روايه كويتيه بنات القبايل

[اذكر الله يآ خفوقي]

يعطيك العافيه قلبوا

 

[Barbary]

تسلمين قلبو

 

[نور عيني]

يعطيج العافية

 

[اذكر الله يآ خفوقي]

امبيه انتي تلعبين بأعصابنا ولا شسالفتك

ما قول ياليتني ماقريت القصه واندمجت معاها

لان حسافه مالها نهايه

وعالعموم ماقصرتي ويعطيك العافيه

 

[حلم المشاعر]

عفيه اي منتدى في تكمله مليت وانا انطر الظاهر الاخت ناسيتنا

 

[دانات2]

يمكن منتدي غرام دشي قوقل وسوي بحث:ada:

 

[نجمه الحالمه]

يسلمووووووو ياقلبي

 

[أنفاسي بخور]

تصبحين على خير حياتي

 

[آه من قلبي]

هاي يا خوات انا رحت منتدي غرام ولقيت القصه بس نفس هنا موقف الاخت داعجه في نفس الجزء يعني تيتي تيتي زي ما رحتي جيتي الله يعين

 

[q8y-moon]

يا اختي شسالفه موشي تعلقينا جذي

 

[لوكة]

يااااااااااااااااااااااااااربي لالحين
واللة مليت افففففففففففففففففففففففففففففففففففف
ما احب الانتظاررررر

 

[داعجه العين]

عندما تكون من اصحاب الثراء الفاحش او تعرف

احد هكذا تكون ابسط مشاكللك واكبرها مهمه
تلاقي

الاهتمام والرعايه بغض النظر ان حلت او لا

ربما لايكون بالأساس لمشكلتك وانما لما تملك

ولكنك تجد الاهتمام
دخلت الي القصر الأسطوري في

باريس تبلغ مساحته 700000 متر مربع

البنيان كان من القرن التاسع عشر بالألوان الحمراء والبيضاء

والأرض المحيطه به 70 هكتار

مزروعه بالكامل بجميع انواع الورود المختلفه

ولديه اسطبل مجهز بكامل معداته للخيول الاصيله المجلوبه من المغرب

كان منظر جميل جدا للنظر والأجمل استقبال الموظفات العربيات لنوره وام محمد

بملابسهم البسيطه وابتسامتهم الودوده اخذت العاملات الحقائب منهن

لم تتوقع نوره شئ هكذا

في توقعاتها مستشفي كبير

ومجموعه ممرضات فرنسيات بملابسهم البيضاء الكئيبه

نوره كانت خائفه من تصرف سلطان المستقبلي

ونظرته عنها

ومهما طمئنتها ام محمد لم تكن لترتاح

قاطعت افكارها شابة لبنانيه بيضاء في العشرين من عمرها ذات الشعر الاحمر الصارخ

والبشره البيضاء التي تكاد ان تقسم انها لم تتعرض لشمس بحياتها

ولكن عندما تري جسدها الممشوق تتراجع عن قسمك لكي تقسم مره اخري انها تقضي طول وقتها في الركض

وممارسه الرياضه

:اهلين مدام نوره

نوره (من غير نفس ):هلا

سلين :بحب اعرفكي علي نفسي سلين راح كون زميلتك بالغرفه ومرافقه الشخصيه

ازا بدكي اي شي بس خبريني

وهالا بخليكي ترتاحي شوي لان علي ساعه اربعا بيبتدي جلسه التعريفيه

نوره:شنو وام محمد وين راح تكون

سلين وهي تبتسم بلطف :ام محمد رح تضطر انها تغادر المشفي لان اداره بدها هيك

نوره:اذا راحت ام محمد انا بروح معاها

ام محمد تدخلت :لاتصيرين ياهل يابنتي انا بكون عندج انشاءالله وبزورج باي وقت

لكن اللحين لازم تركزين علي صحتج مايستوي جي

ضمتها نوره والدموع تملئ عينها لم تكن قط انسانه رومانسيه او علي اقل تعبر عما بداخلها

لكن الظروف غيرتها وجعلتها حساسه

:لاتخليني يمه انا احبج

ام محمد وهي تبكي معها :في وحده تترك بنتها افا عليج يانوره انتي بنتي
اللي ماولدتها

بعد ذلك ذهبت نوره لترتاح قليلا

ايقظتها سلين

:شو الحلو لساتو نايم

نوره لاتحب ان يقوم بأستيقاظها الغرباء لكي لايروا حالتها عندما تقوم غير مرتبه
وغير مستعدة

:سلين الساعه ماصارت اربع

ولو سمحتي انا ماحب احد يقومني

سلين تغيرت ملامح وجهها ولكن بموجب عملها يجب ان تعامل جميع المرضاء بلباقه

مهما قالوا

:اوكي حبيبتي انا اسفه

نوره:لاعادي بس مابي هالشي يتكرر

سلين :تأمري امر هاللا شوبتحبي تاكلي سناك

نوره وهي ترتدي الروب :انا ماكل الصبح وجبتي بالاكل احب اكلها لما اكون جوعانه

سلين:بتشربي اقهوه

او عصير شو بدك

نوره:بس ابي ماي دافي وفيه شويه ليمون
سلين:متل مابدك

ذهبت نوره لترتطيب شعرها وجسدها قبل ان تستعد للأستحمام

وعندما انتهت من تحضيرات اليوميه الطويله

التي ربما يشعر البعض بالملل من تكرارها

لكن بالنسبه لها المظهر هو اهم شئ وهو جوهر الأنسان

وبحسب مظهره تستطيع ان تعبر عن شخصيتك بكل ثقة

نزلت بفستانها القصير جدا

البنفسجي والجاكيت الجلد بخليط من الابيض والاسود

والحذاء المغلق الذي يصل لفخذيها

مع شعرها الاسود الغجري الطويل

نزلت بخطوات صغيره تتفحص المكان
بعيناها الكبيره المكحله بالكحل العربي

الي ان وصلت سلين

المتطفله

:انشاءالله عجبك المكان

نوره كانت تكره التطفل والغرباء

ولاتتقرب من غريب الا لشئ معين

نوره:-----------

سلين تفزلي هون

دخلت غرفه كبيره بها اثاث عصري وسيدات وفتيات صغيرات

يحتسون القهوه

نوره جلست بالنصف والنظرات المتطلفه تلاحقها

اصبح شئ عادي بالنسبه لها

فهي اعتادت ان تكون مميزه وسهله الملاحظه

قامت كل واحده منهم بالتعريف عن نفسها بدون قول مشكلتها

ونوره قامت بالمثل بكل لباقه

بعد ساعه من الحديث الممل جدا

حديث لم تكن مهتمه بسماعه

عرفت نوره ان الطبيبه النفسيه سعاد سوف تكون

طبيبتها الخاصه

فلدي هذا المسشفي النفسي سياسيه عقلانيه جدا

ان كل طبيبه تختص بمريضه واحده

وتكون من نفس جنسيتها لكي تفهم طبيعه المريضه وتاريخها

بعد هذا الاجتماع استئنت سعاد

مع نوره لكي يذهبون الي غرفه لوحدهم
دخلت الي الغرفه بطلائها الاخضر الفاتح مع الاثاث الابيض المريح مصنوع من الجلد

والكرستال

والوحات المعلقه علي الحائط

جلست الدكتوره عن بعد قرابه المتر

لانها تعرف ان المتعرضين لاغتصاب لايفظلون

التطفل

ويعتبرونها انتهاك لحرمتهم

حتي بمساحات الجلوس بينهم

نوره كانت تريد ان تقول كل شي

لسعاد مثلما ارادت ان تقول كل شي لكل شخص تقابله

كانت جميله جدا من خارج بأبهي حلتها ولكنها من داخلها مجرد فتاه

تصرخ من الألم


:نوره اشوفج متماسكه بس كل هذا قناع صح

نوره بتكبر :ليش شايفتي ابجي ولا انوح عندج

سعاد ابتسمت :هالعدائيه مصدرها

الغير استقرار النفسي

ابيج تفهمين شي قبل لانبدي جلساتنا

انتي مو بمحل انتقاد

ولاشفقه انتي صارت لج ظروف لازم تتعالج

وتقولين وتشكين عشان تتخطين هل كم الهائل من الغضب والخوف

نوره:00000

سعاد اخذت الملف الشخصي

وفتحته لكي تبدي ملاحظتها علي حاله
نوره تنفست بعمق

كانت تشعر انها تريد ان تتكلم من غير توجيه اسئله

ابتدأت نوره بالحديث :احس اني ماعيش الحاضر وعمري كله راح علي وانا متمسكه بالماضي

سعاد:كل يوم تستردين الاحداث

نوره:كل لحظه اعيد الاحداث حتي من قبل الاغتصاب

احس ان فتره الوحيده الحلوه بحياتي لما كنت جاهل ومافهم شي

سعاد:بس ملفج يقول ان بفتره طفولتج تعرضتي

لتحرش جنسي ؟

نوره:بهالفتره ماكنت اعرف هالامور

كنت ماخذتها بصوره عاديه


ماكان عندي الوعي ولامعلومات ان هالشي غلط

سعاد:والوالده ماعلمتج ان هالشي غلط ماعطتج اي تحذيرات

نوره ضحكت بقهر :امي ماكنت فاضيه لنا

كان همها شلون تكلم رياجيل وتطلع معاهم من غير علم ابوي

سعاد حاولت ان لاتظهر دهشتها

نوره:ادري انصدمتي لكن بطبيعه عملج وان لازم تكونين احترافيه ماتبينين اي مشاعر غير الهدوء

سعاد ابتسمت برقه
:وامج ماحاولت تكون علي اتصال معاكم بعد الطلاق ؟

نوره :هههههههه بعد الطلاق ماكانت تبي تشوف وجيهنا

واحنا صدينا عنها كان يقولونا ابوي ان

قطتنا وراحت بس ماكنا نصدق نقول كله منه
من طقه لها وقسوته لكن اللحين اطتشفت انه ماينلام وهو الوحيد اللي كان عندنا

وواقف معانا بكل شي

سعاد :يعني كان مثال لاب المثالي ؟

نوره :لا مو لهدرجه كان يجينا طشاش منه

وكذا مره حاولنا الانتحار منه

بس كان دايم صفه الحنيه فيه

سعاد:وصفه الانتحاريه فيج

نوره:الي سن معين

سعاد:الي ان اكتشفتي ان الانتحار مو حل لمشاكلج ؟

نوره :تقدرين تقولين


سعاد:ومراهقتج كلميني عنها

نوره:مراهقتي اممممممم

حتي بخيالج لايمكن تتصورينها كنت غير

الطابع الي كان يميز شخصيتي الخجل

سعاد :مافاجأتيني

لان التمرد مرحله ماقبل الخجل

اغلب الظن كنتي خجوله وانطوائيه

نوره:صح

سعاد تكمل :وبماا انج تعيشين في مجتمع قبلي
وكويتي بصفه عامه

وصمه عار كانت كبيره بسبب هروب امج وطلاقها

فكان طبيعي تنطوين لذاتج

الي ان اكتشفتي ان الخجل والانطوائيه ماتيب نتيجه

لانج تواجهين المجتمع

فقررتي تطبقين قاعده so what

صح ؟

نوره:تحليل ممتاز

بس اللي ماتدرين عنه حتي قاعده
So what

ماجابت نتيجه علي الاقل في نفسي لكنها كانت

وسيله دفاع ممتازه عشان اتأقلم مع الناس


سعاد :وضحيلي اكثر

نوره :بيني وبين نفسي دايم كنت احس بالنقص

كنت اعوضه بالشكل الخارجي

بس نفسيا كنت اتألم حيل

كنت استانس لا كلمت واحد متزوج

واتلذذ ان يكون عبدي المطيع وينفذ كل شي لي
سعاد : وزوجته ماكنتي تحسين بتأنيب الضمير ؟

نوره :كنت اشوف اني قاعده اخذ حقها

منه عشان جذي كنت دايم اوهم الي اكلمه بالسعاده مع ان انا اللي استفيد وهو ماياخذ الا الشقي والمصاريف

سعاد: ماكنتي تبادلينه المتعه الجنسيه ؟

نوره :لا بأحلامه بس كنت اوهمه

كنت اخليه مكانته ومكان النعال وانتي بكرامه وحده

وبدون لايحس

المهم مصلحتي سواء ماديه ولامعنويه

وكنت اقول لنفسي اني مسويه خير علي الاقل اخليه يتوب علي ايدي

اوريه انه الطريج اللي اختاره مافيه الاعذاب والمحاتاه

وان اللي تكلمه بالاخير ماتبي الا فلوسه

سعاد :واللحين تفكرين بهالطريقه ؟

نوره :تفكيري كان صحيح بس اللحين مايناسبني

لقيت الشخص الي يكفيني

سعاد:سلطان ؟

نوره :اي سلطان

الشخص الوحيد الي تملكني معنويا

سعاد :وخالج ؟

نوره :اخذت حقي بيدي منه

اخذت منه كل شي يحبه

مصيره كان بيدي وانا تحكمت فيه

حتي حياته كان بأمكاني اخذها

بس ماحبيت اريحه بسرعه ابيه يجرب سنين من الحزن والألم

سعاد :مافهمت شسويتي ؟

نوره :ليس كل مايعرف يقال

سعاد:اؤمني بالله يانوره ان هالكلام الي بينا ماراح يطلع وعلاجج مطلب مني انج تقولين لي كل شي

وتكمل سعاد:نوره حتي لو تقولين انا ذبحت خالي انا ماقدر ابلغ سلطات لانه انا اخذت علي نفسي قسم
ان اسرار المريض ماتطلع

نوره:علمتني الحياه اني ماثق الا بنفسي

حتي اقرب الناس لي ممكن يخونوني

سعاد عرفت ان موضوع خالها لم تستطيع نوره ان تتحدث عنه بسهوله ربما في جلسات اخريي لذلك اداره دفه الحديث

:امج؟

نوره :اممممممم اي اول صدمه بحياتي

لما اشوف مسلسلات والافلام ولا حتي رفيجاتي يسولفوني عن سوالف لامهاتهم

اهتمامهم حنانهم

تعرفين كأنه شي جديد علي ماعمري لمسته

بحياتي ولاحسيته


اكملت نوره والدموع بعينيها :وتدرين شنو اللي يضحك ويبجي بنفس الوقت

اني لو اقول لناس ماراح يصدقوني راح يقولون مافي ام جذي لا اكيد في سوء فهم

ولا انتي ماعطيتها مجال

فكره انها مومتهمه فينا ولا عن احوالنا مايصدقونها

سعاد:نوره بحكم مهنتي ودراستي اكتشفت ان في نوع من الوالدات يعتبرون انفسهم حاضنات لمده سنتين وتنتهي امومتهم

عقله يبلغها ان فتره واجبها انتهت وان تكمل حياتي طبيعي بدون اي شعور للأمومه

نوره :يمكن كلامج يكون منطقي بس هالشي مايغفرلها

سعاد:انتي لازم تتعودين انج تكملين حياتج ماتفكرين فيها

نوره :شلون مافكر فيها وانا مابي اجيب عيال

منها مابي يحسون اللي انا حسيته

مويقولون فاقد الشئ لايعطيه ؟

سعاد:انا عكس هذا المنطق بالعكس فاقد الشئ هو اكثر انسان يعطي لانه عرف معني الحرمان

نوره :امممممم انا تعبت ممكن نكمل بكره ؟

سعاد: ماكو مشكله بس ابيج تكتبين لي عشر مشكلات تعانينها وابيج تكتبين عشر حلول تعتقدين انها ممكن تحلها
خليني اردج لايام المدرسه واعتبريه هوم ورك اوكي ؟

نوره :عاد تدرين انا انسانه ماحب المواعيد ولا احب التزم

اذا كان في موعد محدد دايم اتأخر عنه مع شعور بالذنب بس سيكلوجيا ماقدر اسويه بالوقت محدد احس انه شي مفروض علي وانا ماحب احد يفرض علي شي

سعاد: خلاص متي ماحسيتي انج تبين تكتبينهم اكتبينهم

بس عندي رجاء اكتبيهم

نوره :ههههههه اسلوب التمسكن صح ؟

سعاد:هههههه صح بس تذكري لقضيه نبيله

نوره (فلوسي هي نبيله ولانتي لو لا الماده ماهتميتي فيني ) :يلا مع السلامه
مرت اسابيع علي نوره في المصحه النفسيه والجلسات قاست من خلالها الكثير من الالم والفرحه

اكتشفت منظورا جديدا للحياه

اكتشفت ان هناك امل لضحايا مهما كانت خسارتهم

واكتشفت ان التفكير بالماضي لايرجع شئ حتي لو دفع الجاني
الثمن

وان لديها حياه جديده مليئه بالتفاؤل

ينتظرها حب رجل

تفهم لمعانتها وغفر لها اخطائها

ينتظرها حب اخواتها الواتي مستعدات لتضحيه بأرواحهم لها

ينتظرها حب ألهي كان معها طوال الوقت ولم تشعر به

بحلتها من باريس كوتور ارماني

بالدانتيل الفرنسي الابيض مع بعض من ستان الاسود تحت الصدر
والتنوره السوداء مع زينه في اسفلها

والبوت العالي الساق الابيض المخملي بالدانتيل الاييض

وحجابها الاسود وشريطه بيضاء بالوسط يثبتها بروش الماسي

وضعت عطر خفيف من لاليك

مع حمره شفاء ورديه و الكحل العربي

ربما تخلصت من عاداتها القديمه ولكن الكحل العربي لن تتخلص عنه قريبا

كان بأنتظارها سلطان وهو مبتسم ركض اليها لم يستطع تحمل ان تأتيها بخطواتها البطيئه المترددة:
نوره احبج

ابتسمت نوره :وانا بعد احبك اكثر من حياتي

سلطان انا اسفه علـــ

سلطان :ياقلبي الي صار بفرنسا بيبقي بفرنسا وانا ماقلت لامي اي شي

وهي مشتاقه لج حييييييييييييل

وخواتج كل يوم يدقون علي

نوره :قلت لهم شي ؟

سلطان :ماقدرت اني ماقول لهم شي حنا طولنا بفرنسا واجد قلت انها مريضه وتعافت اللحين

نوره :ههههههه ماتوقع صدقوا

سلطان :والله مادري عنهم المهم انتي

رفعها بذراعيه جسدها الي الهواء وضمها بحنيه

نوره بادلته بالمثل وللمره الاولي شعرت بمدي جمال هذا الاحساس

قبل ان تودع فرنسا وماحملته معها كان لها بوداع اخير ام محمد تلك الانسانه
التي الكلمات تعجز عن وصفها

ام محمد تعذرت عن سفر معهم

لكنها الزمتهم بقضاء الصيف معها وهم رحبوا بسرور بتلك الفكره



*


**


*


من خلال تلك الاشهر الطويله

حملت شوق بجنين اخر

وقد اسقطته ربما الله ليس كاتب لها ان تصبح ام

وبدون تدخل ام فيصل حصلت علي مرادها

دخلت شوق بكأبه شديدة

الامر الذي تريده بشدة ان تكون ام

لم يحصل لها

رغم محاولات فيصل بأخراجها من عزلتها ولكنه لم يسطتع النجاح

في وقت متأخر من الليل

جهزت حقائبها

وهمت بالخروج لكن قلب العاشق يعرف متي يذهب عنه معشوقه امسكها بذراعيه العريضتين

:وين رايحه ياشوق

شوق :ابي اروح عند خواتي

وانت شوف لك مره غيرك

انا ماصلح لك
يمكن الله يعاقبني علي ذنوبي ومايبي يرزقني بولد يسعدني ويسعدك انت شنو ذنبك تتحمل ذنوبي انا

فيصل :شووووق ماخلصنا من هالموضوع

انا مابي عيال انا ابيج انتي

ولامره بالدنيا تقدر تنسيني حبج افهمي ياشووووق
تعبتيني معاج وانتي بعيده وتعبتيني معاج وانتي قريبه

شوق :خلاص شنو يرضيك اموت ؟؟؟

اموووووووت عشان ترتاح

فيصل :وانا تخليني بهالدنيا بروحي ؟

شوق : انا ماني متحمله بس كفايه

فيصل انا بروح ولايمكن ارد عن قراري

وانت شهر شهرين وبتنسيك المره الجديده ويمكن هالمره ترضي فيها امك وترد

تعيش حياتك الطبيعيه مره ثانيه
يعني تهقي اني ماشوف عيونك وهي تتحسر تشوف امك بالملحق

انا أذي لك يافيصل من جيت هالبيت وماجبت الا الشر معاي

حتي ابوي الله يرحمه كان يقولي

انتي ملعونه من جابتج امج وجابت المشاكل معاج

فيصل :شوق خلينا نروح برا تتعالجين نشوف شنو اللي يخلي الجنين مايثبت اكيد في علاج

خلينا نحاول عطي حبنا فرصه

ولاتظنين ان مره ثانيه بتجي مكانج انتي مكانج بالقلب

شوق :خلاص يافيصل دامي بالقلب والقلب يامرك تخليني

انا ماقدر اتحمل اجهاض مره ثانيه بكل مره اتقطع

افكر بحياه اللي سقطتها شنو راح يكون اسمه باي مدرسه راح يدرس حتي بعرسه افكر فيه

افكر انه يجيني وهو عند عروسه يحب راسي

وخواته يراقصونه وهو يضحك ومتفشل افكر بملامحه مثل ملامحك افكر فيك والشيب مالي راسك

افكر بنتنا اللي طيحتها وانا اشتري لها ملابسها واكسسواراتها

افكر بعنادها

افكر فيها لما تبلغ وتجيني خايفه وانا اطمنها

كل هالامور والخيال هلكني ماقدر اتحمل

بعد

فيصل :لو ماتبين تحملين مو لازم نروح برا ونخلي مره ثانيه تجيب لنا

يكون من صلب حبيبج وزوجج

تري الام مو اللي جابت الام اللي ربت وانتي ياشوق قلبي بتكونين احلي ام بالدنيا

شوق ابتسمت ومسحت الدموع بعينها ببراءه :صج فيصل

ولكن رد العبوس لوجهها :والناس؟

فيصل :انا عن نفسي ماهموني

بيوم ولاراح يهموني لكن اذا تبين انتي ماله داعي يعرفون انا بكره اقدم علي دوره بأمريكا من حساب الحكومه ومنها

يكون منصبي احسن ومنها نجيب بنوته ولا ولد لأحلي شوق ها وش قلتي ؟

شوق :امممممممم وخواتي ؟

ماقدر استغني عنهم

فيصل :انشاءالله خواتج بيتفهمون الوضع وانتي متي مابغيتي

العني علي الطياره دقينا تذكره وجينا الكويت شفتيهم ورجنا مره ثانيه

شوق :بس انا ابي ملابس الحوامل

فيصل :ياهني ملابس الحوامل فيج

بشتريلج بكره والبسيهم عشاني
ههههههههه منه فكره جديده

شوق :هههههههه وانت تفكيرك بس بهذا

فيصل :صراحه ودي اقولج اني قلت هالكلام بس عشان اضحكج بس مابي اجذب عليج

شوق قبلت فيصل وهي تخطط لمستقبل جديد

بعد شهران من التجهيز للسفر لمده 4 سنوات مما تطللبه دراسه فيصل

وبعد اسابيع قضاها فيصل بمعاناه من التسوق مع شوق وكأن امريكا لايوجد بها مجمعات

ودعت شوق اخواتها وحانت لحظه السماح من ام فيصل
دخلت الملحق الذي جهزه فيصل وكان اجمل من بيتها الداخلي :السلام عليكم

ام فيصل :--------

شوق :ماني قايله لج السلام لله انتي اكبر مني وتعرفين لكن بقولج شي انتي حملتيني ذنب امي

وانا مالي ذنب فيه

وماقلت شي واجهضتيني وانا والله شاهد علي سامحتج

ومابي منج شي وهذي مفاتيح بيتج لج

وحنا لاجينا بناخذ بيت لنا

وانا تري عمري ماقصدت اشاركج بشي ولا انغص عيشتج

ام فيصل :الا بنت الملعونه ملعونه

شوق ابتسمت :مو مشكله يلا تامريني بشي انا مسافره

ام فيصل :اخذتي ولدي وبتسافرين فيه

وتقولين تامريني بشي

شوق :ولدج هو الي قالي سافري معاي عشان دراسته مو انا

وولد هو اللي تزوجني مو انا

لابغيتي تكرهين كرهي ولدج مو انا

بس يا أم فيصل انا مالومج الضني غالي

وحنا انشاءالله كل شهر ولا شهرين بنجيكم
وادعيلنا علي الاقل ادعي لولدج يرده الله سالم

ام فيصل :عساج ماتوصلين لأرض المطار

شوق :لاحول ولا قوه الا بالله

ذهبت الي السياره تنتظر فيصل يودع والدته

الله لم يقبل دعي والده ام فيصل

وذهبوا الي امريكا بسلام
هناك الحكومه تكلفت بكل مصاريفهم من السكن الي مصروفه اليومي

بشرط ان يكمل الدوره بنجاح والا سوف تستعيد الدوله كامل اموالها التي صرفتها

بعد ان وضعوا حقائبهم في الشقه السكنيه

ذهبت شوق بلهفه الي مركز التخصيب وهناك كانت لغه الماده هي الوحيدة التي تتكلم بغض النظر عن جنسيتهم العربيه فلم يهتموا كثيرا لذلك

وانا الاموال الذين سوف يحصلون عليها وسوف تحصل عليها المرأه التي تأجر رحمها

اخذت الملف شوق وقد اختارت امرأه برازيله تحمل الجنسيه الامريكيه

وذكر بالملف انها تجاوزت العلميه والصحيه دون مصاعب مما يعني مبلغ طائل لقاء خدمتها

اخذت شوق الظرف بحقيبتها وقد اخرجته لدكتور المركز مبلغ 70 الف دولار امريكي 30 الف للمركز و40 الف للمرأه دون تكاليف التخصيب

وهذه الاموال من الاموال التي تركتها نوير لأخواتها

وسئل دكتور زوجها اذا كان يريد ان تتم عمليه اخذ سائل المنوي بالمركز او بالسكن

وقد اجابه فيصل ان يريده اخذه بالبيت هذه فرصه لايرد ان تمر من دون استغلالها

فقد اشتري لشوق ملابس الحمل

وبعد ليله حافله من البهجه الزوجيه
في الصباح الباكر

اخذوا السائل المنوي لكي يبدأو عمليه التخصيب بعجل

ولكي يتعرفوا شخصيا الي المرأه البرازيله كارولينا

وهي تبلغ 23 عاما تريد ان تسدد مصاريف دراستها المتراكمه

كانت حنطاويه طويله ذات انحانئات فتانه شعرها بني اللون قصير انفها جميل وعيناها وسيعه

وشفتيها صغيره جدا

سرت الغيره في قلب شوق وهي تعض شفتيها
الممتلئه
وفيصل يضحك علي غيره شوق السخيفه فقد رأي نساء احلي منها ولكنه كان ولايزال يريد شوق
قال ممازحا :الله تجنن عيالنا راح يكون مزاين اذا الابو انا والام هذي اوووه قنبله ياشوق

شوق :اي برج التحرير وبرج ايفل اجتمعوا يمه يا انتاجكم الباب ماراح يدشونه
الله لايخسر كل يوم وانا شاريه ملابس جديده ماراح الحق كل يوم وهم طوالين متر

الظاهر اني راح اتعامل مع خياط عشان البس ذريتك

فيصل :ياحلوا ذريتي والله
دام انتي اللي راح تلبسينهم ماتلبسيني معاهم

شوق تكمل بغيض :لالا ركز علي ام العيال تري ماراح تشوفه ابد

فيصل :تخسي هذي ام عيالي مافي ام لعيالي غيرج فاهمه ؟
شوق وابتسامه الرضي تملئها :اكيد فاهمه ياقلبي كلامك اوامر

فيصل :يووه ياشوق عليج عياره ماشفتها بحياتي كلها

شوشو اشرايج نسرق بالطوا الدكتور وملابس الممرضه

عشان ليله ثانيه باجر نبي ولد ولا بنت يكون عندنا سائل نجمده ها شرايج

شوق:ههههههههه من صجك ؟

فيصل :حنا دافعين 70 الف ونبي ندفع اكثر ماراح يضرهم

خلينا نحلل فلوسنا شوي

شوق :ههههههه لاعندي فكره احلي اشرايج لما تفكر بولد جديد نسويها بالمركز نفسه

فيصل :لاوالله وصياحج كل المركز يسمعه لاهونا

شوق :يمه يالفحل
فيصل :ها ناخذه ولانرد بيتنا

شوق بخفه دخلت غرفه التبديل ومثل الافلام كانت تنظر الي اعلي السطح لكي تري ان كان هناك كامرات ولكنها لم تجد لذلك فتحت حقيبتها وادخلت الثياب بسرعه


بعد ذلك مشت مع فيصل بخطوات سريعه خشيه ان يمسكوا بهم وعندما دخلوا الي السياره المستأجره اطلقت ضحكه طويله

شوق :فيصل انت اليوم اسمك مايكل وانا اسمي ايمي

فيصل :ههههههه لا لايق عليج ايمي من البياض الزايد

شوق :تصدق منت بكفو ارتكبت جنايه بسبتك

حبيبي لوني يتمنونه هالبيضان اللي عاجبينك يروحون لمنتجعات عشان البرونزاج ويشترون بخاخات عشان لوني ولأسف بعد سبحه وحده تجيهم خيبه الم يرد لون الطوفه لهم

فيصل :اللحين صار البياض لون طوفه

شوق :وتري مجاملتهم بعد لان الطوف اغلبهم بيج وهم شحب بيض بس ماقول الا الله يعينهم يمكن دكاتره التجميل بالمستقبل يقدرون يسون عمليه تغير لون دائم

فيصل:ياطول لسانج ماقول شي الا رديتي علي طول

شوق :هذي يسمونها نباهه وفطنه وبيني وبينك انا مو اللي اتكلم هذي الحقايق هي اللي تتكلم ولو انك تفهم بالتجميل وهالسوالف عشان عرفت انا شنو اتكلم عنه
فيصل :عساني ماعرف

تكللت سنوات فيصل وشوق الأربعه نتائج جميلة

ولدين وفتاة ونجاح فيصل بالدورة

اما والدة فيصل فلاتزال معارضة لزواج وعلي أمل ان يطلق فيصل شوق

*

**


*

قسمة الانسان غريبه وكثير من الحالات تذهلنا بسبب ماتعودنا ان نراة

لقد تعودنا ان الفتاة الصغيرة تتزوج بمثل عمرها او اكبر منها وعندما توصل الي ال25 ترضي بواحد بالثلاثين او بالاربعين حتي

وان التي تعدت الثالثين وهي عانس يكون زوجها بمتزوج او ارمل او مطلق

لكن ان تتزوج فتاه بسيطه مطلقه سابقا ولديها طفلتين من دكتور لم يسبق له الزواج من عايله سياسيه مرموقه فهذه استدعت فضول العجائز وحسره الفتيات الاتي كان يأملن ان يكون من نصيبهم

خاصه وانه قد اقام علاقه غير مشروعه مع اغلبهن

كان يريد امرأه جميله عاقلة متدينه
تحفظ له غيابه وسمعته وتربي اطفاله ولم يواجهه صعوبه في تقبل واقع انها ام

فقد رأي مدي اهمتامها بنفسها وبأطفالها وبمهارتها في الطبخ فقد كانت تأتي بأكل للجناح بأكلمه عندما كانت تزور والدها
ومدي اناقتها في تنسيق البيت وهو يعلم ان ليس اخوه عندنا اتي لكي يعزي

ولا حتي اهله عارضوا فوالده رأي في تزويج ولده ليتيمه قد يفيده في الانتخابات القادمه

دخلت جميله صالة الاستقبال

وهي ترتدي ثوب ابيض من اشتراة وليد
كان ثوب غير تقليدي رغم بياض لونه في صدر خامه مخرمه يغطي جسدها بطانه بيضاء وخط من حجر الياقوت علي الصدر وخط اخر علي بطن من نفس الحجر الكريم

اما في اسفل الفستان فكان شيفون ابيض مقصوص علي دوائر متتاليه

وشعرها يزينه تاج الماسي مع الياقوت

اما باقه فكانت عباره ورده جوريه ساقها الذهب الأبيض وورودها مرضعه بالزمرد

ووجهها وضعت القليل من الماسكرا وحمره شفاه

هادئه بلون الكرزي

كان يريد ان يظهر للكل ان عروسه التي اختارها جميله من دون الكميات الهائله من مستحضرات التجميل وانها جميله من دون شئ علي اسمها

كانت علي عكس التوقعات الكل كان يتوقعها ممتلئة او علي الاقل لديها كميات غير مستهان فيها بمنطقه البطن بحكم انها انجبت مرتين

ولكنها كانت خاليه من عيوب

ابتسمت بموده ومشت بخطوات ثابته

وهادئه

اقتربوا منها اخوات زوجها وهن يضحكن:والله ياجميله قهرتيهم
هههههههه

والاخري تقول :تصدقين قبل لاتجين تقول وحده مرتكم راح تجي بعكاز ولا بكرسي

اكملت عليها الثالثه :جميله مهما تسمعين طنشي تراهم مقهورات ياحبيبتي

وقد صح تنبأها فقد سمعت عبارات حقيرة من النساء لها وبوقاحه واحده تقول :وين عيالج ولا العرس خلاص تستغنين

والذي معها تقول :عادي دربها درب امها هذيك خلت عيالها وهجت وهذي مير اشوي تزوجت علي سنه الله ورسوله بس سوات وحده خلت عيالها وراحت ورا الرجال

اما ابنة عمه فقد قالت :هذي عروسكم وشفيها مو متزينه لخوكم ولا طايح من عينها اكيد دامه رضا بوحده مطلق عندها عيال اكيد فيه البلا

ولكن كانت رصاصه الرحمه عندما دخل وليد بوسامته المعهوده وهيبته

وقد اسكت كل الحضور

اخذ عروسه وذهبوا الي فندق
بعد فترة زواجهم بسنه انجبت جميلة ولد

وكان الكل يحسدها ولكنها كانت تعيش في معاناة

فقد اكتشفت علاقتة بفتاه صغيرة في المرحله المتوسطه وميولة الغريبة في الفراش فقد كان يقول لها عندما تريدين ان تدخلي معي السرير يجب ان ترتدي ثياب مثل الفتيات الصغار
وان تضعي جدائل وشرائط مثلهم وهو كان مهئ للأجواء فكانت غرفه نومهم مثل غرفه لفتاه في 12 عشر ورديه بالكامل وحتي الغطاء كان علي رسوم كرتونيه مع وسادات علي اشكال دببة

لكن جوه المنحرف قطعت له نورة ببطنها الممتلئ دخلت الي الغرفه وقد تفاجأت
فبرغم من اصرار جميله الا تدخل غرفتها من قبل اوامر وليد الغائب بالعمل

الا ان انقاذ الله لها جعل حب الفضول يتسلل الي نوره بعد ان طلبت من جميله ان تأتي لها بالماء لكي يتسني لها الدخول ورؤيه افكار جديدة لكنها تفاجأت بالوضع :شنو هذا جميله ؟هذي غرفتج ولا غرفة بناتج
جميله بكت:غرفتي

نوره:من صجج يعني تبين تعيشين طفولتج ولاشنو ؟ ولابناتج هم اللي منقين الاثاث ؟

جميله :لا وليد هو اللي منقيه

بعد ان شرحت لها الوضع بالكامل بكت نوره :جميله هذا انسان منحرف مثل سعد الحيوان

هذا ميوله مو طبيعيه يجب جنس الاطفال وقاعد يتخيلج طفله بس راح يجي يوم وراح يسوي في بناتج شي وراح يعوشون حياتهم بمعاناه مثلي طول عمرهم تكفيييييييييييين يانوره ابوس رجولج لايصيرون مثل خالتهم تكفييييييييين

جميله :لالا الوضع ماراح يصير جذي لو هو مفكر بجذي كان ماطلب مني انا وراح لبنات علي طول

نوره:اول شي بيخليج انتي بس بعدين ماراح يكفيه الخيال

راح يروح لبناتج عشان يكون واقع موخيال افهمي

جميله :والله لاذبحه قبل لايجي بناتي
نوره:اخذيها مني صدقيني حتي موته ماراح يفيدج بشي بعدين ولا بناتج قومي يلا لمي اغراضج وروحي

ولا اقولج اللحين ساعه 12 يعني مايمديج انحشي بثيابج

جميله :وولدي ؟

نوره :يعني بتخلينه اكيد راح تاخذينه

بس اهم شي البسي عباتج واخذي بناتج قبل لاياخذهم هم من دوامهم

جميله بسرعه ارتدت عبائتها وغطائها الشرعي

واخذت اطفالها وذهبت الي منزل والدها

وبعد سنتين وهي ببيت والدها ليست متزوجه ولا مطلقه اعفي عنها الخسيس وطلقها وتزوج فتاة سعوديه من القري تبلغ من العمر 9 سنوات

فالقوانين هناك تسمح بزواج الاطفال ؟؟؟؟؟؟؟؟


علامه استفهام كبيره بحق الاطفال يتركها النظام السعودي

وقناعة ان الصالحين لصالحات تركتها خلفها

فهي طوال حياتها لم ترتكب اثام ولكنها لم تتوفق

ربما هذه القناعه تنفع بالأخره ولكن ليس بالدنيا حيث الوجوه الحقيقه تظهر مع اغلاق الابواب الزوجيه

واما غدير فهي لاتزال تحمل صفه مطلقه مع اختها بجدارة

الي يومنا هذا

*


**


*


كان هناك احمد هناك بالأرض متوقف قلبــــه

ولكن ام عبدالوهاب لم تيأس

حددت الجزء الأسفل من عظمة القص بوضع السبابة عليها وتركت مسافة عرض إصبعين من هذه النقطة ووضعت راحة إحدى يديها على عظمة القص بعد هذه المسافة
وضعت راحة اليد الاخري فوق الأولى بحيث تكون متوازيتين وغير متعادمدتين

وجعلت ذراعيها مستقيمتين عند الكوع وضغطت عظمة القص بوزن جسمها دافاعاً إياها مسافة 3 - 5 سنتيمترات ثم خففت ضغط يديها لترتفع عظمة القص لأعلى مع استمرارها في ملامسة الصدر وعدم رفع اليدين وكررت تلك الضغطات
وبالاخير اعطته نفسين عميقين ثم 15 ضغطة لتدليك القلب ثم نفسين
وكررت العملية اربع مرات حتي حست بالنبض

واستدعت بسرعه وحدة الطوارئ

الذين اتوا بسرعه عندما علموا ان المصاب من ؟؟؟؟؟؟

حتي الاسعاف تكون سرعتهم كبيره بأنقاذ الأرواح عندما يعلمون ان هذه الروح تحمل اسم كبير في الدوله

والأجراءات المعروفه لم تشمل احمد ولا عائله عبدالوهاب فعندما يكون مصاب بطلق ناري اول اجراء ابلاغ السلطات ولكن المستشفي تغاضي عن ذلك الأجراء ولما لا

هذه عائله معروفه مرفوعين من مسائلات القانوينه

بعد العمليه الجراحيه استغرقت 4 ساعات

ثم نقل الي العنايه المركزة

وبعد شهر كان أحمد قد استعاد بعض من صحته

ونوير كانت كل يوم بجوارة لم تتركه الا بالمساء

اما عبدالوهاب فكان يريد ان يهاجر الكويت الا ان والدته منعته لكي لايلطخ اسم العائله بالعار

فحتي لو نجته من العقاب القانوني لن تستطيع ان تنجيه من اتهامات مجتمعها المخملي

وبهروبه تثبت التهمه عليه

لذلك قررت الي ان يشفي احمد ويبرئ اسم ولدها

لذلك عندما علمت ان احمد في صحه جيدة لكي يتكلم


ذهبت الي جناحه الامبراطوري

:سلام عليكم

احمد:وعليكم السلام

ام عبدالوهاب :ماتشوف شر ياولدي الحمدالله علي سلامتك انا كنت كل يوم اصلي وادعيلك ان الله يشافيك

احمد(انتي ماركعتيها عشان ربج اللحين تركعينها عشان ماموت وولدج ينسجن):مشكوره ماقصرتي

امري ياخاله ممكن اعرف شنو سبب زيارتي
اسمحيلي بس مستغرب لان صارلي شهر هني وماشفت الا امي وابوي ونوير

ام عبدالوهاب:والله كنت منحرجه ياولد ي منك

احمد بأستهزاء :حلوه ياولدي علي الطاري وين ولدج مازارني
عندي معاه كلام من صالحه

ام عبدالوهاب:اللي من صالح ولدي من صالحي

وتقدر تكلمني واللي تبيه انا بنفذه

احمد :انا ماعندي الا طلب واحد

ام عبدالوهاب :امر

احمد :تخلينه يطلق نوير

ام عبدالوهاب :وبعدين ؟

احمد :اتزوجها بعد شنو

ام عبدالوهاب :تتزوجها وشنو يقولون الناس عن ولدي

احمد:توج تناديني ياولدي وحالتج حاله

ام عبدالوهاب :ماقدر الناس بياكلون ويهي

احمد:عيل انا راح اطلقها منه لما ينسجن ولدج ولا يمكن مؤبد يعني بتكون مطلقه ولا ارمله انتي اختاري ؟؟؟؟؟

ام عبدالوهاب وهي تصرخ:يعني بتبيع العايله كلها عشان هذي

احمد:انا عمري فداها والرصاصه اللي من ولد ج تشهد علي كلامي تري لما اللحين عندي هي

عشان لاطلعت بأذن الله تكون الدليل القاطع لما تتطابق مع عيار مسدس ولدج

اييي وعلي فكره لاتحاولين تاخذينها من مستشفي لانها بأيد امينه

ام عبدالوهاب :نوير صح

احمد :شي حلو عرفتي ان نوير ايد امينه بس لا

مو اهيا

انا اخاف عليها شخص ماتوقعينه

ام عبدالوهاب :منو ؟؟؟؟
احمد :اللحين انتي همج الرصاصه ولا ولد ج تري الوقت مو من صالحكم لكم يوم وااااااحد انا مايبتي بالزياره الثانيه ورقه طلاقها بتستلمين ورقه القاء قبض

ام عبدالوهاب تمنت بأنها لم تنقذه موته

فوافاته والقول انه كان ينظف المسدس اهون من ان يطلق عبدالوهاب نوير ويتزوجها احمد

فسوق يقول الناس ان احمد كان يخون عبدالوهاب لذلك حاول قتله

ولكن بكفه اخري ذلك اهون من تخسر اخوها بفقدانه لولده

لذلك ذهبت الي بيت بسرعه ودخلت الي جناح عبدالوهاب بينما كان يتناول الكحول المسكره

رمت حقيبتها علي بطنه :ياغبي انت سكران والدنيا مقلوبه

عبدالوهاب :مو دنيا مقلوبه من زمان وانتي سوبر ومن اللي تعدلينها شنو فرقت اللحين حلي الموضوع ولاتزعجيني
ام عبدالوهاب: باجر تروح محكمه تطلق نوير فاهم

عبدالوهاب استيقظ من سكرته
:نويررر متسحيل اطلقها نوير ملكي انا تفهمين

ام عبدالوهاب :جب ولاكلمه نوير تطلقها باجر

عبدالوهاب :احبهاااااا يمه احببببببببببببببها

ام عبدالوهاب :حبها واحترق باجر تطلقها

عبدالوهاب:مابي اطلقها اموت نفسي ولا اطلقها

ام عبدالوهاب :مو هذا اللي خايفه منه

احمد يقول اذا ماطلقها راح تنسجن وهذا مو واحد من عامه الناس نرقع الموضوع

عبدالوهاب :كله منج انتي ليش اسعفتيه

ام عبدالوهاب :ليش تبي تنسجن يعني ؟

عبدالوهاب ودموع الحسره بعينه :وانا طول عمري مسجون من قيودج طول عمري وانا اسمع كلامج صح غلط المهم اسمعه قلتي تزوج وحده عاديه
عشان ماتفضح سوالفك تزوجتها ولما حبيتها بتفرقيني منها شنو انا لعبه عندج

ام عبدالوهاب :انا كنت ابي مصلحتك

عبدالوهاب :مصلحتي ليش ماهتميتي فيها وربيتيني عدل كنت اييج سكران ماتقولين شي

اكل قدامج والناس صيام ولاهمج اهم شي محد يشوفني ماعمرج قلتي لا مو المهم الناس المهم ربك اللي يشوفك

واللحين يايه تقولين مصلحتي

ام عبدالوهاب :زواجك انتهي وانا راح ازوجج بيدي احلي منها

وشنو اللي تبيه اسويه لك
عبدالوهاب:انا اللي ابيه نوير زوجتي تقدرين تيبينها لي ؟

تقدرين تخلينها تشوف ريال جدامها مو لعبه الماما تقدرين ؟

تقدرين تردين احترامي لنفسي ؟
ابسط شي ابيه تقدرين تعلميني انا ليش عايش اصلا ؟

ام عبدالوهاب لم ترد عليه لم تجد ماتقول له

بيدها حولته هكذا عديم الفائده

والأن لاينفع الندم وانما سوف تتدارك
مايمكن تداركه لذلك من دون علمه وبموجب التوكيل ذهبت الي المحكمه وطلقت نوير من ولدها

اخذت الورقه وذهبت الي الجناح

كانت هناك نوير تناول احمد بعض من المعكرونه

لكي تذكره بأول يوم اجتمعوا به بطبق المعكرونه

عندما رأتها نوير اوقعت الشوكه لا اراديا

ام عبدالوهاب :هذي ورقتها

ومابي اشوفك ولا اشوفها بحياتي

نوير:من زين شوفج اللحين
انتي وولدج الكمخه

طسي عساها ماتشوفج عيني الا وانتي جثه هامده

احمد ضحك علي رد نوير

عندما خرجت ام عبدالوهاب ولم تتفوه بكلمه

:الله يغربل ابليسج حرام عليج الدعوه ترد علي صاحبها

نوير وهي غاضبه:شسوي موبيدي

احمد:لهدرجه تكرهينها ؟

ابتسمت نوير:لا ماقدر اكرها لو ابي اكرهها لانه لو مازوجتني ولدها ماكنت عرفتك وحبيتك

احمد :اؤ اؤ نوير قامت تقول كلام حلو من متي

نوير:ماقلت لك انا معاك اتصرف علي طبيعتي وطبيعتي تحبك تحمل عاد

احمد:واااي فديتها والله اموووت انا ياأم الطبيعه

قلبي اول ماتخلص العده نتزوج اوكي ؟

وهالفتره حضري نفسج فيها سوالف الحريم وايد ماعرفها

نوير بخجل :اوكي

احمد اخرج من الطاوله صندوق كبير

وناوله لنوير

فتحته ووجدت رسائلها وصورها وبعض من اغراضها الشخصيه وصورهم معا وبأخر الصندوق مبلغ 10 الالاف

امسكت المال :شنو هذا احمد

احمد:هذا مهرج ياقلبي

الفلوس اللي كنت ميمعهم لزواجي

نوير:ياقلبي ماله داعي خلهم لك اللحين انت من المغضوب عليهم يعني طرق البجامه الي عليك
باجر تحتاجهم

احمد: ليش مو شايفه ريال قدامج

ماقدر اعطي لزوجتي مهرها ؟؟؟

نوير:لاوالله رجال وعن الف رجال

بس انا مابي مخاسير 10 الالا ف واجد خلاص انا باخذ 500 والباقي خشهم عندك

احمد يمازحها :اي مو شسوي امهوركم يالبدو غاليه

نوير:مالت الغالي للغالي

احمد:وانا ماعندي اغلي منج

نوير :يافديتك

ياجعلني ماذوق حزنك

احمد :يمه فديت كلام البدو

تغيرت مخططاتهم من الهجره الي الاقامه بالكويت

في شقه عاديه بمنطقه عاديه

فكبرياء احمد يرفض ان يسكن بقصر نوير لانه من مال عبدالوهاب

كان الامر سيان عند نوير

فألسعاده التي مع احمد برغم حالته المتواضعه نسبيا لرفاهيه عبدالوهاب

جعلت الشقه المتواضعه المكونه من غرفتين نوم وصاله

الي جنه في الارض الدنيا



تمـــــــــــــــــــــــــــــــــــــت

داعجه العين​

 

[داعجه العين]

اسفه علي التأخيـــــــــــــر عن جد

لكن كان لضروف وتقديركم واحترامكم مانسيته

وهو الشئ الوحيد اللي خلاني اكمل الروايه في الظروف اللي واجهتها

بالاخير احب اشكر كل من قرا الروايه وكل من اضاف كومنت


اختكم داعجه العين

 

[q8ya-barby19]

يالبى قلبج فديتج والله

والله داشه المنتدى أبي أشوف انتي نزلتي شي ولا لآلآ

قصه ناجحه من الطراز الاول ناطرين روايتج الثانيه يالغاليهـ

تحياتي

 

[..هموسه..]

مشكووووره حبيبتي على القصه
ررررررررررررررروعه وانتي اروع
ويعطيج الف الف الف عافيه ......

 

[آه من قلبي]

تسلمين اختي اخير اقدر انام مرتاحه عاد انا في لقافه مو طبعيه فديتك والله

 

[شيخــه]

يعطيج العافيه على هالقصه الروعه فعلا اندمجت معاها

 

[فوزانه]

مشكووووووووووووووه

 

[حيآتي لجلها]

واللـــــــــــــــــــــــــــــــــــــــــــــــــــــــــــــــــــــــــــه ماااااااااصارت ترا أنا شخصيا تعبت وانا انطر%%%%
بليـــــــــــــــــــــــــــــــــــــــــــــــــــــــــــــــــــــــــــز كملـــــــــــــــــــــــــــــــــــــــــــــــــــــــــــــــــــــــــــي

 

[وحلاتي والله]

يختي المره كملتها وخلصت وانتي نايمه بالعسل
داعجة العين يعطيج العافيه حبيبتي بس ممكن سؤال انتي كاتبتها ؟؟