روايه [ يمه اليآ طرت لي ملامح وجهك آلهآدي آقول جعل آلملآمح ذيك للجنهه ] بقلمي .,

[هناء - Hana]

ياربي ليش الرواية مو مكتملة

 

[FuFu...]

waiting

 

[Miss MzajeYa]

اب اب اب اب اب

 

[FuFu...]

up up up up up

 

[RaHoFa]

اب اب اب اب اب اب

 

[اميرة al-koon]

حبآيب قلبي Soory so so so so much
فديت قلوبكم ريوم الخبله غيرت آلرقم آلسري وقآعد تتذكره بآليالله الله يهديها > مسويه نفسي مؤدبه بس ادعي

على العموم سوري ماكتبت بارتات بس صدقوني كنت مشغوله
ايه .. يللاا اكتب البارت

 

[هناء - Hana]

اوووووووه والله صراحة بغيت انسسسحب تدرين..
يالله جان زين رجعتي والله لووووووووول
يلا حياتي ناطرينج..انا متابعتج يالله؛*

 

[اميرة al-koon]

البارت :


يآ ضلوعيّ ليه آحسكَ ترجفينْ !
ناااَم فيكّ آلبرد و ﻵ خآيفه

يآ ضلوعيّ وإن شعلْ فيك ” آلحنيّن “
آلظروف ومثل مآ آنتِ شآيفهَ

مآ معيّ غير آلكلام ودمعتين
أحضنيهم لو يدينك ’ عـــــآيفه
.




منسدحه على سريرهآ وغرقآنه بجي على آخوهآ :*

تركي .. آه وينك .. وربي تعبت ..



دخلت مريم : هئئئئئئئئئئ تبجين !

ساره مسحت دموعها : يوه مريوم شفيج تدخلين جذي ماتدقين الباب

مريم تقعد يمها وتتنهد : ادري حسيت فيج

ساره تطالعها ب استغراب وتسوي نفسها مو فاهمه :- أ أ أنتي شتخربطين

مريم تطالعها : تحبين نآصر !

ساره تطالعها مبققه عيونها : هي انتي شنو احب ناصر ويع شايفته هالطويل بل عليه

مريم تضحك طالعت ساره المستحيه وتكابر : اقول جبي تراه اخوي مالت عليج
ساره مدت بوزها دق التلفون حق مريم

مريم : هلااا ماما .. ايش .. لا انا مو عند سآرون .. يممآ ماقاعد اجذب .. يوه .. صبر . ا أ شششششششنو .. مآلي خلق . آوك آوك
سكرت التلفون .. ساره تحاول تشغل نفسها ب اللحاف تلعب فيه
مريم تطالعها : سار
ساره تقاطعها وهي مغمضه عيونها بقهر : ادري اخوج الاثول قال ل امج وانتي ماتقدرين تقعدين عندي خلاص مريومتي روحي آنآ مو زعلآنه منج
مريم تضحك ساره بطلت عيونها وعاقده حواجبها : شفيج انخبلتي ؟
مريم تبتسم وهي شآكه ب كلام امها : ابد الله يسلمج .. صح نصور قال لها .. بعد ماهددته طبعا .. بس ادري بتنصدمين وجذي
ساره تعض شفايفها بنفاذ صبر : خلصيني قولي
مريم تبتسم : اقولج امي مسويه حفله ب فلتنآ عشان رفيجتها رجعت من السفر و قالت لي اجي
ساره ب حزن : خلاص روحي شتنطرين اوصلج مثلاً
مريم تبتسم : لا ياخبله ابيج تجين معاي
ساره بصدمه : وأ أ امج موافقه
مريم تغمز لها : امي ماتقدر تقول شي عند الحريم .. سمعي ابيج تلبسين احلى ماعندج عشان امي تعرف منو انتي
ابتسمت سارا ب حب ل مريم وضمتها : وآي احبج يلوموني فيج
مريم : خلاص شوفي انا ابيج تطلعين احلى بنيه
سارا : لا مابي بلبس فستان اي كلام وبروح
مريم عصبت طالعت سارا كان شعرها تعبان حيل ولونه اسود خلاص ميت و عيونها هالات سودا من تحتها .. وبشرتها جافه .. شفايفها جافه ولونها رايح ..

مريم " خبيره بالميك اب وهالسوآلف " سحبت سارا وطلعت لها اغراض وايد تدوخ الراس تعرف تصبغ الشعر بلبيت سارا لعوزتها على ماتختار لون شعرها و حطت ميك اب وخلصت

مريم تطالع سارا ب انبهار : واااااااااااااااااو ماشالله
سارا تطالع نفسها ب المرايا : امبيه شوفي هذي انا مو معقوله !!
مريم دمعت عينها .. مسحتها بسرعه عشان سارون ماتلاحظ ..
مريم : انا بلبس جايبه فستان .. و بطلع لج بسرعه

خلصوا وطلعوا ركبوا السياره طبعاً سايق مرسلينه ..
وصلوا ل الفله الفخمه والانيقه حديقه منسقه ب الورود انواع واشكآل ..

وصلوا الساعه 7 .. شافوا سيارات وايد تروح وتجي
مريم تهمس ل سارا :أمبيه شوفي شكله الحريم وايد
سارا بخوف : لا مابي خلاص
مريم: خليج واثقه من نفسج شوفي بناتهم يلوعون الجبد كل وحده تجيب المرض وشايفات نفسهم خصوصا ريماس ويييييع
سحبتها ودخلوا وقفوا عند المرايا الي عند الباب عدلوا اشكالهم ودخلوا
طبعا الحريم توسعت عيونهم غصباً عنهم .. مريم وساره طالعين تحف

مريم بشعرها الاشقر ومسيحته ومسويه برمه من الصوبين ولابسه احمر صارخ و كل شي احمر وفستانها فيه حزام فضي
وميك ابها الصارخ الي بارز جمالها .. ام مريم ماعرفت بنتها

اما ساره كانت ماكله الجو اكال ..
لابسه اسود ماسك على جسمها .. الفستان شيك حده
وشعرها الويفي كان كثيف وطالع زوغه خصوصا لما صبغته عسلي على بشرتها البيضه وبشرتها الصافيه جنها حليب .. وحمرتها الحمرا الصارخه . طالع شكلها حده غير متغيره شعرها لاعب ب حسبتها .. و عطرها الي صار الهوا الي يتنفسونه من كثر ماهو قوي وصارخ . اهي تحب الناعم لكن مريم اصرت يكون صارخ

ام ناصر انصدمت من شكل ساره لدرجه حست ان مريم ولا شي عند ساره ...
‏​يـ ﺂللي عزفت ﺂلحضور شوي سمعنًا
لحن ﺂلمسآء مآترك لـ محـدثك غآلي


__

عند نآصر قآعد مع شبآب عيآل خآله وخآلته ..
رن جوآله كآن منسجم ب آلسوآلف آستأذن وطلع
رد على الجوال : الو .. منو .. اوه شتبين .. ويع لزقه .. اقول ذلفي .. ماحبج .. امبيه صج انج رخيصه .. استحي على ويهج .. مالج دخل .. يابنت الناس افهمي اكرهج ما اطيق اشوفج فجي عني . يلا مقفآج

__

طلعت سآرآ كآنت تبي تشم هوى تحس بضيقه من نظرات الحريم لها
ماحطت ملفعها على راسها متوقعه ماكو احد .. كلن مشغول مع العزايم الا هي بهمومها > غلطانه ياسارونتنا

وقفت تشم هوى نزلت راسها حست دموعها بتخونها .. مشت بسرعه وهي ناويه ترجع
صدمت بجسم عورها .. رجعت ل ورى .. شافته ماكان تبي تشوفه وتشوف عيونه اه ياعيونه نظرته حاده طبيعي من الله خشمه سله سيف يخبلها شعره الي يدوخها بس ماتقول ل احد انها تحبه طالعته بشوق مو كأنها اليوم الصبح شآيفته وزآفته

عند ناصر سكر تلفونه ومشى صدم بجسم ناعم ماحس بألم
رفع راسه ماعرفها اي نعم ماعرفها شكلها غير بس خق معاها
قال ب قلبه " واي هذي احلى من ساره حيل ياترا منو . استح على وجهك نويصر "
حك راسه ب فشله : اسف اختي ماشفتج
عداها بيمشي لكن قاطعه صوتها المنقر
سارا بقهر : اختي !! انا مو اختك ي اثول
رجع يطالعها يحاول يدقق ب ملامحها وهي تطالع عيونه الي تعشقها الا تموت فيها
تحس بشعور لذيذ لكن موجع كل ماتطالع عيونه الي تدوخ بلد كآمل يسحرني هالولد
شلون ماعرفني .. مو لهدرجه متغيره .. ناصر تذكر ولا تخيب ظنوني

ناصر : منو انتي ؟
سارا ابتسمت وبانت غمازاتها : انا تأكدت الحين انك غبي . انا ساره . بنت عمك
مشت وهي تتعداه وب اسلوب مزح وبصوت عآلي عشآن يتذكرها :
ومره ثانيه لما تجي بيتي دق على اختك مو تدخل علي فجأه ههههه
ومشت ماتبي يشوف دموعها
تركته منصعق منصدم مفهي يحاول يحفظ ملامحها بخياله
انجن عليها . لف يطالعها . سمع جملتها . ابتسم نص ابتسامه
ضرب رجله ب الارض حس بشعور مايدري شنو ..
مشى وهو منصدم ب شكلها طالعه تجنن

بعد ماخلصت العزيمه . رجعت ساره ومريم امها زفتها زفه متحرمه وخلتها تنام ب بيتها
سارا راحت مبتسمه كل ماتتذكر موقفها مع ناصر
انسدحت على سريرها بعد ماخذت دوش تذكرت نظرات ناصر المفهيه
صرخت : احبه . اموت فيه . خباله . فهاوته . رجولته . هيبته . مزاجه المتقلب . وصوته لما يفهي اخيه . بحته . عيونه هذي انا ادوخ عليها نظرته حاده يابوييييييييييييييييييييي . شعره البني الناعم الكثيف غرررااااامي
نامت وهي تتذكر شكله . :*



وش صار وش الي غيرني
ماعدت أعـرفـنـي
طبيت في الـ ِمطب

عيار كانو يسموني كلهم يعرفوني
مالي انا والحب

مادار في بالي الخالي اتعلق بـ ِغالي
واضيع أنـا في الدرب

وش صار وش صار لـ ِ هـ القلب
حـب وعـشـق وانـحـب
وانا ادري إنه صعب

قالو غير في هندامه
والليل ماينامه
متعذب ومحروم

واقول انا ماهو انا من بعد يادانه
صرت اسمع ام كلثوم
معذور من زهرة الفلي متغيرن كلي

والأمس ماهو اليوم وش صار وش صار لـ ِ هـ القلب
حب واعــشـق وإنـحـب
وانا ادري إنـه صعـب

--

نهايه البارت
تراني تعبانه ومنشوله بليالله كتبته
وبدت قصه حب جديده لكن ي ترا هل تستمر ام في مشكله بتوقف بينهم :eh_s(2)::eh_s(14):

​

 

[هناء - Hana]

اخييييييييييييييييييييييييييييييييية البارت لاتعللللللللللللللللللللليق صراحة روعة شقول فديتج كملي والله انمدمجت مع البارت ههههه يلا ناطرينج لاتتاخرين نفسس كل مرة عاااد؛*

 

[FuFu...]

ياااي واخيرا رجعتي !!
والبارت واايد حلوو يعطيج العافيه..
نبي بارتات اكثر عشان هالفتره كلهاا بليز.. :eh_s(22):

waiting

 

[اميرة al-koon]

البارت :

الصباح الساعه 7 .. صباح جديد على ابطالنا .. كل منهم يسرح ب قصته ومشاكله
صباح يعم صوت العصافير في بيت سارا نبدأ صباحنا :-

جالسه على الكرسي لابسه نفنوف ابيض ناعم وقصير تحت ركبها ب الظبط .. ومرجعه راسها ل ورا .. حست انها مخنوقه اليوم تبي تتنفس .. سمعت صوت احد يتحمحم .. نطت بسرعه تجيب عبايتها الي كانت جنبها و لبستها ب اهمال ركضت لبرا
شافت عمها .. دموعها نزلت لا اراديا .. عمها الي اشتاقت له .. حيل مو شويه .. عمها كان نحفان بزياده .. شكله متغير لكن حليآن .. صرخت سارا ب اسم عمها
ركضت تضمه .. تدور دفى بين احضانه .. اه كم هو مؤلم فراق ابوك . ايه نعم كان ابوهاا .. ضمته وبدت تصيح حيل

سمعت صوت من ورا بس كان ب سخريه : اله كل هذا شوق لابوي
التفتت بقهر تعرف صوته .. انقهرت منه ناظرته ب طرف عينها ورجعت تبتسم ل عمها وتضمه

ناصر يبعد سارا عن ابوه : خلاص ترا ب تخنقين ابوي حشى ..
ناظرته سارا بغرور " شصاير فيه معاملته متغيره مالت حقدت عليه من صج "
دخل عمها و ناصر الي بس يطالع ساره وخلاها تستحي . . . . .
هي جالسه وعمها قبالها و بكرسي جانب عمها ناصر الي كان مقابلها
من الحيا ودها تقوم و تطقه و تفرغ قهرها مننننه لانه مبتسم نص ابتسامه
بس يدوخ .. يوه عيونه تدوخني عيونه البنيه الفااااتحه لونها عجيبب .
نظرته حاده مثل الصقر حتى لو ماكان قصده يناظر بس حاده نظرته هذا الي يدوخني
حاطه رجل على رجل وتسمع عمها يتكلم ناصر منقهر تحط رجل على رجل عند ابوي

عمها ب ارتباك : سارونه شلونج
ساره تطالع ناصر التفتت ل عمها ب ابتسامه صافيه دوخت ناصر غمازاتها : تمام عمي والله واااااحشني حده
عمها يبتسم بحنيه : والله مو كثري . . . زين جيت انا بقولج شي ضروري
ناصر يطالع ابوه ب استغراب كان يتكلم ب جديه .. سارا خايفه من اسلوب عمها
عمها يتكلم بسرعه عشان محد يقاطعه : بنتي انا عندي واحد اسمه منصور رجال ونعم الااصول طيب وعنده خير وفلوس و طلب ايدج مني .. وانا وافقت وملكتج باجر .. والله يابنتي ماسويت كل هذا الا عشان راحتتتتتتتتتتتج والله كاني احلف والله

__


عند بيت ناصر

مريم نازله وشعرها منسبل بنعومه على كتوفها وتغني : بلا حب بلا وجع قلب وش جانا من ورا هالحب غير التعب غير الألم وش جانا .. ياناس انا مابي دفا .. قلبي من الحب اكتفى

دخلت المجلس بحيث ان مافي احد داخل بدت ترقص وهي حاطه السماعات عليها
وتغني ب اعلى صوت .. صوتها ناعم يخبل يجنن .. سمعت صوت ضحكه رجوليه
اكيد هذا مو صوت ناصر . . ولا ابوي . . منو هذا . .
التفتت ل مصدر الصوت بخوف شهقت تشوف رجال طويل ونحيف جسمه حلو ..
عنده غمازه وهو يضحك . . شعره الاسود . . اسمر وسماره يجنن . .
شهقت مريم وركضت على طول لـــدآخل وهي تبجي
دخلت على اختها رنا وتصرخ : رنوووووووووووش
رنا بخوف سكرت التلفون على طول > كعادتها
قالت رنا بقهر : بسم الله الرحمن الرحيم ماتعرفين تطقين الباب قبل ماتدخلين ولا . . .
سكتت وهي تشوف مريم تطيح على الارض تبجي بجي اول مره تشوفها تبجي جذي
رنا تركض لـمريم : مرييييم خرعتيني شصاير .؟

__


stop

من هو الرجل .. رنا بتبدا قصه و موال مختلف عن الكل . . سارا وعمها . . ماردت فعل ناصر ؟ . . هل يرضى ل كلام والده ام لا ؟

 

[هناء - Hana]

رناااااااا لاتعلييييييييييييييييييييق
اما سارة ماراح توافق طبعا وناصر بيعاند هم مايوافق وان شاءالله مايوافقون ههههه ابيهه سارة لناصر هههههههههه
وشسمهه حمستيني يلا كملي ابداااااااع؛*

 

[Miss MzajeYa]

رنا بتبدا قصه و موال مختلف عن الكل ؟؟
امم يمكن اهي الي تتزوج الريال الي طلب ايد ساره لان اي احد من العايله يعرف عن سوالفها وتتزوجه وتتغير حياتها

. . سارا وعمها . . ماردت فعل ناصر ؟؟
ساره ما توافق بس عمها يغصبها وناصر اهو راح يقول لابوه ان يبيها وبيتزوجها وعمها يهون عن الزواج

. . هل يرضى ل كلام والده ام لا ؟؟
اكيييييد لا

 

[Miss MzajeYa]

يسسلموو قلببب على البااارت النااايس

 

[Miss MzajeYa]

اب اب اب اب اب

 

[RaHoFa]

وااااو حبيبتي البارتين يينننووونننن
اب اب اب
ماعندي توقعات
وحبيبتي سلامتج من النشششله »�� ترا حتى انا منشوووله ومريييزه خخخخخ
وااااي يمه فديييييييتهم سارا وناصصصر ودي اقول خرا على عمها بس عييب خخخخخ

 

[FuFu...]

من هو الرجل ..
اممم يمكن واحد تعرفه و يصير لها
سارا وعمها . .
لااا الي سواه عمها كلش ماتوقعته منه لان حرام حتى مااخذ رايها
ماردت فعل ناصر ؟
امم اتوقع راح يعصب و يقول لابو انه يبيها
هل يرضى ل كلام والده ام لا ؟
لا ماراح يرضى اكيد..

يعطيج العافيه و ناطرينج..

 

[RaHoFa]

وييينج

 

[FuFu...]

طووولتي

 

[lulu_q8]

Waiting