ريحة زفر دم بالبيت ولا عارفه شنو السبب

[فـراوله]

السلام عليكم ورحمة الله وبركاته


بنات أنا أشم بالصاله للي نقعد فيها والممر ريحة زفر دم بالبيت من شنو هالريحه ؟؟

ومرتين شميتها فيني مره بصبعبي ومره بزندي ومره شميتها بولدي صوب رقبته وهالريحه موجوده من شهر عندي ومو راضيه تروح قلبت الصاله فوق تحت ونظفتها ومسحت القنفات ولا راضيه تروح احترت من هالريحه وغاثتني أبخر أعطر تروح الريحه
ساعه وساعتين وترد مره ثانيه وحتى زوجي يشم هالريحه مو بس أنا

وأنا بيتي دايما على قناة مكه والقران نادر ما أحط شيء أتابعه سواء لي أو للعيال

ياريت اللي عندها خبره تفيدنا بهالموضوع جزاكم الله خير



​

 

[فـراوله]

الحمدالله نزل الموضوع







​

 

[Tom ♥ Jerry]

,


مآدري و الله !
ييبي شركه تنظيف تنظف البيت كلا عدل
يمكن شي طآيح مني منآك :/

 

[فـراوله]

والله أنا قلبت البيت كله حتى القنفات مسحتها والستاير والسجاد وديتهم
مصبغه وللحين ماكو مثل ما اهي الريحه بس بصالة قعدتنا والممر


​

 

[@شمس الضحى@]

خلطي ديتول مع خل ابيض وامسحي فيه
وحطي ع النار ماي مع خل وخل يغلي وتنتشر ريحته وباذن الله تختفي الريحه

 

[Patcholli]

حبيبتي ريحة البيت ولا ريحى بجسمج ؟؟
شوفي اخاف في فار ميت ومندعس بمكان ومو منتبهه عليه او في ايدام خربان بالفريزر

جيكي عدل

احنا مره اخترب علينا فريزر الايدام وظل جم شهر وريحة زفره مع ان نظفناه وعقمناه وفركناه عدل بالديتول والصابون بس ظلت لان الايدام لما يخترب نفس ريحة الجثه يصير

 

[oshi_q88]

آمكن من التكييف آو ششي ميت فآر عصفور

 

[كويتيه فرنسيه]

يمكن من السنترال في شي ميت فار مثلا

جيبي احد ينظفه وشغلي جاوني بالبيت يطير الريحه

 

[عاشقة الككاو]

ماعندكم خدامة !

 

[مودي كويتي]

نظفي عدل وادق الامكان المكيفات تحت الباب يمكن حشرات ميته صار لها مده او جيبي شركه للتنظيف تنظف البيت زين مازين وشغلي قران دايم احنا كان عندنا شغاله حسبي الله ونعم الوكيل فيها ف الصاله ورا الكنب حاطه وصخ وكنا نشم بس ماندري شسالفه بس نسوي بخور ونمسح السيراميك بديتول وصابون وبعدين اكتشفنا بس عقب ماراحت للاسف

 

[حبيب الله]

حياتي انتي صارت معانا مره ريحه قويه بصاله طلع قطو ميت فوق السطح وطايح بين الديكور
طول المده بسقف عشان جذي الريحه ولا احنا مو بس ريحه دود ابيض كككله من هالقطووه
وهمن نبخر ماكوو فايده ونظف واخر شي اكتشفناا هالقطووه

 

[muhrat uboha.]

up
up

 

[عويتقة]

ماتخافي ان شاء الله خير

 

[عـــــروس]

اللي اعرفه ريحة دم بالبيت حسد او سحررر

 

[فـراوله]

حبايبي أنا ذاكره فوق اني ماسحه البيت من فوق لي تحت وشلت القنفات
والسجاد غسلته حتى الستاير ​

متاكده ما فيه لا حشرات ولا فار ميت ​

وبالنسبه للفريزر أنا شهريا أنظفها بماجلة كل شهر وما في أي شيء خربان فيها ​

والريحه فقط من صالة قعدتنا والممر مال الصاله ومرتين شميتها فيني مره بصبعي ومره بزندي ​

ومره شميتها بولدي صوب رقبته ​

أما السنترال مادري احنا بشقه ساكنين وفوقنا ساكنين ناس والسطح أهل البيت نفسه ينظفونه
فما أتوقع بالسنترال شي من الاساس


وأنا ما عندي خدامه بالشقه ​

 

[عاشقة الككاو]

غريبة عيل من وين المصدر !

لو مو زوجج متأكد جان قلت يمكن نفسيا !

حاولي نبشي مني مناك لين تشوفين زاوية او شي ما مريتي عليه !

وحصني بيتج وعيالج وزوجج ونفسج ودايما شغلي سورة البقرة

 

[ام الدرر]

حبوبة
يمكن صابون الملابس
او الملابس مع الشمس تطلع فيهم ريحة زفر اذا يم بيتج زرع او حديقة
وتشمينه بالملابس تحسبينه بجسمج او جسم ولدج
او بالمكان نفسه ​

 

[ReD&FoSHia]

دقي على شركة تنظيف و مبيدات بعد
خل اييون يشوفون وين العلة
الريحة اكيد من السنترال خصوصا انه كومبريسركم بروحكم لانه شقة

 

[توته النعومه]

بقلك طريقه باذن الله تفيدك
جيبي ملح خشن وحطيه مويه مقري فيها او مويه زمزم وغشلي بيتك منها
وبعدها رشي بيتك بلملح الخشن في الاركان ورا الكنب
واذا مارات الريحه رشي نفس الكنب بلمويه والملح
باذن الله تختفي

 

[نونه المنكوشه]

اخاف حامل وقاعد اتنسين اختي اول ماحملت كله اتشم ابيتها تكرمون ريحت مجاري واتنظف البيت كله وبخور وعطورات ولاتروح اخرشي طلعت حامل ولما خلصت نسات راحت الريحه