ريحه البيت والسجاير :(

[مس دلال]

السلام عليكم ورحمه الله وبركاته

شلونكم بنات شمسوين ؟



































:0bee2e8d89:
بنات اللي عندها اخ او زوج او اب مدخن

شيسون بالبيت أقصد الريحه انا ماحبهااااااااااااااااااااااااااا

ومهما انفتحت الشبابيك تبقى الريحه في

خصوصآ لما تكونين توج راده من برا تمشين الريحه قويه بعد

لا فواحات ولا بخور ينفع لأن الغرفه تشبعت

الهيلب ياجماااعه

​

 

[حروف من ذهب*]

اشتري منقي الجو وحطيه في شقتج بنت عمي جذي زوجها يدخن وكل ما دخن شغلت المنقي او الي عندها شقه صغيره وريحه المطبخ تحطه ويشفط الروايح وينقي الجو
وهذي صورته تلقينه عند الغانم

 

[الأميرة جوري]

الله يعينج السجاير مشكلتها مشكله وماتروح لو بخوووور ماثبتت نفسهم ,,,,,,,,,,,

 

[angel 3ohaa]

عن تجربة أحسن شي بثواني يمص ريحة الزقاير و الطباخ أحط فانيلا بودر على الفحم وبسرعة تختفي الريحة وبنفس الوقت تنتشر ريحة الفانيليا

 

[مس دلال]

مشكورين بنات
بحاول اشتري الجهاز
وبجرب الفانيلا عاد انا اموت ع ريحتها

 

[رفاعيه]

اختي ابوي يدخن وفي جهاز تشترينه يشفط الريحه احنه حاطين واحد بغرفته وواحد جنب الكرسي الي اهو معتاد يقعد عليه تحصلينه في محلات الاجهزه

 

[الجفول&]

استفدت من تجاربكم
يسلمو بنات

 

[نــوي]

حبيبتي لازم تفتحين الشبابيك اول شي ( ادري ان هالشغله ماتكفي بروحها بس ضروري سواء لريحه الزقاير او غيرها )
ثاني شي مثل ماقالو البنات المنقي اللي يشفط الريحه ( وسئلي اللي يبيع قبل لاتشترين قوليله اذا يصلح للسجاير او لا لانج تبين افضل نوع )
ثالث واخير شي العطور عندج البخور او الرش العادي بالنكهات اللي تحبينها فانيليا فراوله ورد اي شي

 

[أم علاوي 14]

نفس معاناتج .. مليت من ريحة السجاير

عاد مرة الفشلة اتخيلوا قلت حق صديقتي بالداوم افتحي شنطة اللابتوب ، وجان اتقول لي انت اتدخنين

فشلة وعاد انا ام العطور والبخور وكل انواع المعمول الاماراتي عندي بحكم أهلي بالامارات

ولكن بدون فااايدة ...

شكلي باخذ المنقي بس هو مب مقتنع ،، يقول لي واحد من ربعه حاطه ببيته ويقول ما مستفيد منه

 

[DooLy88]

نفس المعاناة

بجرب الفانيلا

وبخليه يشتري المنفي

 

[الجوهرة الثمينة]

وانا نفس الشئ وشقتي صغيره ان شاء الله ينفع

 

[لهفة المشتاقه]

المشكله بالسياره الصبح واحد من خواني يقطني الدوام عاد على الريج يشربها
تخيلو يقولون البنات احنا نشك فيج تدخنين توني متعطره ريحت الزقاير ثابته ماتروح على الملابس

 

[زينة الشرق]

الله يعينج صج ريحة السجاير تلوع الجبد بس أهم شئ يكون في تهوية لأن ما ينفع أي ملطف من غير تهوية