روايه الحب المستحيل.... قصه واقعيه...

[s7abt_-_7ob]

:::::::::::::::::::::

ريناد وهي على طاولة الفطور .. ومكتمة حدهـــــــــآ ..
بو عبدالله بعد ماشرب كوب الشاي .. / ريناد .. وش فيك ؟؟ ماتفطري ..
ريناد / هااا .. امم انتظر ندى هاللحين تنزل ..
ام عبدالله / طيب اسكب لك شاي .. عصير ..؟
ريناد / اممم عصير ..

نزلت ندى بحيوية .. وهي تركض بسرعة عالدرج ..
لما وصلت ناحيتهم .. بآبتسامه مشرقة .. / صباااااااااااااااح الخير
الكل / صباح النووور ..
وجلست بالكرسي اللي جنب ريناد ..
بو عبدالله / يلااا انا ماشي .. تبغوون شي ؟؟
الكل / سلااامتك ..
ومشى وطلع ..
ام عبدالله / ندى .. متى البارح طلع زوجك ؟؟
ندى بحيا / هاا ... الفجر ..
ام عبدالله شهقت / والله .. ؟ وش عندكم ؟؟
ندى / هههههههههههه بس كذا نسوولف ..
<< التفتت على ريناد / هــــــــــيه انتي وش فيك ؟؟
ريناد ببرود / مافيني شي ..
ندى / اجل وش فيك من هالصباح وانتي ودك تكفخي اللي قدامك ..؟
ريناد / افففف ندوش بليييز مو وقتك ..
ام عبدالله وهي تناظر ندى / ندى .. لا تضايقي اختك .. خفي عليها
ندى فتحت عيونها للآخر / افاااااااااااااااا هاللحين انا اضايقها ..
والبارح تتكلم عن عماد ماقلتي تضايقني !!
ام عبدالله / هااا بدينا بالغيره هاللحين ؟؟
ندى / لا بس الحق .. حق ..
ريناد / ندوو يضاايقك كلامي عن عماد .. ترى مااقصد سووري
ندى التفتت على ريناد / لاااااا اناااا ماتضايقك منك ابد .. بالعكس
ريناد بآبتسامه / فدييييييييت اختي والله ..
ندى بعد مااكلت من الكروسان .. / مامااا اليوم ابروح اشوف فستاني
كان خلص ولا لااا ؟؟
ام عبدالله / ايه ماباقي الا شهر على زواجك اسرعي وخلصي كل حاجه
.. وشقتكم خلصت ولا ؟؟
ندى / ايه خااالصه من زمااان .. تنتظرني هي بس .. هههههههه
الا يدق جوال ريناد .. ( سلاااامات .. حبيبي مو على بعضك سلاامات) ندى وهي تناظر الجوال / رهووووووووووووووومااااااااااااااا
ريناد اخذت الجوال ورفعته / هلاااا ريهام ...
ريهام / صبااااااااااااح الورد ..
ريناد / صباااح الكادي ياكادي .. كيفك اليوم ؟؟
ريهام / مااشي الحااال ... كيفك انتي ؟؟
ريناد بتنهيدهـ / كويييسه ..
<<< ندى بصوت عالي / رهوووما غريبه صااحيه من الصباح
ريهام / هههههههههههه
ريناد / هااا رهومااا وش صار معك ؟؟
ريهام بتنهيده / اآآآآآآآآآآآهـ يارنووده وش احكي وش اخلي ..
المهم حبيبتي ابمرك اليوم بعد الظهر زيين واقول لك على كل شي ..
ريناد / اوووووووووكيه .. انتظرك حبيبتي .. حياك الله .. باي
بعد ماقفلت الجوال ..
ندى / هااا راح تجيك ؟؟
ريناد / ايوووة ..
ندى / وش فيهااا رهومااا ؟؟ صاير لها شي ؟؟
ريناد / هااا ... ماادري .. لجت اشووفهاا ...

ندى حاسه ان ريهام فيها شي .. وعارفه ان ريهام ماتحكي كل اللي
بقلبها الا لريناد .. يعني ريناد بالنسبة لريهام صندوق اسرارها .. ​

(( تذبحني الضحكه ..
و يجرحني الصمت ..
واضيـع ..
لا شفت الزعـل في عيـونك..
يـاما على بعدك ..
سهرت و تـألمت ..
ولهــان .. وينك ؟
ضمني في عيـونك .. !))

امريكـــــــــــآ

هشام / لموو بعدك زعلانة مني ؟؟
لميس بيدها كتاب .. وجالسة تقرآ فيه .. / .....
هشام قرب منهااا اكثر ... / لمووو ... ابغاااا اشوف ضحكتك .. اضحكي
لميس التفتت عليه ببرود .. وناظرته بنص عين منقهرة منه مررره .. ورجعت ثانية تتصفح
بالكتاب اللي بين ايدهاااا ..
هشام سكر الكتاب اللي بين ايديها ... وسحبه منها وحطه على جنب ..
لميس وقفت من مكانها وتوجهت للمطبخ ... اللي يطل عالصالة ..
هشام / يعني لمتى بتظلي زعلااانه ؟؟؟
لميس ماعطته وجه .. حظرت لها كوب كوفي .. وجلست عالكرسي ..
هشام دخل المطبخ .. / طيب ممكن تصلحي لي كوفي ؟؟
لميس دنت الكرسي ووقفت بهدوووء .. وتوجهت للجهه الثانيه ..
هشام تقدم ناحيتهااا وحظنهااا من ورى ظهرها .. / فديت الزعلاانه والله ..
لميس غمضت عيونهااا / ابعد .. عني .. بليييز
هشام بعناد قرب منها اكثر واكثر / لااااااااا ... بالآول ترضي علي .. وتسامحيني ..
لميس / ليه .. انت ماعملت معي شي وماغلطت ابد علشان اسامحك ؟؟
هشام / تتمسخرين علي .. مو مشكله ..
لميس بصوت مخنوق / ابعد عني .. ابغا اروح لسعوديه .. ابغا ماما ..
هشام بعد عنها والتفتت قبالهااا ومسك يدهااا وباسهااا .. / لمووو اعذريني ... انتي تعرفي هذااا طبعي .. وماااعرف امسك نفسي ..
لميس نزلت دموعهااا على خدودها الناعمه .. / ابغاااا ماماااا
طفشت هناااا ...
هشام قرب منها وحظنهااا ووده يشيلهاا من الآرض .. / خلاص حبيبتي
لا تبكييين .. والله مو زين لك .. ومو زين للبيبي ...
لميس وهي بحظنه .. / ماابغااا ادرس خلاص .. ابروح لمامااا وحشوووني كلهم ..
هشام وهو يتحسس خصل شعرهااا الحريريه وبنبرة حنية / وانااا
تخليني هنااا .. .. وانااا ابغاااك معي .. وابغاك دووم جنبي ..
.. وبين احظاني .. لموو والله اني مااقدر اتخيل نفسي من دوونك
ولاحتى لحظه .. انتي بالنسبة لي الهواا اللي اتنفسه .. والمويه اللي
اشربه .. والنبض اللي بقلبي ..
لميس التفتت عليه وناظرته ... / هشااام .. تحبني من جد ؟؟
هشام وهو يناظر عيونها اللي تلمع .. / وش هالسؤال ؟ اكيييييد
احـــــــــــبك .. ومو بس احبك الا اعشــــــقك ..
لميس بآبتسامه حطت راسها على حظنه ..
هشام / هااا مو حابة تنامي ؟؟
لميس هزت راسها بآيه ..

::::::::::::::::::::::::::::::::::::

 

[s7abt_-_7ob]

وفي بيت ام حسام ..

حسام طلع من غرفته .. / هااا يمه ماردوا عليك ؟؟
ام حسام وهي تناظر التلفزيون .. / لااا يمه ..
حسام جلس جنب امه .. / يعني راح يطولون .. ؟؟ قلت لك اوديك احسن
رفضتي .. عالآقل سمعتي ردهااا ..
ام حسام / لاااا ماني رايحه .. سبق وطلبت يدها قدامها وعصبت ..
ماباقي الا تظربني .. بالتليفون احسن ...
الا تنزل دانه من الدرج .. / هاااا وش فيكم ؟؟ وش عندكم ؟؟
كآن السالفه خطييييره ؟؟
حسام / وش دخلك انتي ؟؟
ام حسام / لا خطيره ولا شي .. اخووك يبغا يخطب ريناد بنت خالتك ..
دانه فتحت عيونها للآخر / اووووووووووووووووووه .. الظاهر ناووين
عالتهزيئه ثاانيه ؟؟
حسام / انقلععععي عن وجهي .. ورجااااء لا تتدخلين خلك بعيده عن
الموضوع احسن ..
دانه ( وانت لحد هاللحين مانسيتهااا ؟؟ وش تبغا في وحدة تكرهك
وتكره اسمك ؟؟ .. هههههههههه جد غبي .. )

:::::::::::::::::::::
ريهام بدلت ملابسهااا .. وحطت عطر من مكياجي ( كسارا الآزرق )
لآنه قريب من ستااايلهاا .. ولبست عبايتها ونزلت ..

واول مافتحت الباب الخارجي .. دخل ابوهااا ..
ريهام ناظرته بعيونهااا .. وخاطرهااا يحكي معها ولو بكلمه ..
بو ريهام دخل البيت .. وريهام طلعت برى البيت ..
بو ريهام التفتت / وييييييييين ؟؟؟
ريهام التفتت بسرعه / ابروح عند وحدة من خوياتي ...
بو ريهام / اهااا ..
ريهام وهي مرتبكه / من بعد اذنك ...
بو ريهام ناظرهااا بنظرات غريبه .. / اووكيه .. رووحي .. ولا تتآخري
ريهام بآبتسامه / ان شاء الله ..

مشت وهي مبسووطه .. غطت شعرهااا ووجهها وركبت السيارة ..
وتوجهت لبيت ريناد ..

::::::::::::::

ريناد بالصاله الفوقيه .. وجالسة تكلم بالجوال .. / اووكيه خلاص انتظرك .. مو تتآخري اذبحك .. يلااا باااي ..

ريهام وصلت وصعدت فووق .. / هاااااااااااااي
ريناد وقفت بسرعه / هاااااااااايات ...
ريهام لمت ريناد .. / هااا كيف الحلووين ؟
ريناد / تماام .. <<< وسحبت يدهاا .. / يلاااا تعاالي احكي لي
وش صااار ؟؟
ريهام شلحت عبايتهااا وجلست ... / آآهـ يارنود .. والله اني متوووهقه
بقوووووووووة .. الحقي علي ..
ريناد / هاا وش اللي صار ؟؟
ريهام / كلمني خالد .. وقلت له انه لازم يقطع العلاقه .. بس سمعني
كلاااام يقطع القلب ..
ريناد / جد ؟؟ وش قااال ؟؟
ريهام / يقول اني لعبت بمشاعره .. ويقول حرام عليك .. علقتيني
فيك .. وانا فهمته اني انااا ابد مااصلح له ....
قال لي انه يبغاني ويبغا يخطبني ... بس انا قلت له اناا مو للزواج
وهالكلام ..
ريناد تهز راسها / عذبتييييييه حراام عليك ..
ريهام / انااا وش دراني انه راح يصير له كذاا .. المهم اسمعي طلع
مطلق .. وعنده ولد عمره سنتين تقريبااا ..
ريناد استغربت / جد .. احللللللللللفي ؟؟؟
ريهام / والله هو اللي قال لي بنفسه .. رنوود وش اسوي معه ..
مو عارفه كيف انهي علاقتنااا واعتذر له على اللي صار ؟؟
ريناد / الله يهديييك دخلتي نفسك بمشكله انتي غنى عنهااا هاللحين
وش يفكك منهاا ..
ريهام / والله اني حاسه بالغط .. بس هو مو راضي يقبل اعتذاري ..
ريناد / يهمك يكون رااضي ؟؟
ريهام / امممم رضى ولا عاد بكيفه ... شنوو يعني مايفهم اني انا
مااصلح له ..
ريناد وهي تناظر ريهام بعيونهااا / شنوو يعني ماتصلحي له ؟؟
ريهام / هاا .. كذااا مااحبه ..
ريناد بجديه / رهووما مافي شي اسمه كذاا .. ومااحبه .. لازم فيه سبب
.. صح ؟
ريهام تنرفزت / شنوو يعني ؟؟ انااا انخلقت كذااا .. مااحبهم ..
مايستهووني .. بالمررره .. انااا احس اني مثلهم .. شلوون احبهم ..
ريناد كلام ريهام خوفهااا اكثر / ريهااام انتي مستوعبه عن ايش تحكي ؟؟
ريهام بهدووء / ايه .. رينااد صدقيني احس نفسي كذااا ..

الا تدخل رنيم / السلاااااااااااااام عليكم ..
ريهام بصوت وااطي / بليييز سكري الموضوع ..
ريهام وريناد / وعليكم السلاااااااااااااااااام ..
رنيم / هااا رهووما كيفك ... مالك صوت هاليومين ؟؟
ريهام بعد مابعلت ريقها / انااا كويسه انتي كيفك ؟؟
رنيم / تماااام .. الا وين ندوووش ؟ لا تقولوا طالعه ؟
ريناد / ههههههه ايووة رايحه تشوف فستانهااا
رنيم / اهااا ... يااااااي ونااسه .. ماباقي الا شووي على زواجهااا
الا يدق جوال ريهام .. بنغمة مسج ..
ريهام اخذت الجوال وفتحت المسج ..

(( صدقيني من عرفتك .. وانا كلي مشاعر ...
ياما في حبك حبيبي .. افتخر دايم واكابر ..
وين الاقي مثل قلبك في زمن قاسي وغااادر ..

 

[s7abt_-_7ob]

مثل طبعك ياحياتي .. صعب في الدنيا ونااادر ..
انت في عمري حكايه .. وانت لي اجمل مشاعر ..

ريهام .. / بلييييز فكري بالموضوع ياللي قلت لك عليه
وقدري اللي يحبك ويتمنى يمووت بآحظانك ..
خــــــــــآآآلد .. ))
ريهام اول ماقرتهااا تبدلت ملامح وجههااا.. ورمت الجوال على جنب


::::::::::::::::::::


غيدااا ..

بدلت ملابسهااا .. وطلعت برى الغرفه ..
وبالصاله امهااا و اختهااا منى ..
ام سعود / ويييين ؟؟
غيدااا / هاا .. طاالعه مع خويتي سلمى ..
منى / من سلمى هذي بعد ؟؟
غيدا / افففف يعني ابجلس اشرح لك من تكوون .. خلاااص قلنا لكم خويتي ومن ايام الدراسه .. هااا ارتحتوواا
ام سعود / غيوود تراك كثرتي طلعااات .. خففي رجلك شووي ..
منى / شوفي بس اللبس والميك اب كآنها بتروح لزوااج ..
غيدا / انتي وش دخلك فيني احط اللي احطه والبس اللي البسه
مالك دخل ..
ومشت من عندهم وطلعت .. وركبت السيارة .. وتوجهت للشقه
واول مادخلت .. فتح لها الباب مساعد / هلااااااااا والله ..
غيدا بآبتسامه / هلااا فيك ..
مساعد / ادخلي .. دا .. امم .. سلمى موووجوده ..
دخلت غيداا .. وجلست جنب سلمى .. / هااا سوسو كيفك
دانه / تمااااااااااااااااااااام ..
غيدا / سوسو حبيبتي بليييييييز عطيني من هالمسكن .. تراه بيذبحني
كل شوي وراسي صدع .. عطيني اسمه علشان اشتري منه من الصيدليه
دانه / ههههههههه لا يااقلبي هذا مايبيعوه الصيدليه .. انااا اجيبه من برى .. هنااا بالسعوديه ممنوع لآن مفعووله قووي ..
غيدا وهي تضغط على راسها / طيييب قوومي هااتيه .. اقولك بينفجر ..
آآآآآآآآآآآخ ..
دانه / من عيووووووووني .. بس بالآول اشربي هالكاس ..
غيدا / لا لااا .. مااحب اشرب هذااا << تقصد الخمر
جلس مساعد جنبها ومده لهااا .. / لااا لازم تشربي .. يعني راح تردي
حبيبك ؟؟
غيدا وهي تناظره بعيونه / هااا .. لااا بس اناا مااحب اشرب منه
مساعد.. / لااا شنوو ماتحبيه .. طيب علشاني بس
هالمررره انتي جربيه بس .. مانتي خسرانه ...
غيداا ماتدري ان الحبه اللي تاخذهااا مفعولها اقوى من هالكاااس ..
حبة تخدر جسمهااا تخدييييييير .. وتدمن عليهااا .. اقوى من كاس
تشربه وتثمل وتفقد توازنهااا وتهلووس .. وما تحس بنفسهاا

:::::::::::::::::::::


ونكمل بالبارت الثالث والعشرون .. !!

::::::::::::::::::



{ الفصل الثالث والعشرون **







مجرد احاسيس ضائعة ..
ومجرد ذكريــــــــآت للحظات ..
تجعل ماضي حاضرا ..
وتنتهي .. وتذكرني بألمي الحاظر ..


بنات كيوت متجمعين في بيت الفارس .. الا لميس .. ماكانت
معهم .. طبعــآ ..
رنيم / وش هالخيانه .. اليوم جمعتكم عندي آخر شي تجمعوا هنا .. ولا
مالكم حق ابد ..
ريناد / اوووهـ يارنوووما وش يفرق يعني .. اهم شي نكون متجمعين وبس ..
ندى / صااادقه رنوود .. بس لا تفكري راحت عليك .. لااا اللي بعده اكيد
عندكم وبنعفس البيت عليك وبنطلع هههههههه
ريهام تناظرهم وهي ساكته .. / ..............
ريناد ينقال عنها زعلانه وماخذه على كلام ريهام بلحظة تجمعهم سوا ماجلست بجنبها مثل كل مررهـ .. وحتى اذا كلمتها تتكلم معها بدون لا
تحط عينها بعيونهااا .. بس ماحد يحس فيهااا الا ريهام طبعا ..
رنيم / وش رايكم نحكي مع لموو هاللحين ..
ندى شهقت / حراااام عليك تقهريهااا .. والله بتبكي اذا كلمناها كلنااا
راح تتذكر جمعاتناااا .. <<< ندى لمعت عيونهااا بالدموع .. تذكرت آخر جمعة لهم .. لما رقصوا سوااا ولعبواا مع بعض ليمن تعبوااا ..
رنيم بعناد / لااااا ابدق علشان نحس انها معنااا عالآقل ..
واخذت الجوال ودقت وعالسبيكر .. ( طوووط .... طوووط ...... )
وبعد كم ثانية .. لميس بصوت باين عليه النوم والتعب / الووو
الكل / هاااااااااااااااااااااااااااااااااااااي
لميس فتحت عيونها وناظرت المتصل ( المغرورهـ سابقا ) .. /
هههههههه رنوووماااا
رنيم / ههههههههههه ايووه وندووش ورنوود ورهوووم كلنا مع بعض
لميس بتنهيده / جد ؟؟ وحشتووووووني والله
الكل / وحشتيييييييييييييييييييييييييييييني
ريناد قربت من الجوال / لمووو كيفك وكيف البيبي ؟؟؟؟
لميس / انااا كويسه والبيبي يسآل عنك دووووم .. يبغا يناظر بالقمر ..
ندى بصوت عالي / احم احم نحن هناااااااااااا
لميس / هههههههههههه ندوووش ابشرك تصالحنااا
ندى اخذت الجوال من يد رنيم وحطته بآذنها بدون سبيكر / جد ؟؟ كيييف ؟؟
لميس وطت صوتها اكثر لآن هشام نايم جنبها / قبلت اعتذارهـ بعد مااعتذر مني .. وفهمني ان هذا طبعه .. وان شاء الله اتآقلم عليه مع
الآيام .. << وبنبرة حيا / ندوو تراه نايم جنبي ههههههه ماابغا اوصف
لك وش اللي صار بالظبط ..
ندى / هههههههه فهمت .. مع وجهك اعرفك تحبيه ماتقدري تزعلي اكثر
من ساعتين ورى بعض ..
لميس بنبرة مخنوقه / وانتي صاادقه احس اني بهالغربه مالي
الا هووو مهما يعمل و .. ويغلط ..
ندى بنبرة حنية / يــــــــــــــــــآحيااااااتي .. هااانت مااباقي الا كم اسبوع
وترجعي علشان زوااجي ..
<<< ريناد / ندوووش بسك خلينا نحكي معهااا
ريهام تحس نفسها لما تتكلم الحروف ماتطلع بالساهل .. تحس نفسها
مجبورة والعبره خانقها مرررهـ / ندوو عطيني ابغااا اكلمها ..
لميس / والله اعد الآيام والليالي علشان هاللحظه .. خاطري اجهز معك جهازك ونتسوق وننبسط
ونتستهبل مثل قبل ..
ندى / اوووهـ ياليت والله .. حااولي تجي قبل بكم يووم علشان
نتستهبل قد مانقدر هههههههه ...
ندى تناظر اللي بجنبها كيف معصبين واللي تصارخ واللي تآشر بأيدها
ندى / لمووو خذي كلميهم بيمووتوني هذولااا ..
وحطته عالسبيكر ثانيه ..
ريهام بنفس النبره / هلا لميس ..
لميس / هلااااااااااااا رهووماااااااااا كيفك ؟؟ وكيف الفريند بتاعك ؟؟ هااا
بشري مافي شي جديد ؟؟
ريهام تناظر ريناد / لااا ماافيه شي .. <<< تضيع الموضوع / المهم كيف
الدراسة معك ..
لميس / امم ماااشي الحال .. اعمل اللي علي والباقي على الله ..
رنيم / لموو ماتعرفتي على حد .. من الجيران او من الجامعه ؟؟
لميس / لااااا والله مالي خلق للتعارف حدي اروح الجامعه وحتى
زميلاتي مالي خلقهم ..
ندى / اكيد الحمل مآثر عليييييك ..
لميس / ايه اكييييييد ..
ريناد / لموو حبيبتي انتبهي للبنوته ..
لميس / ههههههههه ليه بتاخذيها لولدك ؟؟ الاا رنوود ماحد خطبك ؟؟
ريناد ماحست بنفسها وهي تحكي / الاااا حسام الزفت ..
الكل / ؟؟؟؟؟؟؟؟؟؟؟؟؟
لميس / حساااااااموووه .. ؟؟ احللللللللللفي
ريناد انتبهت انها قالت عن الخطبه وهي تناظر بوجيه اللي حواليها / ايه
وطبعا رفضته ..
ندى مستغربه وهي تناظر ريناد / جد ؟؟ متى ؟؟

:::::::::::::::::::

 

[s7abt_-_7ob]

لجل عيونك وش الي تطلبه قلي؟؟
لو تطلب الـــــروح انا لك فدوتك كلي ..!!

عبدالله مع خلود جالسين عن التلفزيون يناظرون فيلم اجنبي ... ليمن
انتهى .. The End
عبدالله مدد ايديه من التعب صار له ساعتين ورى بعض وماتحرك منمدج
مرررهـ .. / هااا شرايك بالفيلم ؟؟ ماعلقتي غريبه ؟؟
خلود / اممم حلوو بس لو انه رومانسي كان احلى ..
عبدالله / لااا بس حتى الآكشن حلووو .. انا اندمج بشكل مو طبيعي ..
خلود / هههههههه باين عليك ..تتحرك بمكانك تقول انت البطل ..
عبدالله / هههههههههه بدينا بالتمسخررر ..
خلود / لااا حشاااا انا اتمسخر عليك ؟؟ اتمسخر على قلبي ..
عبدالله بآبتسامه عريضه / دااام اني قلبك يلااا روحي صلحي لي عصير
يبرد عالقلب ..
خلود بآبتسامه حلووة / من عيووني ..
ووقفت وقبل لا تمشي عبد الله مسك ايدها بحنان وناظرها نظره حب / تسلم لي عيوونك .. يااقلبي ..
بعد مامشت نظراته لاحقتهااا ليمن خشت المطبخ ... ( فدييييييييييتك
والله لو الف العالم كله ماراح الاقي وحده مثلك .. والله اني احبهااا ..
يااااااناس والله احبهااا ... )
عبدالله بسرعه مشى وراح معها المطبخ يساعدها بتصليح العصير ..!!

الساعهـ 12 ونص ..
الحي اللي هما ساكنين فيه هدوووء ... ومافي ولا سيارة تمشي .. وقفت
السيارة قبال الباب ..
ونزلت بهدووء وسكرت الباب بقوهـ ..
وجلست تناظر السيارة ليمن اختفت عن الآنظار ..
فتحت الباب بالمفتاح .. ودخلت .. دخلت للصاله وبعدها صعدت الدرج ..
وبعدها توجهت لغرفتهاا ... وقبل لا تدخل .. سمعت صوت يناديها ..
التفتت ببرود .. / نعم ؟؟
عهود / غيوود وينك ؟؟ وين رايحه فيه ؟؟
غيدا بنفس البرود / كنت بزواج اخت صديقتي ...
عهود / وانتي كل يوم زوااج وعرس وحفلات ؟؟ وثانيا منهي صديقتك
هذي ؟؟ اللي بس نسمع عنها وعمرنا ماشفناهااا ..
غيدا بعصبيه / اووه عهوود ماني فاضية لك هاللحين ابنااام ابعدي عني ..
ومشت بعد ماصقعت عهود في كتفهااا بقووه .. ودخلت غرفتها وقفلت
الباب .. عليهااا .. وماكفاها قفله قفلتها قفلتين ولو في ثالثه قفلته ..
اتسندت عالباب وغمضت عيونهااا ونزلت بشويش ليمن جلست عالآرض
وتعالت منها شهقاااات قوويه ...
غيدااا تبكي !! وغير كذا تبكي بحرارة والم .. من دون حتى ماتشلح عبايتها المزكرشهـ .. منزلة راسهااا وثانية ركبهـآ ودموعها تنزل ..
وماهي قادره حتى توقف بكي .. وتستجمع قوتهااا او حتى توقف على
رجليهااا ..!!


::::::::::::::::::::::::

انت الدنيا وكل شجوني .. واغلى شي بعيوني .. ياحبيبي
ياعمري وحياتي من لي غيرك انت .. تآخذ كل آهاتي ..
غالي مهما كنت .. ياعمري انت .. وكل حبي انت .. ...

وطى على صوت المسجل اللي فيه يدندن راشد الماجد بأغنية ياحبيبي ..
راكان وفي اذنه الجوال / ايوا
رنووم يلااا اطلعي .. احتريك عند الباب ..
:::

رنيم / يلاا بنات انا طالعه .. << والتفتت على ريهام / رهوما تبغينا
نوصلك ؟
ريهام / اووكيه .. يلااا
ريناد بدون ماتحط عينها بعيون ريهام / خلك .. ابــ ...ابغاك بموضووع ..
ريهام بنبرة خوف / طيب ..
ندى / رنووما ماشبعنا منك .. قولي له يجي لك بعد شووي .. ولا اقول لك
خليه ينتظر ربع ساعة ..
رنيم / لاااااااا والله تفكري راكان مثل اخوك عبدالله .. هو اكرهـ ماعنده
الآنتظار ..
ريناد من تسمع اسم راكان تتبدل ملامحهااا ويحمر وجهها .. !!
وتذكرت انه راح يخطب ومايفكر فيهااا مثل ماتظن .. تذكرت الدم اللي هاللحين يمشي بعروقهااا
.. تذكرت يوم كان معها بالمستشفى وش قد
خايف عليهااا .. تذكرت همساته ونبرته الدافيه ... تذكرت ملامح وجهه
وشعرهـ الآسود الناعم وعيونه البنية الناعسه ( آآآآآآآآف
ابعد خلاص عن تفكيري .. وش هالآحساس ياللي عندي ابختنق !! )
لبست رنيم عبايتهااا وقبل لا تنزل سحبت ريناد معهااا ..
وهمااا عالدرج ينزلواا ..
ريناد / آآآآآآآآهـ بشويش علي .. ايدي حراام عليك ..
رنيم / مااقدر انا عالرقيقه .. المهم حبيبتي بلييييز لحكى معك و .. وليد
سلمي لي عليه .. بليييييييييز وحتى اذا ماهو متذكرني .. بس سلمي عليه
ريناد / ههههههه طيب وش راح تستفيدي ؟؟؟
رنيم بغمزهـ / انتي بالآول اعملي اللي قلت لك عليه .. وراح اشوف اذا
كنت راح استفيد او لااا ..
بعد مانزلوا آخر درجه من الدرج .. لمواا بعضهم ..
رنيم / يلااا باااي ..
ريناد / بااااياات ( وانتي سلمي على .. على راااكآن .. )
رنيم حست انها بتقول حاجه .. ناظرتها بعيونها / بيبي تامريني بشي ؟
ريناد بآبتسامه صفرا / ماابغا غير سلااامتك ..
رنيم بعد مالبست نقابها .. / الله يسلمك ..
وطلعت .. وقبل لا تسكر الباب .. ريناد طلعت وراها ليمن وصلتها للباب
الخارجي ..
رنيم / ليه متعبة نفسك .. خلاص اصعدي فووق .. هاللحين وش يفكك
من ريهام ..
ريناد تو بتحكي كلمه .. الا رنيم تكمل حكيها / الا جد وش فيكم .. احسكم
زعلانين من بعض وكل وحده شايله بخاطرها عالثاني ..
ريناد ارتبكت / لااا .. عـــــآدي .. ما فينا أي شي ..
رنيم / ليه رنوود تخبي عليناا ؟ مو حنا صاحباتك ؟؟ ومتفقين انا حنا ابد
مانخبي على بعض ونكون على قلب واحد ؟؟ وش اللي غير ؟؟ وحتى
خطبتك من حسام ماحد درى عنهااا ؟؟ ليه يارنود حناا مااتفقنا على كذا؟؟
ريناد نزلت راسها حست انها جد غلطانه .. دنت شعرها اللي طاح على
وجهها بآيدها بتوتر ورفعت راسها .. / آسفه .. بس والله لآن
هالموضوع يوترني مرررهـ ...
الا يدق جوال رنيم ..
رنيم / يلااا رنووود اشوفك بعدين ونكمل حكي .. لاتفكري راح اتركك
ريناد / اووكيه .. انتبهي لنفسك .. سي يو
فتحت الباب رنيم .. وطلعت ..
ريناد وهي واقفه ورى الباب .. قربت جسمها من فتحة الباب .. وناظرت
السيارة ياللي عند الباب .. ولمحت راكان .. وهو بالسيارة ..
ريناد وهي تناظره قلبها يخفق مرررهـ تقول طبوول .. مو نبضات ..
( ياحلاته بالأصفر .. )
وظلت تناظره .. ومركزة بعيونه البنية الناعسه .. من بعييييد ..
(بس أشوفك !!
تضوي البسمة جبيني
ويصبح الكون [ أنت ]
غصب عني
وغصب عنك
والسراب إلي شربته من سنيني
والأمل يبقى سجيني
ينتظر لحظة أشوفك
بس أشوفك !!
ينطفي هاجس حنيني
كل حبي وكل عمري ملكك [ إنت ]
بس أشوفك !!) راكان تو بيحرك السيارة الا يلتفت ناحية البيت ..
واول مالمح ريناد وهي واقفه فهى عليهااااااااااا
ريناد بسرعة انتبهت انه يناظرها سكرت الباب بشويش ..
راكان وهو مفهي / يلعن ابو هالعيووووون الذباااااااااااااحهـ ..
رنيم فتحت عيونها للآخر / هااااااااااااا انت وش تقوول ؟؟
راكان التفت على رنيم / والله صاحبتك قمر .. لا لا شنو قمر القمر ولا شي
قدامهـــــآ ..
رنيم انفجرت ضحك / هههههههههههههههههههه وينك يارنود تعالي
شوفي راكان وش يقول عنك ..
راكان ابتسم ابتسامه عريضه .. ومشوا..
ريناد وهي تصعد الدرج تحس نفسها مبسووطه من دااخل .. وقلبهااا تحسه لأول مره ينبض ..
وتحس بآن انفآسها حااااره بالحييييييل ​

 

[s7abt_-_7ob]

وبالصالة ..
ريهام جالسة لوحدها ..
ريناد .. اول ماشافت ريهام اختفت ابتسامتهااا .. وبجفا / وين ندى ؟
ريهام وهي تناظرها / دخلت غرفتها تكلم عماد ..
ريناد محتارة تجلس هنااا ولا تروح غرفتها علشان تاخذ راحتها بالحكي
ريهام / وش فيك واقفه .. اممم اطلع .. اروح البيت ؟؟
ريناد بسرعة / لااااااااا ..
وتقدمت اكثر ناحيتهاا وجلست جنبها .. وبجديه اكثر / ريهام .. ممكن تفهميني وش
معنى حكيك .. << وركزت عالكلام وعالحروف ( انا مثلهم ؟؟ )
ريهام بان من ملامح وجهها انها متوترة ومرتبكه / ريناد .. وش قصدك ؟
ريناد مو قادره تحط عيونها بعيون ريهام .. / انتي فاهمة قصدي لا
تستهبلي علي ؟؟
ريهام بنفس النبرهـ والملامح .. / اممم مو عارفه وش اقول لك ؟؟
ريناد وهي معصبه وقفت وسحبت يدها .. / تعاالي معي .. اخاف حد
يسمعنااا ..
دخلت معها الغرفه .. وسكرت الباب ..
ريناد بجدية / اجلسي .. وفهميني ؟؟
ريهام بعد ماجلست عالآريكهـ .. غطت عيونها بآيدهااا ..
ريناد / ؟؟؟؟؟؟؟؟
قربت منهااا ... وجلست بقربها / ريهام ؟؟ وش فيك ؟؟
ريهام نزلوا دموعهاااا بسرعه .. وحست انها مخنووقهـ ..
ريناد بحنية / تبكين ؟؟ ليه ؟؟
ريهام تحول بكيها الا شهقااات متقطعة .. تحاول توقف دموعهااا اللي
تحسسها بضعفهااا ..
الجوو متوتر بالحييل ... ريناد مو عارفه كيف تتصرف .. تكفكف دموعهاا
ولا تخليها تبكي ليمن تطلع كل اللي بقلبهااا .. ولا تطبطب عليهااا وتلمها ..
بس الآهم من كذا ريناد للحين تسمع بآذنهااا هالكلمه ( انا مثلهم .. كيف احبهم ؟؟ ) ..
مو عارفه تفسر هالكلمه ؟؟
ريهام .. رفعت راسهااا وكفكفت دموعهااا بآيدها بعصبيه .. / ابغا اروح البيت .. <<< ووقفت ..
ريناد سحبت يدها وجلستها بعصبيه / لاااااااااا ماتطلعي من هنا الا ليمن
تخبريني عنك كل شي .. وابغا افهم منك ايش معنى كلامك ؟؟ شنو يعني
انتي مثلهم ؟ بلييييز فهميني ... لا تحيريني ..
ريهام وهي تتنفس بسرعه .. وبصوت عالي / ايه اناااا احس اني مثلهم ..
ريناد ماحست بنفسهااا الا وإيدها على خد ريهام .. << طراااااااااااخ << عطتها كف بعصبيه ..
بدون شعوور .. بدون ماتحس ..
الكلام اللي سمعته من ريهام ماكان سهل بالمره .. يعني كيف مثلهم
هي مسترجله ولا كيف ولا ايش قصدهاااا ؟؟

::::::::::::::::::::::

( ياسلام .. ياسلام .. ادي ايه حلوو الغراااااااااامـــــــــ .. )
غيدا على حالتهااا رفعت راسهااا تدور عالجوال اللي يرن .. ( ياسلاااام .. ياسلاام ... )
<< نغمة نانسي عجرم
اخذت الجوال .. وناظرت المتصل ... ( حبي ...... يتصل بك ) ...
تنرفزت بقوووة ورمته عالسرير بعصبيه .. ووقفت من مكانهااا ...
شلحت عبايتهااا بعصبيه .. ورمتهااا عالآرض ..
ناظرت نفسهااا من تحت لفووق وهي منزلة راسها ..
انتبهت ببلوزتها ياللي لابستها مقلوبه .. عصبت اكثر وهي قابضة على ايدهااا ...
ارتمت عالسرير .. والجوال بجنبها يدق ..
اخذته من جنبها بعصبيه وحاولت تدوس على اعصابها وترد .. / نعم
مساعد / غيوود حبيبتي .. لا تزعلي مني والله كل شي صار غصب عني
وعنك بعد ...
غيدا وهي تبكي / شنوو يعني غصب ؟؟ حرااااااااام عليك ... انت لازم
تصحح الغلط لاااازم .. والله ترى برووح فيهااااااااااااا
مساعد يعمل نفسه متعاطف معهااا / يااقلبي كل اللي تامرين عليه انا
حاظر وبالشوفه ..
غيدا / جد والله ؟؟ ماراح تتخلى عني ؟؟ قوول والله .. طمني ..
مساعد / تطمني يااقلبي .. انا مستحيييل اتخلى عنك بهالسهوله ..
غيدا مسحت دموعهااا / بلييييييييز لاااا تتخلى عني ..
مساعد / يااقلبي قلت لك ماراح اتخلى عنك .. ولا تخاافي ابد
حبيبتي لا تبكييين ... خلاااص مثل ماوعدتك .. بس خليني
اكلم اهلي وراح اتقدم لك على طوول .. وتكوني لي
طوووووووول العمر ...
غيداا ارتاحت من حكيه .. / جد .. جد يامساعد راح تتقدم لي ؟
مساعد / اكييييد .. ولا انتي مو مصدقتني ..
غيدا بسرعة / الااا ... بس والله خايفه ..
مساعد / لا تخافي ولا شي وانسي كل اللي صار هاللحين .. وروحي
نامي وانتي متطمنه .. اووكيه قلبي ..
غيدا بآستسلام / اووكيه ..

سكرت الجوال من عنده .. ورمته على جنب ...
وحطت ايديها الثنتين على رااسهااا حاسه انه راح ينفجررر .. وهي
تضغط عليه بقووه .. / آآآآآآآآآآآآهـ يارااااسي ...
انسدحت عالسرير .. ومو عارفه تنام من الألم ياللي براسهااا ..
اخذت الجوال بسرعه .. ودقت على دانه ..
وبعد لحظات ...
غيدا بصوت مبحوح .. / سوسو حبيبتي راااسي يآلمني ابغااا حبه
تكفييين ..
دانه متآففه / شنوو يعني تبغين حبه .. وش شايفني اوصل طلبات
ولا ايش ؟؟؟
غيدا / آآآآآهـ حرااام عليك .. ابغااهاا تكفين حاولي تجيبيها لي بسرعه
دانه / ههههههه حبيبتي انا هاللحين مو بالشقه .. انا بالبيت وراح انام
بلييييز لا تزعجيني مو فاضية لك ..
غيدا مستغربه من اسلوبهااا .. / سلمى .. حراام عليك لا تعذبيني
كفاايه ياللي فيني .. طيب انااا راح اجي .. انتي وين بيتكم ؟؟
دانه / انتي ماتفهمي شوفي الساعه كم هاللحين ... الساعة 2 وانتي
تقولي اجي .. اقوول روحي نامي وبكرا الصباح اتفاهم معك ... يلا باي
وسكرت الخط بدون لا تسمع منها ولا كلمه ..
غيدا رمت الجوال عالسرير متنرفزه .. / اففففففففف وانا كيف انااام ...


::::::::::::::::::::::

 

[s7abt_-_7ob]

::::::::::::::::::::::


ريهام ماتوقعت يجيها كف .. ومن منو من اللي اقرب الناس لها حتى
من نفسها ..
ريناد غمضت عيونها مو مستوعبة .. وماحبت تشوف ردة فعل ريهام
كيف ..
ريهام دفعت ريناد بقووة .. وبعصبيه .. للجدار .. ومسكت ايديهاا الثنتين
ولفتهم ورى .. وبقووه ..
ريناد .. اختلطت عليها مشاعر خووف ومشاعر غريبه مرررره ..
هي تناظر ريهام وريهام تناظر ريناد بنظرات مرره غريبه ...
ريهام غمضت عيونها وهي تلتفت يمين ويسار وكآنها تبعد حاجه
عن تفكيرها ومخيلتهاا .. وهي تتنفس بقووة وبسرعه ...
شالت ايديها عن ايدي ريناد .. وهي بنفس الوضعيه ..
ريناد ابد ماهي مستوعبه وش اللي يصير .. بس حاسه ان جسمها
يرجف بقووة ومو عارفه تفسر مشاعرهااا ابد ..

ريهام حطت أيدها على خدهااا الأحمر .. وهي تناظر ريناد .. / توقعت منك
أي كلمة .. بس ماتوقعت ابد تعطيني كف بهالطريقة هذي .. وانـ
ريناد فتحت عيونها وحاسه ان الدم اللي بجسمهاا يفوور وقاطعتها ..
ريهام مو قصدي .. بس انتي اجبرتيني على كذااا .. <<< ونبرة حنيه / ريهام وش فيك ؟؟
ريهام التفتت وعطت ريناد ظهرهاا .. وجلست عالآريكه ..
ريناد وهي لازقه بالجدار .. مو قادره تتحرك .. تحس رجولها ماتشيلهاا
وبنبرة خوف .. / بليييز ريهام ابغاك تفهميني .. حرااام عليك ريحيييني ..
ريهام بهدووء وهي منزلة راسهااا ومكتفه ايدينهاا وكآنها حاظنتهم
بقووة .. وبكلمات بطيئة .. / انااا .. راح .. افهمك .. واقولك كل ..شي
كل اللي صار لي .. من صغري .. من يوم ماكنت .. طفله .. !!!
ريناد حست بنبرة ريهام انها مرره مرتبكه او خايفه من شي ..
بس شنو ؟؟ ماهي عاارفه .. !!

ريهام تكمل حكيها وهي على وضعيتها / اناااا ياريناد .. من يوم عمري 9 سنوات
تعرضت لحادث .. <<< دمعت عيونهااا
ريناد مستغربه / حاااااااااادث !!
ريهام وهي تبكي / ايه .. حادث .. بس مو أي حااادث ..
<<< زادت شهقاتها .. وتكمل حكيها / حادث اغتصاب ....
ريناد حطت ايدها على فمها مستغربه وخايفه نفس الوقت .. هالكلمه
تذكرها باللي صار لهاا .. جلست عالآرض .. ونزلت دمعة حاارة على
خدها ..
ريهام كفكفت دموعها بعصبيه ونزلت راسها واتكآت على ركبها / النذل
الحقير .. اعتدى علي صديق بابا وانااا بين ايديه اصرخ وابكي
ومحد حوولي ..
ماما وبابا ماهم فيه .. تاركيني لوحدي .. ومو حاسين فيني ..
ريناد ابد ماتحملت تسمع اكثر .. تحاول تسكر اذونهااا ماهي عارفه ...
الموقف صعب بالمررره ... تحس انها مخنووقه .. مو قادره تستوعب
اكثر .. زحفت ليمن وصلت عند ريهام .. وتمسكت واتكآت عالآريكه
وجلست ودموعهااا على خدهااا .. / ريهام .. كفااااايه ..
ريهام رفعت راسها وبنظرات كلها حزن وخوف .. قربت منها ريناد
وهي تبكي لمتهااا لحظنهااا بحنيه... / كفاية رهوومااا .. لا تبكين ..
حراام عليك قطعتي قلبي .. اهدي بليييز ..
ريهام وهي ضامه ريناد بقووة .. وبصوت مبحوح من البكي الآليم .. /
محد حاس فيني طول هالسنين ..
تصوري اشكي لماما .. واشكي لبابا .. ومااهتموا بالموضوع .. يقولوا
اني اكذب .. ليه انااا مو كذاابه .. ليه ماحد راضي يفهمني .. ولاحد
معبرني .. ومو حاسين فيني ابد .. << غمضت عيونها / كبرت وحاولت
الفت انتباهم قد مااقدر .. ليمن جاني شعور بالآنتقام .. وانتقمت من نفسي
ايه من نفسي مو من أي حد ثاني .. لأني كنت ضعيفه .. وماعندي ظهر ..
وماحد حواليني .. حاولت اغير سلوكي .. ونظرتي .. صرت مااحب
أي ولد .. مع اني تغمصت دورهم .. علشان اصير قويه .. مثلهم ..
ريناد تعااطفت معها بالحييل .. حالتها وهي تبكي وتشكي تقطع القلب
حاولت تحسسها بالآمان .. وبنبرة حنيه / ريهام حبيبتي .. بس انتي
بنت .. فاهمة علي يعني ايش انتي بنت ؟
ريهام بعصبيه وهي تبكي / لااا انا مو بنت .. البنت اللي فيني ضاعت ..
اعتدى عليهااا ... دفنهاااا ... لا تكذبي علي .. انااا مــ
ريناد قاطعتها وهي ماسكه زنودها .. / ريهااااااام انتي بنت ... والبنت مو
ضعيفه ابد .. انتي مثلي .. ايه مثلي تفهمي ..
ريهام تهز راسها بالنفي / لاااا .. اناا ماعدت الضعيفه الحساسه ..
انااا اقوى منهم كلهم .. اكرهم .. مااحبهم ... خونه .. حقيرين .. مااحبهم
اكرررررررررررهم .. ضيعووني يارنووداا ..
ريناد وهي تطبطب على ظهرهااا .. وحاسه ان مشكلتها اللي تعاني منها
ولا شي قدام هالمشكله ...
ريناد بحنية اكثر .. / ريهام .. حبيبتي .. انا معك .. لا تخافي .. ماراح
اتركك وانتي بهالحاله .. انااا امك ابوك وكل شي ..
ريهام تمسكت فيها اكثر .. وتحس براحه كبيييره ... سدحت راسها على كتفهااا .. وغمضت عيونهااا المرهقه ..
ريناد حاسه ان هموم الدنيا عليهااا .. ماتصورت بيوم من الآيام ان ريهام
معتدى عليهااا وهي طفله وبهالوحشيه هذي وبدون أي رحمه ..
وماتخيلت انها بعربجتها الزايده اساسها الآنتقام من النفس .. ​

الساعة 4ونص فجرا ..

بعد ماحكت مع عماد سكرت الجوال وحطته بجنبهاا ...
نزلت من السرير .. وطلعت برى الغرفه .. وتوجهت غرفة ريناد ..
وفتحت الباب ودخلت ...
ريناد وريهام جالسين عالآريكه .. والصمت سائد مابينهم ..
ندى اول مادخلت / اووه رهومااا هنااا .. مارحتي ؟؟ راح تنامي معنا ؟
ريهام وريناد / ..........
ندى انتبهت من وجوههم وملامحهم انهم يبكون .. وبنبرة خوف / وش
فيكم ؟؟؟
ريناد بعد مابلعت ريقها / ابد .. مافينا شي ... لا تخاافي ...
ندى قربت منهم / الاااا فيكم شي .. ريهام ردي علي ..
ريهام / ندى .. قالت لك ريناد مافينا شي .. <<< وداست على مشاعرها
وابتسمت .. من ورى قلبها وبعد مابلعت ريقهاا / كنت اشكي لهااا من
معاملة ماما وبابااا ..
ندى وهي تناظر ريناد / جد ؟؟ اكييد ..؟؟
ريناد وهي تناظر ريهام / ايه .. جد
ندى / يااقلبي يارهوومااا لساااا ماتحسنت علاقتكم ؟؟ والله انا قلت
لك مالك الا خلوودي .. هو اللي بينسيك كل همك .. بس انتي غبيه
ماتسمعي الكلام ..
ريهام ملامحها تغيرت .. وتضايقت .. / لااااا مستحييييييييييييل
ريناد تغير الموضوع / اكيد وقت الصلاة دخل ... رهوما يلااا
قومي توضي وصلي ... وخلك من هالحكي ..

:::::::::::::::::::::::::::::::::::::::::::::

 

[s7abt_-_7ob]

:::::::::::::::::::::::::::::::::::::::::::::

وصباح جديد ..
ويوم جديد ..
وربما اسلوب جديد في حياة بنات كيوت ..

تمنت ريهام انها ماتصحى من النوم ..
صحت على صوت ريناد .. / ريهااام .. يلااا حبيبتي اصحي .. الساعة
9 وربع ..
ريهام فتحت عيونها بتثاقل .. / اممم طيب ..
ريناد شالت البطانيه من فوقهااا / يلااااااااااا قوومي هاللحين ..
ريهام اتكآت عالمخده .. وبصوت فيه النوم .. / ريناد .. آسفه تعبتك
معي .. << ونزلت رجولها من السرير / هاللحين ابروح البيت ..
ريناد ضربتها بالمخده على كتفها وبآبتسامه / مع وجهك من قال لك اني
متضايقه بالعكس انا هاللحين عرفت وش قد تحبيني وتغليني ..
ريهام ابتسمت من قلب / جد ...
ريناد هزت راسها بإيه / ايه .. ( يارب قدرني اني اساعدها واطلعها
من اللي اهي فيه .. واخليها تحس انها قويه بأنوثتها اللي دافنتهااا
... وتنسى كل اللي صار لهااا .. يااااااااارب .. )


:::::::::::::::::::::::::::::::

امريكــآ

بلد الديمقراطيه .. وبلد الحريه ..

وبلد الغربه بالنسبه للمو وهشام .. يحاولوا قد مايقدروا يتآقلموا
وخاصة لميس .. اكثر شي زاعجها انها بعيده عن اهلها وصاحباتها
اللي كل يوم كانت تشوفهم ..

::::::



لميس بالمطبخ .. لابسه المريول .. تبع الطبخ ..
ورافعه شعرها بدبابيس تركواز

دخل هشام عند المدخل .. وبأبستامه عريضه / هااا قلبي وش طابخه
لنااا اليوم ؟؟
لميس التفتت عليه / اللي تحب .. ان بغيت كبسة اصلحها لك ..
ترى ماعندي مانع ..
هشام / ههههههههههههه ياحلاتك مستصعبه الكبسة اشووف ..
لميس وهي ماسكه ظهرهاا (وقفة الحوامل )/ ههههههههه لا والله ..
هشام قرب اكثر لقاها مصلحة باستا وشوربة وتبوله ..
هشام وهو يتذوق من الشوربه / امممممممممم ..
لميس وهي مبسوطه / عجبتك ؟؟
هشام اخذ ايدها وباسها / دام هالأيد اللي مصلحتهااا اكيد راح تعجبني
لميس بحيا / تسلم لي والله ..
هشام وهو يناظرها / بسرررعة تراني جوعــآن مرره .. ترى والله آكلك
هاللحين ..
لميس بعفويه مسكت بطنها الكبران شوويه / اممم والبيبي بعد بتاكله ؟
هشام / نووو .. البيبي تووو صغنووون خليه لك .. انااا ابغا امه بكبرها
لميس وهي تجهز الصحون / ههههههههههههههه
وهشام يساعدها ويجهز معها عالطاوله ..

::::::::::::::::::::::::::::::

الساعة 1 ونص ..
الظهر ..

غيدا تحوس بغرفتها مثل المجنونه .. وهي ضامه ايديها ومكتفتهم ..
كل مادق على دانه تلاقيه مقفل .. ولما تدق على مساعد يعطيها
مشغول .. او مايرد بالمرره ...
الا ينضرب باب غرفتهااا ..
غيدا ارتاعت .. والتفتت بسرعه .. وهي مرتبكه / مــ ممم مـــنو ؟؟
........./ افتحي الباب ... انا عماد ..!!!
غيدا ( يااااااااويلي ... اكيد درى ؟؟ لاااا يارب مايدرى .. والله ان درى
برووح فيهااا ... ) وهي متوترة وقفت عند الباب ..
وفتحته ببطئ .. / ايووااا
عماد ناظرها مستغرب .. وجهها شاحب وشفتها بيضا وحوالي عيونها
سواااد واحمرار .. وكآنها مريضه ..
عماد بنبرة خوف / غيدا وش فيك ؟؟؟؟
غيدا ( شكله ماعرف .. ولا كان ماسآل وش فيني ) ردت عليه / تعبانه
شوويه ..
عماد مسكها من ذراعها / طيب ابـ
غيدا وهي ترجف / عمااد وش فيك ؟؟ وش عندك ؟؟
عماد استغرب من تصرفاتها يناظرها وهو عاقد حواجبه / انتي وش فيك ؟
شكلك مرررره تعبانه .. يلااا البسي حبيبتي اوصلك للمستشفى ..
غيدا بنبرة خوف / مستشفى ؟ لاا لاا اناا هاللحين احسن مافيني شي
عماد / شنو مافيك شي وانتي بهالحاله .. ناظري نفسك بالمرايه واحكمي
بنفسك .. يلااا عاد بلا دلع والبسي عبايك .. وانزلي ..
غيدا / لااا مااحب ادخل مستشفيات .. خلاص عماد والله مافيني شي
بس الظاهر هذي انفلونزا .. آخذ لي مسكن واصير احسن ..
عماد / افففف براحتك .. واذا حبيتي اوصلك عطيني الو انا طالع ..
ومشى برى الغرفه ...
غيدا بسرعة ركضت وراه وسكرت الباب .. وبراحه / اففففففففف مابغيت
اخلص منه ..
الا يدق جوالها .. مشت بسرعة واخذته حتى بدون ماتناظر
المتصل .. وبلهفه / الوو .. ايوااا .. هلا مساعد .. حبيبي وينك .. محتاجه
لك مررررره .. ابغا المسكن ياللي تعطيني منه سلمى .. بليييز روح جيبه
منهاا .. راااااااااسي بينفجر .. .... اطلع معك ولا يهمك بس انت روح
وجيبه معك بسررررعه ماعاد استحمل .. مافيني صبر ..

::::::::::::::::::::::::::::::::::::::::

 

[s7abt_-_7ob]

بو عبدالله بمكتبه .. الفخم بالأثاث والراقي بالديكور ..
ومعه وليد .. وبأيده اوراق وبعض الملفات .. / اووكيه عمي
كل شي تماااااااام ..
بو عبدالله / هاللحين اقدر انام وانا مرتاح .. كل شي رجعته لكم..
وليد / والله ياعمي لو بأيدي جان خليت الشراكه على مااهي .. بس
الوالد يبي يرتاح .. والشركه اللي بالكويت بديرها بنفسي .. وصعبه
لو نخلي ذي بعد مافي احد لها تعرف الوالد مايقدر يشيل نفسه ..
بو عبدالله / الله يشافيه .. ويعافيه .. وربي يوفقك .. واذا تبي أي
شي انا بالشوفه .. باللي تامر عليه ..
وليد / مايآمر عليك عدوو .. ماتقصر والله هذا من طيب اصلك اكيد
ولو ادور مثلك ماراح القى بطيبك واصلك .. واخلاقك
بو عبدالله / تسلم والله .. المهم وليد ترى غداك اليوم عندنا بالبيت ..
وليد / لااا ماله داعي لا تتعبون نفسكم .. ادبر عمري .. بأي مطعم
ياكثر مطاعمكم اللي هنيه ..
بو عبدالله / هههههه شنو مطعم وحنا موجودين .. << ووقف من على الكرسي الفخم .. / يلااا بس مشينا لا نتآخر عليهم ..

::::::::::::::::::::::::

** كنت اشكي واصرخ بصمت ..
اشكي عن غربة مشاعري ..
عن آلامي واحزاني ..
احاول احطم الحاجز الذي بنيته ..
بيني وبين احساسي ..
لكنني كنت احطم نفسي .. بكل صرخه ..
ويرتد صدى صرخة سكوتي ..
يحطم بقايا حطامي ..
بقايا الآحساس الضائع الدفين .. !! {


تروشت وطلعت من الحمام .. ولبست بنطلون جينز رمادي .. وبلوزه
حمرا بآزره مفتوحه وكلر رفيع .. وفيها حروف انجليزيه بخط حلوو
ناظرت المرايه .. ومشطت شعرها البني الغامق .. البوي ..
وبعدها اخذت عطر ( دانهيل ) ورشت منه وتردد على مسامعها صوت
ريناااد .. بنعومته الا جاي لها فخم .. وثقيل على اذونها ..
( ريهاااام انتي بنت .. انتي مثلي ...
ريهااااام انتي بنت .. انتي مثلي ...
ريهاااام انتي بنت .. انتي مثلي ...)
ريهام وهي تناظر نفسها بالمراية وتدقق بملامحها الحاده .. وحطت ايدها
على رقبتها وضغطت عليها بقوووة .. ليمن دمعت عيونهااا .. اللي تحس
ان دموعها تحرق خدودها من شده المهااا ...
وشالت ايدهاا بعصبيه .. / وينهاااا ... اللي بداخلي ... مافي حد ..
خلاص
ضااعت
راحت
دفنهااااا .. وخلى روحها بين صدري .. آآآآآآآآآهـ ياليت موتني وقتلني
ولا انه يآخذ اغلى شي عندي ...
الا يدق جوالهااا ... n73 الآسود .. بنغمة كلاسيك حزين ...
ريهام كفكفت دموعها المتناثره على خدودها .. وآخذت الجوال من جنبهاا
وناظرت المتصل .. ( My Friend ... يتصل بك )
ريهام / اففف و ش يبغا هذااا هاللحين ...
وقربت الجوال من فمهااا وهو لسا يرن .. / اكرهك .... اكرهك ....
ورمته ... وطلعت برى الغرفه ...

:::::::::::::::::::::::::::




ليت بعض الناس يفهم كم أبيه
وليت يدري كم أتوله { عّلّيّهّ ** ..!!
لونساه البال قلبي ما نساه
نبض قلبي دايم ينادي{ يّبّيّهّ ** ..!!
دايم مشتاق وأتمنى لقاه
ولي غفيت بوسط حلمي{ الّتّقّيّهّ ** ..!!
كل عمري يا عرب والله فداه
وكل ما أملكأنا فدوة{ عّنّيّهّ **..!!


​

 

[s7abt_-_7ob]

راكان جالس عالسرير وبحظنه اللاب توب ..
وشابك النت ..
الا تدخل ( بنوته كيوت ) عالمسن ...
راكان انبسط .. من اول ماشافها دخلت .. وعلى طول فتح المحادثة ..
Rakan : السلام عليكم ..

::

ريناد جالسة عالآرض واللاب توب عالطاوله بجنب الآريكهاللي بغرفتها
​

وبأبتسامه ردت عليه ..
( بنوته كيوت ) : وعليكم السلام ..
Rakan : اهلين ريناد .. اخبارك ..؟
( بنوته كيوت ) : انااا كويسه ... مبروووك الوظيفه ..
Rakan : الله يبارك فيك ... عقبال مانشوفك دكتوره ..
( بنوته كيوت ) : ياااارب ... اممم اخليك اناااا هاللحين مشغوله شوي ..
راكان ( وش فيهااا .. الهبله رنووم اكيد من قالت لها اني ابخطب شالتني
من راسهااا بدال ماتحطني ... )
ريناد بهاللحظه كانت تحكي مع لميس عالمسن ..
Rakan : ريناد ..
ريناد تتنهد ( ياليت اسمع اسمي بفمك والله له حلاوة ثاانيه بالمرررره )
بهاللحظة لميس عطت ريناد اشارة تنبيه ..
ريناد ارسلت ( ايقونه ) بوسة للمحادثه .. وبدل ماترسلها للميس
ارسلتها بالغلط للمحادثه اللي بينها وبين راكان .. !!!!
راكان من شافها انفجر ضحك .. ونفس الشي مستغرب
من هالحركه .. / هههههههههههههههه
ريناد اول ماانتبهت شهقت بقوووة / لاااااااااااااااااااااا .. ايش عملت
انااا .. وش هالغباااااااااااااااء .. اهئ اهئ اهئ اهئ ..
افففففففف فشللللللللللله وردت عليه .. وهي منحرجه مررره ..
( بنوته كيوت ) سوووري .. والله جات بالغلط ..
<< راكان وهو مبتسم وبصوت عالي .. / يااااااااااااقلبي والله ..
اموووووووووووووت فيك .. << وحط ايده على قلبه / ارفقي بحالي وعلى قلبي
حرااااااااام عليك ..
التفت على اللاب توب وكتب لها من بعد لحظات السعاده اللي مرت عليه
Rakan / لااا عادي خذي راحتك ..
ريناد حطت ايدها على فمهااا ( يالله اكيد فهمني غللللط )
<< الا تدخل رنيم غرفة راكان ..
راكان رفع راسها .. عن اللاب توب ... / رنووم وش تبين ؟؟
رنيم بعد ماجلست على طرف السرير / افااا .. والله طفشانه .. وش راييك
نطلع نتمشى .. بالفيصليه .. ولا بصحارى او أي شي ..
راكان وهو مندمج يناظر الشاشه وفي المحادثة / بعديين ..
رنيم سمعت صوت المسن وقربت راسها من اللاب توب / من معه
انت جالس ؟
راكان / هههههههههههههه توقعي منوو ..؟
رنيم / مين هشام ؟
راكان بأبتسامه عريضه / نوو ... ريناد ..!
رنيم بحماس / احلللللللللللللف .. اشووف ..
وناظرت بالمحادثه .. / أي جد هي بنوته كيوت .. وهذا ايميلهااا ..
طيب وش صار ؟؟ ليكون قلت انك تحبها وخربت علينااا ..
راكان هز راسه بالنفي .. / لااا ..
<< ( بنوته كيوت ) / طيب .. انا استآذن هاللحين .. اوووكيه ..
رنيم سحبت اللاب توب منه / لاااا .. عطني اياه اظبطك ..
راكان / يالهبله وش راح تخربطي ..
رنيم استلمت اللاب توب وبدت تكتب وتستهبل على ريناد ..
Rakan / تعاالي .. ابسآلك انتي تكتبي شعر ؟؟
<< ريناد استغربت من سؤاله .. وكتبت ..
( بنوته كيوت ) / أي اكتب .. بس مو كثير .. اكتب خواطر اكثر .. ليه
هالسؤال ؟؟
رنيم / ههههههههههه
Rakan / بس ابغا اطلب منك طلب .. ممكن ؟؟
( بنوته كيوت ) / ممكن ...
Rakan / ابغاك تكتبي شعر غزلي .. ابغااا لخطبت اعطيه لخطيبتي ..
ريناد تنرفزت من اللي كتب .. ( خطيبته ؟؟ يعني جد راح يخطب ؟؟
ماشاء الله شكله يحبهااا اللي يقول يبغا يعطيها شعر .. ومني بعد .. جد
ماينعطى وجه .. ) حست انها تكرهه ... وتكره تصرفاته واسلوبه ..
وكل شي يذكرها فيه ...
( بنوته كيوت ) / هاللحين مافي شي ببالي .. اناا استآذن .. باي
راكان وهو معصب / وش فيك زعلتيهاااااااااااا زين كذاا ..
رنيم / انت وش عرفك .. اصبر لاتصير خفيف عااد .. اثقل .. شوف وش
راح اكتب ...
Rakan / طيب اليوم ابكلمك علشان آخذه منك اووكيه ..
<< ريناد ( من جده هذااا .. لا شنو يكلمني ماباقي الا هي .. ) ومن دون
نفس ردت عليه ..
( بنوته كيوت ) / لااا اسمح لي .. روح كلم خطيبتك وسمعها كم كلمه
حلوة احسن لك ..
وبدون ماتقول باي ولا شي قفلت المسن ..
وهي متنرفزة وتحس بداخلها نااار بتحرقهااا ..
راكان / ليه عملتي معها كذا حرااام عليك ..
رنيم / اتحداك ماقالت لك هالكلام الا لآنهاااا << وتنهدت / تحـــــــــــبك
راكان بثقه وبأبتسامه / ادري ..
رنيم / وش هالثقه .. اصلا كل هذا يعود لي انااا ولآفكاري الخطيررره ..
راكان / الله والأفكار .. والله انا خايف تشيلني من راسهاااا من هالمحادثه
شنوو يعني قوي عين ابخطب واقول لها تعطيني شعر ..
رنيم / ههههههههههههههههههههه انا ابروح احكي معها واشوف
نفسيتها كيف ..

 

[s7abt_-_7ob]

:::::::::::::::::::::

بو عبدالله اول مادخل البيت راح لعند الدرج .. وقام ينادي على ريناد ..
بصوته الفخم ..
رينــــــــآد .. رينــــــــآد ..
ريناد سمعت صوت ابوهااا .. ونزلت بسرعه .. / نعم بابااا ..
بو عبدالله / وليد اليوم راح يتغدا عندناا .. روحي شوفي المطبخ
اذا محتاجين شي ..
ريناد / ؟؟؟ اووكيه ..
بو عبدالله / خبري عبدالله يتغدا معنااا .. دقي عليه طيب ..
ريناد ( وش فيه بابا كذاا متحمس .. !! ) / طيب ..
ريناد راحت المطبخ .. / خاالتي يقول بابا ان وليد راح يتغدا معنا اليوم ..
ام عبدالله بيدها صحون بزيج ذهبي / ايه قال لي نعمل حسابه .. تعاالي
خذي هالصحون حطيهم عالطاوله ..
ريناد اخذت الصحون وطلعت وصفتهم عالطاوله ورتبتهم ..
الا يدق جوالهاا ... وقلبها يدق ويخفق اكثرر .. ( منوو .. ليكون راكان ..
يبغا اعطيه الشعر .. )
وبتردد اخذت جوالها من جيب بنطلونها الجينز الضيق ..
وتناظر المتصل بسرعه ..
( ranooma .... تتصل بك )
ريناد ( الله ياخذك خرعتيني .. ) .. / الوو
رنيم / هلااا والله
ريناد / هلا فيك ..
رنيم تسوي نفسها مبسووطه / رنوود حبيبتي بعد بكرا بنروح نخطب
لراكان .. وهو حده مبسوووط تقولي مافي حد بيخطب الا هو هههههههه
ريناد وهي تسمع لها ودها تذبحها وتذبح راكان .. / اووكيه وبعدين ..
رنيم وهي ماسكه ضحكتها / ايه وبعدين .. راح نرقص انا معك ..
بهالمناسبه الحلووة وش راييك البس الفستان الأسود الطويل ولا الآحمر
القصير ؟؟
ريناد زادت دقات قلبهاا مقهوره منه مرره .. / رنووم وجع .. انا مشغوله
حاكيني بعدين ..
رنيم بسرعه / تعاااالي .. وش عندك ؟؟ لا تقولي تذاكري من هاللحين ؟
ريناد / لاااا .. وليد راح يجي يتغدااا وباباااا يبغاني اجهز الطاوله مع
خالتي ..
رنيم بحماس/ مين ؟؟ جد وليد راح يجي بيتكم ..
رنود جايه اتغدا معكم هاللحين يلا بااي ...

ريناد ماامداها تنطق بحرف الا ومقفله منها ( وش فيها هذي مطفوقه
على وليد ... المجنونه تفكر لجآت راح تشوفه .. ) ​

(( يا حبي ما مليت من الهجر والبعاد ولا كتبت نهاية قصة حبنا الى الابد
ارجوك يا حبيبتي لا تتركيني وتغيبي ترى مصيري متعلق في مصيرك
وانا اسيرك ..
ارحمي دموعي وحزني لا ترحلي عن عيوني وتعذبيني ..
ترى بعدك عن عيني يجنني ..

يا قسوة قلبك قدرتي تبعدي عن حبك وتزيدي في هجرك عني وصدك
يا من تقرين حرفي تعالي وعالجي جرحي ورجعي
لي سعادتي وفرحي ..
Khaled ))
ريهام اول ماقرت المسج .. واول ماعرفت انه المرسل هو خالد
انتابها احساس بالغربه .. وماعرفت تتمالك اعصابها .. وهي تصرخ
بأعلى صوتهااا ..
اكرهــــــــــــك ..
(... انااا مو لك .. لو عرفت حقيقتي بتكرهني .. ابعد
عني احسن لي ولك .. )


​

 

[s7abt_-_7ob]

الا تدق عليها ريناد بعد 5 دقايق .. وبنغمة كلاسيك ..
ريهام ردت ببرود / الوو .. هلا ريناد
ريناد ودها تحكي لها كل شي بقلبها / رهومااا كيفك هاللحين ؟
ريهام / رنوود .. قبل شوي ارسل لي خالد مسج ...
ريناد / جد .. وش كان يبغااا ؟
ريهام / ولا شي ..بس يتمسكن علشان ارجع واكلمه .. مثل قبل ..
ريناد فكرها بشي ثاني ردت ببرود / اهااااا
ريهام حست من نبرة ريناد انها فيها شي مو طبيعي / ريناد .. وش فيك
مو على بعضك ..؟
ريناد حست انها بتبكي .. غمضت عيونها وحطت ايدها عليهم علشان
تحبس دموعها .. / رهووما ... ر .. را .. راكان .. اممم ..
ريهام / راكان اخو رنيم ؟؟ وش فيه ؟؟
ريناد بنفس النبرة المخنوقه / راح يخطب من بنات خواله .. ماادري
خالاته ..
ريهام ماحست بعمرها الا تضحك / ههههههههههههههه وانتي
ينقال عنك متضايقه ؟؟
ريناد تنكر مشاعرها واحساسهاا / لااا .. بس تصوري وش كان يقول ..
يبغى اكتب شعر ويعطيها ايااه .. جد قليل ادب وماعنده ذووق ..
ريهام / احللللللللفي هو قال كذاا ؟؟ متى ؟؟ وكيف ؟؟؟

ريناد فهمتها بكل شي .. وحاسه ان نار بداخلها تحرق احساسهااا
ومشاعرهااا ياللي يدوبها تحركت من بعد ماكانت تتجاهل أي مشاعر
الفصل الثالث والعشرون ... الجزء الثاني .. **



:::::::::::::::::::::::
وصلت رنيم بيت ريناد ..
وعلى طول دخلت الصاله وتظن ان وليد موجود داخل بالصاله ..
واول مادخلت خاب ظنهااا ... / رنوود .. ويينك
ومشت لناحية المطبخ .. / رنوود وجع
ندى طلعت من المطبخ / اوووه رنووم عندنااا .. هلا والله اسفرت وانورت
رنيم / هلا فيك .. ندوو وين رينادوه ... ولا اكيد عامله معي
مقلب والله اذبحهااا ..
ندى / هههههههههه عن وليد ؟؟ الاااا هو موجود مع بابااا وعبدالله
بالمجلس ..
رنيم خقت / جد .. يصير اشوفه من النافذه ..
ندى ضربتها على كتفها / اثقلي عااد .. يلااا بس تعالي وساعدينااا
رنيم / من عيووني ولو تبني اروح لعندهم واحط الآكل ماعندي مانع ..
ندى تتمسخر / ايه خلااص بس البسي لبس خدامتنااا هههههههههه
رنيم / يالدبه تمسخري علي وش عليك ..
الا تدخل ريناد المطبخ .. ومن شافت رنيم تذكرت راكان على طول ..
رنيم / رنووود .. بلييييز كلميه .. قولي له في وحده ميته فيك وعلى
طول يطلع ..
ريناد / ياشينك .. اثقلي فشلتيناا انتي ووجهك ..
رنيم / افااااااااااااااااااااااا << وبجديه / اقوول انتي معها لا تفكرون
اني جد مطفوقه عليه .. والله بس كذا استهبل ..
ريناد تتنهد / أي هييين ..
رنيم / رنوود وش فيك علي ؟؟
ريناد من دون نفس / ولا شي ..
وطلعت ومعها الملاعق والشوك ..
رنيم همست لندى / الغبيه اختك صدقت ان راكان بيخطب ..
ندى / جد يعني الخطه نجحت ؟؟
رنيم / افااا عليك .. ماتشوفيها قالبه علي .. ههههههه
ندى / والله انك خطيره .. قدرتي عليهااا ...
رنيم / افااا عليك .. والله لآخليها تنطق وتتكلم مو تدفن مشاعرها
بقلبها وتسكت ..
ندى / ماعلمتيهااا انتي .. من اول ماشفتي وليد خقيي عليه ...
رنيم تتنهد / أي واللهـ ..

:::::::::::::::::::::::::::::::::::::

 

[s7abt_-_7ob]

غيدا منسدحه عالسرير .. ومغطيه جسمها بالبطانية ..
وبجنبهااا مساعد ..
مساعد بخبث / هااا قلبي هاللحين ارتحتي ؟؟
غيدا وهي تناظره بعيون ذبلاانه / مررررهـ ..
مساعد بنفس النبرة / كل مره اذا حسيتي انك تبغي هالحبه تعاالي لي
وانا اعطيك اياها واريحك ... بعد وش تبين ..
غيدا بأبتسامه صفرا / يعني كل مره اذا ابغااا الحبه راح .. راح يصير
كذاا بيني وبينك ؟؟
مساعد بنظرات خبث ومكر / اكييييد .. ياقلبي مافي شي ببلاش بهالدنيا
انا اعطيك وانتي تعطيني .. انا آخذ منك وانتي تاخذي مني ..
غيدا اتكآت عالمخدهـ .. ورفعت البطانيه تغطي جسدهاا .. / لمتى ؟
اقصد .. متى راح تقدم لي .. علشان يكون كل اللي بـ
قاطعها مساعد بنظراته الملتهفه / لا تخاافي كل شي بوقته حلووو ...
غيدا ناظرته مستسلمه / احبك ..
مساعد قرب منها اكثر / واناااا اموووووووووووت في حبك ...

:::::::::::::::::::::::::::::


دانه بوقتهااا جالسة بالصاله تتسلى عالمكسرات ..
وجنبها خوياتهااا .. الشله الفاسدهـ .. اللي مايعرفوا
الشرف والعفه .. لا اخلاق ولا ضمير ..
سمر / هههههههههههههه هذي غيوود
عليا / تهبببببببببببل بصراحه .. ياليني ولد ..
دانه / هههههههههههههه مساعد هاللحين اكيد رايح فيها
معهااا .. مسكينه غيود تفكر انهااا اول وحده تكون بين احظانه ...
سمر/ بس ماقلتي لنا وش راح تسوي بهالصور ؟؟
دانه بخبث / مالكم دخل .. الصور مسؤليتي انااا ..
عليا وعندها صوره بأيدها / بلييييز دندونه صورة بس ..
دانه / لاااا عطيني ايااهااا ... ابغاهم كلهم .. واسمعوا ياويلكم
من طلع منكم أي كلمه ولا أي حرف .. لا تلوموا الا نفسكم ..
سمر / افااا عليك سرك ببير .. حنا مانطلع من شورك وامرك ..
دانه وحاسه بنشوة الآنتصار / وهذا العشم فيكم
وعلى طاولة الطعام ..



بو عبدالله .. بالمقدمه ..
وعبدالله يمينه .. ووليد يساره ..
وريان كان معهم .. جالس بجهة ابوهـ ..

ورنيم وريناد وندى وام عبدالله وخلود وروان ..
جالسين بالصاله الفوقية ..
ندى ماسكه بطنها النحيف / مامااا جوعاااااااانه ..
ام عبدالله / اصبري عمااا
خلود / قلت لكم نصعد الغدا فوق ونتغدى رفضتوااا ..
ندى تناظر رنيم / لااا هنااا احسن .. خلينا ننتظر ..
رنيم تمسخر / روحي انتي مع عماد خليه يعزمك برى بدل ماتزعجينا كل
شوي جوعانه وجوعانه .. ..
ندى / احللفي عااد .. ليكون جالسه على راسك ..
ريناد / رنووم اصلااا اليوم راااااااااايحه فيهاااا بالمرره ...
رنيم ردت بسرعة / حتى بعض الناس .. مو على بعضه اليوم ..
اشك انه ودهـ يذبحني ..
ريناد عرفت وش قصدها ونزلت راسهااا ..
خلود / وش فيكم ؟؟
ام عبدالله / ههههههه ماتعرفينهم هذولا اذا تجمعوااا بس مناقز
وتمسخر .. وضحك ..
ندى ورنيم وريناد / هههههههههههههههه

الا ينادي عبدالله .. / خلووووود .. يمه .. يمه .. يلااا انزلوا حنا بالصاله
الجانبيه ..

انزلوا كلهم بسرعة ..
رنيم جلست بسرعة بالكرسي اللي جلس فيه وليد ... واكلت بالملعقة
اللي اكل منهااا ..
ندى / هههههههههه والله اشك انك مجنوونه ..
ريناد / مو بس مجنونه الا مهبووله وعقلهااا طاااير .. الحمد لله والشكر
رنيم / نعم .. خير انتي معهااا ..
ريان بعفويه / عمتي رنوودهـ وليد اكثر شي اكل من اللي
صلحتيه .. الفتوش ههههههه
ريناد فتحت فمها / هااااااااااا
رنيم ضربت ريناد بكوعها / رنوود وجع شالخيانه ...؟
ريناد / انقلعي ..
ريان / بس قلت له ان عمتي ريناد مصلحته قام ياكل منه واااااااااجد
الكل / هههههههههههههههههههههههه
رنيم تهمس لريناد / ابذبحك ..
ريناد بهمس / واناا بعد ..
خلود / رياان روح عند الباب يبغاك ..
ريان / ماابغااا ابجلس معكم ..
ام عبدالله / خليه يتغدااا .. وش فيك عليه ؟؟
خلود / ولا شي .. << ناظرت ريان / لخلصت روح عند البابا طيب ..
ام عبدالله / رنيم .. وش فيك ماتاكلي .. ولا ماعجبك طبيخنااا ؟
رنيم / لااا بالعكس يجنن .. وهذاني آكل والله ..
( يكفي آكل بمحل ولييييييييد .. بس كيف يحس فيني كيييف ؟؟
هاللحين انا أم الأفكار مو عارفه اضبط نفسي !! والله مشكله )

::::::::::::::::::::::

خالد بالعيادهـ ..
اخذ التليفون الثابت ودق بدون تردد ................ 050
وبعد كم ثانية .. بصوت مبحوح .. / الوو
خالد ( فدييييييييييت هالصوت .. وحشتييييييييني مووت )
.... / الوو ...
خالد بسرعة رد قبل لا ينقطع الخط .. / ريهـــــــــآم ..
ريهام ( خااااااااااالد ... ) / نعم .. وش تبي ؟؟
خالد بنبرة ذايبه / وحشتيييييييني .. حرام عليك .. تعذبيني
كان كلامه بالنسبه لريهام مثل الخنجر بقلبهااا .. حست بضيقه
قوويه .. وحست انه قلبها بكبره بيطلع من مكانه .. من شدة ماهو
يخفق بألم وآسى ...
ريهام / خاالد ...
خالد بلهفه / نعم .. قولي أي شي .. بس لا تحرميني منك ..
ريهام حن قلبها عليه .. / آآآسفه .. مااقدر استمر معك اكثر من كذاا
خالد / ريهام اذا انا غلطت معك بآي شي علميني اما انك تجي كذااا
وتقولي لازم ننهي علاقتنا بعد مافكرت فيك وتعلقت فيك وماباقي الا
اني اجي واطلب ايدك من ابوك .. تقولي لي هالكلام ..
ريهام حست بغصة .. وحتى صوتها ضعف .. / بصراحه ماغلطت معي
وانا من تعرفت عليك ماشفت منك الا الخير .. بس
قاطعها خالد / ريهاام .. ممكن نتقابل ؟؟
ريهام بسرعه / اكييد لااااا ....
خالد / اجل اسمعي اليوم انا رايح لآبوك واللي يصير يصير ....
ريهام بعصبيه / قول له أي شي مايهمني .. اصلا هم مايهمهم
ان طلعت مع حد ولا تكلمت مع حد ...<< ونزلت دموعها / اكرهـــــــــــك
خالد / وانااا احبك واموووووووووت فيك .. ومستعد اسوي المستحيل
علشاانك ...
وسكر السماعه بدون مايسمع ردهااا ...

 

[s7abt_-_7ob]

وليد بعد ماشرب الشاي والقهوة والحلى وبعد مارووق
وسولف مع عبدالله اللي يعتبره مثل اخووه ..
وبو عبدالله اللي بمقام ابووه ..
سلم عليهم وطلع ...
وقبل لا يطلع ... برى البيت .. وهو واقف عند البركه اللي عندهم ...
اخذ جواله ودق على ريناد ...
ريناد وهي جالسة بين رنيم وندى .. بالصاله ..
ريناد سمعت جوالهاا واخذته من عالطاوله ... ( هذا ولييد .. )
ريناد / الوو ..
وليد / هلا ريناد شلونج ؟
ريناد / بخير .. اخبارك انت ؟
<< رنيم وندى / ؟؟؟؟
رنيم قربت اذنها من الجواال ... وشهقت / ولييييييييييييييد
ريناد بسرعة وقفت ودنت عنهااا .. / الحمد لله ...
لحقتها رنيم ... / رنوود .. عالسبيكر تكفيين ..
ريناد مو معطتها وجه ..
وليد / حبيت اشكركم عالغدا .. وعالفتوش ههههههه بصراحه
فناااانه ..
ريناد بحيا / تسلم .. هذا من ذوقك ...
وليد / ريناد ..
ريناد تتنهد ( آآآهـ نبرة راكان بأسمي لها طعم ثااني ... ) / ايواا
وليد وهو متردد / بقولج شي بس لا تفهميني غلط ..
<< رنيم / وعمااا وش يقوولك ..
ريناد تآشر لها تسكت .. / ايواا معك ..
وليد / اممم انا ودي نكون على اتصال .. يعني متواصلين مع بعض
.. بس لايروح بالج بعيد .. والله اعتبرج مثل اختي .. بس تعرفين
لجيت السعوديه مالي احد وازهق لحالي ..
ريناد وهي عاقده حواجبها / يعني ان راح تجي لسعودية كثير ؟
<< رنيم / جد ؟؟؟؟؟؟؟؟؟؟؟؟؟
ريناد / لحظة وليد ..
والتفتت على رنيم / وبعدين معك خليني اسمع وش يقول ..
رنيم / اماااانه سلمي عليه .. خليه يحس فيني ياشيخه
ريناد / اففف انتي اسكتي بالآول ..
رنيم حطت ايدها على فمهاا وبكلام مخنوق / اووكيه
ريناد / ههههههههههههه
وحطت الجوال بأذنهاا .. / ايواا وليد معك ..
وليد / ازعجتج ؟؟
ريناد / لااا .. بس وحده مزعجة بجنبي .. اممم تسلم عليك ..
وليد / ههههههههه منوو اختك ؟
ريناد وهي تضحك / لاا .. ههه هذي صاحبتي رنيم .. اللي كلمتك
بالمستشفى ..
وليد يحاول يتذكر / ايواااااا ... اهااااا سلمي عليهاا ..
ريناد / ان شاء الله ..
وليد / المهم نرجع لموضوعناا .. وش قلتي .. تقدرين تكلميني
ترى والله عاادي حى لو تقولين لاا ...
ريناد / طيب ماجاوبتني .. بتجي لسعوديه على طول ؟ ولا كيف
وليد / لا لااا .. بس ليمن تنتهي اجراءات الشركه .. ومن هالكلام
ريناد / ليه .. بابا يقول خلاص كل شي انتهى ..
وليد / ايه فكينا الشراكه ... بس باقي كم شغله بسيطه ...
ريناد / اهااا ..
وليد / اناا برجع الكويت بكرا وبجي يوم الآحد او الأثنين ....
ريناد / اهاا .. حياك الله ..
وليد / الله يحييك .. يلااا ريناد انا اخليك بطلع ..
ريناد / انت وينك ؟؟
وليد / لسااا والله في بيتكم .. جالس عند البركه تجيين ههههه
ريناد / ههههههه جد ماطلعت ..
وليد / هاللحين بطلع .. يلااا باي ..
ريناد / الله معك .. باي ..
بعد ماقفلت الجوال .. رنيم نطت بوجهها .. / هااا وش قال لك
ريناد بأبتسامه سحبت ايد رنيم وراحت لعند البلكونا .. / تعاالي
لا يفووتك ..
رنيم شهقت / وووووووووووليد ؟؟؟؟ << وبتنهيده / يالبيه هالطوول ..
ندى جت تركض ورااهم / هههههههههههههه
ظلت رنيم تناظره ليمن اختفى .. عن انظارهااا .. ( فدييييييييتك ...
فديت ولد العاالي اناااااااااااا .. لمتى وانا عهالحاله بلييييز
حس فيني .. حس ان وحده ميته فيك .. لا تتركني وحيده
بين مشاعري واحآسيسي .. )


::::::::::::::::::::::::::::::::::

 

[s7abt_-_7ob]

الساعة 8 مســآء..

ابو ريهام .. دق باب غرفة ريهام .. وهو يناديها / ريهاام ..
ريهام بسرعة فزت من السرير .. وفتحت الباب .. / ايواا ..
بو ريهام دخل الغرفه .. وجلس عالآريكه .. ومعه ريهام ..
ريهام بنبرة خوف / باباا .. فيه شي ..
بو ريهام ( والله كاسره خاطري .. اخاف لعرفتي اني مو ابوك
وش راح تسوي بحالك .. ) / اممم اليوم جاني واحد و ..
ريهام قلبهااا يخفق بقوووة ... من الخووف ... / طييب..
بو ريهام بأبتسامه / طلب ايدك مني ..
ريهام شهقت ( يعني سوااهااا ... ) / كييييييييف
بو ريهام / ماشاء الله عليه دكتور وولد نااس .. يقول يعرفك من
اخته ..
ريهام ( يعني هامك من وين يعرفني ؟؟ مااتوقع .. !! )
بو ريهام / هااا وش قلتي ؟؟؟
ريهام تحس نفسها ملخطبه مو عارفه تقول لاا .. ولا انها تقول ايه ..
بو ريهام بأبتسامه / يعني افهم ان السكوت علامة الرضى
ريهام بسرعه / لاااا .. لاااا ... ماادري .. ماادري ..
بو ريهام / انااا عارف ان هالموضوع حساس ولازم تحتاجي وقت ..
وانا ابد ماعطيته كلمه الا ليمن اسمع راايك ..
وانا هاللحين قلت لك كل شي ... وانتي اللي راح تقرري ماراح اجبرك
على شي طيب ...
ريهام حست برااحه .. من حكي ابوهاا / اووكيه
وبعد ماطلع ...
ريهام حست انها متوترره مررره .. ( ليه ياخالد ليه ..
ليه مو فاهم اني مستحيييل احبك.. واكون لك .. )
::
بسرعة دقت على ريناد وخبرتهااا ..
ريناد / رهوما حبيبتي لا تتضايقي .. وهالخطوة لازم تصير
يعني كيف تبني معه علاقة حلووة ويوم عرفتي انه يحبك
تقولي له خلااص ابعد عني وماانفعك .. يااقلبي الحياة
مو كذااا لو بنطيع انفسنااا بنتحول كلنا الى مرضى نفسيين ..
ريهام بعد صمت .. / اكرهه ... احس انه كلهم زي بعض ..
ريناد بعد مابلعت ريقهااا تهديهاا وهي من داخل تتعذب
من كلامهااا .. / طيب .. ريهام ترى خالد حبووب .. ومايستاهل
اللي تعملي فيه .. وصدقيني لو مايحبك كان من اول ماقلتي له
يبعد عنك اختفى من حيااتك بس لآنه صادق معك ومع نفسه
ومشاعره ماقبل تتركوا بعض .. والدليل انه جا وخطبك
وش تبي اكثر .. صدقيني يحبك ..
ريهام بعد مابلعت ريقها / يحبني ؟؟
ريناد / اكييييد .. رهووما بكرا راح امرك البيت طييب ..
ريهام / اووكيه يااقلبي ...
وسكرت الجوال منهاااا
وانسدحت عالسرير ..
.. حاولت تنام ماعرفت ..
حست ان النوم مجافي عيونهااا ..
حاسة بتأنيب الضمير ..
غمضت عيونها وهي تحاول تتذكر شكل خالد اللي نسته !!
تتذكر كيف كانوا يسولفوا سوااا .. ويضحكواا ..

:::::::::::::::::::::::

يوم السبت ..
الساعة 7 صبـــاحآآ ..
ريناد لبست وتجهزت .. وطلعت والجوال بأذنها .. تكلم السواق ..
/ اووكيه خلاص انت روح صلح سيارة انا ابروح اتصرف ..

وسكرت .. / اففف مابغت تخرب الا هاللحين ...
دقت على رنيم .. علشان تجي وتوصلهااا للجامعه ...
وصلت رنيم لعند الباب .. ودقت عليها تطلع ..
ريناد تنقبت بسرعة وشالت كتبهااا وطلعت ...
واول ماطلعت لقت سيارة ( الأنفنتي ) الذهبيه عند الباب

ريناد ناظرت اللي راكب قدام ( رااااااااااكان ..!! ) صار قلبها يدق
حست انه طلع من مكانه .. ومن كثر النبض حست انه حتى العرق اللي
برقبتها صار يخفق وينبض ..
وبخطوات بطيئة مررره تقدمت للسيارة ...
رنيم فتحت نافذتها / يلااا ادخلي تمشي على ثلج ..
ريناد عطت رنيم نظرة وفتحت الباب وركبت وسكرت الباب
وبصوت واطي / السلام عليكم ...
راكان ورنيم / وعليكم السلام ..
رنيم تعمدت تسولف علشان ريناد تتكلم / رنوود وش فيه سوااقكم الغبي ؟
ريناد وهي مرتبكه / امم يقول السيارة تعطلت ...
راكان وهو يسوق وممتع اذونه بصوت ريناد الناعم ... ( يالبيه هالنعومه
) وهو يناظر المرايه اللي قدامه ... يناظر ريناد وطول الوقت منزلة
راسهاا ... او انها تلتفت وتناظر النافذهـ .. لأن لو تحط عيونهااا بعيون
راكان تحس ان مشاعرهااا راح تفضحهااا بهاللحظة ...

:::::::::::::::::::::::::

 

[s7abt_-_7ob]

ندى مكسله مررره ماتصحى الا متآخره ولازم يفووتها شي
من المحاظرة ...
وصلها عماد .. الجامعه .. وقبل لا تنزل ..
ندى بنظرات ذايبه / بتوووووحشني ..
عماد / هههههههه وانااا اكثر يااقلبي .. انتبهي لنفسك
واول ماينتهي دوامك عطيني الو تلاقيني عند الباب بالضبط
ندى / .. ربي لا يحرمني منك يااقلبي..
عماد مسك ايدهااا بقووة بس بحنيه / امووووووووت فيك
ندى / هههههههه لا انت الظاهر راح تخليني ابطل وماانزل ..
عماد بنظرة شوق / يااااااااااااااااليت ... وش راييك نروح شقتناا
شووي ..
ندى بسرعة / لاااااااااااااا .. .. لا تتهور ... ابنزل
وفتحت الباب .. / بااااااااي
عماد ارسل لها بووسه / انتبهي لنفسك ..

::::::::::::::::::::::::::::


ريهام بالجامعه .. واول ماوصلت ندى راحت لهااا
ريهام / هلااا ندووو
ندى / هلااا فيك .. هااا مابدت المحاظرهـ
ريهام / لااا لسااا بااقي شووي ..
ندى / اففف والله تخرعت قلت يمكن بدت وانتي هربانه .. هههههههه
ريهام بجديه / ندى ...
ندى / هلاا
ريهام وهي مرتبكه .. وتحس نفسها لآول مرة ترتبك كذا .. / اممم
خالد .. تقدم لي البارح من بابا ....
ندى فتحت عيونها للآخر / جد ........ احلللللللللللللفي ...
ريهام / جد والله ..
ندى / يعني نقوول مبرووووووووووووووك ؟
ريهام / لسااا .. محتاااارهـ .. اقصد ماابغاه ..
ندى / يابنت الحلال .. حد يحصل له واحد مثل خالد بهالآخلاق
ويقول لا .. وغير كذا والآهم انه يمووت فيك ..
ريهام تنكر / من قاال ...
ندى / ولله من حكيك من ساعة ماعرفتيه ....
ريهام ( يعني كلهم يقولوا انه يحبني .. بس انااا .. اناا ماحبه ..
عمري ماحسيت معه بمشاعر الحب .. )
ندى / هيــــــــــــــه وين رحتي ؟
ريهام / ندووش ممكن سؤال ؟
ندى / اسآلي ..
ريهام / كلميني عن الحب ..
ندى / هههههههههههههههه ياحلاتك رهوومااا والله بجد
مايليق لك ..
ريهام / شفتي كيف ..
ندى مسكت يد ريهام وجلست بآحد المقاعد / رهووما انتي فاهمة
قصدي غلط .. قصدي مايليق لك النكران .. اسمعي حبيبتي الحب
اعلى من كل المشاعر .. واصدق من كل شي ..
الحب يزلزل الروح والكيان .. ومايغيره الا الغدر والخيانه ..
ريهام بعربجه / تدرين اني مافهمت ولا كلمه
ندى / اولااا مو شرط تفهمي اهم شي تحسي .. واذا حسيتي
راح تفهمي ...
ريهام وهي تصغى لها / بس انا مو حاسه لناحيته أي شي
من هالكلام ..
ندى / والله ماادري وش اقولك .. حنا مانقدر نجبرك على أي
شي .. ومانجبر مشاعرك بالذات انتي اخبر وادرى .. وانتي حره
براايك اكييد .. ​

وبعد ماانتهى الدوام ..
رنيم وريناد جالسين سوى .. بآحد المقاعد
رنيم / افففف طفش .. عطينااا وجه ولا انا جالسة مع صنم ..
ريناد حطت راسها على كتف رنيم .. وبتنهيدهـ / آآهـ ماادري
وش فيني .. احس اني تعبـــــــــآنه ... ودي انام من اليوم لبكرا
وماحد يصحيييني ..
رنيم / وش فيك .. وش اللي متعبك ؟؟
ريناد وهي مغمضة / حـــــــآسه بدووخـه ..
رنيم التفتت عليها ورفعت راس ريناد / رنوود ..
ريناد فتحت عيونهاا .. بثقل .. واطرافها ترجف ...
رنيم / اوووهـ وجهك اصفر .. لا تطيحي علي بليييز ترى مااعرف
اتصرف ..
ريناد / ابرووح البيت ...
الا يدق جوال رنيم .. وبسرعه عطته مشغوول ...
رنيم / يلااا البسي .. اسااعدك ؟؟
ريناد / لااا .. اعرف ..
لبست .. وهي ترجف وحاسة انه اطراف اصابعها بااردهـ ..
اكيد جات لها الحاله .. مثل المرة اللي فاتت ..
رنيم / اكيد مافطرتي اليوم ولا اكلتي لك حاجة من جيتي ..
ومسك ايدهاا / يلااا ابوديك المستشفى قبل لانروح البيت ..
ريناد تذكرت ان راكان اللي راح يوصلهم / لااا .. تكفييين
ماابغااا ... ابروح البيت ..
رنيم / مو بكيفك عاااد ...
ريناد / ترى والله ازعل .. صدقيني هاللحين اصير احسن ..
رنيم / والله اشك انه مقلب ... يلااا اووكيه امشي ..
ريناد اول ماركبت السيارة حاولت تناظر راكان ماقدرت ..
تحس نفسهاا مشتاقة تناظر فيه ولعيونه .. وبنفس الوقت ماتبغا
تناظره علشان عيونها مايفضحونهااا ..
رنيم / هاا رنود وش قلتي ؟؟ اود
قاطعتها ريناد بسرعة لأن لو درى راكان اكيد بوصلهم المستشفى
وبصوت مبحوح / البيت ...
رنيم / برااحتك ..
راكان يهمس لرنيم / وش فيكم ؟
رنيم / ولا شي .. ان بس ناظر الطريق ..

:::::::::::::::::::::::::::::::::