رودي للاستشارات الهندسية

[batlah]

الله يعافيج ابي اعرف بالنسبه للوحده مالت التبريد وين احطها لأن زوجي سألني نخليها فوق الدريشه قلت له حلات الستاره تبدي من اول السقف مو حلو يصير فوقها شي وإلا اشرايك

 

[batlah]

واتمنى من إللي يعرفون مكان لبيع السيراميك رخييييييص يدليني يقولون امغره تطيحين على اشياء حلوه صج وإللي اتعرف غير امغره تنورنا

 

[الكيكة]

هلا بتله ... لا حطي بالج لا تروحين امغره .. يقولون كراتينهم كله مغشوش مو نفس اللون بالكرتون الواحد ... و نصه مكسر و مايتبدل ولا يترجع.

تلقين رخيص بالشويخ شارع المطافي ... محل اسمه برقان و محل ثاني اسمه هيوستن ( عاد في اثنين هيوستن بنفس الشارع واحد منهم غالي و الثاني رخيص ) هذيلا رخاص و كاسريهم بعد... اصلا هالشارع كله محلات اسعارهم رخيصه

اييي و يقولون (حسن ابل) فرع الجمله رخيص .. ماعرف اوصف المكان بس اهو اذا وقفتي عند لاندمارك الري يصير مكانه بالجهه الثانيه من الشارع الرئيسي يم سيرفس التيوتا.
و في مكان سألي ريلج اكيد يعرفه كله مخازن المحلات انا وداني مره ريلي بس ما أدله .... بالشويخ يمكن يم وزارة التربيه القديمه اذا ماني غلطانه ... اذا تبين اتأكد لج .. عندهم شغلات اتهبل و يبيعون ارخص من محلاتهم لانهم المخازن .. دشيت عندهم مخزن السويد طارت عيوني من الشي اللي عندهم بس كنت مسويه بيتي و خالصه .

الوحده لا تحطينها فوق الستاره اولا شكلها مو حلو و ثانيا بيكون المكان صعب اذا بغيتوا تنظفون فلاترها و ثالثا مرات الوحده تنقط ماي حرام تتلف الستاره.

انا اقول حطيها بمكان صاد شوي يعني ماتصير بوي الناس اول ما يدشون الغرفه او الصاله

 

[rudy]

كفيتي ووفيتي كيكه
كل الي قالته صح بس امغرة تلقين فيها بس مجازفة
وبالنسبة للتكيف خلي الوحدة بعيده عن الستارة ولو كانت لغرفة النوم حاولي إن هواها ما يضرب بالسرير

 

[Nis^Nis]

وحدخ ويانا بالدوام تبي احد يسوي لها نافورة بالطوفه مالت الصالة .. و تكون من بداية السقف و داشة للأرض ... وين تقدر تحصل لها احد ينفذ لها الفكرة؟

 

[الكيكة]

سألي محلات الديكور اللي بحولي ملوت ورق الجدران واحد منهم يسوي هالسوالف وفي محلات ديكور بالفروانيه انا شايفه دعاياتهم بالوسيط
و في محل ديكورات يم السوق الايراني .. هالمحل فيه مصممة ديكور مصريه شايفه عمرها و وايد غاليه.
و خليها تسأل محلات الشايع و حسن ابل يمكن ايبون لها طلبية

 

[روزه]

شلونكم خواتي اختي رودي وكيكه ولا يهينون البنات بغيت اسالكم عن الالمنيوم والشترات شنو احسن مكان واسعاره حلوه في الكويت وبعد بسالكم عن نظام ال يو في بي سي شرايكم فيه الي عند اي معلومه لا تبخل فيها علي لاني حدي حايسه في التشطيب

 

[الكيكة]

ظبية انا سويت شتر بيتي عند العيسى ( الماني ) و سعرهم وايد مناسب و ارخص من باجي الشركات اللي ياو خذولي قياسات بيتي

وشغلهم وايد مرتب و نظيف

شنو نظام اليو في بي سي؟ ..... منكم نستفيد

 

[batlah]

الكيكة بعد عمري ما قصرتي على هالافاده الله يعطيج العافيه واذا ما فيها كلافه عليك سألي لي عن المكان الموجود فيه مخازن المحلات

rudy مشكورة وايد على الرد

 

[الكيكة]

لا والله حشا لا كلافه ولا شي .. الليله ان شاء الله احط لج تفاصيل المكان

 

[nour2006]

رودي الغالية حبيت انك تفيدني اذا مكن انا عندي مشكلة انا عندي غرفة مكتب حابة اعرف شنو احدث الديكورات للارضية والجدران لاني بصراحة وايد تعبت وانا ادور على شي حلو وراقي

 

[الكيكة]

نور على ماترد عليج مستشارتنا الغاليه رودي انا احب الديكور الخشب و الباركيه للمكتب وايد راقي .

شوفي الصوره .. شوفي لون الطوفه ترا صبغ لون خشبي

وشوفي هذي بعد

 

[rudy]

رودي الغالية حبيت انك تفيدني اذا مكن انا عندي مشكلة انا عندي غرفة مكتب حابة اعرف شنو احدث الديكورات للارضية والجدران لاني بصراحة وايد تعبت وانا ادور على شي حلو وراقي

مشكورة كيكه دائما سباقه بالردود ماتقصرين والله
شوفي نور لازم تحطين في بالك تبين المكتب مودر ولا كلاسك

اذا تبينه كلاسك دخلي الخشب في الديكور من حوائط وارضيات واذا ما تبين باركيه حطي رخام او سراميك لونه غامق وحطي فوقهم قطعة سجادة ايرانية او بلجيكية بدرجات الأحمر والبني يعني هم غوامق ودائمنا الكلاسك اضائته تعتمد على الأبجورات والأبليكات

ولكن اذا انتي تحبين المودرن روحي.........................ايكيا.............. وشوفي مكاتبهم وايد حلوين وناعمين وخاصة خزائن الحائط شكلهم مودرن وتقدرين تخلين حتى الأطفال يستفيدون من الغرفة ومحتوياتها.

 

[rudy]

http://www.ikea.com/se/sv/catalog/categories/rooms/workspace/

 

[nour2006]

مشكورة يا رودي وكيكة على الرد وعلى الصور الجميلة بس في عندي مشكلة انا ما احب اللون البني على الحائط و الارضيات وبعدين موقع الغرفة الاضاءة فيها ضعيفة فتحسين ان الغرفة مظلمة نوعا ما لذا افضل الالوان الفاتحة وبعدين انا شريت المكتب من محلات المكاتب اللي في الشويخ وشكرا على صفحة ايكيا وراح اصفح واخبرك بالنتايج

 

[روزه]

شكوره كيكه على الرد وانشاء الله بنمر العيسى ونظام ال يو بي في سي هو ماده بدل الالمنيوم طبعا افضل من الالمنيوم وهي الموجوده في السوق هذ ا الي فهمته من زوجي وياليت رودي تررد على موضوعي وابي اسالكم عن ال
1-الشفاطات والتهويه
2-الشترات والالمنيوم
3-الاطقم الصحيه والجاكوزي
ادري ثقلت عليكم بس اكتفي لهذا الحد:eh_s(6):بس لاتنسين رودي ردي علي

 

[rudy]

شلونكم خواتي اختي رودي وكيكه ولا يهينون البنات بغيت اسالكم عن الالمنيوم والشترات شنو احسن مكان واسعاره حلوه في الكويت وبعد بسالكم عن نظام ال يو في بي سي شرايكم فيه الي عند اي معلومه لا تبخل فيها علي لاني حدي حايسه في التشطيب

انا شتر بيتي من الأهلية " صناعات الميلم " بالري يم فانتسي ورد شغلهم زين بس فيهم عيب واحد يوقف شغل الشركه في شهر8 ويوهقون العالم بس شغلهم زين تعالي شوفي بيت 32 مسوين الشترات والألمنيوم منهم وايد شغلهم حلو.

نظام ال يو في بي سي !!!!!!!!؟؟؟؟؟؟؟؟؟؟؟ شنو هذا يستعمل لشنو انتي قلتي اقوى من الألمنيوم
لحظه انشاء الله هذي المادة الي تستخدم للشبابيك والبيبان بد الألمنيوم اذا كلامي صح وخري عنها اعرف ناس حاطينها وما يمدحون الشغل.
وبالنسبة للألمنيوم اكو بيت بالسلام اسمه البيت الأوتوماتيكي بقطعة 6 على الشارع يبيع بيبان ودرايش وسعره ارخص من الباقي ويسوي كل شي​

 

[الكيكة]

العفو خواتي ... ظبيه اضيف لكلام رودي ...ان الجاكوزي كل مكان غالي .. بس شريت من الحميضي بالتنزيلات اب 350 دينار .. صيني ابو نفرين و اهو انسب سعر حصلته بالسوق .. باقي المحلات على 800 و طالع... اللي يقول ايطالي ( الرفاعي ) و اللي يقول دي في دي بلاير ( روابي الشام )

اطقم صحية اخذي من الحميضي .. او مخازن السويد .. الطقم اب شي و ثلاثين دينار يا بلاش .... انا شاريه الماني اب 270 الطقم ( استعيلت )

و نوووووور اذا تحبين المكتب فاتح صبغي الطوفه اصفر فاتح او مشمشي فاتح .. يطلع حلو مع لون المكتب الخشبي ... و حطي الارضيه سيراميك

 

[bentanat]

ما شالله عليكم .................كلكم ذوووووووق

 

[rudy]

بما انكم تزورون موضوعي
اشرايكم تشوفون شغلي بعد

​