لندن والسياحه عندج مانشستر بلاك بول برايتون ليدز ولندن نفسها فيها السياحه عندج عين لندن رحله على نهر التايمز عيون لندن اكواريوم الباص المكشوف لندن دنجوان ثورب بارك ليقو لاند
الاسعار متفاوته كانت عندي ورقه بأسعار الرحلات بس للاسف ضاعت اهناك
بشارع اجورد رود يسمونه شارع العرب ينظمون لكم رحلات مع الباص والتذاكر باسعار حلوه حتى لو بغيتي تروحين فرنسا او المانيا
وعندهم الحدايق الهايد بارك ريجنت بارك حلوه
الفنادق احسن شي مع انهم مو واااو بس كموقع ممتاز اهما كمبرلاند وتيستل ماربل ارتش وماريوت موقعهم بشارع اكسفورد شارع التسوق يسمونه السنتر
المشتريات واااااايد اول شي اكسفورد بوند ستريت ريجنت ستريت بيكادلي مالتون ستريت سلون ستريت نايتس بريدج هاي ستريت كينغستون شبردبوش كوفنت جاردن طبعا الاسواق في الرخيص وفي الوسط وفي الغالي
سوالف الماركات الحصريه تلقينها في سيلفردج بشارع اكسفورد وهارودز وهارفي نكليز بشارع نايتس بيردج
سوالف الماركات بنص القيمه بقريه اسمها بيستر فيلج تروحين لها عن طريق القطار حوالي ساعتين الا ربع من لندن
في قريه بعد اسمها ششتر بمانشستر نص القيمه الماركات الاصليه
معلومه تقدرين تشترين الرحلات السياحيه بلندن من السفاره عندنا بالكويت وهم بعد تقدرين تاخذين منهم بطاقه الاويستر هذي البطاقه شامله حق الاندرقراوند والباصات والترامات لان التكاسي نار وشرار عندهم
المطاعم العربيه الحلال في شارع اجورد رود شارع العرب
وطبعا الجو لا يعلى عليه
