ريحة غرفتي خايسة :( ساعدوني مليييييت

[ايمان بني صخر]

يمكن غرفتج فيها رطوبة بخريها على طول لان الرطوبة تمسك ريحة البخوروتثبت

 

[مزيونة العجمان]

عندي الحل حبيبتي التكييف السنترال يبي له غسيل دقي على شركه تنظيف تجي تنظف التكييف من الغبار ويمكن حيوان ميت فيه

 

[نسيت الهوى]

أأيد مزيونه العجمان لان مره تكييف اهلي (سنترال) شمو ريحه فتره وتالي لقو داخل التكييف قطو ميت

تمنياتي لج بريحه ولا اروع

 

[حروف من ذهب*]

الله يعينج

 

[NODA 2]

غرفتج تقولين نظييفة فيها سيراميك والسقف مايخر وما فيها حيوان ميت وتبطلين الدرايش تتهوى وما فيج غازات وتحافظين على نظافتها عيل منين تيي الريحة اكيد فيها جنى

امبيه لاء لاء لاء لاء والله ردج حده يضحك :dddds: انا وياج

 

[شانيل نمبر 5]

غسلي السجاد وخلي الزباله بره الغرفه.......ودايم خلي الباب والدريش مفتوحين...وبشريني شنو صار وياج؟

 

[cadbury]

اول شي لازم تنظفين دارج تنظيف شامل بعني حركي الاثاث ونظفي تحتهم تحت السرير و كل مكان
طبعا يكون التنظيف اب ديتووووول و بعدين في معطر السراميك
اما اذا دارج فيها زوليه لازم تخمبنها عدل بالمكنسه و بعدين يبي تب فيه ماي و ديتول و شويه عطر و خلي الخادمه تفرك بالاسفنجه الخاصه للزل
و بعد مرحلة التنظيف رشي البخاخات المعطره و انواع العطور الي تحبينها و نصيييييييييييييحه خلي الدريشه امبطله مدة يومين اذا دارج فيها شتر و فتحي كله بالنهار
واهم شي الفواحه حطيها طول اليوم
وتقدرين ترشين على كفرج كل انواع العطور الي عندج

و سلامتج

 

[قدها وقدوود]

يمكن اذا غرفتج صغيره وسقفها نازل جذيه تطلعلها ريحة قمته من الكتمه حطي صحن فيه فحم طبيعي مو صناعي يسحب الرطوبه والغازات واذا ماكنتي بالغرفه هويها وفجي الباب والدرايش

 

[الحبيبه الدبيبه]

انا مثلج عاااااااااااااااااااانيت من الريحه الخايسه
1- جيكي حبيبتي على التكييف .. المشكله في الفلتر معفن وتطلع منه هالريحه
2- التهويه المستمره
3- بخري دايما باللبان والجاوي الاحمر وخلطي معاهم بخوره اي نوع
4- نشري شراشفج في الشمس مع السجاده لان المشكله موبس في التكييف ريحه التكييف تلزق بالشراشف والطوف والملابس فتزيد الريحه
وانشالله تروح الريحه وتفتكين مثل مافتكيت

 

[!! شوق !!]

شوووووفي ممكن الرطوبه من السنترال نفسه لانه مافيه تهويه اووو حركه هوا ..

ممكن تفتحين شيك السنترال وتحطين فحم لانه يمص الرطوبه .. و انتي نايمه لا تسكرين الدرايش مره وحده لا خلي فيها تنسيم وحطي كويك يرش طول الليل

 

[رافعه الحاجب]

انا جذي صار فيني واكتشفت ان الثلاجه اللى بغرفتي ولدي مسكرها واهيا اللى مطلعه الريحه وقمت على طوول طلعتها ونظفناها وعلى طول اهوي الدار وبخور وكل شي بس هم احس قمته

 

[شكليطه]

حبوبه عادي هالسالفه تصير بالشتا
وفاهمه عليج شنو تقصدين

الحل الوحيد انج تخلين الدرايش مفتوحه اغلب الوقت

واذا شفتي الجو صحو خليها مبطله لما تردين لها

وبالليل خلي جزء منها مبطل

واذا ماتقدرين تفتحينها بالليل.......عندي حل ثاني .,انا اساسا اسويه جذي مزاج مو سالفه ريحه ما ريحه

اعطر ملابسي ملوت الدوام وارش جم بخه دعايه داخل الكبتات

وابخر ملابس الدوام واذا خلصت منهم علقتهم برا الكبت وحطيت باجي البخور داخل الكبت

اذا قمت الصبح وطلعت من الدار اسوي قهوة وارد,,,,,,الريحه تعووووووور القلب ما ودي اطلع من الدار

وبس بجذي دارج راح تكون ريحتها حلوة

 

[الشمريه]

شوفي فتحته التكيف حا والي تفيكينها اكيد فيها شي

 

[Lemon Juice]

انا غرفتي جذي بالشتا والحمد لله كل شي نظيف بس لانه ماكو تكييف

الكفر والشرشف أغسلهم أول بأول وابخر الغرفه وافتح الدريشه تخف القته هذا الحل الوحيد

جربت كل شي ولا أكو فايده

 

[donutoo]

امبيييه نفس معاناتي بالضبط
ريحة تلوع الجبد - غرفتي سيراميك ويديدة ما صار لها وايد بس دايما اشم فيها ريحة خااايسة
ما بقى معطر ولا بخور الا واستعملت ماكو فايدة

 

[حصووونه]

انتي نوعيتج نفس زوجي لما ينام يعفن بالمكان وهالمشكله الاحظها بالشتا اكثر شي لان مافي تكييف وحتى مع التكييف اشم ريحته مخففه سبحان الله مادري من شنو يمكن جلده نوعيته جذي الله يشفيج يارب انا زوجي تخيلي المخده تعفن يوميا اشيل الجيس واعرض مخدته للشمس وانقع جيس المخده بصابون الوزير المبشور وهم مالحق عليه راسه يفرز دهون وريحه وجسمه بعد مع انه اكثر واحد يتسبح بالكويت ويحط عطوورات موصنان اباط لا ريحة نوم في ناس جذي ..يعني اهو قاعد مافيه ريحه بس ينام تطلع هالريحه منه وخصوصا اذا الباب مصكر يوماه بس ترى زوجي مدخن زقاير وشيشه وقدو وجميع اواع التدخين الخايسه يمكن منها..

 

[supermarket]

جيكي مافي شي ميت ( يمكن بريعصي ) تحت او ورا الكبتات

وجيكي بعد بالدكت ( مجرى السنترال ) يمكن في شي ميت داخله ييبوا شركة تنظفه

وبخري دارج بحرمل او ياوي لانه يسحب الرطوبة والريحة

 

[أغلى الأثمان]

اختي
صلي صلاة استخارة

غيري الخدم ................. ماتدرين يمكن هذا سحر المحب ............ لان السحر ريحتا خايسة

او سريرج مصنوع من الجلد ............ لان الجلد ريحتة خايسة

او

احسن شيء تفضين غرفتج طلعين كل شيء فيها بر ............ قي غرفة ثانية اوكي

وبعدين شوفي اهي نفس الريح .......... اذا الغرفة الثانية نفس الريحة خايسة .......... انصحج انج تشنرين اثاث جديد وخصوصا احنا 2010

وصبغي غرفتج .......... اهني راح تلصق ريحت الغرفة بالصبغ .......... يعني تكون ريحت الغرفة صبغ

واثاث جديد ............ ولا تخلين الخدم ايشونها

مع تحياتي .........

 

[سيدة الذوق]

جيكي علي الرفه عدل طلعي كل شي فيها جيبي عمال يطلعون الاثاث كله ..

 

[donya_hiba]

عندي احتمالات منها :

- رطوبة في الطوفة أو السقف ، الحل هو تجيبين دهان يحط مادة تسحب الرطوبة او بالاحرى يحرق الطوفة وبعدين يدهن وهدي صارت معي

- مشكلة في السنترال ( عن تجربة ) لانه احيانا التمديدات الصحية تكون في نفس فراغ فتحات السنترال يمكن احد البايبات مفتوح او مكسور أو أي شي
خلي الحارس أو السايق أو العامل يدخل الصندرة ويفتش ويكشف على البايبات