انا مقتنعه بالمثل اللي يقول " الرياييل مخابر مو مناظر"
بالنسبه لي انا ما احكم على رجولته و شهامته من خلال لبسه و مظهره و قلادته و شعره الطويل او التاج اللي لابسه المواقف اهي تبيين لج الرجل من الذكر
مو كل لبس دشداشه و قتره معناتها ريال و شهم و مو كل من لبس فنكي و الشعر سبايكي معناته مافيه رجوله
اللي خلاني افكر جذي اهو موقف صار لي
مريت بموقف والله هزتني شهامة واحد كان لابس قلادة فضه و مطوول شعره ماشا الله عليه (ماراح اذكر الموقف) لكن و الله اهو بالموقف اللي سواه معاي عن 100 ريال
الله يوفقه و يسهل له
هذا بالنسبه لي و الشاب هذا كويتي و الموقف هذا صار لي بالكويت
_______
الموقف الثاني صار حق اختي باستراليا مع ريال استرالي مسيحي و لابس قلادة ذهب و اسوار
كانت تنطر الباص عند المحطه و كان واقفين يمها مراه استراليه و ريال استرالي
و مر ريال سكران و شاف اختي وقال تعالي يا جمليه و اختي ماتت من الخوف و تقول اقول له نو نو وهو يحاول يقرب منها واختي قامت ترجع ورا خايفه
عاد قام الريال اللي كان واقف يمها صرخ على السكران قال له انت ما تشوفها ما تبيك ؟!! اتركها ولا ترى بعطيك بوكس بويهك.. قام السكران يلاسن وقام صرخ عليه و ياو ربع السكران و خذوه
اختي شكرت الريال وااايد واااايد وشالت شلايلها وركضه للبيت
علشان جذي اقول لكم الرياييل مخابر مو مناظر
