رويال حياة والصباح منو الصاج فيهم ؟

[غلاي غير]

حبيبتي الله يتمم عليج
الدكتوره حيل شاطره وفاهمه شغلها

الصباح ماسولج سونار بس تخطيط والدكتوره ماقالتلج فيج طلق لان التخطيط بس للطلق

روحي للدكتوره واخذي تقرير منها وروحي للصباح وخليهم يشوفولج حل والواسطه اذا عندج احسن

مستشفى الصباح لحالات الولاده المبكره احسن شي وعندهم عنايه للخدج ممتازه

الله يتمم عليج وليش ماعالجتي الالتهابات هذي بروحها مشكله تفتح عنق الرحم

 

[غلاي غير]

اي صح د محسن ممتاز وصريح

وهو موجود بمستشفى الامومه

 

[إستبرق]

الاحسن راي دكتور ثالث
وربي يسهل ويهون عليج

 

[أأأميرة الورد]

رد : رويال حياة والصباح منو الصاج فيهم ؟

حبيبتي معروف الحالات المرضية أحسن لهم الحكومة
انا جذي كلام الخاص يخرع وارد اولد بالحكومة
الخاص يكبرون الأمور
الله يهون عليج ياقلبي

 

[NODA 2]

تبين الصج انا في حمالي بولدي الي طاف صار فيني نفسج بالضبط دشيت السابع علي اخر اسبوع صار فيني طلوق وكان راس البيبي تحت لما فحصوني كنت 2 و ما اقص عليج ما كنت قادره اتحمل الطلوق و حطوني علي التخطيط وكان الطلق كل شوي ويرتفع و قالولي تبين نعطيج ابره توخر الطلق علي الاقل لازم تكملين لي اول التاسع طبعا قبلها عطوني ابره الرئه حق البيبي و كنت هم برويال حياة قالي الدكتور الابره وااايد غاليه شوفي نفسج ريلي قال فداج ولا تروحين الفروانيه ونتبهدل والله خذيتها طبعا اهي ابره فيها دوا يمشي فيج عطوني ايها علي دفعتين كل خمس او 6 ساعات ما اذكر المهم هالحدود بس تطلع روحج علي ما تخلص وبعدين يخلونج يوم بس يراقبون الطلق و الحمدالله صج راحت الانقباضات و رديت البيت ريحت لي الولاده والحمدالله علي كل حال حبيبي ولدي لو انا مو ماخذتها جان حطو ولدي بالحظانه


نصيحه مالج شغل براس البيبي اهم شي الطلوق اذا مستمره معاج لا تخلين نفسج نهائي روحي الصباح او رويال المهم صحت البيبي

 

[ghadeeeer]

تسلمون بنات عالتفاعل
آنا ما أذم الدكتورة خالدة بالعكس تههههههههههههبل وأدري فاهمة شغلها وللأمانة ما جذبتها بأي كلمة قالتها بس الوسواس لعب فيني خاصة إنها عطتني تقرير للصباح وذاكرين فيه كل اللي صار يعني مو معقولة تتبلى على عمرها ويعطوني شي مو صحيح بس الصباح عقب الفحص قالوا لي ما فيني شي
احترت منو أصدق
المهم العصر رحت لدكتور ثالث وقال لي نفس كلام الصباح بالضبط وقال لي صج البيبي نازل تحت بس ليما الحين ما دخل الحوض !!!!!!!!!!!!!!!
وقال لي كل البلا اللي فيج من التهاب البول عالجيه بتطيبين
والحمد لله طمني على وضع البيبي
الحين محتارة أكمل ويا الدكتورة خالدة ؟ ولا أشوف لي مكان ثاني ؟
وشلون على وضعي ؟ أخلي الجنطة زاهبة للولادة ولا خلاص أعيش حياتي طبيعي وأنطر موعد الولادة المفروض ؟

 

[& مــشــايــخ &]

خلي جنطتج زاهبه وعالجي الالتهاب واستمري عند الدكتوره

 

[bluegg]

انا اقول لا تحطين ببالج ان فشله تولدين بمستشفى الصباح لانج بجر وتبين استقبال وان فلانه ولدت يرويال او السيف

انسي هالمواضيع اهم شي عندج الحين صحة البيبي لا تفكرين بالمظاهر على حساب البيبي حرام بتحسفين طول عمرج وشكو تعطيج كل هالادوية اشدعوا لو ان صج حالتج خطرة جان نوموج بالصباح لان دكاترة الصباح وايد يراعون ويخافون على المريضة لان كل كلمة يقولها لج موثقة بتوقيعه فما راح يجازف بوظيفته

اما رويال وخالده وغيرها والله مادييييين درجة اولى وبس همهم الفلوس ومثل ماقالت الاخت قبلي خالدة تكبر المواضيع

توكلي على الله واستخيري والله يقومج بالسلامة

 

[Q.8.h.2]

روحي حق اي دكتور ثالث ولا تقولين شنو اللي قالوه لج كانج بس تبين تشيكين ولو رابع جان احسن بعد والله لان شي مو هين

والله يعينج

 

[جناش]

حبيتي الله يعينج انا صار فيني نفسج بالضبط وولدت اول يوم السابع من شهر ونص انتي اكيد معطتج مثبت ابرة الزيت هذا اللي وقف الطلق بس انا يتني كحححححححه قويه منها صارتلي الولادة المبكرة

 

[أم عبود 2011]

رد : رويال حياة والصباح منو الصاج فيهم ؟

ما تشوفين شر اختاري المكان اللي ترتاحين له والتساهيل من الله