ريحة كبتي و حمامي ..... أبي حل

[أنوار5]

السلام عليكم

كبتي جديد و ريحة الخشب ما راحت... أبخره بس ريحة الخشب موجودة ما راحت... صارله أكثر من شهرين

منزعجه من ريحته تلزق بالملابس...

أبي أي حل فتاك لمشكلتي...

و حمامي عزكم الله... أغسله و أرش ملطف جو بسرعه تروح الريحه... ابي شموع معطره ريحتها حلوه و قوية يعني تثبت...
شريت شمعه من قليد بس ريحتها ماتبين...

ابي الشغلات اللي تعلقونها بالحمام و تخلي ريحته على طول حلوه
من وين تشترونها

أبي حل...

 

[ام هالدنيا]

في بجمعيات كور تعليق حق الحمامات بس ثلاث ايام وتروح وتنشف وتصغر بس بعد في بخاخات حق الحمامات انتي بس روحي الجمعية قسم المبيدات الحشرية وتنظيفات وشوفي هناك ارفف حق هالشغلات

 

[شيــوخه]

الله يجزها خير عضوه معنا بلمنتدى اشسوت وةانا ماشيه على نضامها

اتيبين غرشه بلاستين وتفتحينهاا اتسوين فيها كذا فتحته اوكي ويبي صابون االعملاق جان اتعرفينه حطيه فيها وبعدين هذي الغرشه حطيهاااا

بلسيفون وكل ماتدشين الحمام او اتغسلينه من تسحبين السيفون تطلع ريحت الصابون وايد حلوه وتعطر لج الحمام

ومن ناحيت الكبت مادري ليش جذيه مادري واذا على قولتج الريحه تلزق بلملابس فيه شغله نزلوها شركه كمفورت تكون مثل الجيس يكون فيها كور اصغار تتعلق بلعلااق على الملابسه اتعطر الملابس كل ابوها
الريحه تدوم يمكن 14 يوم وايد ممتاااازه

 

[~.ąvȍƈaȚ.~]

و عليكم السلام

ما حبيت أطلع بدون ما أفيدج

الكبت بقولج على طريقة وايد حلوه و سهله .. روحي الجمعيه اشتري صابون قطع بأي ريحة تحبينها عندج مثلاlux . camay وبشريهم بالاداة اللي تبشر الجبن المخرمه عرفتيها ؟

و مششي كبتاتج و طلعي هدوم و كتي الصابون المبشور و غطيه بورق تغليف هدايا أو عندج الشايع يبيعون اوراق معطره حق الكبتات اختاري اللي تبين و صفطي الهدوم فوقهم

و الباقي من الصابون سويلج جذي بقشات صغار فيهم و دعسيهم بين الهدوم ينفع تستعملين الدلاق الشفاف مال الحريم حقه

اما الحمام - مكرم القارئ p: - في قسم بالجمعيات حق هالسوالف و حطيلج فواحه احسن من الشمع المعطر

 

[والله أحبه]

اهلين خيتووو .. بالنسبه للحمام بفيدج ياقلبي روحي للافنيوز في محل جدام بروي تقريبا نفس بودي شوب يهبل اخذي منه غرشه فاضيه ومعاها خشم بالنص ويعطيج له عطر اتحطينه داخل الغرشه واتحطين الخشب فيهاا وتطلع الريحه عجيييييييييييييييييييييييييييبه نفس الفنادق اهو راح يكون جدامج اول مادشين وراح اتعرفينه واخذي عطر البرتقال الي لونه برتقالي << اكيد برتقالي عيل احمر هههههههههههههه
المهم ماعليناا وحطيه بالحمام يطلع واااااااااااااااااو اسألي مجرب لان كان بستراليا وانصدمت لما شفته هني المحل عجيييييييييييييييييييييييييييييييب واذا عن الكبت ماعندي فكره بس انا اشتري من الشايع او اجمل ناسيه الاكياس الي تنحط تحت الملابس اتهبل ريحتها عجيبه وانشالله الله يوفقج يارب​

 

[رضاهم جنه]

انا الحمام تكرمين اشغل فيه الفواحه واشتري زيتهم من كل مكان بودي شوب او نكتار او زهور الريف

اما الكبت وعن تجربه شخصيه جيبي فوطه نظيفه واترسيها دانتيل او الفدور >>> الكلونيا القديمه

وامسحي ادراج الكبت واذا خلصتي سفطيها وحطيها داخ الكبت >>> تحت الملابس المعلقه لان الريحه بالفوطه تكون قويه

واذا خلصتي جيبي مبخر وجيبي اي معمول انا استخدم المعاريس من امل الكويت ودخليه داخل الكبت وسكريه >>حاولي يكون بعيد عن ملابسج لا يحرقج

وخليج على التبخير لمدة 3 ايام وبعدين راح تدعين لي

 

[اميره1980]

انا كل يوم ابخر غرفتي مع الرشوش داخل الكبت ريحته تتم
الحمام احط فيه بخار الماء مع الزيت العطري حقه و ريحته تدوم غير الشموع و المعطرات يعني يبيله كذا شغلة علشان الريحة تتم فيه

 

[اميره1980]

ونااااااااااااسة صرت كويتية فضية مع اخر مشاركة هني باركولي
الفال للذهبية

 

[بمبة المفترسة]

الكبت حطي صابون صغار يسحب الريحة
او الصابون العادي كامي لوكس وفتحي الصابون وحطيه بين الهدوم ووقت الاستخدام استخدميه عادي
والحمام غسليه بمنظف معطر عندج لوولوو وايد حلوو واكوو بالصنوبر وعدة روايح والله تبقى بالحمام شحلاتها الريحة
او ديتوول اليديد وايد حلوة ريحته

 

[ام دودو المزيونه]

الله يجزها خير عضوه معنا بلمنتدى اشسوت وةانا ماشيه على نضامها

اتيبين غرشه بلاستين وتفتحينهاا اتسوين فيها كذا فتحته اوكي ويبي صابون االعملاق جان اتعرفينه حطيه فيها وبعدين هذي الغرشه حطيهاااا

بلسيفون وكل ماتدشين الحمام او اتغسلينه من تسحبين السيفون تطلع ريحت الصابون وايد حلوه وتعطر لج الحمام

ومن ناحيت الكبت مادري ليش جذيه مادري واذا على قولتج الريحه تلزق بلملابس فيه شغله نزلوها شركه كمفورت تكون مثل الجيس يكون فيها كور اصغار تتعلق بلعلااق على الملابسه اتعطر الملابس كل ابوها
الريحه تدوم يمكن 14 يوم وايد ممتاااازه

طريقة العملاق والقرشه البلاستك انا صارلي فتره ماشية عليها فعلا روعة واساسا تظل فترة طويله حسب حجم تخريمج للعلبة وتضمنين ان المرحاض معقم ونظيف ( كله اشك ان الخدامة ما تغسله عدل ) وريحة العملاق حلوة وقوية
احلي فكره خذتها من المنتدي بس اختي اخذي اصغر حجم من العلب البلاستك علشان سبحان الله لا يخرب عليج السيفون

 

[أنوار5]

جزاكم الله خير على الردود الطيبه

أبي أدش الحمام و على طول أشم ريحه حلوة قوية... حاولت بس ماتثبت الريحه

الفواحه مانفعت معاي

بجرب طريقة الكلونيا للكبت

 

[كويتيه nice]

حبيبتي بالنسبه لريحة الغرف والحمام فيه معطرات جو تتعلق بالغرف والحمامات كل خمس دقايق ترش يخلص بشكل الي يبيعونها بكارفور ولما يخلص المعطر تشترين اي معطر باي ريحه تبينها وايد حلو
وريحته قويه حييل

من كثر ماهي مركزه انقمت وعطيته اختي واذا تبينه اخف حطيه على كل 9دقايق او 30 دقيقه انتي تختارين الوقت بالجهاز ورخيص
انا شريت اثنين على سته من كارفور كانوا مسوين عرض وفي ماركات ارخص