ريجيم البيض .. 4-7 كيلو خلال اسبوع

[Cadburya]

شلـــــــــــــونكم بنات ؟؟ شخباركم ؟؟

اليوم يايبتلكم خوش ريجيم .. إنما إيــــــــــه .. كان عندي من زمان .. و قلت افيدكم تستفيدون منه ..

الريجيم الله يسلمكم عبارة عن أسبوع واحد .. تنزلين فيه 4-7 كيلو إن شاء الله ..

و هذا اهوه الريجيم بس لو سمحتوا التزموا فيه عدل مدل .. عشان تنزلون

الفطور اليومي : 1 بيضة مسلوقة + عصير جريب فروت أو شاي بدون سكر


اليوم الأول: الغداء: 2 بيضة مسلوقة + سلطة خضراء + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الثاني: الغداء: لحم مشوي + خيار + خس + عصير جريب فروت أو شاي بدون سكر
العشاء: 2 بيضة مسلوقة + خيار + عصير جريب فروت أو شاي بدون سكر

اليوم الثالث: الغداء: لحم مشوي + خيار + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الرابع: الغداء: 2 بيضة مسلوقة + جبنة قليلة الدسم
العشاء: 2 بيضة مسلوقة + عصير جريب فروت أو شاي بدون سكر

اليوم الخامس: الغداء: سمك مشوي + سلطة + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم السادس: الغداء: لحم مشوي + خيار
العشاء: سلطة + فواكه

اليوم السابع(والأخير): الغداء: دجاج مشوي + جزر + عصير جريب فروت أو شاي بدون سكر
العشاء: دجاج مشوي + عصير جريب فروت أو شاي بدون سكر


ملاحظات مهمة :
* الإكثار من الرياضة ( نصف ساعة إلى ساعة يوميا)
* الإكثار من شرب الماء
* الشاي بدون سكر
* عدم الإكثار من الزيت و الجزر في السلطة

طبعا عقب الريجيم يمكن إتكاكون ( تقولون كاك) خخخخخخخ .. بس ميخالف كله في سبيل الرشاقة يهون
و ترى الريجيم مضمون إن شاء الله ومجرب .. وحدة أعرفها سوته نزلت 7 كيلو .. و أنا سويته نزلت 5 كيلو .. و مرة ثانية سويته بس ما التزمت عدل نزلت 3 كيلوات ..

و اللي عندها أي سؤال انا بالخدمة .....​

 

[الفرحه]

مشاركة: ريجيم البيض .. 4-7 كيلو خلال اسبوع

مشكوره

ويعطيج العافيه


بس غميضه <------- ما احب البيض واااايد يعني يمكن اكله مره وحده بالشهر بس مو كل يوم

 

[s3ad]

مشاركة: ريجيم البيض .. 4-7 كيلو خلال اسبوع

مشكوووره
اختي سوته شهر وضعفت عدل
بس متعب حييل

 

[^^دموع الكويت^^]

مشاركة: ريجيم البيض .. 4-7 كيلو خلال اسبوع

مشكورة بس صعبة كله بيض !!!!!!!!!!

 

[Cadburya]

مشاركة: ريجيم البيض .. 4-7 كيلو خلال اسبوع

الصراحة اهوه وايــــد صعب ومتعب .. بس اللي عندها إرادة تقدر عليه و تتحمل ..

بس ترى وايد زين حق اللي عندهم مناسبات أو عروس و يبون يضعفون بسرعة

 

[ام عروب]

مشاركة: ريجيم البيض .. 4-7 كيلو خلال اسبوع

توني أقرا طريقتج بالريجيم اللي بالبيض مافي أعراض جانبية بعد الريجيم مثل الهبوط أو فقر دم أو رقعة بالقلب؟

 

[يسرا]

مشاركة: ريجيم البيض .. 4-7 كيلو خلال اسبوع

والله الريجيم حلو ومشجع بس يا ترى شو ممكن نبدل الدجاج انا ما باكل دجاج وما باكل كمان سمك
يا ترى في بدائل ولالايعني ممكن ابدل السمك بالتونه والدجاج بالبيض

 

[ريفيرا]

مشاركة: ريجيم البيض .. 4-7 كيلو خلال اسبوع

مشكوره وما قصرتي بس اخاف يرد وزني دبل لما اهده يشابه الرجيم الكيميائي صح ولا خطا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[سحيله_الحلوه]

مشاركة: ريجيم البيض .. 4-7 كيلو خلال اسبوع

حسافه ماحب البيض !!

 

[أم_عواشي]

مشاركة: ريجيم البيض .. 4-7 كيلو خلال اسبوع

خوش رجيم بس البيض اسوي حساسيه

 

[xxx]

مشاركة: ريجيم البيض .. 4-7 كيلو خلال اسبوع

مشكوووووووورة على الرجيم

ككككككككككك >>>> بيض بيض

 

[ام شروق]

مشاركة: ريجيم البيض .. 4-7 كيلو خلال اسبوع

بيز بيز بيز

يصير الغي اشياء بالرجيم ؟؟؟

 

[BlUe SkY GuRl]

مشاركة: ريجيم البيض .. 4-7 كيلو خلال اسبوع

بخير الله يسلمج كادبوريا وتسلمين عالرجيم

 

[nono78]

مشاركة: ريجيم البيض .. 4-7 كيلو خلال اسبوع

واااااااااي

كلا بيض مسلووووووق

الله يعينكمممممممممم

 

[نفنوف كشكش]

مشاركة: ريجيم البيض .. 4-7 كيلو خلال اسبوع

ايييه لايكون هاذا الرجيم ابو البيض وايد بنات اظعفاو عليه

علا قولت ام شروق بيز بيز بيز خخخخخخخخخخخخخخخخ
انجربه اشورانا..عاد عندي شغله عقب اسبوعين اذا ماظعفت بيحذف عليج بيز خربان
مشكووره حجيه عالافاده

 

[يسرا]

مشاركة: ريجيم البيض .. 4-7 كيلو خلال اسبوع

حبيبتي كاادبوري ياريت تجاوبيني على اسئلتي قبل يوم الجمعه او السبت بالصباح لانو بدي ابدا فيه ان شاء الله من يوم السبت
وموفقين يا بنات ان شاء الله

 

[b6o6a]

مشاركة: ريجيم البيض .. 4-7 كيلو خلال اسبوع

مشكوره

 

[ام شروق]

مشاركة: ريجيم البيض .. 4-7 كيلو خلال اسبوع

يصير بديل السكر سويت اند لو او اي شي ثاني

القهوه مسموحهه ؟

 

[Cadburya]

مشاركة: ريجيم البيض .. 4-7 كيلو خلال اسبوع

مشكورين بنات على المشاركة .. و آسفة على التأخير توني اشوف الموضوع ..

أم عروب .. و الله أنا لما سويته الحمدلله ما حسيت باعراض جانبية ,.. بس اللي جسمها ضعيف و فيها فقر دم مو زين تسوي أصلا

يسرا ... والله حبيبتي مادري إذا يصير تغيرين السمك و الدجاج .. أعتقد المفروض الالتزام لأن أنا لما خربته ما نزلت وايد مع إني ما زدت شي كنت أنقص بعض الأكل يعني ما أتريق ساعات بس ما نزلت وايد مثل أول مرة

ريفيرا ... أكيد إذا بتردين نفس أكلج الأولي أكيد بيرد الوزن .. لكن إذا حافظتي و خففتي ماراح يرد إن شاء الله .. يمكن يرد كيلو أو نص بس

أم شروق .. مثل ما قلت حبيبتي المفروض ما تلغين منه شي .. و بالنسبة للسكر المفروض لأ بس إذا ما تقدرين حطي شوية مع إن السكر السويت إن لو مضر ترى .. و القهوة المفروض ممنوعة .. المفروض تلتزمين بالجدول بس ..

نفنوف كشكش .. Go Ahead و بشريني بالنتايج .. و الله يوفقج .. بس البيز الخربان خليه عندج الله يعافيج .. هيهيهي

أم عواشي .. سحيلة ... بنت الكويت .. blue sky gurl مشكورين على الردود حبيباتي


و أرد و أقول تره كله أسبوع واحد .. خلو عندكم إرادة قوية خصوصا اللي عندها مناسبة قريبة .. تمسك نفسها شوية و ماراح تحس بالاسبوع إلا طايف بسرعة إن شاء الله

 

[نفنوف كشكش]

مشاركة: ريجيم البيض .. 4-7 كيلو خلال اسبوع

انا حولته لي الاسبوع الياي بئذن الله

بناتووو ترا هالرجيم ايظعف علا ما اظن اهوا اللي تعطيه ايفون حق اللي ايونها