ريحه عطر يسبقها وقعد الريحه اسبوع روعه

[ام يارا القمره]

صباح الخير ياحلات المنتدى
اقولكم سالفتي طبعا عمتي مسويه حفله لبنتها بمناسبه الملكه واعزمت الاهل
طبعا جو الاهل بس في وحده غريبه جت معهم صدق غطت على كل الحضور والغريب ان قبل مااسلم عليها شميت ريحه حلوه على بعد امتار قلت ياربي من وين الريحه وكل مره يقوى الريحه اكثر بصراحه دخت من حلاته الا وحده من صديقات الاهل سلمت علي تأكدت الريحه الحلوه منها المهم بعد الحفله الحلوه والبوفيه المفتوح
العالم راحت لبيوتها
المهم قعدت بالمجلس الا الريحه الحلوه ماسك في المجلس حتى زوجي واخوانه يوم ادخلو قالو من تعطر الحين وش هالريحه طبعا رحت لبيتي ونسيت الموضوع وبعد اسبوع ازور اهل زوجي الا المفاجئه ريحه العطر ماسك المكان صح
عاد قلت لام زوجي الله يعافيكي ابي اعرف مين هالحرمه ابي اعرفها قالت يابنيتي اول مره اشوفها بصراحه كشخه الحرمه ودليل عطرها الي مافرقت انفي
يالاخوات الي تعرف وش العطر الي تقعد اسبوع وريحتها ماتروح من المكان حتى لو طلعت منه
:eh_s(22)::eh_s(22): لانها تدوخ صدق
مين الي تعرفها وجعل يارب يسخر الي يحبونها

 

[ام يارا القمره]

الحين يالاخوات افتر ورى بنتي ماادخل الى وردود يوسع الخاطر وكل وحده تقول لي وش العطر الي تقعد اسبوع
ياربي حتى العطر دليل على ذوق الوحده حتى العالم يحترمونها
الدنيا مظاهر
وبصراحه تعبت من عطر سمسارا الي قاعد معي سنين وشكلي بطلقه خخخ

 

[برازيليه سعوديه]

ههههههههههههههه ياحلوك ياام يارا من وين بنعرف عطرها يمكن مخصوص لها فيه محلات تسوي عطور خاصه ومميزه او فيه عطور بعد ماتلاقينها منتشره ومميزه وغاليه...وايش فيه سمسارا يذكرني بايام الجامعه وكنت احبه بالشتا هههههه الله يسعدك بشغل الذاكره واشوف لك العطور القويه

 

[واثقة بجمالها]

صعبه نعرف عطر من غير وصف لشكل علبته او ع الاقل شلون صايره ريحته

مشكووورة حبووبه

 

[&موناليزا&]

حبوبه اشلون شكل العلبه او لونها ؟

 

[f@rsaq8]

يمكن مخلطة

 

[قمر الكوون]

شوقتيناااااااااااااااااا نعرف اسئلي احد يعرفها

 

[قاهره عذالي]

يمكن مبخره ملابسها ببخور خشب عادي مثل الكمبودي
وراشه على الملابس عطر فرنسي قوي + عطر عربي هادي بريحة العود او العنبر او المسك مثل وصال من اجمل او خلطة العود من الرصاصي او دهن عود عنبر العود داهنه فيه ورا اذونها ونبض الايدين وشوي بالجسم

مستحيل تكون ريحتها قويه
من دون ما تكون مبخره هدومها كلها
وحاطه خمرية شعر ريحتها قويه على بخور على عود
وماتكون متسبحه بشور جل معطر وحاطه بودرة معطره وديودرنت معطر ودهن عود مثل عنبر العود من الرصاصي على اماكن النبض لنفرض المجموعة اللي حطتها وصال من اجمل لان لما تبخرين هدومج وتبخرين وتحطين العطر وتحطين المجموعه تطلع الريحه عدل
واتوقع راشه على هدومها عطر وصال
مع عطر فرنسي قوي
يا لاليك الاسود لان هم البخور يساعد ان تكون ريحته فواحه او شوبارد اللي على شكل قلب الحب
هذي توقعاتي انها مسويه جذيه

 

[الجااونيه]

اي صح كلام اختي (قاهره عذالي )

لانه مستحييل عطر بروحه تكون ريحته فواحه هالكثر
اكيد انها مجموعه كامله والبخور والخمريه كلها تلعب دور بالرييحه وتخليها تفووح عدل

 

[قاهره عذالي]

خن احط لج الشرح بالصور
للي ببالي ممكن تكون مسويته

اول شي هذي مجموعة وصال من اجمل

اخر سبوحها تسبحت بشور جل مال مجموعة وصال وتنشفت
وحطت لوشن مجموعة وصال على الايدين والرجلين

وبعدين اخذت بودرة وصال وطبطبت على مكان اللوشن

وحطت ديودرنت يمكن يكون بدون ريحه مثل بايوت وحطت فوقه شوية من بودرة وصال

عندها عنبر العود من الرصاصي دهن عود

مسحت شوي على مفرق صدرها
وورا اذونها
وحطت على اماكن النبض اللي على الرسغ بالايدين والرجول


وشغلت بخورها الكمبودي وشعرها رطب ما نشفته عشان يمسك ريحة البخور

وبخرت شعرها وهو رطب

احسن بخور للتبخير الذاتي هو اللي يجيج خشب عادي ناشف

المهم بخرت شعرها وهو رطب عشان يمسك الريحه
وبخرت جسمها بعد وملابسها الداخليه ولبست ملابسها الداخليه
وحطت خمرية شعر مسحه بسيطه من فوق على شعرها لما نشف
عقب ما بخرته تكون ريحة هالخمريه قوية شوي لان هي الاساس اتوقع بهالريحه النفاذه والخمريات انواع في اللي ريحتها فرنسيه
في اللي ريحتها عود وبخور
لنفرض حاطتها ريحتها عود وبخور عساس ريحة البخور اللي بخرت فيه الشعر وهو رطب ولما نشف حطت مسحه على شعرها من الخمريه

لنفرض هذي الخمريه بس ريحتها بخور او عود


المهم اخذت عبايتها واخذت شيلتها ونقابها وغشوتها وملابس الطلعه وبخرتهم وهم معلقين ببخور الكمبودي الخشب اللي بخرت فيه نفسها
وهم معلقين بعد البخور
اخذت عطر وصال ورشت على كامل الهدوم العبايه والشيله الي بتروح فيها والنقاب وهدوم الطلعه سواء بدلتها او دراعتها او فستان اللي راح تلبسه للعزيمه
واخذت عطر فرنسي
اتوقع يا لاليك الاسود او شوبارد ما ادري
وهم رجعت وعطرت فيه الشيال والعبايه وفستان الطلعه

هذي صورة لاليك الاسود
او انها عطرت بعطر شوبارد هم ناعم وحلو
وهذي صورته

هذا عطر شوبارد

انا اتوقع هذي طريقتها او خلطتها
والله اعلم

ويمكن حطت بدال عنبر العود مسك العروسه من القرشي هم حلو

والله اعلم

بس هذي الطريقه هم تخليج ريحتج فواحه
واتوقع هم بعد انها لما بخرت ملابسها الداخليه رشت عليهم عطر قبل لا تلبسهم يا جوفان وايت مسك او عطر وصال
لانج تقولين فواحه معناها كل شي فيها معطرته ومستخدمته

 

[مواصله]

جرررربي اذا رحتي محل العطورات بخي لج بخه من نارسيسو وشوفي ثباته وريحته كلما مر الوقت صارت احلا

واذا عجبج اشتريه وسعره غالي شويتين

 

[مواصله]

خوووش تحليل قاهره *^

 

[معلمة شيسمونه]

ما شاء الله عليج قاهره

بس انا ما احب وصال والسبب انه في وحده اكرهه كله تحط منها لوووووووووووووووووووول
عيوز ذبحتنا فيها وشايفه نفسها فيها لهالسبب كرهتها منها والله

بس طريقتج شيييييييييييييييييييييي ونااااااااااااااااسه

 

[قاهره عذالي]

ما شاء الله عليج قاهره

بس انا ما احب وصال والسبب انه في وحده اكرهه كله تحط منها لوووووووووووووووووووول
عيوز ذبحتنا فيها وشايفه نفسها فيها لهالسبب كرهتها منها والله

بس طريقتج شيييييييييييييييييييييي ونااااااااااااااااسه

شوفي مجموعة لجين من اجمل هم بقوة وصال
وصال ريحتها مسك بمسك والمسك مميز ترا
تقدرين تحطين بدال عنبر العود مسك القرشي
وتستبدلين مجموعة وصال بمجموعة لجين من اجمل
الهدف تكون مجموعة بعطر شرقي مع تبخير ذاتي للشعر مع خمريه ريتحها بخور وعود لما ينشف الشعر تحطينها

هذا عطر لجين من اجمل تقدرين تستخدمينه مع مجموعته او انج تشترينه وتشترين من اجمل بودرة دهن العود حلوه او الافضل مجموعته وتستخدمينها بدال وصال

وان خلصتي سبوح وحطيتي لوشن المجموعه لجين وحطيت البودره بخري هدومج الداخليه وشعرج ورشي على الملابس الداخليه جوفان وايت مسك تلقينه بالجمعيه

وبعد ما بخرتي شعرج ونشف وحطيتي الخمريه وتكونين رطبتي جسمج بلوشن حق مجموعة لجين وحطيتي بودرته فوق مكان دهنتي فيه اللوشن والاباط شوي
حطي مسك العروسه ورا اذانج وعلى اماكن النبض

وبخري شيلتج وعباتج ونفنوف الطلعه بالبخور
وبعد البخور عطري العباه والشيله والنقاب ونفنوف الطلعه بعطر لجين

عقب والملابس وهي معلقه حطي عطر شوبارد على كامل الملابس اللي عطرتي فيها بلجين
اتوقع هذي الطريقه:eh_s(7):

 

[برنسس أميرة]

مووووووووووووووووووووووفقة
اوممكن المسك حق السادو وعندهم مخلط حرير رروعة بخة منه بس علي اطراف الشعر وتفوح الريحة

 

[قاهره عذالي]

مووووووووووووووووووووووفقة
اوممكن المسك حق السادو وعندهم مخلط حرير رروعة بخة منه بس علي اطراف الشعر وتفوح الريحة

فعلا
انا حاسه سر هالريحه الفواحه هو الخمريه وعطر الشعر القوي
لان بعض خمريات وعطور الشعر تظل اسبوع ريحته بشعرج
خاصه لما تكونين قبلها مبخره شعرج وهو رطب:eh_s(7):

 

[brettey]

ويه جان سالتوها

 

[ام يارا القمره]

تسلمو كلكم وخاصه قاهره عذالها

 

[ام يارا القمره]

وش قصدك بخور ذاتي قاعده احك راسي وش قصدك قاهره عذالها

 

[قاهره عذالي]

وش قصدك بخور ذاتي قاعده احك راسي وش قصدك قاهره عذالها

يعني بخور
تبخرين نفسج فيه
تبخرين
شعرج وهو رطب
عباتج
ملفعج
ملابسج
ويفضل يكون خشب فقط
يعني عود خشب جاف لا معمول ولا معطر
مثل العود الكمبودي