بعد جم يووم
كانت بنت خالي مسوية تجمع بنات ,,,لبست تي شيرت و جينز و لبست فوقهم جاكيت و لبست شيلة و خذيت سويجي..نطرت ازهار و بعدين لمن نزلت مشينا..عقب ماوصلنا شفناهم كلهم هناك
ريان :فطييموو تأخرتوووو..
فوزية: موشي يديد يتأخروون..يلا قعدو قعدو..
ابتسمت بويههم و فصخت الجاكيت و الملفع و قعدت: هااه وين لولوة و زينه و فطوم؟؟
فرح: افتكينه منهم..رايحين السينما مع رفيجات لولوة..
ازهار: انا بفهم ..هذوول ماوراهم مدارس ولا شالسالفة؟؟؟
ريان: طاع هذي...هذوووول حتى الدفااتر مايفتحوونها هالمرة بيدرسوون..انا مادري شلون ناجحين بصراحة..خلونا من هالموضوع..فطوووم صج خطبوج ......؟؟؟
انا ويهي صار احمر و ماتحجيت...
البنات:اووووووووووووووه...ريان: و اخييرا يالعانس بتتزوجين
مريم: مالعانس الا ويهج شووفيها شصغرها شحلووها..فطووم انتي وافقتي؟
انا سكتت..شقوولهم..انه الي خطبني اعتبره مثل اخوي مو اكثر ولا اقل..
رفعت راسي و قلتلهم: مادري
ريان: وه شالعبوو؟؟ماتدرين انه وافقتي ولا لا؟؟حطت ايدها على جتفي..فطوم انتي تبينه ولا لا؟؟
ماعرفت شقوول فألتزمت بالصمت
مريم: شنو القطوة بالعه لسانج؟؟فطووم قولي الصج ماراح نسويلج شي
انا: بصراحة..انا اعتبر خالد مثل اخووي..و ما اقدر اتخيله كزوج
فوزية: يمكن مع الايام بتحبينه كزوج و بتتقبلينه..اذا اهو خوش واحد و مؤدب راح تحبينه صدقيني
فرح: صح الي قالته فوزية..!!
انا ميلت حلجي لي جهه وحدة بعدين قلت: يعني تهقوون؟؟
البنات : ايييه...
ابتسمت: خلااص انا بقول حق امي ..و الي الله كاتبه يصيير
بعد وقت مو قليل..دشت ازهار الي ماحسينه بغيابها ماسكه البووووم صور جبيييييييييير حييل..و حطته و قالت
ازهار: بناات هالالبووم انا يايبته من بيتنا..شوفو كله صور و احنه صغاار
كلنا قمنا من اماكننا و حطينه الالبووم بالطاولة و قعدنا نطالع..في صور و احنه اعمارنا 12 10..جذي.حييل حلوة و معبرة..لقينا صوورة ماكانت قديمة بس ماكانت يديدة...كنه في بيت خالتي ؟؟؟ و كلنا احنه البنات و معانا صبيان..منهم اخوي علي و يوسف ولد عمي <<الي كان ويانا بالصيدة مصيدة
واخته جمانه و ناس واايد..ناس واقفة و ناس قاعدة..احنه البنات كلللللنا قااعدين و الصبيان اهم الي واقفين..التفت شفت البنات ميتين ضحك..
انا : هه شفيكم؟؟
ريان: امبييييه فطوم شوفي هالصوورة..أشرت على صوره فيها احنه البنات..مصوورين في بيت خالي.قاعدين وويوهنا بدون تعابير بس ريان اهي الي ميته ضحك..بس الصورة ماكانت واضحة..بس معبرة و حلوة حق الذكرى..ابتسمت لأني تذكرت هاليووم..كان يووم رمضان مسوين غبقة..عمرنا يتراوح بين ال10-14 سنه..بعدها قمنا نعلق على هاليوم
ريان: فطووم هههههه تتذكرين لعبه ال.....امبييه كانت موصج هههههههه
فوزية: ولا و احنه نجرجر فرحوو على الاعتراف الي تحب .......... هههههههههههههههههههههههههههههههه امبييه موصج
فرح:هههههههههههههههههههههههههههههههههههه والله شخباري..آآه شحلاتها مراهقتنا..بريئة
ازهار: اي بريئة ولي يخليييج
فوزية باستهزاء: وكييحة بالنسبة لج بس احنه كنا برائة..و لا فطوم عصابتنا ككككككككك انا وياج و مريم
مريم: اييييه هههههههههههههههههههه امبيه خلونا ندور الصورة..و قعدنا نتصفح الالبوم لين لقينا صورة فيها انا و فوزية ومريم مسوين حركات مادري شلون تضحك ..بعدين قعدنا نكمل الصور و كل وحدة و تعليقها..اخر شي البنات اهلهم مروهم و انا رحت مع ازهاروو...
