ريلج جم مرة يتصل عليج باليوم والليله

[عروسة فوشيآ]

قوة


شلونكم




بنات انا صار لي سنة متزوجة ... الحمدلله وضعي تمام مع ريلي




بس في شغله حازه بخاطري ... انا ماعتبرها مشكله ابد ... بس حبيت افضفض لكم



يا بنات انا لمن اطلع مكان وين ما كان الجامعه

كلش ريلي مايدق علي ... ساعات يدز واتس اب بس في ايام تمر كلش مايدز


لمن اروح لاهلي كلش مايدق علي بس لمن ايي ياخذني





اطلع مع خولتي ... او بنات خالتي مطعم او سوق مايدق


انا ادري ان ماعندي سالفه بس والله يابنات لمن اشوف اللي حولي ازواجهم يدقوت ينكسر خاطري


مرات اقعد بروحي ابجي ... انا المفروض ما اقارن ادري


بس مرة بنت خالتي قطت علي كلمه قالت فلانه عمرها ماطلعت ويانا ودق تلفونها





بنات زوجي مايمر يوم الا يقول لي احبج وايد وايد يقولها باليوم


ما اطلبه طلب وردني ابد

الحمدلله مرتاحين

مايقصر علي باي شي


بس ساعات استغرب شلون يحبني وجذي مايهمه متى ادخل ومتى اطلع ولا يدق علي


ما اقولكم دايم مطنش بس اغلب اوقاتي وطلعاتي مايدق علي

بس لمن ارجع البيت يسال شصار وشسويتي وياخذ تقرير




انا مابي حل ... بس ودي اعرف في وحدة نفسي ... هل هالشي طبيعي


انا ابي يكوت طبعي اني عادي ماهتم دق او لا

 

[عروسة فوشيآ]

اب

اب

 

[Patcholli]

انا زوجي جذي

مع ان لما اكون معاه بالبيت حيل احسه متعلق فيني
بس استغرب لما اطلع مايدز ولا يدق اللهم مره او مرتين بالكثير

اتوقع طبع ريلي نفس طبع ريلج يحب يتفاعل معاج وانتي جدامه مايحب من ورى التلفون .. يقول ماله معنى ..

 

[زوجة عزيز]

انا اقول يمكن انتي اذا تطلعين يكون اهو معا ربعه او معا اهله ومايحب يكلمج الا واهو بروحج ترا في ريايل جذي مايحب احد يسمعه واهو يكلم زوجته

 

[بحور العنا]

عادي حبيبتي انا نفس الشي ولا يحز بخاطري هالشي لاني اشوفها شغله عاديه مو مهمه علشان الواحد يدقق فيها
واصابعك مو سوا الرياجيل كل واحد وطبعه
انتي من نفسك لاتعطينها اهميه هالشغله ولاتدققين فيها علشان ماتكبر براسك وتصير لها اهميه
وموفقه خير حبوبه

 

[sh_mashael]

اهو شي عادي

بس انتي دقي عليه و قوليله انا بالمكان الفلاني
او الحين بدش السينما


او بعد اشوي بنمر المكان الفلاني تبي اجيب لك شي

او دزيله واتس اب
ممكن تدق ابي اسمع صوتك


ادعيلي بالتوفيق

 

[Canon~]

مع الاخت البارونه

 

[hend6363]

عادي
المهم انتي قلتي انه لما تدشين البيت يقعد يسال يعني تهمينه
في ريايل وايد ما يحبون الكلام في التلفون

 

[.. روحي تحبه ..]

..

يمكن اهو مايتصل عشان مايبي يزعجج أو يضايقج ..
ترى تفكير الرياجيل غير تفكيرنا ..
وعاادي سئليه شوفي جوابه ..
بس بنظري المسألة جدااا عادية ..
الله يوفقج ويهنيج ..

..

 

[Rooz Aziz]

انا زوجي كان نفسج
وكان يبيني اطلع من الشقه اذا كنت بروحي


عقب صار يدق ويسال وينج ووين رحتي
ومو حلو يسال دامه يدري اني طالعه مع اهلي


اهو قالي اذا رحتي لاهلج وبتطلعين مع امج عااااادي لاتقولين لي
اهم شي امج معاج


عقب صار يدقق ويسال وين رحتي ووين جيتي

 

[latkt7as]

انتي بحالتج انصحج عوديه
عوديه تتصلين
ترسلين
خليه يتعود ع جو المسجات والمكالمات
عوديه علي كثرتها
يبيلج اقل شي 4 شهور ولاتملين من بروده
بعدين اقطعي هالشي فجاءه

بيكون تعود يفقدج

 

[يتيمة جابر العز]

جوزك على ماتعوديه وابنك على ماتربيه

 

[orange blossom]

عادي حبيبتي
فيه ريايل جذي وايد
بس هذا مو معناته انه مو مهتم فيج... بس اهو طبعه جذي
انتي حاولي تعودينه على هالشي
انج تتصلين عليه وايد و تقولين انج حابه تسألين و تتطمنين عليه
و على طول تسمعينه كلام حلو
و انشالله يتعود

 

[دلووعه حبيبيي]

يمكن حط باله انج مشغوله مع اللي طلعه معاهم ومايبي يدق وزعجج

 

[Pinky -cat]

هالشي ترا ماله علاقة بكونه متهم ولالا بعدين انتي شوي شوي غيري طريقته ، مرة دقي انت ، مرة واتس اب
صوري صورة بمكان انتي فيه ودزيها سوي تفاعل مع الوقت بيحس انج تبينه يدق وتبينه يكون وياج ، يمكن اهوا
شاايف انه جذي معطيج حرية وفجه منه شوي ومخليج تغيرين روتين انج كله وياه ترا عادي في رياييل جذي
من زود حبه .


الشي اللي مضايقج حاولي تغيريه فيه لا تنطرين يتغير الرياييل صعب يتغيرون بس ممكن يتعودون على شى فا هني دورج عاد

 

[سندس 90]

مع باتششولي


شوفي انا اكررره اتكلم بالتلفوون هذا طبعي
يعني خواااتي اللي اهم خواتي لي سافرت وحده منهم مااكلمها واهي تستغرب يعني شدعوه
بس طبعي جذي
زوجج يمكن جذي

 

[طعنـــة غـــدر]

مع البارونه
وهم احسن خو الاوادم تقط اذونها على كل شئ لاحياء ولا مستحها واريح لج دام اول ماتردين يسألج ويقعد معاج انا اختي صرت اكره الطلعه معاها من ريلها وينج وينج وكم محل دشيتي واي سينما وزحمه والا فاضي ولوووووووووووووووووعه

 

[عروسة فوشيآ]

مضكورات يالغاليات


انا اصلا مسويه كل اللي قلتوا عليه


يعني لمن اطلع مكان اكلمه عالواتس وادز له صور مع ان انا المفروض طالعه واهو اللي يحاتيني

واسولف له بكل شي ..... استادنه بكل صغيره وكبيره مع انه لو ماعلمه ماراح ينتبه


مليت سنه وانا اللي ابادر ولو اقطع عنه الرسايل ماراح يهمه ادري


الحين صرت طاف ماكلمه عالفون خير شر خله هو يبدأ



لا وبعد ازيدكم من الشعر بيت جدام اهله مايكلمني كلش يستحي جني مو موجودة





ودي احس حياتي طبيعيه نفس البنات


صيح لمن يكون معاي مدلعني لاخر حد

وكلامه حلو لي
وكلش مايرضى بزعلي ومايرد لي طلب


بس همن انا لي مشاعر واحس

 

[شــــــــــــــوقــــه]

اي في احتمالات وايد من الي قالوها البنات و هم يمكن في احتمال اخر نفس طبعي انا

انا ما احب ادق على احد مادري ليش ما احب اسولف بالتلفون ما اعرف

يا جدامي ولا بالواتساب احد يسولف و انا ارد بس مو اسولف بعد

و ليلحين مادري ليش

 

[Um Rashed]

عاد تصدقين وحده كانت تشتكي لي من ريلهاا تقول ما يخليهاا براحتهاا وين ماتطلع 100 اتصال وينج متى اتردين ؟مع منو طالعه ؟ومتى يايه؟ياعه جم؟الخ....... يعني متصاايقه منه حيل ... فبحالتج هاذي حمدي ربج لانه اكيد الريال وواثق منج وبعدين الحبن ما ينقاس من عدد الاتصالاته عليج ... لا ادققين واايد واذا صج مضايقج الموضوع صارحييه عادي وقوليليه !! اتمنى لج السعاده في حياتج