NONEQ8
New member
انا شفت محد كمل قلت اكتب بارت واكمل << فديتني والله اني خووش وحده خخ
البــآرت الــ 20 ..
عند ساره تفكر شلوون تقنع ابوها او شلون تقول لابوها انها رافضه صالح .. وخايفه انه يجبرها ..
عند منيره
.. : ياربي ليكون زعلانه مني والله مو انا اللي عطيته بنها اوووف ي ربي .. << متضآيقه حيل
قطع عليها فونهآ يدق ..
ردت من غير ماتشوف منومنيره : ألــوووو ؟
اححمـد بمكر: هلآ والله هلا بهالصوت ..
منيره مصصدومه@@ :ااا.. من ..منوو احممد !
احمد : ههههههه اي شفيج ..
منيره : ويت ويت طلت بالشاشه شافت اسسمه عددل وتأكدت واهي للحين مصدومه ومستغربه : انتتتتتت موووصصصصج
احمد :ههههههههه اي ليش ؟
منيره تذكرت اهو السبب ان ساره زعلانه منها : خير نعم شتبي داق ..
احمد :افـآآآآ افـآآآآ بس صدمتيني منور انا حمود << مممثثثل
منيره بطنازه: صج تشرفنا وانا منيره ..
احمد يمثل الضحك : ههههههههههههههه والله ان دمج خفيف ياحلوج
منيره عصبت : هي هي هي انت شنو ياحلوج ياهل عندك انا ياهل
احمد : ول ول شوي شوي نضضحك يبا نتغشمر ..
منيره : شككرا مابي اضحك ولا ابي غشمرتك .. احين شتبي ؟
احمد يمثل : منور ادري انج متضايقه من اسلوبي معاج اخر مره كلمتج ..
منيره : لاعادي اصلا من زمان ادري انك قليل ادب وماكو اسلوب ..
احمد عصب شوي بس مسك نفسه : هذا غشممره ولا جد ؟
منيره : احححين شششتبي خلصني موفاضيه لك ..
احمد يمثل الحزن : منور انا اعزج ومابيج اتضايقين مني ومابي ازعلج بس غصبن عني كلمتج بهالاسلوب كنت معصبب والله كنت حيل متضايق اني سببت زعل بينج وبين ساره ...
منيره وجنها صدقت :مممم شوف انا مو متضايق من اسلوبك لاني متعوده عليك ي النفسيه ..
احمد : ههههههههههه
منيره بجد : بس اذا تبيني اسامحك قوولي منو اللي عطاك بنها ...
احمد ميت ع رضاج انا : منوور شفيج ليش اتعيدين وتزيدين قلتلج مولااازم تعرفين ..
منيره بصراخ : اممبلاااا لازم اعرف هذي رفيجتي ومابيها تززعل مني ..
احممد يفكر بجذبه : ااا .. سمعتها واهي تعطيه وحده وكنت واقف يمهم وسجلته وضفتها ^^
منيره واهي شاكه : اهها اححلف
احمد عصب : يووو منور عاد خلاص شفيج انتي .. قلتلج وقوليلها السبب اهم شي ماتتضايق وتزعل منج كلش ولا زعلها ..
منيره : صج والله ترى ماراح اقولها انك قلت جي ^^ << نذله ههه
احمد : خو اعرفج نذذذاله ..
منيره : ههههه باااي وسكرته ..
احمد : طاع سدته بويهي ماعليه اهم شي قصيت عليها عشان اهي تقدر تساعدني بشغلاات وااايد بعدين .. ضحك واهو طاير من الفرحه << خف علينا بس
...
منيره دقت ع ساره بس ساره ماترررد .. وبنقتها بالبي بي بس هم ماكو ماتررد .. قالت اكيد زعلانه منني باجر اراضيها بالجامعه ^^ ...
..
بيت بو ساره ..
..
هديل : ايي يلا فروح تبين شي بروح انام دوختي راسي بهذرتج هههه .. << جيكو توهم يسكرون بعد يومين هههه لالا اتغشمر ..
فرح : هههههه جب جني بس انا اللي اسولف يلا نوم العوافي ولاتنسين تكلمين ساره عن الموضوع اوكي ..
هديل : اكيييييييييد هذا موضوع ينسي << لا طبعا ماينسي
فرح : يلا باي
هديل : بايات قلبي :* << اهم شي البوسه
...
باليوم التالي ..
الصبح ..
نزلت ساره ولقت اهلها يفطرون ..
ساره بعيون متفووخه من البجي امس : صباح الخير ..
الكل : صباح النور ..
ام ساره : يما سأرونه شفيها عيونج كنتي تبجين << انشالله مو جدامهم ياالوالده ..
ساره بابتسامه باهته : لا ماما ماكو شي ^^
بو ساره وكأنه عرف اللي مضايقها : تعالي يبا تعالي تفطري معانا ..
ساره : لا يبا بالعافيه انا بتفطر بالكفريا .. يلا تبون شي
بو ساره : براحتج يبا ..
ام ساره : ديربالج يما بالطريج فمان الرحمن ..
هديل واللقمه بحلجها : سسآره سساره ويييت بييب جنطتي قطيني بطريجج ^^ ..
ساره : يوو هدول بتأخر جي عفيه روحي مع السايق ..
هديل : لالالا انا ابييج ضروووري عشان جي ابيج تقطيني ..
ساره : اي وراح نتأخر وتالي تعالي ياساره المدرسه النآظره تبيــ .. سكتت لما شافت هديل تخخزها يعني انجعمي امي اهني ..
ساره ماسكه ضحكتها ..: يلا يلا امشي ياعيشتن قشرا << داشه عرض هالجمله ع الروايه كلها ادرري هههه
...
بكفتريت الجامعه ..
منيره قاعده وتنطر سساره : ياربي مادري شفيها تأخررت ..
مريم : يووو منور شفيج هذي ساره كله تتأخر عادي ماتعودتي عليها ..
منيره: ابييها ضروري ..
مريم وشافت رفيجتها تأشرلها من بعيد يعني تعالي : منور قومي خنروح اسماء قاع تأشر لنا ..
اسماء بنت مغرووره .. اهي مملوحه .. بس حييل مغروره ..
محد يحبها ومحد يتقبل تصرفاتها اللي تنرفز وتغث .. ودايم نظامها خرباانه .. بايعتهااا .. محد معطيها ويه غير مريم ..
..
منيره كشرت :وييييييع روحي لها بروحج تدرين ماادانيها ..
بعدين لا تعممين قولي اشرت لج انتي بسس ولا من متى اهي تناديني ولا بينا سوالف انا مادري انتي ع شنو مرافجتها ع شطارتها ولا اسلووبها ولا اخلااااااااقها العااااليه اللي ماكو احد الا ويمددح فيها .. قالت اخر كلمه بطنازه ..
مريم على نياتها وكاسره خاطرها اسماء : لا حررام عليج لاتتكلمين عن البنت جذي ..
اسماء لما شافتها طنشت فيها وتسولف مع منيره قالت بنفسها : اييي اكييد منيروو الخايسسه قالتلها لاتييني بس انابروح لها وهين يامنوور
يت لهم ..
اسسمآء بدلع يلوع الجبد : هآآآآآآآآآآآآآآي ..
منيره : وييييع افف خننقهه خننقه ..
اسسماء بدلع : حتاتي ليش ماكو اوكسجيييييييين ..
منيره تقلدها : اوكسسسسسسجين .. ياششين الدلع ع البقر
اسمماء شهقت : انا بققره .. والله البقره عارفه نفسها ..
منيره : اي تعرفين نفسج
اسماء انقهرت : مريوم قوومي قومي مابي اقععد مع هالاشكال
منيره : اصلا ماراح اخليج تقعدين هههه مصدقه حدج
اسماء :مريوم قومي هالاشكال ماتنجابل
منيره بطنازه: تككفين يا اششكال انتتتتتتتتتتتتتتتتتي
مريوم : منور باي
منيره : بايات قلبي ووعلت صوتها الله يعيييييييييييينج ع البققققر
اسماء عصبت وسحبت مريم معاها ..
بسيارة ساره : يلا قولي شنو الموضوع اليي تبينه .. ولاماكو شي بس جذي عشان اوصلج تجذبين خو اعرفج خو
هديل : لاحششا والله ابيج بموضوع ..
ساره : اسسمعج تحجي ..
هديل اليوم بعد المغرب بروح لبيت فروح ..
ساره : ممم مارتحت لها شكلها كلش مو زينه لاترافجينها
هديل : ومن قال باخذ رايج اصلا بروح بروح
ساره عصبت : عيل شتبين ليش اتقوليلي بالطقاق الشرها ع اللي ينصصحج
هديل : ول ول اعصصابج لاينط لج عرج .. اولا هذي رفيجتي واحبها وواثقه فيها .. ثانيه ثانكس ع النصيحه اللي مارراح تتطبق .. ثالثا ابيج توصليني لها ..
ساره : اهااا لو تموتييييييييين ماراح اوصلج
هديل : يما اسمالله علي ماراح اموت وبتوصليني
ساره : نووو
هديل : سساره تكفين تكفين تكفين
ساره : قلتلج نوو وي
وصلوو المدرسه
ساره : يلا نزلي تنطرين طرده ..
هديل : ماراح انززل الالما توافقين توديني لها
ساره : افففف اخرتيني اوكي اوكي بوديج يلااا نزلي
هديل باستها ع خدهاا : فدييييييييييييييييييييييتج
ساره : مصصصصصصصصصصلحجيه
هديل : هههههه حرام عليج ونزلت يلا بااااي
ساره : بايات ..
..
بالكفتريا ..
عبدالله : شلونك اليوم ؟
احممد : تممام التمام
عبدالله : دووووووووووووووووووم ي رب
احمد : يسلموو
عبدالله : اوح اوح حمود شوف شوف صصاروخ امش امش نقحص عنده شوي جود اكو حظ
احمد يطالعه بنص عين : اقول تلايط لا كوع على عينك الحين ..
عبدالله : اففاا ليش
احمد : جي مال خلق هالسوالف
عبدالله : ايي يبا عندك المزيووونه القممر مالك ومال النجووم ..
احمد عصب : عبيد شهالكلام ... لاتتكلم عنها جذها .. اصلا لاتييب طاريها اوكي
عبدالله يضغطه : ويغااار بعددددددددددد ..
احمممد اختبص : هههه من صجك جب جب
عبدالله : لاوالله عيل ليش متمسك فيها جي واهي طاقتك بالطوف ..
احمد :اولا شكلي انا اللي الحين بطقك بالطوف لين اكسر راسك .. ثانيا انا متمسك فيها لاني حلفت اييب راسها ..
..
وصلت ساره وشافت منيره قاعده بروحها راحتلها ..
ساره : سلاااااااااام
منيره تطالع لها وماترد :...............ز
ساره مستغربه : هيي شفيج قلنا سسسسلام
منيره : لااااااااااااااا ليييش يييتي ردي ردي نامي روحي بيتكم لالا حلفت عليج روحي كملي نومتج ..
ساره بعبط قامت : اوك باي قلبو
منيرهبعصبيه : قول انثثبري ..
ساره : هههههههههههههههه موصج اشفييج
منيره : صارلي 5 سنين انطرج اهني وينج ..
ساره : هههه وصلت هدول وييت
منيره : والله وانا اتنقع وماتدقين تقولين بتتأخرين ..
ساره : امبي فوني سايلنت من امس
منيره بحزن : سارون انتي للحين زعلانه مني
ساره مستغربه : اززعل !! ليش ....؟؟
منيره : على سالفة احمد
ساره اللي كانت ناسيه احمد بالمممره ..: لاا منور شكوو اصلا اهو ماهمني اصلا انا مطنشته هههههههه تعالي تعالي شوفي بنقاتها قالب علي البي بي وورتها الفون واهي تضحك وماحست باللي وراهم ...
:لاوالله صج .. ومستانسه بعد ..!
منيره لفت منصددمه :احممممممممممممممد
ساره انصدمت بس ماتبي تبين لفت طالعتله ورجعت تطالع فونها وببرود قالت! : هذا انــت !
احمد سند ايده ع الطاوله وويهه بوييها وعينه بعينها :اي انا احمممممد .. مممكن اعرف ليش ماتردين علي !!
ساره تطقطق بالفون ولا جنها تسمع شي : ..........
احمد عصب من حركتها : ماترديييييييييييييين !!
ساره ببرود : لاترفع صووتك بويهي ..
احمد بنفس برودها : ممكن اعرف ليش ماتردين علي امس ..
ساره : لاني مابي اررد عليك ..
احمد :ليش .؟
ساره : اسأل نفسك .. اولا ماخذ ايميلي ..وثانيا ماخذ بني .. وقلتلك احذفني وماحذفتني انت شتبي ياخيي فجج فجج مابيك خلاااص ...
منيره مصدومه : ................
احمد انصدم منها وعصب : قصري حسك لا اكسر راسج وربي لاوريج اخليج انتي اللي تييني وتالي انا اللي برفسج وبتشوفين .. وخلج شاهده يامنيره << اهم شي احلف
...
منيره : ساره انتي ليش ماتبين احمد قبل كنت احس انج تبيننه وتحبينه .. والحين العكس شالسالفه ..
ساره : مادرري مادريي شاللي قلبني عليه ..
منيره : الله يعين .. اقول امشي بدت المحاظره واحنا اهني ..
ساره : روحي انتي انا مابي مالي خخلق ..
منيره قامت وسحبتها معاها واهم يمشون : اقول امشي اشمي ناقصين احنا ننطرد .. كافي توج مسويتلي فلم رعب مع احمدوو ..
ساره :هههههههههههههههههههههههههههه
...
بالمدرسه ..
طبعا هديل وفرح كالعاده مهربيت
) << يالله صباح خير ^^ فرح : صصصصصصصصصصصج .. وافقتت
هديل :اييي والله
فرح : وناسه بيشوفون بعض وبيقعدون مع بعض وبتعجبه وبيعجبها وبتحبه وبيحبها وبيخطبها وتالي بيتزوج ويصير عندنا عرس ههههههههههههه
هديل : ههههههههههههههههه حمد لله والشكر ع كيفج انتي ..
فرح قولي انشالله انتي بس ..
هديل : انشالله ^^
....
الظهر..
ساره واقفه عند الاشاره حمرآ ..
تتلفت فجاه لفت ع صوبها لقت يمها سياره فيها شخص تعرفه شافته من قبل ..
: امببلا اهوو جاسم .. وظلت اطالعله ..
جاسم مومنبه لها .. فجاه لف صوبها ولا شافها ..
اهي انحرجت وسيده نزلت راسها وبعده طالعت جدام ...
بنفسها : ويي فششله الله يفشلني .. شلون كنت اخخزه جي .. مو من صجي امبي شيقول عني .. اكيد بيقول ماتستحي << انشههد ماكو احد ماخززيتيه هههه
جاسم يطالعلها : اي امبلا هذي اهي ,, تههبل ماشالله عليها ..
..
وصلت البيت ..
دخلت عليهم
: السلام عليكم ..
الكل : وعليكم السلام
ام ساره : يما شفيج تاخرتي ؟؟
ساره : اشاره يمـ .. ززحمه يما ..
بو ساره : ساره يبا لاخلصتي غدا تعال داري ابيج ..
ساره وهديل انصصدمو .. وجنهم عارفين الموضوع .
بدلت وراحت له ..
طقت الباب
: دخلي ..
ساره ..دخلت
بوساره : ليش ماتغديتي ..
ساره : مومشتهيه .. آمر يبا ..؟
بوساره : يبا ساره بوصالح كلمي بالموضوع اليوم ويبي الرد ..
ساره : بس يبا ..
بوساره : حبيبتي ساره انتي تدرين اني احححبج .. ولج معززه كبيررره .. وابيلج الزين الريال والنعم فيه ومايعيبه شي .. والكل يمدح فيه ويتمنى يناسبه .. وانا ابي مصلحتج .. ولو انه مو كفو جان ماعطيت ابوه كلمه ..
رفعت راسها مصصصدومه : يبا يبا انت قلتله انتي موافقه !!!؟
بو ساره : يايبا الريال شاريت .. وانا عطيته كلمه .. لاني ادري انه بيسعدج ..
ساره والدموع بعينها : بسسس
بوساره : والله انه يستاهلج وتستاهلينه .. لاترديني يابنتي وتفشليني جدام الريال ..انا عطيته كلمه ... وواثق انج ماترديني ..
ساره محتاااره بين ابوها وقرارها .. ماتبي ترد ابووها وتفششله وتكسسر كلمته .. ولا تبي تسوي شي مغصوبه عليه ومجبوره علييه .. احتااارت اححتارت .. وبعد لحضات رفعت راسها وقالت بكل ثققه : يبـآ انــآ......<< النهايه ! نذله ادري ههههه لا بس ابيكم تكملووون ..
اهني نهاية البارت صارلي ساعتين اكتبه .. كتبته وانمسح ورديت كتبته مره ثانيه لعيوونكم ..
واتمنى يعججبكم وابي رايكم بلييز
وسوري اني كتبت مره ثانيه بس شفت محد كتب ماحبيت توقف الروايه فـ كملت .. << ياحليلني ادري ^^ هع
فديتكم ..
لاتننسووون الآراء :*
كملوووها احححبكم ^^
