ريحة غرفتي خايسة :( ساعدوني مليييييت

[نونو 86]

واااي جنج تتحجين عن دراري ...


انا من دخل الشتا وسكرت السنترال .. طلعت ريحة مو طبيعية في الغرفة .. مثل قمته جذيه .. مالقيت حل حتى المعقمات والمعطرات والبخور وكل شي

احسن شي نج تهوينها .. يمكن من الخشب او السنترال ماادري .. احس الغرفه كلها فيها ريحه

 

[الجوهرة777]

عادي حبيبتي


بالشتا مع الرطوبة تطلع ريحة خايسة للخشب

علشان تخلصين منها


تنظيف الغرفة


قطعة الزولية اللي عندج رشي عليها البودرة مالت الزل اللي بريحة الافندر تقعد الريحة لعدة أيام

وفي جهاز مثل اللي قالوا عنه البنات المعقم وهو خاص حق الرطوبة

موجود عند سنتر بوينت وبوتس

تحطين فيه ماي لي النص تقريبا و عطر ( معاه عطر خاص فيه )

العطر ماله ب 6 أو 8 بس يطول ( الليمون فظيييييييييع حق الرطوبة ) يخلي المكان منعش

يخلي ريحة المكان ولا أروع ويسحب الرطوبة


شكلة دائري وغطاه على شكل ورقة شجر خضراء


أول ما تبطلين عينج شغلي الجهاز وادعيييييييييييييلي

 

[الفراشة_البيضاء]

اختي في شركه تنظف السنترال

 

[bobo lover]

انا اقولج ليش
صدقيني كله من الكنبل و الفراش اساسا .. انا جذي صارت فيني فترة ..كنت يوميا ابخر الغرفة بس ماكو فايدة ..غسلت الفراش و مسحت الخشب بمنديل ديتول المعطر و ملابسي بالكبت صرت اغسلهم بكمفورت و خفت الريحة الحمدلله ..بس اهم شي تكون في تهوية و تحرصين على نظافتج الشخصية لان والله وايد تأثر بريحة الغرفة ...

 

[عيش و مرق]

حبيبتى عادى كلنا تصير لنا هلمشكله وعلى قولتج بذااااااااات بشتا لان ماكو شي يشفط الهوا فنفس الانسان وريحة جسمه عقب النوم تطلع ريحه خايسه بس نضفى الغرفه وخلى الدرايش على طول امبطله بس حزت النوم سكريها ولى قمتى الصبح على طول بطلى الدرايش وحطى بخور عشان الريحه ماتلصق بلطوف والزل والاثاث وحلوه فكره البنات اتحطين الجهاز الى ينقى الجو

 

[فـدكـ]

حبيبتي قعدت اسولف حق ابوي سالفة غرفتج وجذي فقالي عادي وقوليلها لمن تطلع من الغرفه ترش على الزوليه نعناع اخضر وعادي وطلعي وردي وتشوفين ريحة غرفتج غير لانها كانت تصير معاي وسويتها والله حتى قمت احط بسلال صغار ورق نعناع وتعالي شوفي الريحه واايد حلوه

 

[احب الصالحين]

الفكرة الأولى :

ضعي بعض النقاط من الزيت العطري ..

مثل زيت اللافندر ( المتواجد بوفرة في محلات العطور )

في وعاء به ماء ساخن جدا ..

وضعي هذا الوعاء في الغرفة و سوف تنتشر منه الرائحة الجميلة ..

أو يمكن أن تضعي في اسفنجه بغض النقاط من الزيت العطري

وبعد ذلك تبلليها بماء ساخن

وتضعيها في أي مزهرية في الغرفة

ولكي تدوم الرائحة بللي الاسفنجة مرتين في اليوم

بالماء الساخن وبللي الاسفنجة بالعطر مرتين كل اسبوع ..



الفكرة الثانية :


لكي تنامي على رائحة عطرة اعملي مخده صغيرة

وأحشيها بالأعشاب العطرية ...

وضعيها تحت مخدة النوم

وسوف تفوح رائحة زكية ..


الفكرة الثالثة :

ولعمل فواحة طبيعية احظري برتقالة وادخلي بها أعواد من القرنفل

من خلال غرسها في القشرة

ومع ترتيبها بشكل جميل وبعد ذلك قطعي الجلد الخارجي للبرتقالة

"" فقط اربعة أقسام ""

وبعد ذلك رشي بودرة القرنفل في داخل هذه الفتحات الأربعة

التي عملتيها ..

واربطي البرتقالة بخيط وعلقيها في الغرفة

وهذه الفواحة تبقى لفترة طويلة تقريبا سنة ..

واللي عندها حساسية

تبعد عنها أحسن لها ..


الفكرة الرابعة :

وهي فكرة سريعة وفعالة

وذلك بإضافة او رش قطرات قليلة من عطر سائل على أحد المصابيح

الصغيرة أو الأبجورات " المطفأة بالطبع ..!! "

الموجودة بالغرفة .. وفتحات الأبواب وتشغيل

المصباح ستجدون بعد لحظات

أن الغرفة تفوح منها رائحة طبيعية وزكية ..


الفكرة الخامسة :

وهي للمدخنين ( ولهم ندعو بالإقلاع عن التدخين )

فإن دخان السجائر يترك رائحة في الغرفةوالمنزل ..

فأفضل الطرق للتخلص من الرائحة

تكمن في المزج بين قطرات من الزيوت العطرية

مع ملعقة من الملح ثم رشيه على مصباح

أو تسخينه على النار من ثم سوف تفوح الرائحة

العطرة وتتخلصين من رائحة السجائر

وتستطيعين إختيار الرائحة بحسب الذوق الشخصي ..


الفكرة السادسة :

وايضا مشكلة رائحة خزانة الملابس

أو لرائحة الخشب لذا فإن قليلا من القرنفل مع قشورالبرتقال اليابس

بعد وضعها في جيب صغير من القماش كافا للقضاء على الرائحة

واستبدالها برائحة منعشة ..

كما أن الشموع المعطرة أيضا يلعب دورا مهما

في إزالة الروائح والآن متوفرة بأنواع كثيرة

و روائح زكية ..






منقول

 

[خشف بدو]

حبيبتي حطي الجهاز المعطر الي على كهربا الي يبخ عطر من نفسه كل شوي..الي نفس المستشفبات والعيادات..والله احسن لج..
او يمكن في حيوان ميت فار ولا قطو ولا شي

 

[ام العبايه]

اشترى مروحه ارضيه لو ما سويتى بس المروحه شغلها عجيب .............. جربي الوقت الى ما تكونين قاعده فيها شغليها

 

[روح مغليهآ]

خلي الدريشه مفتوحه ليل نهار انا دريشتي ماتسكر وبترتاحين

 

[الحسن الرقيق]

اذا غرفتج زوليـه ..

يمكن من الزوليه منكت عليهااااااااا شي

 

[@فطفوووطه@]

عيل ماكو الا تبخرينها بجاونيه حمرا تلقينها عند العطار هي الحل الوحيد اللي يقتل الفيروسات

 

[^noonaa^]

ماتكفي المعطرات


مسحي الارض بديتول معطر كله وخاصت الزواياا وكل يومين سوي جذي وغيري الفراش بين فتره وفتره

 

[dnyay_mll]

ان شاءالله تكونين لقيتي الحل
والبنات ماقصرو
بس اهم شي خلي الغرفه تدخل فيها الشمسسس
هذا اهم شي