روايـ مريم و عبدالعزيز ـة

[SeNyOrA Q8eYa]

السلام عليكم ورحمة الله وبركاته،،

من بعد غياااب طوووويييييييييل ،، ييتكم وكلي نشاط اني اكتب روايه ان شاء الله تعجبكم
مع العلم ان هذي اول روايه لي ،، "وحصـرياً على منتدى كويتيات فقط"

**الجـــزء الاول**

مريم بنت جامعيه عمرها 18 سنه ،، محبوبه من الناس كلهم ،، كلمن يعرفها يحبها ،،
فاصله،، تصرفاتها عفويه ،، تحب الخير للكل ،،

مريم داشه الجامعه وماكان فبالها غير الدراسه وانها تيمع معدل عشان تتخصص المكان اللي تبيه ،،
في يوم من الايام من بعد " شهر " من بدايه الدوام الدراسي ،،

حست انها بدت تنعجب بواحد معاها بالكلاس ،، وقالت حق رفيجتها "حنان" ،، طبعا حنان كانت تقولها اي ما الومج اينن وشحلاته ،، وكانت تشجعها على انها يزيد اعجباها في ،، لين هالاعجاب بتطور وصار حب :fun:

عقبها مريوم قامت تحب الكلاس عشان تشوف "حبيب قلب" ومع الايام كانت اهيا وحنان يفكرون شلون يخلون عبدالعزيز يدري انها تحبه .. فكروا فكروا بس ماكو حل ..!!
وكانت مريم كلنهايه اسبوع اتدق على حنان تشتكي لها انها كارهه العطله اللي تحرمها من شوفة حبيب القلب :jumpon:

وقامت تفكر مريوم شلون اتبين لها اهتمامها فيه ،، فكانت كل ما وزعو عليهم تلاخيص او اوراق تهم المواد الدراسيه تاخذله معاها ومن باجر الصبح تعطيه الورقه وهي مستحيه ..
وبعد 3 اسابيع على هالحال بدت الجامعه تسوي دورات حق المواد العلميه الصعبه وكان في بنات بره يسجلون اساكي اللي يبون يدخلون الدورة + ارقام تلفوناتهم ..
وكان عبدالعزيز واقف ينطر دوره عشن يسجل اسمه ورقمه ..

وهني بدى تطور غريب وعجيب من ناحيه مريم ..!!!
شنو تتوقعووووون..؟؟
اقولكم بالجزء الثاني ان شاء الله​

 

[.]

هالقصه صجيه؟؟

الجزء وايد قصير..

عموما مشكووره..

 

[SeNyOrA Q8eYa]

هالقصه صجيه؟؟

الجزء وايد قصير..

عموما مشكووره..

هلا حبيبتي ،،

لا من تأليفي ​

 

[SeNyOrA Q8eYa]

**الجــزء الثــاني**

مــريم اسمعت عبدالعزيز وهو يقول رقمه وسجلته عندها بالتلفوووووون ،، دخلوا الدورة وصار لها موقف مع وحده من رفيجاتها والكل درى انهم متزاعلين لان علا صوتهم شوي ومريم ماصدقت اطلعت من الدورة راحت اركبت سيارتها ودزت حق عبدالعزيز مسج وهي تبجي "ممكن اذا كنت بروحك تقولي" ،، قالها منو؟ قالتله:اذا كنت بروحك قولي بدق عليك واقولك كل شي ..
بعد فتره قالها انا بروحي قامت دقت عليه جان تقوله
مريم: عبدالعزيز شلونك؟؟معاك مريم اللي معاك بكلاس الفيزيا
عبدالعزيز:مريم ؟؟ ياهلاف فيج مع اني ما اعرف اسامي بنات كلاسي
مريم: انا اسفه يمكن صوتنا اليوم ضايقكم بالدورة بس والله "جان تقعد تبجي" وتكمل والله حدي متضاااايقه .. وطبعاً لما بجت مابجت على رفيجتها بجت لانها استحت من تصرفها اللي سوته انها دقت عليه واهي تبجي جان تشهق تقوله والله آآآسفه دقيت عليك خلاص بسكره اوكي قالها اوكي براحتج قالتله يلا باي ،،
دقايق جان يوصلها مسج منه : عادي لاتتضايقين انتي مثل اختي .!!
مريم ردت عليه: عبدالعزيز انا آسفه ع التصرف الغبي اللي سويته مادري شلون تهورت ودقيت عليك وانت مالك شغل بشي آآسفه وسامحني ،، واذا ماتعرفني انا راح اقولك منو انا ،، انا اللي كل ما اخذت تلخيص او اوراق حق الفيزيا وغيره اخذلك معاي واعطيك اياهم الصبح ..وبليييز عبدالعزيز مابي احد يدري اني كلمتك الله يخليك
رد عليها: لا عادي لاتضايقين نفسج ولايهمج ,, ومشكورة ع الاوراق =)
مريم كل يوم عن يوم يكبر حبها حق هالانسان لانه حييييييل محترم مو نوعه سوالف بنات وجذي ..
المهم عدى هاليوم على مريم احلى يوم لانها لقت طريقه بينهم حق التواصل ..
نامت مريوم واقعدت العصر "عطله" دزت مسج حق عبدالعزيز:
"السلام عليكم،، عبدالعزيز بالذمه امس لما دقيت عليك ما اكو اسأله طرت على بالك"؟؟
رد عليها : امبلا .. واولهم من وين يبتي رقمي..؟؟
مريم: سؤالك صعب .. كل الي اقدر اقوله لك انه صدفه ،، وشنو السؤال الثاني ؟؟
رد عليها: ماكو بس هالسؤال
قالتله: انزين ماسألت نفسك ليش انت بالذات دقيت عليك؟؟
رد عليها: لا
حست نفسها اندقرت حدها ..
المهم عقبها دزتله انزين انا عندي امتحان لسبوع الياي اشرايك اقعد ادرس والا اطلع استانس؟
قالها لا قعدي درسي احسنلج =)
ونفذت كلامه اقعدت بالبيت تدرس وتشد حيلها ..
وعلى هالحال كل يوم تاخذ رايه بشغله..
مره من المرات اسألته: عزيز في احد بقلبك؟؟
قالها:اي ..امي .. <<< تعلقت فيه اكثر على رده عليها قامت تدعيله وتدعي حق امه ان الله لايحرمهم من بعض..
بعدين ردت عليه: انزين مالي مكان يم امك
"حقررررررررهاااااااا"
في يوم من الايام جان يدزلها عبدالعزيز:انتي شنو تبين مني بالضبط .؟؟
هيا هني انصدمت ..!!
دزتله شنو يعني ترى مافهمت؟؟
قالها: ممكن اعرف شنو سر اهتمامج فيني؟؟ شتبين مني؟؟
ردت عليه: انا احبك وعشان جذي مهتمه فيك .. واللي ابيه منك انك تحس فيني .!!
جان يقولها: بس انتي مالج مكان بقلبي .!!!!!!!
مريم قرت المسج وانهاااااااااااااااااااااارت ع الاخـــــر
دزتله مسج "ياااااهي قووووووووويه .. خلاص انا اسفه شكلي مضايقتك وايدكفايه اني متضايقه وانت تزيدني.. ووعد مني هذا اخر مسج اييك مني ،،"
وكملت بجيتها ،، ودقت على رفيجتها "سعاد" واهي منهاره وسعاد ماكانت تدري عن السالفه مريم قالتلها كل شي وسعاد قامت تهدي فيها وترفع من معنوياتها وتقولها خليه يولي شايف عمره عليج لاتقطين عمرج عليه ..
مــريم امسحت رقمه من الموبايل بس طبعا وبلا شك اهيا حافظته ،، وقالت خلاص من يوم ورايح ماراح ادزله شي
نامت من القهر مع انها كانت توها قاعده من النوم لما قرت المسج ،،
واقعدت الصبح وحست مفسها حيل متضايقهمالها خلق الدوام راحت الجامعه وردت البيت ونامت ،،
اقعدت من النوم والا واصلها مسج منه كاتب فيه :
"انا آسف ع اللي صار امس ما كنت ابي اجرحج بس كان قصدي اقولج اني مو جاهز ارتبط .. وليلحين اعدج مثل اختي"
ومريم يعني داقته ثقل ردت عليه : لا عادي حصل خير ان شاء الله لاتشيل همي
بعد فتره حست ان عبدالعزيز حيل متحسف دزتله عبدالعزيز لاتشيل هم الي صار امس انا نسيته عادي لايضيق خلقج..
رد عليها: انا اسف بس كنت تعبان ومتضايق ..!!
قالته: سلامتك من التعب ،، والله يفرج عنك همومك يارب وصدقني الدنيا ماتسوى احد يتضايق على شانها ،، يلا ابتسم
رد عليها بمسج: للقلوب الطاهره مكان رائع في قلبي ,, قد لايعلمها اصحابها ولكن يعلمها ربي
من عقب هالمسج طارت من الفرحه حست ان روحها ردت لها ..
بس كل مره رفيجتها تقولها مريوم خلاص خليولي ترى اهو اجرحج جرح كبير وانتي انهرتي للأسف حبيتي واحد قلبه حجر
واهيا تقول ماعليه يمكن مع الايام قلبه يلين ,,,
وكانت كل يوم تداوم فيه مريم تكون طايره من الفرحه تحس روتين حياتها تغير عندها احد تهتم في يملي عليها فراغ عاطفتها بس للأسف كانت تمنى من الطرف الثاني انه يهتم فيها مثل ما اهيا تهتم
قرب امتحان مريم وعبدالعزيز ،،
وصار تطور بالمسجات "كالعاده" ..
مريم كانت متوهقه بمسأله مو فاهمتها قالت بدق عليه يفهمني "للعلم كل اللي كان يسير بينهم مسجات ،، وحتى بالجامعه اذا شافته وشافها ماجنهم يعرفون بعض" ..
مريم دزتله مسج: ممكن ادق.. عندي مسأله مو فاهمتها ..!
قالها: انا مشغول شي بس افضى اقولج ..
قالتله : اوكي اخذ راحتك ..

بعد ساعه ونص رد عليها: خلصت شغلي .. شبغيتي..؟؟






راح اكمل ،، بس انطر منكم ردود مشجعه =)

 

[.]

واي ماحب البنات اللي يحبون جذي اللي حتى لو بتعطس تسال اللي تحب تسمح اعطس اذا قالها لا ماتعطس تنغمت وتموت..

خوش

ناطره الباجي..

 

[SeNyOrA Q8eYa]

واي ماحب البنات اللي يحبون جذي اللي حتى لو بتعطس تسال اللي تحب تسمح اعطس اذا قالها لا ماتعطس تنغمت وتموت..

خوش

ناطره الباجي..

لوووووووووووووووووووووووووووووول

اخاف صج تطبق ،، لو انا مكانها اسوي اللي ابيه بس اسأل يعني ترى رايك مهم

بعد عمري رونه شاكرتلج تشجيعج :eh_s(7):​

 

[SeNyOrA Q8eYa]

**الجـزء الثـالــث**

مريــم: في مسأله بالدرس الفلانيا نا مو فاهمتها ممكن ادق اتفهمني اياها..!!
عبدالعزيز: شي ضروري؟..!!
مريـم: شنو يعني؟؟ خلاص خلاص انا ادق على وحده من رفيجاتي اتفهمني اسفه..
عبدالعزيز:ليش شنو ماللي مو فاهمته فيها ..؟؟
مريـم: مو فاهمتها كلها ..
عبدالعزيز: ممكن اساعدج اذا كنتي ناسية طريقة حلها بالمره .!!
مريـم بينها وبين نفسها : اشفيه هذا اهبل الحمدلله والشكـر ..!!
ردت عليه: خلاص مشكووور قتلك اخلي وحده من رفيجاتي اتفهمني مابي ازعجك واحرجك باتصالي ..
عبدالعزيز: على راحتج .!
مـ{يم دقت على وحده من رفيجاتها وفهمتها كل المسأله ،،
مريم قامت تفكر في عبدالعزيز اكثر من دراستها .. واتفكر بينها وبين نفسها: ليش حبيت واحد مايحس قلبه صخر مايفهم ..
وقامت تتذكر المسجات اللي بينهم وكانت تتذكر المسج اللي دزته : انا لك وودي تكون انت ليا ،، ياشين غيباتك ويازين قربك،،ابسط حقوقي انك تحس فيا واحس اني بكل الاوقات جنبك.."
قاعده تقول اكثر من جذي توضيح اني احبه ؟؟
وقعدت تحط نفسها مكانه تقول لو لقيت احد مهتم يني جذي وانا من الاول ماكنت ادري عن هوى داره والله احبه واموت فيه مثل ما اهو يحبني ..
ليش اهو مايحبني وكله يقولي انت مثل اختي ..؟؟
وايد اتعبت من التفكير لدرجه انها قامت تبجي اكثر من ما تدرس "للعلم مريوم حساسه حيل واذا حبت أحد تحطه بقلبها وعلى راسها"
اتعبت واهيا تفكر وقامت دزتله مسج:
"عزيز من اول ما قعدت من النوم وانا افكر وبنفس الوقت متردده اقولك او لا .. انت تدري ان احبك و انا قتلك هالشي وانت قتلي مال مكان بقلبك او بالاصح مو جاهز ترتبط ،، بس انا قاعد اتعذب وايد حاولت اتقرب منك كثر ما اقدر واللي الاقي منك اهو "الصد" وهالشي يتعبني وايد ،، وماكو احد يقدر يجبر الناس غصب طيب تحبه وحتى لو في انا كلش مو منهم ،،فأبيك تساعدني انسى ان حبيتك بجنون عشان اقدر اكمل حياتي من غير دموع زياده"
رد عليها بكل برود: ودي اساعدج بس شلووون..؟؟
ردت عليه واهيا ميته قهر من رده: انا اقولك: اذا دزيتلك مسجات احقرني لاترد علي وانا راح ابرمج اصابعي على رقم اعز وحده من رفيجاتي ،، والايام اللي قضيتها معاك مسجات احلى ايامي"
<<< دزت هالمسج وقامت تبجي ،،
رد عليها: thanks :$
وهم قررت انها ماتدزله شي خلااااااص ،،
راحت الجامعه الصبح وشوي والا يبدي الامتحان ودخلو الكل القاعه دخلت راحت اقعدت وتنطر عزيز مايا صارله ربع ساعه امبلش لامتحان .. مو قادره اتحل من كثر ما قاعده اتحاتيه ..!!
شوي والا يتبطل الباب والله عزيز يدخل وشكله تعباان
مريوم قطت القلم وقامت تطالعه وعيونها مغوووررقه .. وشافته وين قعدت وتطمنت عليه ان مسك الوره قام يحل..
واهيا تجاهلت وجوده وقعدت اتحل .. وهي مندمجه تحل بعد ساعتين ترفع راسها مالقته موجود ،،
اهيا ينت تقول ماصارله ساعه ونص من قعد ولامتحان طويل مدته "3 ساعات" ،،
حلت امتحانها واطلعت متأخره ،،
راحت الحمام "تكرمون" تبجي شكل عزيز مو عاجبها تحس ان فيه شي ،، قاعد تقول الحين ماراح اقدر ادزله مسج اسأله شفيك امس ختمتها معاااه مو حلووو ارد اسأله ..
اطلعت من الحمام وراحت تتريق مع رفيجاتها وقاعده تصير مواقف جدامها تخليها غصب تضحك ..
بعد مده واهيا رايحه اتيب كتبها من سيارتها شافتها وصارو قبال بعض وكل واحد لابس نظارته السوده ومحد يدري الثاني شقاعد يطالع
طبعا مريم مانزلت عينها منه <<< ضامنه ماراح تبين عيونها خخخخ
وكملت طريجها عادي ..

بس على الرغم من انها قبل هاليوم بليله اختمتها معاه اعرفت اهو اشسوى بالامتحان واعرفت شنو في =)

تتوقعوووون شلووووووون؟؟

<<< ابي تفااااعل

 

[بنوته كيوت]

وااااااو حركااااااات

يسلمج حبيبة يلا اقراهاا لي بااك ...

 

[مزيونه22]

كمليهاا حدها عجيبه

 

[SeNyOrA Q8eYa]

**الجـزء الــرابع**

طبعاً مريم خلصت محاظراتها وردت البيت واهي اتفكر في شكله ،،
قالت بدزله مسج حرام كاسر خاطري ،،
قامت دزتله مسج :- " السلام عليكم،، عبدالعزيز شسويت بامتحانك اليوم؟؟ ، شكلك شايل هموم الدنيا على راسك شفتك ورحت بجيت ،، وآآسفه ع الازعاج "
رد عليها: الحمدلله سويت اللي علي ،، ولا تخافين ماكو ازعاج
الحين مريوم تطمنت ع الامتحان بس ماعرفت شنو فييييييييه..!!
ردت عليه: انزين عسى ماشر اشفيك اليوم احد مضايقك او مزعلك؟؟
رد عليها: لا ماكو شي بس شوي دااايخ ،،
ردت عليها: اهاا مره ثانيه نام امبجر ولا اتيي وانت دايخ
عبدالعزيز اسمله عليه من ذكائه الزايد قرى كلمه "دايخ" >>>"دايس"
دزلها: شدراج اني اليوم دايس ..؟؟
وعقبها رد بمسج ثاني : آآسف قريت المسج غلط
مريوم عصبت لما درت انه دايس ،،
دزتله : وبعد دايس ،، ياسلام والله ،، عزيز مره ثانيه لاتتهور اذا انت مو خايف على نفسك ترى اهلك خايفين عليك ويبونك ..
جان يرد عليها: ان شاء الله ،،
مريوم بينها وبين نفسها حدها مو مرتاحه من هالتصرفات لانها قاعده تفكر بأمها وأبوها اللي عطوها الثقه الكامله ،،
قامت تفكــر ليش انا سويت جذي ،، انا ما استاهل كل هالثقه الله يسامحني ،، خلاص ماراح ادزله ولا شي كيفه بالطقاق ومن يوم ورايح ماراح يهمني ،، وياليته كان يحبني بعد ،، الا مايدر عن هوى داري شكله امقزرها علي مو لاقيله احد يهتم فيه غيري ،،
وكانت دايماً هذي الافكار اللي تدور في بال مريووم،،
وقاعده تفكر انها تختمها معاه للمره الاخيره ،،
واهي قاعده تفكر ملت قالت بشبك اشوف منو من رفيجاتي شابكين واكلمهم ،،
اشبكت لقت رفيجتها سعاااد استانست حييييل وقالت حق سعاد كل التطورات والاحداث اللي صارت معاها ،،
سعاد قاعده تزفها تقولها انا جم مره اقولج خليه يولي مايستاهلج هذا شايف عمره ،، والله انتي هبله الي قاطه عمرج عليه،،
قالت لها مريوم خلاص والله حتى انا قاعده افكر اخليه ،، سعااد اسكتت ماردت عليها ثواني جان تكتب آآآآآآآآآه
مريوم خافت قالتلها خير اشفيج؟؟
قالت قعدت اقرى السوالف من يديد قلبي عورني عالمسج مالج :-
ياسلام والله ،، عزيز مره ثانيه لاتتهور اذا انت مو خايف على نفسك ترى اهلك خايفين عليك ويبونك ..
<<تقولها مريوم والله لو قلبه حجر المفروض يلين حاصله احد خايف عليه جذي..!!
قالتلها مريوم خلاص سعاد خيولي انا صج مابي خلاص انا مو قد اني احب انا ماصارلي شهر حبيته تعلقت فيه حيييييييييل واتعب لو ماشفته والنفسيه تسير اي شي..
فقالت لها سعاد خلاص دزيله مسج قوليله: عزيز انا آسفه انا وايد ازعجتك واذيتك بمسجاتي ،، خلاص انا ماراح افرض نفسي عليك ،، وآسفه للمره الثانيه"
مريوم دت عليها: أأأأووووووووه مل من هالحجي كل مره ادزله جذي وارجع له مره ثانيه لما اشوفه.!!
قالتلها سعاد: ماعلي هالمره دزيه وخليج قد كلامج
قالت مريوم لا تدرين شلون راح ادزله مسج معبر اكثر ،، بس نطريني بدور مسج ،،
واقعدت مريوم على google اتدور مسجات ، لقت مسج حست انه مكتوب عنها ،، قالت حق سعاد سعووده لقيت مسج اينن ،، قالتلها يلا وريني :-
المــسج كـــــان:-
كسـرت بخـاطـري يـوم اجيـك بلهفتـي محتـاج

عـن العـالـم تمنيـتك بـأحـزانـي تـوقـف

تحـريتـك ونـاديتـك وحـس القلـب بـالاحـراج

رجعــت وخـاطـري مكسـور وحـزنـي فـوق مـا يـوصـف

خـلاص اقـول مـن قلبـي انـا آسـف علـى الازعـاج

وآسـف منـك يـا قلبـي حطيتـك بهـالمـوقـف

سعاااد قرته وردت عليها: آآآآآآآآآآآآه والله انه ماعنده قلب اذا ماحبج على هالمسجات ،، مريوم مره ثانيه لاتحبين انتي تعبتي نفسج ،،
مريوم ردت عليها: انا من الاول ماكنت حاطه فبالي ولاكنت متخيله بيوم من الايام اني راح احب اصلاً بس القلب وما يهوى

المهم مريوم دزت المسج حق عزيز ودزت عقبه الكلام اللي قالته لها سعاااد ،،
وقامت تدعي ان ربها يصبرها وماتدز له ولا شي ،،
بعد مادزت المسج غيرو الموضوع اهيا وسعاد وضلو يتذكرون المواقف اللي صارت لهم بالجامعه اللي تموت من الضحك وافصلوا واستانسوووووا
عقب سكرو النت مع بعض وكل وحده راحت تنااااام
راحت مريوووم نامت لين اقعد من باااجر واول ما بطلت عيونها وقبل لاتمسك تلفونها اقعدت تدعي انها تمسك نفسها وماتدزله ولا شي ،،
والحمدلله ظلت طول اليوم مادزت له ولااااااااا شيييي واهيا حدها مستانسه حست انها سوت انجاز لانها نهت كل شي بيدها =)



السؤال يقول: هل تتوقعون ان العلاقه بين مريم وعزيز راح ترجع..؟؟
هل مريم راح تقدر على قلبها؟؟
هذا اللي راح نعرفه بالجزء الخامس =)

**ملاحظه:-

-بنات حبيباتي ابي اعرف منكم:-

-شنو اخذتو فكره عن شخصيه مريم؟؟؟
_شنو اخذتو فكره عن شخصيه عبدالعزيز؟؟
_وهل الروايه تستاهل اني اكملها ..؟؟
((بصراااااحه))

 

[SeNyOrA Q8eYa]

وااااااو حركااااااات

يسلمج حبيبة يلا اقراهاا لي بااك ...

هلا حبيبتي ،،

حيااج الله يالغاليه :33_1185028183:​

 

[SeNyOrA Q8eYa]

كمليهاا حدها عجيبه

تسلمين حبيبتي ع التشجيع وكاني كملتها عشان خاطر عيونج :eh_s(22):​

 

[أمـ طلال ــ]

رووووعه ..

كملي كملي حبيبتي

 

[SeNyOrA Q8eYa]

رووووعه ..

كملي كملي حبيبتي

فديتج مرورج يالغاليه :eh_s(21):

راح اكمل بس ردو على اسألتي بآخر جزء

ابي اعرف اول شنو فكرتكم عن شخصيه كل واحد منهم؟؟​

 

[.]

لي فضيت بكملها..

مشكوره حبيبه..

 

[SeNyOrA Q8eYa]

العفووووو حبيبتي

 

[SeNyOrA Q8eYa]

ناطره التعليقات عشان اكمل ،،،

 

[أمـ طلال ــ]

عزيز احسه انسان محترم بس شكله مار بتجربه قاسيه بالحب ..

مريم انسانه حساسه و قاعده تمر بتجربه يديده بلحب .. و احساسي انها ر اح تكسب عزيز ..


يالله ي الحلوه كملي القصه شوقتيني

 

[ساره؟؟؟]

حبيبتي كملي الله يخليج متشوقه حق القصه

 

[SeNyOrA Q8eYa]

عزيز احسه انسان محترم بس شكله مار بتجربه قاسيه بالحب ..

مريم انسانه حساسه و قاعده تمر بتجربه يديده بلحب .. و احساسي انها ر اح تكسب عزيز ..


يالله ي الحلوه كملي القصه شوقتيني

فدييييييتج والله ام طلال وفديت تعليقج :sfg:
نورتي يالغاليه

ان شاء الله الحين بكملها ​