روايــــتي الأولـــى (اخوي الخيالي) بقلمي ...

[ريولا دورفيل]

اكبر هلوووووووووووووووووووووووو لأحلى كويتيات....شلونكم شخباركم من زمان عنكم...الموومهم حبوبات..هذي تقريباً اول مشاركة لي في هذا القسم و اول مرة اكتب رواية و اقتنع فيها هالكثر..سوو بيلز كويتيات لا تحطموووني و اذا على اسلووب القصة ترى انا توني ياهل يعني زين مني طلع مني هالافكار يلا نبدي

و من الحين اقولكم ترى الرواية قصييرة مو طويلة..يعني البارتات بتصير قصيرة ..و البارتات بنزلها متى ماشفت ردوود بس ..اذا شفت ردوود و تفاعل جبير راح انزل كل يووم بارت..يعني ب3 ايام يمكن تخلص الرواية ..يلا نبدي؟؟

بسم الله الرحمن الرحيم

سنه 1998 ببيت .....
كان عمري 6 سنين وقتها ..و امي توها والده اخوي الصغير (محمد)..و اختي الصغيرة عمرها 5 سنين و الجبيرة 13 سنه..و اخوووي التوأم (علي) ..كنا متجمعين بالصالة و ابوي كان بالدواام..قاعدين نطالع فلم سيندرلا للمرة المليوون و مانمل منه..
انا: يمااا متى نرووح نشتري باربي؟؟؟
امي بملل : اقوولج اذا نزل المعااش
انا بضيق: بس بدوور عندهاا
بدور : بس هذي خالتي اميينه اهي الي شاريتها لي..يعني اردلها ياااه
انا : لأ بس...سكت و قعدت اكمل الفلم و انا مبووزة...جان ايي اخووي علي و يقووول
علي: فطوووووم تعاالي معاي تحت عيال عمي بيلعبون صيدة مصييدة
و مثل كل ياهل..نسيت الباربي و طوايفها و نزلت مع علي مستانسة..
ولحقتنا اختي الصغيرة ازهاار...
ازهار: نطرووووني بيي وياااكم
علي: لأ انتي ياهل مانبي يهال<<طاع من يتكلم
طقت ازهار الارض بريلها حيل: لا لا لا ابي انزل ويااكم..شمعنى يووسف يلعب وياكم و انا لأ..ابي انزل
انا : لا
ازهار قعدت تبجي: لااااااااااااااااااااااع ابي انزل هئ هئ هئ
راح لها علي و اهوو خايف امي تسمعها.و سحبها من ايدها: خلااااص راح تنزلين بس امي لاتسمعج
و العيارة ازهار مسحت دمووعها و ابتسمت: يلاا
نزلنا احنه الثلاث و شفنا عيال عمي و عيال خالي ناطرينه...يوسف و جمانه و فرح و زينه...جمانه كبري انا و علي و فرح كبر يوسف و ازهار كبر زينه...
جمانه: اففففف تأخرتوو ..يلا منو راح يحذر؟؟
علي: اناا راح احذر
فرح: لاا علي انت كله تحذر مايصيير
انا: خلااص انا احذر..
يووسف: لالا اخر مرة انتي الي حذرتي..انا بحذر
زينه وازهار ماتكلمو لانهم مايعرفوون..: يلااااااااااا بسرعه لا يصير غداا
بعد فترة من النقاش الحااد..علي سكتهم كلهم و قعد يحذر..طلع يووسف اهو الصياد
يووسف: لااا مابي اصير الصيااد..خل فطوم اهي الصيادة
انا: لا لا انا بنت مايصير اصير صيادة
علي بملل: افففف خلاص يووسف انت الصياد ..توه بيتحرك جان نسمع صوت امي تناديني من فووق: فطوووم عليييييي ازهاروووووووو يلااا صعدوو فووق الغداااااااااااااااااااااااا....
انا: افففففففففف الحين صار غدا و مالعبنا..كله منج ازهارووو
ازهار بسرعه عيونها غورقت: شنوووووووو انا ماسويت شي..
علي: خلاص خلاص ماسويتي شي يلا خلوونا نصعد فوووق الحين ابووي يطقنا ...بسرعه مسك ايد ازهارو و صعدنا ...شفناهم فارشين السفرة و قاعدين..بسرعه احنه قعدنا ..تونا ماسكين القفشة بناكل
امي:وييييع شنو هالوصخ..علييوي نازل الحووش خافي ؟؟؟
علي اتربك: أأييي
امي بعصبية: انا جم مرة قلتلك البس صندل..شووف ريلك شلوون وصخة و طالع ايدك..يلا فطوم رووحي مع اخووج غسلي اييدج..
انا : بس انا غسلت ايدي
ابووي : فطوووووووووووووووووم سمعي كلام امج
قمت و انا اتأفف و رحت مع علي الحمام..
هذي كانت حياتنا اليومية..نقعد من النووم نجابل التلفزيوون و ننزل تحت الحووش و نلعب مع عيال عمي و نرد نتغدى و ننام و نتسبح ..و هكذا
و تمر السنين و عيال عمي يهدون بيت الحجية و يسكنون البيت اليديد و احنه لحقناهم..كان عمري انا وعلي بهالوقت 9 سنين..و اختي ازهار 8 و بدور 16 و اخوي محمد سنتين


و تم اول بارت

 

[-dust-]

:d القصه وااايد وااايد تشوق كملي البارت الثااني :]


يسلمو

 

[6amni bs]

رد : روايــــتي الأولـــى (اخوي الخيالي) بقلمي ...

القصه رووعه كملي ناطرينج حبوبه

 

[ريولا دورفيل]

يسلمووو حبوبات الي ردو و انشالله عن قريب بينزل البارت

اما الباجي..بصراحة حسستوني بالاحباط..هذي اول مرة اكتب قصة و هذا الي يصير
اذا جذي ترى ماراح اكمل القصة ....

 

[6amni bs]

رد : روايــــتي الأولـــى (اخوي الخيالي) بقلمي ...

لاااااا كملييييييييييييييييييييييييييييي والله حلوه قصتججججججججججججججج

 

[ريولا دورفيل]

على شاانج حبووبة بنزل البارت الثاني..اذا ماكان فيه تفاعل..ماراح اكلم..يلا دقايق و يصير بين ايديج :>

 

[ريولا دورفيل]

البارت الثاني :

بس الحين
2010
انا و علي عمرنا 18 و ازهار 17 و محمد 12 و بدور 24
انا و ازهار كنا كاشخين لانه انا مواعدة البنات اطلعهم اول ما اخذ الليسن..شافني علي و قال: وييين عالله..
انا بملل: افففففففففففف شتبي يالعله..انا قلت حق امي بطلع مع البناات
علي: برووحكم؟
انا: اي اي..يلا ازهاروو بسررررعه
علي وقف يدامي: لالالالا ماتروحون بروحكم..راح ايي وياكم
انا طقيت الارض حييل لدرجة انه كعبي بغى ينكسر: علاوييييييي لا تصير ملييق
علي: ماالي شغل ماتروحون بروحكم
ازهار تترجاه: ولي يخلييك علاوي ولي يخليييك..بس هالمرة
انا لزقت فيه و مسكت ايده و قلت: علااوي على شاني ولي يخليك..
علي سحب ايده و اهو يضحك: هههه اوكي روحو..بس اخر مرة تطلعون بروحكم فاهمة؟؟
انا استانست: مشكوووووووووووووووور علااوي..يلا زهروو
ركبت سيارتي المرسيدس و قمت اسووق..وصلت عند بيت خالتي ....اخذ مريم ..نزلت و اهي لابسة ملابس حلوة بس مبالغ فيها ..ركبت ورا
مريم: هالووووو..شفيج تأخرتي جذي؟؟
انا: الاخ علي بالغصب خلاني اطلع قالي ماتطلعين برووحج
تسندت مريم و قالت: وييييه مسوي فيها الاخو الحريص
ضحكت انا و ازهار..و مريم ابتسمت..مريت بيت لولوة و ريان
ريان كررت كلام مريم: ويييينج تأخرتي واايد مايمدي الحين يصكر المطعم
ازهار : علييوي الكريه بالغصب خلانه نطلع قال ماتروحون بروحكم
ريان ابتسمت: يوووه ما اعبر على الاخو الحريص
انا:هههههههه اخووي طول عمره حرييص..لو مو دموع التماسيح و البووز الممدود شبرين جان انا الحين معاه
لولوة..انزيين يلا مرووو فروح و فطوم و فوزية..زينه وينها؟؟
انا: تدرس حق الامتحان..ودي اصدق بصراحة
ازهار: ويييه زينه تدرس؟؟بالعييييد..
لولوة: اي والله..
و قعدنا نسوولف على ما نووصل ووصلت بيت عمي...دقيت على فوووزية و طلعت لنا و اهي تركض و شيلتها مومرتبه و موحاطة شخطة كحل ..بالعربي مبهدلة
ريان :هههههههههاااااي شفييج جذي؟
فوزية بنزر: انتو ييتو مبجر علما اتسبح و البس و اتميكج..طاعو حتى مكياج ماحطيت..اف وخرو وخرو خل اعدل روحي..و بطريجنا لبيت خالي عدلت فوزية شكلها و صار ظريف...طقيت هرن طلعتلنا فرح بدون فاطمة
انا: وييين اختج؟؟؟
فرح: مارضت تيي تقول تبي تروح حق زيينه..
لولوة: عادي ارووح وياها؟؟
ريان: رووحي وياها ..نزلت لووللوة و البنات تنهدوو دليل على الراحة و بدينا نضحك...عقب فترة وصلنا المطعم ..قعدنا بالطاولة و قمنا نسوولف
ريان: اخر شي..مسكها من شعرهاا و كفخها من قال بس
احنه: امبيييييييييييييه مسكييينه
انا: و بعدين شصار؟؟
ريان: مااكو عقب ماماتت عرفو انها ماسوت شي
اشتطت مريم و قالت: صج حقاارة يعني جان سمعوها من قبل
فوزية: ايي ..الله يرحمهها..بعد ساعتين بالضبط طلعنا من المطعم و وصلت البنات و رحت البيت..دخلنا البيت و سيدة حطيت راسي بالمخدة و نمت....

 

[6amni bs]

رد : روايــــتي الأولـــى (اخوي الخيالي) بقلمي ...

يعطيج العافيه على البارت الصراحه رووووووووووووووووووعه حبوبه
ناطرينج

 

[-dust-]

القصه واايد وااايد حلوة :eh_s(6):

كملي كملي :ggdw:

 

[ريولا دورفيل]

يسلمووو..انشالله البارت الثالث باجر ينزل

و ال30 الي طلوو و طلعو؟؟ليش موحلوة القصة ولا شالسالفة ؟؟

 

[حسآويه]

رد : روايــــتي الأولـــى (اخوي الخيالي) بقلمي ...

ريوووووووولا كملي بلييييييييز !!


معاج انا بس مارد لوول

 

[ريولا دورفيل]

حساوية: هلااا والله ..انشالله باجر البارت الثالت لأنه انا نزلت بارتين اليوم..:> انتظروني و نورتي

 

[ريولا دورفيل]

كويتيات @@ صدمتووني 44 مشاهدة ..ولا وحدة فيكم فكرت تكتب تعليق تشجييع.على الاقل مشكوورة .. خلاص انا زعلت ممن صج !!

 

[الاحاسيس المبهمه]

كملي ؛)

شكلها يونس

 

[الجود اصلي]

رد : روايــــتي الأولـــى (اخوي الخيالي) بقلمي ...

يعطيج العافيه الروايه مبين عليها حلوه من عنوانها
وترى شوقتيني بعرف الباقي كملي:ggdw:​

 

[ريولا دورفيل]

الجود الاصلي: هلا حبيبتي نورتي القصة..و انشالله الحين انزل التكمله بس ثواني

 

[ريولا دورفيل]

البـارت الثـالـث :

الصبح
قعدت من النووم و قمت غسلت ويهي و فرشت اسناني و نزلت تحت..شفت اختي بدوور تحت و معاها عيالها..سلمت عليها و شلت ولدها الصغير..اهوو موحلوو بس دمه حيل خفيف
انا: وااااااااي حلاته هالولد..دمه خفييف على خالته..بسته على خده و لميته يهبل ياناس يهبل
بدور: هههه يويويويو شوي شوي على ولدي لا يختنق
دخل علي: سلاام عليكم..سلم على بدور و قعد يمي
بدور: امبييييه علي صاير احلى من فطووم
انا @ شنووووووووو لا لاحبيبتي انا احلى منه
علي ابتسم بهدووء : اكييد فطووم احلى لأنه بنت
انا: ياحبيبي ياخووي..ابتسم بويههي بعدين وقف..يلا انا استئذن باي..انا كنت حييل مستغربة من حالة علي..موعوايده يسوي جذي !!
بعد جم يووم..نادتني امي وابووي
انا قعدت يم امي و قلتلها بتساؤل: عسى ماشر يما؟؟؟
ابتسم ابوي وقال: خالد ولد ؟؟؟؟ خطبج
انا منصدمة: شنووو ؟؟!!
امي: شفيج حبيبتي.....الولد يبيج على سنه الله ورسووله..
انا نزلت راسي وقعدت افكر...مومصدقه..: أإأأإإ/ممم مادري يمه مادري
ابتسمت امي و قالتلي: حبيبتي انتي فكري و جاوبي و الي الله كاتبه بيصير
ابتسمت بويه امي واستئذنت..اول ماطلعت من المكتب بسسرعه رحت دار علي و قلتله الي صار
علي طقاني على كتفي بدفاشة:شعليييييه بتصيرين حرم خالد......
ابتسمت و قلتله: بس انا ليلحين ماوافقت
علي تكتف و قال: وليش ماتوافقين بالله؟؟ والله ....خوش واحد خلووق و دمه خفيف..و حرك حواجبه..و حلوووو
مسكت المخدة وحذفتها عليه و اهو يضحك: مالت عليك و على الي تقولك انا بروح اقعد ويه ازهاروو احسن من مجابل ويهك..توني بقووم بس مسكني و اهو يضحك وقالي..انزين..عدل صوته وقال بجد..فطوم انتي تبينه..
انا ويهي صار احمر و قلت : وو..والله مادري...
مسك علي ضحكته وقال: يعني افهم منج انج موافقة...
انا نزلت راسي مادري شقووله..و اهو فسرها مستحى فهو اهوهني بطها ضحكة..رفعت راسي و قعدت اكفخه وبعدين مشيت...رحت داري و قعدت افكر ليين غمضت عيووني..ونمت....
بعد 3 ساعات..فزعت من النووم مخترعه من الكابووس الي شفته..تعوذت من بلييس و قمت دخلت الحمام غسلت ويهي و فرشت اسناني و نزلت..شفت بدور و ازهار بس ماشفت علي..هالايام ما اشووفه مادري شسالفته..المهم قعدت يم بدوور و قعدت اسوولف و اضحك..

 

[nanna_25]

رد : روايــــتي الأولـــى (اخوي الخيالي) بقلمي ...

كملي كملي تكفيين والله عجبتني :eh_s(17):

 

[الاحاسيس المبهمه]

نااااطريييين

 

[miss disaster]

السلام عليكم ...

شكل الروايه روعه

يسلمو وناطرين الياي

واذا على المشاهدات لا تزعلين نفس حالتي فوق ال 5000 مشاهده واللي ردوا يعطيهم العافيه اقل من 500 فعادي

لا تزعلين ولا تتحبطين