ريحة في كبت الجواتي.. شلون تروح؟؟؟؟

[MoonDiamond]

شلونكم كويتيات سنعات؟؟ :tek:


اللي تحل هالمشكله ابعطيها حلاوه بس التوصيل عليها
المناطق القريبه 1,500 والبعيده 2 وام الهيمان والجهرا 3
ولا تكاسروني رجاءا هذا رزق المندوب انا مالي شغل

انا حاطه كبت بالممر وشكله حلو وحاطه فيه الجواتي وانتوا بكرامه بس صايره بالكبت ريحه ومادري شالحل؟؟


حطيت بودره تلك بالجواتي وفحم بالارفف خفف الريحه بس ما شالها..


مقترحاتكم وتجاربكم..​

 

[رايقة1980]

الجواتي ماتتخزن

الا بكبت جيد التهوية

او ارفف خاصة

عشان ماتطلع لها ريحة

خصوصا الجواتي اللي تستخدم دايماااا

 

[T-shirt wardi]

تعرفين الاوراق المعطرة مالت الشايع انا لزقتهم بسقف الارفف مصت الرييحة ولمن تبطلين الباب تهف عليج ريحة عطرر
بس بعد فتره تنتهي صلاحيتها فجددي الاوراق من فتره لي فتره

 

[أم بدير]

انا اخاف امين اخذ الحلاوة
فماراح اعلمج عالحل

 

[M!Ss.Dudi]

عرضيها للشمس لنص ساعه او ساعه تقريبا

بعدين جيبي قطن و غمسيه بزيت الليمون وحطي قطنه في كل فرده يوم كامل ,,

او حطي بودرة اطفال <<< اذا المشكله بسيطه

 

[أم بدير]

خخخخخخخخخخخخخخخخخخخخخخ
اتغشمر معاج
حبيبتي الريحه الي بكبت الجواتي اول شي من الجواتي
يعني طلعيهم من الكبت ونظفيهم عدل ورشي فيهم ديتول وخليهم يتشمسون بالسطح
بعدين عقب مايتشمسون رشي عليهم بخاخ مال ريحة الجواتي تلاقينه بالجمعية ماركة شول
بالوقت نفسه نظفي الكبت عدل وبعدين هم رشي سبراي الديتول و اذا قدرتي تطلعين الكبت تعرضينه للشمس زين على زين
واذا ماقدرتي خليه مبطل فترة وعقبها مسحيه بديتول وماي
وبعدين ردي الجواتي داخل عقب ما تتأكدين ان مافيهم ريحة كلهم لأن جوتي واحد فيه ريحه بيلعب لعب بريحة الكبت كله والجواتي

 

[بنوته جامعية]

من رايي ان الجوتي قبل لا ينحط بالكبت تخلينه بالحوش او البلكونه او الدريشه عشان يتهوى

وشفت حق وحده فيديو ان اذا بتوخرين ريحه الجوتي اخذي دلاق ما تبينه وطبعا يكون نظيف وحطي داخله شاي نص الدلاق تقريبا وحطي معاه قطرات من زيت عطري ودخليه داخله الجوتي وراح يشفط الريحه الموحلوه ويعطر الجوتي

 

[MoonDiamond]

ما قصرتوا يا حلويين

بس الكبت اللي اقولكم عنه يديد وتهويته زينه لان الباب في فتحات والجواتي اللي فيه مو جواتي رياضه والاستعمال اليومي .. اللي فيه كعوب المناسبات وكلها شوارفسكي وغاليه فا مستحييييل احطهم بالشمس بعدين الريحه مو تصرع وقويه بس ريحه جواتي تكرمون..

ابجرب الشاي وزيت الليمون ونصحوني بعد بسوالف سنتر بويت للتعطير..

اللي عندها تجارب تكرمنا فيهم..

ولا زال العرض قائم بخصوص الحلاوه بس بعد التطبيق ونجاح الطريقه

 

[الروح المتوهجة]

كانت عندي نفس المشكله ... حطيت مظروف معطر شريته من الجمعيه و من عقبها تحولت ريحة الكبت من ريحة شينه لي حلللللللللوة تونس ومنعشه .. و مثل ماقالو الخوات لازم ننظف الكبت من فتره للثانيه ونمسحه عن الغبار .. و الجواتي نفسهم الي يحتاج تنظيف يتنظف , و الي يحتاج تهويه و شمس نهويه ... يعني تقدرين تقولين نسوي كل شي بايدنا

 

[eman12]

بعد قلبي زياده عن اللي اذكروه خواتى
دامج تقولين كعوب وغالين وماتستعملينهم يومى ليش بعد الحفله ماتنظفينه وتحطينه بعلبته افضل انا عن نفسي اسوى جذي
واذا على الكبت امره هين حطى معطر الديتول اللي يرش بروحه فوق الكبت وكل مامريت راح يرش بويهج وماتشمين الريحه

 

[قمر2009]

حبيبتي اشتري من دايسو اكياس معطره تجنن ريحتها وحاولي تحطين بخور داخل الكبت انا جذي اسوي وحطي الكور الصغار حقات الحمام تشفط الريحه

 

[MoonDiamond]

ماقصرتوا والله يا كويتيات
ربي يعطيكم على قد نيتكم

 

[MoonDiamond]

حبيبتي اشتري من دايسو اكياس معطره تجنن ريحتها وحاولي تحطين بخور داخل الكبت انا جذي اسوي وحطي الكور الصغار حقات الحمام تشفط الريحه

يا حياتي مانفعني الا اكياس الشاي

وبعدين طحت بمضاريف دايسو المعطره


مشكووووووووره

 

[ام عفاف الكويت]

شوفي في حق الجواتي عزج الله
اللى يمتص الرطوبه بمركز سلطان حطي بكل رف واحد يمين وواحد يسار
واللى تحسين يطلع منه الريحه طلعيه شوي يتهوى بره
ورشيه بديتوال المعطر السبريه

وسالفه المندوب حللللللللوه
انا ابي حلاوة بس اطرش لج مندوبي لوووووووووووول

 

[MoonDiamond]

ام عفاف يا قلبي ماتقصرين
ماشاء الله عليج شطووووووووره

واغراضج اغلبهم عندي


عاد اول ما ظهرت عندي المشكله على طول دورت بموقعج مالقيت اللي ابي
ومركز سلطان يبيله روحه

ومندوبج خبر فيني ههههههه

 

[addict to me]

في ماركه Glade مثل علبه حديد داخلها مثل شمع بس مو شمعه لا ماده شمعيه تطلع عطر

انا حاطه وحده بالمطبخ بالكبت الي داخله الزباله اختفت الريحه 90% فشلون اذا ريحه جواتي تقضي عليها لوول

 

[ام عفاف الكويت]

لووووووووووووووول فديتج
وتعالي يقولون بطيور الجنه مفارش تطلع ريحه
روحي شوفي واخذيهم وفرشيهم ؟

 

[queen pink]

up up up up
up up up
up up
up