

 

[امـ خــزامـى]

حبيبتي انت تقولين عودتييه على اتصالاتك واهتمامك فيه

فجأه اقطعي كل شي لمدة شهر على الاقل
واذا رجعتي للبيت سولفيله انك رحتي لهالمكان وشريتي واكلتي بالمطعم الفلاني

واذا قالك ليش مااقلتيلي ردي عليه انت عاادي مايهمك وماتتصل تتطمن ولا شي
فماحبيت اشغلك بسوالفي

 

[najat88]

اشوف ان هاذي ميزه مو عيب
بالعكس واثق فيج ومخليج على راحتج
واللي تعلق ردي عليها على ضحك ان هذا اتفاق بينكم وبس

 

[Ms Zara]

حبيبتي احمدي ربك .. انا والله لايدق ولايسال ولايرسل مسجات واحيانا ادق مايرد

لاويقول لي لاتدقين حتى وانتي عند اهلك الا لشي ضروري ..

صرت اطنش ولما يدق ماارد .. ويدق لما ارد

وبالرغم من كل هذا يحبنييييييييييييييييييي

 

[عروسة فوشيآ]

مشكورات خواتي




كلمته

قال انا ادري وين تروحين وتيين ومابي ادق ااذيج بين الحريم

ويقول لي لاتطالعين غيرج ماتدرين عن اللي بينهم هذا كله ظاهر


واحنا الحمدلله مرتاحين




باخذ كلامه وابي ابرد قلبي خلاص يدق مايدق يسال مايسال براحته

 

[همي رضى خالقي]

انتي بادري ودقي

اذا شي تبينه سويه

يمكن اهوا يحز بخاطره بعد انتي تطلعين وتروحين ولا تدقين

 

[سكره في زمن مر]

اذا هو زين ومرتاحينالحمدلله
لا تخلين الشيطان يدخلك مدخل
بعدين عادي طفي عيون عنك شوي

في رجال يحب كل شي بينكم سواء اهتمام او غيرررره بالبيت بس

عندهم خصوصيه بزياده زي زوجي

 

[ملاك الأمل]

مو لازم يتصل .. اشوف الواتس اب يكفي واكبر غلط تقارنين بغيرج

 

[مجنونة موودي]

عاادي حبيبتي زوجي گان جذي بالضبط ولما أگلمه يقول ماله داعي واموت قهر والحين صار العكس يدق علي باليوم فوق ال20 مره والله بحقق لج اللي تبينه

 

[i'm so happy]

عادي حبيبتي لا تصيرين حساسه زياده عن ا للزوووم
انا اذا عنده سالفة اتصل واذا ماعنده سالفة ولا اشوف جوالي يرن هههههه

 

[عروسة فوشيآ]

مشكورات بنات ماقصرتوا

 

[M!ss CoLoRz]

خلي الريال يتنفس شوي وانتي بعد اعتبري اوقاتج بعيدة عنه اوقاتج الخاصة للتنفس

الريال يحب تكون له مساحته الشخصية ودامج قايلة له وين بتروحين ومتى بتردين خلاص وين المشكلة

انتي محظوظة زوجج يثق فيج ثقة عمياء وماعطج حريتج ومساحتج الشخصية

 

[ReD&FoSHia]

وضعج اينن صراحة
انا كل ما اطلع لو سينما لو مسرحية لو سوق لو اي مكان
يكسر التلفون علي و كل شوي يكلمني يضيع علي الفلم ولا المسرحية يقولي عادي كلميني الا اتشوفين المسرحية
قمت ما اطلع وايد لانه ادري يضايقني شسوي
وشكله ريلج يعطيج مجال حرية بالعكس حلو هالشي

 

[أم يزيد &سديم&]

كل المشكلة عشان مظاهر لا تودي ولا تييب (تجيب)
مظاهر مظاهر لمتى يعني وبعديين
بكرة والله بتحسين في الكلام اللي قلتيه

وبتقولين يا ليتني ما اتخذت هذه الطريقة وألحق ورآه
وبعدين المثل ولدك على ما ربيتيه وزوجك على ماعودتيه
هذا أول ٦أشهر من الزواج مو ألحين بعد ما طافت سنة بيناتكم
أحس مجرد إحساس ولك تقولين شوروا علي ودي أتطلق
هههههه