روايـ مريم و عبدالعزيز ـة

[SeNyOrA Q8eYa]

حبيبتي كملي الله يخليج متشوقه حق القصه

ان شاء الله حبيبتي ،،

بس توعديني تعلقين ع الشخصيتين :sfg:​

 

[SeNyOrA Q8eYa]

**الجــزء الخــامس**
طبعاً مر على مريوم 24 ساعه لا مسج ولا اتصال على حبيب القلب ،، ما اقدرت تنطر اكثر كانت تدور اي عذر عشان اتدزله مسج لانها عارفه انها مو قد كلامها ..
دزتله مسج:-
سبحان الله والحمدلله ولا اله الا الله والله اكبر <<< اذكر ربك وانسى لهموم
رد عليها عزيز: جزاج الله خير ،،
وتذكرت ان بهاليوم تسجيل مواد عزيز حق الكورس الثاني دزتله مسج :-
صباح الخير بما ان اليوم موعد تسجيلك حبيت اقولك ترى الماده الفلانيه مع الماده لفلانيه فاينلهم بنفس اليوم <<< للعلم بس
طبعاً عبدالعزيز حقرها ومارد عليها حتى مشكورة ماكلف على عمره يقولها ،،
اهيا استغربت ..!! قالت معقوله مو عادته يحقرني ويطنشني مع ان رده رسمي بس هم احسه كان مهتم فيني مجرد انه يرد على مسجاااتي
مريوم تضايقت وناااااااامت ،، واحلمت انها دازه حق عزيز مسج اتقوله: احبك ،، احبك ، احبك ،،احبك ،، احبك ،،احبك ،، احبك ،،احبك <<<< لي اخر صفحه وعقبه تحط اسهم جذي <<< وكاتبه للتذكير فقط
وهم مارد عليها وطنشهااااااا
تأزمت قامت تبجي واتدولها اي عذر عشان اتبررله بس مو لاقيه ،، المهم بهالوقت دزت لها رفيجتها سعاد مسج ها شلونج وشلون الدراسه ؟؟ وشنو اخر التطورات ان شاءالله مسكتي عمرج؟؟
ردت عليها: الدراسه زفت ،، والتطورات مادري شقولج صج صارت تطورات ،،
سعاد اول ماقرت المسج دقت عليها وقبل لامريوم تتحجى زفتها تقولها انا جم مره اقولج لاتدزين شي خلاص مسكي نفسج شهالحب ترى انتي وايد ذليتي نفسج على انسان حقير مايستاهل منج كل الحب هذا والاهتمام ،،
ردت عليها مريوم واهي مصدومه ماتبي تعرفين شصار بالاول؟؟
جان تقولها سعاد : غردي بالله شصاااار؟؟
مريوم قالتلها كل اللي صار وانه قام يطنشها بالمسجات
سعاد تنهدت بصوت مسمووع جان تقول حق مريم ياليته يعرف قيمتج والله ليلحين ما اعرفج عدل يا مريوم قلبج رهيف وطيب ع الاخر الله يسامحه ويبلي بحب اللي يخليه يعاني مثلج
مريوم تقولها ليش عاد جذي بس سعاد لاتدعين هالدعاء الشييييييييييييييييين ،،
فيعدين مريوم قالتلها خلاص سعاد انا صج بنساه وحتى رقمه بمسحه <<< اول ماقالت هالجمله ثنتينهم ماتو من الضحك لان مريوم كل ماتعصب وتقول بنساه لازم تقول هالجمله وترجع حليمه على عادتها القديمه
بعدها سعاد عطت مريوم محاظره انها توخر عنه لانها ذلت نفسها وايد وقطت عمرها عليه ،، مريوم اول ماتسمع هالحجي تحس انها خلاص مقتنعه ،، يمر عليها هاليوم من عقب كلام سعاد ماتدز واليوم اللي بعده ولا جنها سمعت شي لووووول
بالليل الساعه 2 دقت مريوم على سعاد تبجي تقول والله انا تحسفت اني علقت روحي فيه شوف حيوان مايحس فيني ما أحبه وتبجي سعاد قاعده تضحك تقولها والله يااااااهل مريوم عصبت اشكيلج الحال واطلع ياهل؟؟
جان تقولها: لا انا اقصد اسلوبج لما تشتكين اسلوب ياهل لوووول وقعدو يضحكون ثنتينهم المهم سعاد حاولت تخفف عن مريوم وقالتلها والله لو يحبج جان تهون السالفه لكن هذا شكله مايعرف يحب ..!
قالتلها مريوم يعني انا اللي اعرف ؟؟ ولا عمري حبيت اصلاً انا عرفت وتعلمت ان في حب بهالدنيا لما شفته وعرفت اخلاقه وقامت سعاد وتعطيها محاااظره ثانيه نفس الحجي ينعاد ،، وعقب سعاد قاعدده اتنكت حق مريوم وقالتلها شغلي بالج بامتحانج يابنت الحلال باجر امتحان فاينل شدي حيلج ترى اهو مو داري عنج ،، قالتلها خلاص اوكي
وقعدت مريوم تدرس ،،
راحو مريوم وسعاد الامتحان وبدعوا كعادتهم
ومر هاليوم من غير لاحس ولا خبر حتى مريوم ماشافت عزيز بهاليوم وهذا اللي خلاها تمسك نفسها ،،،
ردت مريوم البيت تفكر ليش ماشفته اليوم شالسالفه؟
شوي والا رفيجتها ساره داقه عليها الوووو وينج بسرعه قالت لها انا بالبيت ليش؟
قالت حبيب القلب توه مر واخاف تموتين لانج ماشفتيه طول اليوم ،، مريوم تمنت تروح الجامعه بصااااروخ بس ماكو ما باليد حيله ردت على ساره يعني بتحريني؟؟ سلمي عليه مالت عليج وعليه
ساروووو ماتت من الضحك على عفويه مريوووم وللي بقلبها على لسانها ،،
مررررر هاليوم على مريووووم وعدى على خير من غير مسجاااات مع عزيز ،،
اشرقت شمس يوم يديد ومريوم كان ماعندها كلاس عشان تداوم مبجر فقالت بتنام واقعد ساره تحن عليها قومي تعالي اليوم عندي موضوع مع الدكتور لازم اخلصه ولازم انتي تكونين معاي انتي تعطيني طاقه ..! ردت عليها مريوم وبصوت كله نوم: ليش انا ريد بول وتضحك ،، سارو عصبت تقولها احر ماعندي ابرد ماعندج خلصيني قومي ياخيشة النوم
ردت عليها مريوم انزين انزين لاتحنين كاني ابدل واقوم والله ابتلشت فيكم
قامت وراحت واهما بالطريج حق مكتب الدكتور والا مريوم تشووف عزيز فز قلبها وينت قامت تضغط على ايد سارو حييييل من غير لا تتكلم ،، ساره استغربت تطالعها اشفيج حمدلله والشكر .!!
ردت عليها مريوم: لا مافيني شي حسيت اني بطيح ومسكتج فيها شي ؟؟ قالت ساروو: لا
اول ماوصلوا عند مكتب الدكتور والا ساره تشوف عزيز وتطالع مريوم وتحرش فيها تقولها: ايه صح توني استوعب انج كنتي بتطيحين من حيلج هههههههه مريوم انحرجت واسكتت وقالتلها روحي خلصي من دكتورج لا اخليج واروح ،،
ساااره: اي هذا ويهي اذا رحتي شكلي لو انا رحت انتي قاعده هههههههههههه مريم اوصلت حدها مشت عنها وخلتها راحت سارو تركض وراها تراضيها ،، ردو مره ثانيه وعين مريوم ما انشالت من على عبدالعزيز وهو كان لاهي مع رفيجه وكان شايف ان مريوم ورفيجتها موجودين وكان يتجاهل وجودهاا .!.!
اهيا مو هامها اذا يطالعها والا لا اهيا المهم انها كحلت عيونها بشوفته وهالقعده امتدت 3 ساعات عند المكتب لان حضراتهم كانو يايين بوقت مو وقت الـoffice hour حق الدكتور فاضطرو يقعدون ينطرون لان ماعندهم شي..!!
وطول ما عزيز ورفيجه قاعدين مريوم قعده واذا مشووو مشت
المهم خلصو من الدكتور وراحو تغدوا بره اهما ورفيجاتهم كل وحده راحت بيتها
ردت مريوم البيت وكالعاده تبي تتحرش فيه لانها ماتت لما شافته دزتله: السلام عليكم ،، توني ادري انكم امتحنتوا لسبوع اللي طاف قولي شسويت بامتحانك؟؟
رد عليها: خربطت ..
دزتله: اها اوكي يعني مو بس انا تخيل عزيز انيي طلعت مو حاله لورقه الاخيره كلش
مارد عليها ،،
دزتله مسج: عزيز انا مستعده اعدك مثل اخوي مثل ما انت تعدني مثل اختك بس مثل ماقتلك ترى هم الاخو يهتم بأخته مثل ما اهيا تهتم فيه ،،اذا ماعندك مانع طبعاً ،،
مااارد عليها لمدة ساعه ونص
دزتله مسج: سوري شكلي ازعجتك
هم عدت ساعه ولا رد دزتله: ليش التطنيش ؟؟ انا سألت اذا عندك مانع والا لا ليش تحقرني؟؟
رد عليها: يبا ماعندي مانع ارتحتي الحــين ؟؟؟
مريوم اول ماقرت المسج انصدمت تقول هذا مو اسلوب عزيز كلش امبيه ليش جذي يحاجيني؟؟؟
ردت عليه: اشفيك معصب شدعوه ترى انا ماقتلك شي وماغصبتك انك تقول اي سو اللي يريحك ..!!
وعصبت حدها والا تدق عليها ،، بس قالت بتمسك نفسها ليما ترد البيت لانها طالعه وتخاف تكلمه وتبجي لانها ولامره كلمت صبي غريب بالتلفون غير مره وحده الي اهي اول مره دقت عليه وخافت انه ردت فعلها تكون مثل المره اللي طافت فامسكت نفسها لين اوصلت ،، اول مادخت دقت عليه ،، ماارد عليها ..!!
شوي والا يدق عليها :
عزيز: الو
مريم:الو السلام عليكم
عزيز:وعليكم السلام والرحمه
مريم: شلونك؟<<< وكانت ترجف
عبدالعزيز:بخير الحمدلله
مربم:عزيز سوري لو ضايقتك بالمسج ترى اول مره اشوفك امعصب جذي حدي سوري
قالها: لاعادي بس انا كنت مشغول شوي
مريم: ___ اهاا انا ما احب احد يزعل ويعصب مني فقلت لازم ادق عليك واتأسف منك ،،
عبدالعزيز: لا عادي حصل خييييييييير
مريم: <<< يتها البجيه ،، اوكي عيل يالله باي
عبدالعزيز:باي

وهذا كل الي صار ومريم ايدها تحكها ودها تدزله مسج ..!!



















طبعـاً اول وحده تقرى هالجزء ابيبها تحدد اهيا شنو تبيني اكمل عليه:-
**اتدزله مسج والا تطنش؟؟
<<< عرض نادر

 

[SeNyOrA Q8eYa]

***تعديييييييييل: مريوم طبقت المسج الا شافته بالحلم ودزت حق عزيز نفس المسج***

سوري ع اللخبطه اللي صارت :$

 

[كيوتيه]

كملي عفيه

 

[مزيونه22]

كملي الله يخليج ترى حدي متحمسه للقصه

 

[أمـ طلال ــ]

اممممم ..

اتوقع عزيز راح يحقرها بعدين اهي تحقره بعدين اهو راح يركض وراها


كملي حبيبتي

 

[SeNyOrA Q8eYa]

**الجــزء الــسـادس والاخــير**

مريوم ايدها تحكها الا تدزله مسج دزتله : شكلك ليلحين معصب وزعلان علي ،، قتلك آسفه
وحقرها ولا رد عليها ولا عبرها اهيا ماتت قهـر قامت تكلم نفسها تقول: خلاص ماشي ياعزوز احقر ولاترد وانا بعد بحقــر وبنشــوف آخـرتها معــاك الله يـاخذني و أمـوت وأفتـك منـك <<< اهم شي انها دعت على نفسها وما دعت عليه ،،
ومن بعـدها إشبكت مسنجر وقاعده تسولف مع البنــات وشغلت أغنيـة عبدالمجيد كلمـاتها:-

بريّحك مني خلاص وأغيب عن عينك


مادام هاذي رغبتك لازم أحققها


وبطلبك آخر طلب الله لا يهينك


قللي أحبّك حبيبي بخاطري أسمعها


آخر طلب ..


إذكر لقانا كيف غيّر لك موازينك


هاللحظة تكفي عالأقل أبيك تذكرها


ليلتها كانت شمعة تضوي بيني وبينك


ويوم انطفت إنت الهوى اللّي هب وأخمدها


آخر طلب ..


بغيب عنك كثر ما كنت بيدينك


وعلى كثر ما كنت كذباتك أصدقها


وإن شفتني لا تقول شخبارك ووينك


حتى عيوني حرام إنّك تطالعها


وآخر طلب ..


خذ ذكرياتك والمحبة وشوقي وسنينك


معاك روحي أنا مابي أضيعها


وإنسى المودة وكلّ شئ بيني وبينك


إنت بحياتي غلطة لكن ما حكررها

وكانت طربانه ع الآخر مع هالاغنية ،، وقامت حطتهـا توبك لها بالمسنجــر ،، وطبعا اتعرفون فضول البنات لازم منو هذا؟؟ وليش ؟؟ علينا<<< هالجمل كل شوي تنقال حق مريوم بالمسنجر ،، وتقولهم والله انتوا اي شي صج تفكير بنات<<< يعني بـريئــة :eh_s(3):

وبعديت تذكـرت اغنيه أقوى وأحلى منها هم حق عبدالمجيد اسمها "هــذاك أول":-
هذاك أول .. إذا قلت بتخليني


تبيّن دمعتي بعيني


ما عاد يهمني بعادك


ما عاد أهتم مثل أول


أنا قلبي ترى تحول


أنا برحل .. وبدل واحد بواحد


غيابي يمكن يساعد


وتاخذ راحتك أكثر


ما عاد أهتم مثل أول


أنا قلبي ترى تحول


كذا أسهل ..


بدل ما أضايق أحبابك


وقبل لا يكثر غيابك


وقبل لا تقولها بغرور


ما عاد أهتم مثل أول


أنا قلبي ترى تحول


إذا بتزعل ..


يا خي إزعل ولا تسامح


أنا قصدي كذا واضح


ترى تسوي الجروح أكثر


ما عاد أهتم مثل أول


أنا قلبي ترى تحول

وكــــــانت كــــــل شـــــوي تعيــــدها وتسمعــها ،،
طبعا اهيا قاعده تسوى كل هذا عشان تحس انها صج قد كلامها ،،
واهيا قاعده منطربه والا يدق تلفونا رنه ويتسكـــر ،، شافت الاسم والا :-









وروووود<<<بنت خالة عبدالعزيز "معاها بالكليه ورفيجات بس ماتدري عن ولاشي يسير بينهم ومره قالت حق مريوم في وحده عطت عزوز ولد خالتي اوراق تلاخيص بكلاسكم منو؟؟
قالتلها مريوم انا ليش؟؟ ردت عليها: صج؟ لان بلزواره خالاتي يتحرشون فيه يقولوله هااا ماصارت عندك رفيجه ؟؟ قالهم بلا وحده معاي اسمها مريم دايم اتييبلي تلاخيص "
مريوم ويها قام يقط ألوان جان تقولها اي عاد ان شاءالله يدرس منهم بس ،،
ورود: مادري عنه والله انا ما ادري عنه الا بلزواره "

المهم نكمل ،، مريووم ارجعت دقت على ورود ،،
مريم: مساااائو ،، شهالحركات بو دقه واتسكرينه :eh_s(3):
ورود: جب عاد والله ماعندي رصيد هههههه
مريم: يالله خلاص سامحتج آآآمــري؟؟
ورود: مريوم يمكن اليوم أتأخر على ما اشبك اوكي
مريم: وااااي مليقه ليش عاد؟
ورود: شسوي اخوي ماخذ اللابتوب اطقه يعني؟
مريم: لا افا عليج هديني عليه هههههههه
ورود: ههههههه خلاص ان شاءالله اول مايفصل بشبك نبي نسولف
مريم: ان شاءالله حبيبتي بس لاتطولين زياده ترى الساعه 2 بخمد
ورود: ان شاءالله

وارجعت مريوم اتطقطق بالمسنجر وتنطر ورود مرت ساعه ساعتين ثلاث ما اشبكت؟؟
دقت عليها ماردت قالت اووووووه اكيد نامت عيل انا بروح انام قاومت بما فيه الكفااايه قبل ماتنام دزت حق ورود مسج:يا كزااااابه شكج نمتي نوم العوافي يارب ،، كنت قاعده انطرج عاد ،،
وراحت نامتتت نووووووومه عميييييييقه وما اقعدت الا الساعه 3 العصـــر ،،
واهـيا خلاص حاطه فالبها لو تنقلب السما ع الارض ماراح ترجع تدق على عزيز من كثر ما اكرهت تصرفاته سمته :disease "دزيز" <<< بالانجلش معناها مرض لوووووووووول
وعــدى هاليوم على خـير مع مـريوم ومــا صـار شـي يديد ،، مريم مارست حياتها بشكل حده عادي مثل ماكانت عايشه قبل لاتعرف عزيز وعزيز ماله حس ولا خبر :denya:

 

[SeNyOrA Q8eYa]

كيوتيه + مزيونه22 + ام طلال :-

شاكرتلكم مروركم حبيبات قلبي وهذا الجـزء اللي حطيته آخر جززززززء كتبتـه لحد الحيــن ،، وان شاءالله ان كملـتها راح انزل الاجــزاء

 

[عذوب4]

عجيييييييييييييييييييييييبه

يا حبيبة الكل اهديك احلى سلام معطر بالمسك والبخور اسمحيلي بملاحظاتي :
- احس انك مندفعة بالكتابة ووايد افكار تبين تكتبينها بسرعة
- عندي احساس ان القصة حقيقية
- شخصية عزيز مثل اللي يقول يمتنعن وهن الراغبات - وده وما وده واذا كان ولد الديره الثقل عليه كلش مو حلو
- ومريوم هانم رقله وطايره والحب اللي يبدي بسرعة صدقيني ينتهي بسرعة ويكون حلاوته مثل الجو الحين غيم شوية ويعدين ارطوبه

 

[SeNyOrA Q8eYa]

يا حبيبة الكل اهديك احلى سلام معطر بالمسك والبخور اسمحيلي بملاحظاتي :
- احس انك مندفعة بالكتابة ووايد افكار تبين تكتبينها بسرعة
- عندي احساس ان القصة حقيقية
- شخصية عزيز مثل اللي يقول يمتنعن وهن الراغبات - وده وما وده واذا كان ولد الديره الثقل عليه كلش مو حلو
- ومريوم هانم رقله وطايره والحب اللي يبدي بسرعة صدقيني ينتهي بسرعة ويكون حلاوته مثل الجو الحين غيم شوية ويعدين ارطوبه

هلا حبيبة قلبي

_ اي والله تصدقين انا لما قريتها حسيت اني حدي مندفعه لوووووول
_القصه حقيقيه بس في شوي انا زايده عليها فما اقولج ان كلها حقيقيه عشان لا اجذب :rerrerek:
_لووووووووول اي للأسف ولد الديره ،،
_والله يهدي مريم ان شاءالله ويصبرها ويثبتها اتمنى من قلبي انها تعقل

وشاكرتلج تعليقج حبيبتي ماقصرتي حسستيني ان القصه اعجبتج من خلال تعليقاتج
اسعـدني مرورج والله لايحرمني منج:aha:​

 

[أمـ طلال ــ]

رووووعه ..

كملي حبيبتي

 

[سابقه جيلها]

والله مريم يمكن اول مره تحب وانسانه تبي توصل لشي معين مهي قادره وعزيز انسان ماعنده قلب وبارد المشاعر




موووووووووووووووووووووووووووووووووفقه في القصه



بس النهايه احسها ناقصه يبله خاتمه




مشكوره

 

[مغروره بس معذوره]

كملييييييييييييييييييييييييييييييييييي حدي اندمجت امبي القصه اتينننننن


يالله عاد لايوقف لا يوقف لوووووووووووول :eh_s(9):

 

[SeNyOrA Q8eYa]

اهليييييييين حبيباااااات قلبي :*

والله لقيت منكم تشجيع حلووووو

يلا خلاص كاني بكملها

 

[SeNyOrA Q8eYa]

طبعاً مريـم كل ماتقعد بروحها طيف عزيز يمر جدامها ولا يفارقها ولا لحظه ،،،
مهي قادره تنسى اللي صااار كلشششش ،،
قامت تحاول تلهي نفسها بأي شي واذا يا عزيز على بالها تحذف التلفون بعيد عنها عشان تتكيسل ماتتعبث فيه
مره من المرات مريوم امجابله النت ولالها من احد اتسولف مع رفيجاتها ومستانسه ،،
فجأة يتلها اضافه من ايميل غريب ..!!
المهم اقبلت وبعدين اسألت الي ضايفها:-
مريم: السلام عليكم
........: وعليكم السلام ،، هلا والله
مريم: هلا فيج منو معاي؟؟
......: معاج احمد
مريم وعلى ويها علامة استفهام اشكبرها : اي احمد؟؟
احمد: انا عجبني ايميلج وقلت اضيفج وايد شدني الايميل ،،
مريم: اوكي تبي مني شي؟
احمد: اي
مريم: آمر
احمد: مايامر عليج عدو ممكن نكون فريند
مريم: اي شيييييييييي لاطبعاً
احمد: الله يخليج بلييييييز
مريم تفكـــر وبعد فتره: لالا سوري ما احب اكون فريند حق بوي
احمد: تكفين طلبتج لاترديني علاقتنا بحدود المسنجر بس
مريــم تفكر بينها وبين نفسها " ليش ما اخليه اسولف معاه عادي واحد غريب افضفضله واهو مايدري انا منو"
ويمكن السوالف معاه تنسيني عزيز ،،
مريم: خلاص اوك
احمد: هيااااااااااااا مشكوووووووورة
مريم:العفو ولو ماسويت شي
احمد: انزين ممكن سؤال؟
مريم:تفضل؟
احمد:انتي مرتبطه:؟؟
مريم: وليش السؤال؟
احمد: بس جذي فضول..!
مريم: لا مو مرتبطه كان ودي بس ماصار لوووووول
احمد: شلووون؟؟
مريم: اي صج انا حبيت واحد معاي يدري احبه بس قلبه قاسي "تكتب وهي تبجي"
احمد: ليش شسوه؟
مريم: سلامتك ماسوى شي بس كله يطنشني كل ما احاول اقترب منه يبتعد عني
احمد اكسرت خاطره مريوم وااااااااااااايد
مريم: آآآسفه من اولها لوعت جبدك ،،
احمد: لا بالعكس ارتحت من صراحتج ،، وانا اللي سألت
احمد:الا ماقلتيلي شسمج؟؟
مريم: ماعليك من اسمي
احمد: عيل شناديج؟؟
مريم: نادني حبوبه او اي اسم انت تحبه..
احمد:اوكي حبوبه


هذا اللي قدرت عليه اليوم اعذروني تعباانه

شنو تتوقعون يسير بين مريم واحمد؟؟

 

[SeNyOrA Q8eYa]

**الجــزء الثــــامـــن**

مريم:مممممممممم
احمد: اشفيج ؟؟
مريم: عادي اقول اللي ابيه؟؟
احمد: اي افااا عليج قووولي اللي تبين طلعي كل اللي عندج
مريم: انا مادري ليش حبيته انا غبيه عمرك شفت وحده تبدي واحد مايدري عن هوى دارها على نفسهاااا؟؟؟
احمد: حشااج ،، بس شلون بديتي على نفسج؟؟
مريم: لما كانوا يوزعون علينا اوراق تلخيص للمواد كنت اخذله معاي ومره من المرات صادف ان اللي توزع ماعندها الا وحده خذيتها وطلبت منها ثانيه قالت ماااكو .. واول ماشفت اللي احبه عطيته لورقه من غير لا اصورها ولا اخذها لي
احمد: انتي من صجج؟؟ ترى هذا مايستاهل .. ليش سويتي كل هذاا؟؟
مريم: مااااااادري ،، لاني احبــه
احمد: بس هذا مايستاهل كل هالحب صدقيني ،، هذا جااامد اهو اكيد يدري بس قاعد يعذبج
مريم: مممم كيفه خيكون جامد بس انا احببببببه وراضيه بعذابه ،،
احمد: انتي شفيج كلامج متناقض تشتكين منه وتقولين راضيه بعذابه؟؟
مريم: ماادري مادري ،، لاتعتبر اللي قلته شكوى انا بس حبيت افضفض :/
احمد: انزين ليش ماخلينه يولي وتحبين احد غيره؟؟
مريم: اي شي ومنو يستاهل الحب بعده ،، اصلا انا حرمت احب من بعده ،،
احمد: في وايد يستاهلون الحب بس انتي لاتشوفين الشباب كلهم بنظره وحده :/
مريم: لالالا كل الشباب جذي سوووري ماراح اغير نظرتي في ولا احد خصوصا من بعد عزوز
احمد: واسمه عبالعزيز؟؟
مريم: اييييييييييه
احمد: انزين يمكن اذا استمرينا مع بعض ينولد بينا حب ؟؟
مريم: هههههههههههههههههههههههههههههههههههههههههههههههههههههه
احمد: ما اعتقد قلت شي يضحك..؟؟<<< معصب
مريم: لا امبلا قلت نكته وانت مو حاس
احمد: ممكن اعرف شنو النكته؟
مريم:تبيني احبك ؟؟ وانا ناقصه بعد معاناة؟؟
احمد: وانتي تتوقعيني انا مثل عزوزج؟؟
مريم: كلكم سواسيه <<< تقولها واهي محتره
احمد: لازم اغير نظرتج في الشباب
مريم: ماراح تقدر انسىىىىىىىى ،، الا تعال ماقلتلي جم عمرك؟؟
احمد: 16 .. وانتي؟؟
مريم: ههههههههههههههههههههههههههههههههههههههههههههاي
احمد: بعد عمري نكته؟؟
مريم: بصراحه ايييي
احمد: ليش ان شاءالله؟؟
مريم: لاني اكبر منك انا عمري 18 ،، شيلني من بالك ان كنت راسم علي هههههههاي
احمد بخيبة أمل لانه كان ودي ينسيها عبدالعزيز: خلاص عادي اصلا احنا قلنا بنكون فريند
مريم وحست انها احرجته: اي صح هذا اتفاقنا من البدايه
احمد: انزين مو نويه تقلين اسمج؟؟
مريم: نووو انسىىىىى يلا انا اخليك الحين بفصل لاني بروح انام
احمد: تو الناس ماسولفنا؟؟
مريم: ظهري تكسر وباجر عندي حفله مابي اطول ،، سي يو توموروو ،،
احمد: تصبحين على خير
مريم: وانت من اهله يلا باي
احمد: لحظه لحظه
مريم: وت؟
احمد: هذا رقمي لو احتجتيني *****
مريم بعصبيه: اييييييي شيييييييييييييي ،، طييييير زين..
احمد: سوري سوري مو لج
مريم:باااااااااااااااي
***
لسهووووووووولة رقم احمد مولانه بسرعه ينحفظ مريم احفظته من اول ماشافته وسيفته عندها حست انها راح تحتاجه بيوم


**شنوووو تتتوقعوووووووون بيسير بينهــم؟؟
وهــل راح تتطور الاحــــــداث ؟؟
وهــل مريــم راح تحتــاج حق أحمــــد بيووووووم؟؟؟

 

[مغروره بس معذوره]

لااااااااااا ما اعتقد ؟؟ شنو ياهل اصغر منها ؟؟

او يمكن احمد يكون اهوا عزوزهاا ؟؟ او اخوووه وناسه

كمليييييييييييييييييي قصتج واااااااااايد حلوه وسلامات حبيبتي ماتشوفين شر انشالله

 

[SeNyOrA Q8eYa]

اهلين حبيبة قلــبي مغــروره :68_asmilies-com:
شاكرتلج حبيبتي ع التفاعل مع القصه ،،
والشر ما اييج حيااااتي :eh_s(6):​

 

[مغروره بس معذوره]

وييييييييييييييييييينج يالله كملي ناطره قصتج اشفيييييييج طولتي ؟

 

[SeNyOrA Q8eYa]

حبي انا تعبانه شوي ومو قادره اركــز ،،

ان شاءالله بعد اسبوعين راح اكملها اعذريني يالغاليه

ونطري ترى التكمـــله رهـــــــــيبه ​