ريحووووني الله يريحكم

[مونآليـزآ]

والله ماادري شلون ابدي الموضوع بقول لكم سالفتي انا حملت بولدي وطلع فيه تشوه بسيط والحمدالله علي كل حال المهم للحين مااقدر احمل الالما اروح لدكتور متخصص بعلم الامراض الوراثيه وانا شفتكم حيل تمدحون الدكتور ماجد الشمري وحطيت بالي اروح له بس المشكله زوجي مو راضي نهايا انه يفحصني يعني فحص داخلي وهالسوالف وادري فيه دكتوره خالده بس بعد فيه بنات وايد مايمدحونها عشان جذيه بغيت تفيديوني للي راجعه عند الدكتور ماجد منو للي خذا منها العينات وهل عنده دكتوره تفحص بداله وهو يشرف ياليت تفيدوني والله يريح للي ريحتني وينولها للي بالها يااارب 

 

[عروسة ريلها]

حبيبتي ليش ماتروحين للدكتوره خالده؟ ترى حرام ظليمتها شينه انسانه حبوبه ومحترمه حيل وتعطيج وقتج مومثل باجي الدكاتره طايرين بسرعه بسرعه!!! روحيلها وشرحيلها وضعج وشوفي شنو تقولج، وكفايه انها مره تقدرين تاخذين راحتج معاها اكثر من الريال وترى اهيا شاطره بتشخيص التشوهات لانها تخصصها علم الاجنه...

 

[مونآليـزآ]

انا ماعندي مشكله معاها ودي اروح لها بس شكثر مايمدحونها وانا عقب ولادتي بولدي تعبت ابي دكتور زين لاني كنت عند ماجده اليتامي وكل مااسالها تقول كل شي طبيعي وعقب الولاده لما سالتها قالت هذا امراض وراثيه قدر الله وماشاء فعل
حياتي ماقصرتي علي الرد

 

[عروسة ريلها]

الله يشافي ولدج ان شالله ويرزقج بالذريه السليمه قادر رب العالمين،، حبيبتي توكلي على الله و روحيلها وبترتاحين معاها صدقيني وماعليج من كلام الناس كل الدكاتره عندهم اخطاء طبيه والحافظ الله،، واهيا صريحه لو في مشكله بالجنين لاسمح الله بتقولج،، انا بحملي الاولي من سوتلي سونار قالت كيس الجنين موطبيعي الحمل موطبيعي ماراح يكمل وسبحان الله فعلاً وقف نمو الجنين ومافي نبض،، ادعيلي الله يثبت حملي ويعوضني خير

 

[اخت خالتهم]

تبين دكتورة ما تجامل و تعطيج وقت
روحي مهجة البدر فااهمه

 

[زين ودلال]

الله يكتبلج اللي فيه الخير ياااارب

 

[غرام القمة]

الله يعينج

 

[sosowaty]

عسالله يشافي ولدج

 

[مونآليـزآ]

جزاكم الله خير فديتكم والله يرزقكم بالذريه الصالحه ماقصرتوا

 

[حنان1983]

ما عندى فكره والله عند د. الشمرى الله يعافى ولدج ويرزقك اولاد معافيين ويفرحك بيهم ان شاء الله