رودي للاستشارات الهندسية

[الكيكة]

الله يعافيج

خلاص بنسكن بالعيد

و قاعده أجهز للاستقبال ...طلبت الاكل من اوبرا ... ادعولي بالتوفيج و ان ربي يكافيني انا و ريلي و عيالي شر العين

 

[sunshine22]

حلوه الستاره ملكيه بس انا ابي شي ماله تاااااااااج
الستاره اللي حاطتها حلاتها بالتاج




كيكه

ماشالله عليج
والله يبعد عنج العين

مبروك يهبلللللللللل انا خذيت منه بعد الجدور خياليه راقيه والقلاصات بعد
يبيله مره بس وين الوقت

 

[الكيكة]

مشكورة سن شاين .. اجمعين يارب

ايي والله مبروك يهبل أنا اموت على بضاعتهم .. شاريه منهم الثلاجه الستيل 3 ابواب اللي مع الفريزر .. و شريت منه مغاسل الضيوف و منظرة لمدخل البيت فخمه اتينن و شريت منهم طاوله و كراسي للحوش و الحين شريت طقم الاستكانات و حاطه عيني على صوانيهم بروح اليوم ولا باجر اخذ لي جم صينية و ابي اشوف اذا لقيت عندهم عربانة تقديم (ترولي) بحط عليها الاستكانات و الجاي و القهوه يم طاولة الأكل علشان يصير البوفيه سيرف يور سيلف

 

[سيدة الكويت]

شلونج كيكه منزل مبارك مقدما

اقول مبروك الى فيه كل هالأشياء الى يم سنتر بونت؟بالرى بروح اشترى منه اشياء

انزين يسوى سيل ولا ماكو

 

[الكيكة]

هلا سيدة الكويت

ايي عدل اللي يم سنتر بوينت ... ايي يسوي سيل من فتره لفتره ....اهو الحين مسوي تنزيلات 45 %

امس رحت شريت منهم صواني خشب ايطالية محفوره و مزخرفة ..هاند ميد ... صج شغلهم راقي

 

[rudy]

مرحبا سيدة الكويت
من فترة سالتي عن منجد زين لجلسة سردابك وقلتلك المباركية شغله ممتاز
ترا مكانه مقابل الكترونيات الغانم في شارع تونسفي نفس الصفه بينهم سكه

 

[سيدة الكويت]

مشكوره رودى ما قصرتى

وين سويتى ستاريج وشنو موديلات ناعمه وحلوه

 

[rudy]

انا توني صابغة بيتي
واحلى الالوان الي جربتها الرمادي سواء غامج او فاتح تحسينه كشخه وراقي
وبالنسبة لتوزيع الاثاث ترا مو سهل ان الواحد يقترح
ويعتمد التوزيع على المساحة وعدد قطع الأثاث الي عندك
واذا كانت الغرفة الي بتاثثينها صالة يومية نصيحة لاتحطين طاولة وسط
وكتفي بالطاولات الجانبية لن مامهنتنا الا ساحبين الطاولة يمين ويسار واذا بتحطين حطي طاولة فيها عجلات لسهولة الحركة
وبنسبة لقطع الأثاث الحين الدارج هو القنفات الي فيهم مكان تمدين ريولك عرفتيهم تلقينهم في كل مكان وعند ايكيا بعد​

 

[rudy]

مشكوره رودى ما قصرتى

وين سويتى ستاريج وشنو موديلات ناعمه وحلوه

لما الحين ما ركبت ولا ستارة
البيت كله شتر وقلت بدور على مهل
وانا احب الموديلات الناعمة ويعتمد التصميم على القماش والهدب والاكسسوار
لان الستاير الي بركبهم كلهم تحت الديكور
يعني ما في مجال للتفنتق ويعتمد كل شي على الخام والهدب​

 

[روزه]

مرحبا رودي للمرهالثانيه اطلب منج صور من بيتج وبالاخص المطبخ والحمامات اذا ماكان فيه احراج

 

[rudy]

انشاء الله
لكن انا لما الحين ماركبت الستاير بالمطبخ والبيت ناقص بس ما عليه اصورة واهو ناقص صبرو علي شوي

هذي صورة قديمة شوي قبل لا اركب ليتات الجزيرة وطاولة الطعام والمطبخ اخذته من ايكيا​

 

[روزه]

ماشاء الله خوش مطبخ وذوق راقي وانا من اشد المعجبين بافكارج واحب اطبقها في بيتي وننتظر باقي الصور بس لاتتاخرين علينا

 

[سيدة الكويت]

الله يهنيج فى مطبخج تدرين رودى نفس لون مطبخى بس ما حطيت جزيره عشان ما يصغره تدرين احنا كويتين وكلا عزايم كخخخخخخخخخخخخخخخ

شريت طاوله تونس تصفط وكراسى مدوره معاهم وحطيتهم هذول غير غرفه الطعام اليوميه

 

[rudy]

وي يحليلك اصولة تو الناس على الاستقبال أبي أتكتك لها على اقل من مهلي
الحين خل اخلص الأساسيات وبصرحه أبي شي حلو للاستقبال مابي شغل العيلة وبسرعة بسرعة وبعدين اتحسف أبي كل ما تميت اشتري شي يسوى ولقط يمين ويسار

 

[sunshine22]

نفس مطبخي يارودي سبحان الله نفس الاذواق

بس انا فصلته بكيو كتشن بالشويخ والجزيره خليتها لاصقه بالمطبخ من ضمنه مو منفصله مثلج


طيب الكراسي بعد من ايكيا لو اروح القاهم تهقيــــــــــــــــــن.........؟؟


الله يهنيج ان شالله


تبين نصيحتي بالصاله يارودي
صالتي كل من دخلها قال حشى السفاره الفرنسيه مو بيتكم
مو مدح والله الكل انبهر فيها هذا وانا ما خلصت الا الورق جدران والاثاث بسسسسسسس



صالتي زيتي وذهبي
وستان ملكي مخطط عريض وضعيف....

مااخذت المخمل دارج وقلت صاله ليش اتقيد بالمخمل

وفعلا ما ندمت

تهبللللللللل


اما غرفت المعيشه

خليتها على الطراز المغربي الاندلسي

وسويت المرايا اللي وريتج صورتها قبل ذكرتيها,,,,,,,,,عند مصممتها مها مرزوق بحولي سويت المرايا المغربيه ب190


وان شالله اصور الغرفه المغربيه

 

[rudy]

مرحبا سن شاين أي الكراسي من ايكيا
واعتقد انك تلقينهم وروحي قبل لا يخلص الخصم

شوقتيني سن شاين على بيتك

وعلى فكرة اللون الذهبي يحلي المكان ويخليه فخم

أنا حطيت حمام الضيوف سيراميك جاكار ذهبي والأرضية فيها لمعة الشوارفيسكي

بس للأسف لما أصورة ما تكون الصور حلوة مثل الواقع ​

 

[rudy]

مرحبا بنات شلونكم وشخباركم

اليوم حبيت تشاركوني في مجموعة من الديكورات انشاء الله تنال اعجابكم

​

 

[rudy]

بسم الله الرحمن الرحيم


إن مفتاح خلق و تكوين أي مسار لوني ناجح يعتمد على مدى فهمنا لعلاقة الألوان ببعضها البعض في عجلة الألوان............وسأبدأ أولا بتعريف عجلة الألوان


عجلة الألوان

عجلة الألوان تصنف الألوان إلى 3 فئات: رئيسية، ثانوية، ووسطية
هناك 12 لونا في عجلة الألوان: 3 ألوان رئيسية وهي الأحمر، الأصفر، والأزرق

الألوان الرئيسية: سميت بذلك لأنها لا تنتج عن ألوان أخرى.........ولكن جميع الألوان الأخرى تنتج عنها ألوان ثانوية ناتجة عن مزج لونين رئيسيين بنسب متساوية:

البرتقالي ( أحمر+ أصفر)
الأخضر ( أزرق+ أصفر )
البنفسجي ( أزرق+ أحمر)

الألوان الوسطية الناتجة عن مزج لون أساسي ولون ثانوي وتسمى بأسماء الألوان التي أستخدمت فيها : أزرق-أخضر، أصفر-أخضر، أزرق- بنفسجي، أحمر-بنفسجي، أحمر-برتقالي، و أصفر-برتقالي

التصنيف حسب إختيارات الألوان:

1- الألوان المتممة: اختيار لونين متقابلين في دائرة الألوان كالأخضر والأحمر مثلا، كل زوج يحتوي على لون رئييسي وآخر ثانوي كما يمكن إضافة ألوان أخرى لهذين اللونين عن طريق مزجهما بنسب مختلفة .

أمثلة: الأحمر و الأخضر، الأزرق و البرتقالي، الأصفر و البنفسجي

ميزة هذه الأزواج من الألوان عند وضعها جنبا إلى جنب فإن كل منها يؤثر على اللون الآخر بجعله أكثر نصوعا وقوة وأكثر تشويقا للنظر.........فإذا أردت ديناميكية و حركة و تشويق بصري للمكان فإختر هذا المسار.

يتبع​

 

[rudy]

2- ألوان متممة منشطرة : وهنا نختار لوناً أساساً للمشروع ثم اللونين المجاورين للون المتمم له و مثلاً نختار اللون الأحمر كأساسي و الألوان المجاورة للون المتمم ( الأخضر )

ميزة هذا المسار اللوني أنه يجعل الهيمنه للون واحد ويبقى الألوان الأخرى كمقارنة ( contrast) بصرية

3- التناغم الثلاثي : أسلوب جرئ جداً يتطلب شجاعة لونية اكثر مما قبل , وهو القيام برسم مثلث متساوي الأضلاع داخل الدائرة لتؤشر زواياه على ألوان المشروع مثل ( الأخضر والبرتقالي و البنفسجي ).

4-ألوان هرمية متدرجة

أما هذا المسار لا يتطلب الجرأة ولا الشجاعة اللونية , كما يمكن التعامل معه في جميع أجزاء المسكن , ويتناسب مع جميع فئات العمر والمزاج وهي مريحة للنظر ومنها :

1- الألوان المتجاورة : وهو إختيار 3 ألوان جنبا إلى جنب في عجلة الألوان، وهنا نبدأ باختيار لون واحد كأساس للمشروع ثم اللونين المجاورين له كالأخضر المزرق والبنفسج المزرق إذا كان اختيارنا الأساس هو الأزرق وهذا الأسلوب يعطي الفراغ طيفاً لونياً واحداً .

ولكن ينصح بعدم مزج الألوان الحارة و الباردة معا في تكوين هذا المسار اللوني

2-اللون الأحادي : يقوم المشروع على لون واحد ويتدرج بألوان مشتقة وقريبة منه , وذلك بتفاعله عند مزج الألوان الحيادية ( أبيض ,رمادي ,أسود ) معه .

التأثير البصري الذي يحدثه هذا المسار هو التناغم و الهدوء و الراحة

وشكرا


منقول من دريمر​

 

[rudy]

شلوووووونج رودي


من وين شاريه الارضيه الشوارفسكي و السيراميك الجاكار و على جم المتر؟؟؟؟؟؟؟؟؟

من آرت كازا

في سن ستي بالشويخ تلقينه معروض بالمحل ومنه اسود وابيض وسماوي

وبالنسبة للسعر اعتقد اذا ماني غلطانه مترة اب 25 ​

​