روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي ][

[rayona]

mm madri lish 7asa 3abdallah b9er feh shai bl saFra oo safreta mra7 etmor 3la 5aiir bs enshallah twa8o3i mu eb ma7allah ..
oo a7mad oo fahad na6ra b3rf mo5a6a6hom ..
Oo hal part shwgni wayed bnehaya Oo na6ra el part el yay abii a3rf shge8a9t "entay em9adga Reem bntich ShsaLFaa!!! " Ooo mshkora galbii enich kbrtay el 5aa6 oo y36ich 2Lf 3aFya 3La hal Paarrt iL7Loo ..

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

تسلمين على متابعتج
الله لا يحرمني من طلتج

وانشالله بتعرفين كل شي بالبارتات اليايه
وبنزل البارت متى ماخلصت التعديلات :*

 

[Miss.blue berry]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

مشكووره حبي على البارت
و اممم شوقتيني اعرف شسالفه ريم ؟
يعني ام عبداله و ابو عبدالله مو امها و ابوها الصجيين ؟؟
اممم و فواازو هذا احسه خبيث و راه شي ما راح يسكت
و لووووووووول احلااا ثناثي فهوود و احمدوووه ~~وااي يونسوون نكته هالاثنينو ناطرين البارت الياي ~~

 

[ورده الجهراء]

الروايه باين عليها وايد حلوه
وبانتظارج حبيبتي مع بارت يديد

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

تسلمون الله لا يحرمني من طلتكم ..

وانشالله بنزل البارت باجر قبل لا اروح المطار ..

 

[rayona]

نـــــــاطــــــريـــــــنـــــــــــج :wqedqw:

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

قــوه بنــات هذا البارت الرابع وانشالله يعجبكم
ادري انه قصير بس انشالله بنزل بارت ثاني اول ما ارد

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

البــارت الــرابـــع



بالسيـــاره

ريــم مندمجه وقاعده تغني مع الاغنيه ..


احييني بالكلمه الحلوه .. انا شوقي لك ماله حدود
انا محتاج اسمعها منك .. حسسني انك موجود
قول .. قول .. قول
قول احبك مثلا .. عمري حياتي مثلا
قول اي كلمه حلوه .. اهديني ورده مثلا
غنوة قصيده مثلا .. حققلي هالمنوه
واحييني بالكلمه الحلوه---

فاجئني وكلمني يلا .. بينلي انك ملهوف
لون لي هالدنيا بحبك .. عديني احدود الشوق
وان غبت بأي لحظه عنك .. ناديني قربني منك
قول انك مشتاق لشوفي .. ريحني ونسيني خوفي
واحييني بالكلمه الحلوه

قول .. قول .. قول
قول احبك مثلا .. عمري حياتي مثلا
قول اي كلمه حلوه .. اهديني ورده مثلا
غنوة قصيده مثلا .. حققلي هالمنوه
واحييني بالكلمه الحلوه


فواز : ههههههههه ماشبعتي كلام حلو من حبايبج
ريم ببرود : فواز ماعليك امر لا تكلمني انا رايحه بستانس لاتخرب وناستي من الحين
فواز : هههههههه حسستيني انج بتشوفين حبيبج مو امج
ريم : امي اغلى من كل هالدنيا
فواز: وخالتي ؟
ريم : اثنينهم قطعه من روحي
فواز بستهزاء : وانا مجرد نقطه سوده هههههههه
ريم : الله لا يبين غلاك
فواز :ههههههههههههههههه اصلا انا ما اعنيلج شي انتي كل حياتج حق وناستج وخرابيطج
ريم : يخاطبني السفيه بكل قبح فآبي ان اكون له مجيبا
فواز : احترمي نفسج لا كف ابقع لج ويهج
ريم تطالع سيده ومو معطيته ويه : استرجل علي
فواز : ريم وقسم بالله ان ما عدلتي اسلوبج راح ارتكب فيج جريمه اهني
ريم حست انها زودتها فسكتت
فواز على طول طلع باكيته وقعد يشرب وحده ورا وحده و واضح عليه معصب
طلع الزقاره الرابعه بس قبل لا يشبها ريم بطلت دريشتها وسحبت الزقاره وقطتها
فواز : ممكن اعرف شسويتي
ريم : خنقتني
فواز : اها الحين انا ما اهدا عشان انتي ما تختنقين
ريم : ايي انا مابي اموت اهلي يبوني
فواز : قصدج الشباب يبون جمالج
ريم : احترم نفسك ولا تغلط
فواز : ريم خلاص لا تستشرفين على افاي انا شايف الصور .. ريم الملاك بهيئه بشر انا كنت اشوفه قبل لا اخطبج بس من خطبتج طلعتي على حقيقتج
ريم : هههههههههههه قصدك حقيقتك انت اللي طلعت اما انا فالحمدلله عارفه ربي وما اغضبه
فواز : هههههههههههههههههههه وطلع ملف من درجه وقطه بحظنها هذا مستواج ويلا نزلي لأنه وصلنا
ريم حطت الملف بجنطتها : ما راح تنزل تسلم على اهلي
فواز : لا مره ثانيه انا مشغول وحرك قبل لا يسمعها

---------------------------------------------

في : لا خالتي انا مو قصدي شي بس انتي معقوله كان عندج امل حتى بعد 17 سنه
ام عبدالله : يافي انتي توج صغيره لا تزوجتي وعيلتي انشالله بتعرفين غلاة الضنا ولا راح عنج ما تصدقين انه راح وتحسينه موجود حتى لو ماعشتي معاه وعاشرتيه
في : مادري خالتي هالشي ماعشته عشان احسه
ام عبدالله : عسى الله لا يذوقج طعم الفراق
في : انشالله
ريــان : لا لا انا ليلحين اذكر يوم يت ريوم
في : ههههههههههههه ايي وقعدت تتذكر

ام عبدالله والدمعه بعينها : يابوعبدالله هذي ريم بنتي
بوعبدالله وقف : شفيج يا ام عبدالله مسخنه
ام عبدالله : كل شي يثبت انها بنتي
بوعبدالله : اي بنت
ام عبدالله : نسيت بنتي اللي ماتت واهي بالمهاد
بوعبدالله : وانتي قلتيها ماتت والله يرحمها
ام عبدالله مدت له الاوراق : شوف بعينك
بوعبدالله بعد ما قرا : بنتي وراح لمها ودمعت عينه لأول مره
احمد وفهد : شالسالفه
بوعبدالله بعد ماوخر عنها : قعدي يابنيتي
ام عبدالله : انا اللي بقولهم
: شوفو انا قبل 17 سنه تقريبا ولدت ببنت وبـ 3 يوم قالولي انها توفت زعلت حيل بجيت على ضناي وفرحتي هذي اول بنت وكنت حاسه اني بلتقي فيها وكاهي اليوم يمي وبحظني
فهد بغباء : شلون مو ماتت ؟
ام عبدالله :هههههههههههههه لا ياحبيبي هذي الاوراق تثبت انه السستر بدلت بين بنتي وبنت مره ثانيه وبنتها اللي ماتت الله يصبرها
فهد : يعني هالمره ربتها على انها بنتها بس اهي بنتج وبنتها المتوفيه
ام عبدالله : بالضبط والحين اهم شي انه بنتي يمي
عبدالله : والاوراق هذي شنو تثبت
ام عبدالله : ابوك كان مسوي تحاليل الاسبوع اللي طاف ماخذين دمه وقارونه بدم ريم وطلعت بنته السستر صارلها حادث وماكانت تتكلم والحين تتكلم بس بصعوبه واعترفت انها بدلت بين البنتين بالغلط
ليان وريان: يعني اللي يمج اختنا
ام عبدالله تطالعها وتبتسم : ايي
ريان : وااااااااو ونااسه عندي اخت كبيره وراحت لمتها
ريم : هههههههههههه
ريان : انا ريان وهذي توأمي ليان احنا خواتج
احمد يسلم عليها واهو بمكانه : وانا احمد اخوج
بوعبدالله : قوم سلم عليها طول عمرك خبل ما تفتهم
احمد : يبه شكبري وليلحين خبل
بوعبدالله : اييي
احمد واهو يسلم عليها : نورتينا
ريم : تسلم
بوعبدالله يكلم التوأم : انتو طول عمركم ماتسكتون والحين ساكتين قولولها عرفوها عليكم
ريان : يبه الوضع ماتعودنا عليه خو
ليان : ماعليج انا اقولج
ريم : تفضلي
ليان : دام فضلج شوفي هذا عبود اخونا العود وبعدين احمدو وبعدين انتي واخر شي احنا التوأم
ريم : والباجي
ليان :هههههههه ايي هذيل عيال عمنا وعيال خالتنا الله يرحمهم
ريم : الله يرحمهم
ليان : هذا فهود المحشش
فهد يسلم : فديتها انا شكلي برقمج
احمد يحذف عليه المخده : بعيد عن اختي
فهد :هههههههههههههه مو ذنبي اختك حلوه
احمد : طالعه علي
فهد : جب جب
ليان : مالج شغل فيهم اهم كله جذي سوالف محششين
ريم :هههههههههههه
ليان :وهذي فجور
ريم : اهلين
فجر تسلم عليها : اهلين فيج
ليان : واخر شي فيون اهي تعتبر توامنا الثالث لأنها مولوده معانا بنفس اليوم
ريم : حركات
في : ايي افا علييج
ريم : هههههههههههه
ليان : وفواز اخوهم العود مو موجود حاليا
ريم تبتسم
ام عبدالله : منو يابج
ريم بحزن : بسيارتي
ام عبدالله : شلون دريتي واللي مربينج شلون خلوج تيين بروحج
ريم : السستر مطرشه الملف مع الاوراق
ام عبدالله : اهلج ؟
ريم : مايبوني
الكل انصدم : شنوو


وانشالله اليوم اول ما اوصل الكويت راح انزل بارت ثاني ..
قراءه ممتعه
​

 

[rayona]

ahaaaaaaam shai :eh_s(12): ahLha ma yabonha .. Oo hal fwaz baa6 chabdii emsawee ru7a sharef ruma shnu hathaa l3an 5ayer el bnya 3la 9war shyfha ya a5i t2kd mn el 9wer etha kan 7a8e8ya wla tarkeeb b3dha t7cha 3La kefik wallah :eh_s(14): ..
mshkora b3ad 3umri 3La iLpaart 9ij 89er 3La goltich bs hmn 7Luuu OO n6ra iLpart iLyay b3rf lish ahLha ma yabonha ..

 

[Miss.blue berry]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

thenx uw 3l part 7yati
o0 atwa8a3 ena hathi al.9war a7ad 7a8ed 3la reem msweha 3shan y5reb bainha o0 bain fwaz
bs mno madrii loool
o0 hatha fwazow mako th8a klsh
o0 reem mo galat a5r shay ahlha ma ybounha laish ra7tlhum
o0 na6rench 7yati

 

[only pink]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

وااااااااااااااااو......حلوة القصة ..
نااااااااااااااااااااااااااطرين

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

تسلمون حبايبي ادري انه البارت قصير بس هذا اللي قدرت انزله قبل السفر
وانشالله بعد شوي بنزل البارت الخامس
نطرونـــي

 

[only pink]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

ناطرين

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

البـــارت الخامــــس




ريم : السلام عليكم
الكل : وعليكم السلام
وراحت تسلم عليهم
امها : اشتقتلج حبيبتي وينج من زمان عني
ريم : يمه خلاص لا تتضايقين كاني جدامج
امها : كله من ابوج
ريم: يمه لا تقولين جذي ابوي سوى اللي لازم كل واحد يسويه هذيل اهلي بعد
امها: محد اهلج غيرنا انا اللي ربيتج وكبرتج انا اللي رضعتج وسهرت الليل عشانج
ريم : لأنج كنتي متوقعه اني بنتج
امها : انتي بنتي
ريم : بنتج بالرضاعه بس امي الصجيه هناك
امها : حبيتيها اكثر مني
ريم : اثنينكم نفس الغلا اثنينكم تعبتو علي الله لا يحرمني منكم
امها: شلونج هناك مرتاحه
ريم: الحمدلله وايد مرتاحه وانتو
امها: كلنا بخير .. منو موصلج
ريم : ريلي
امها:وييي ليش مانزل جان قلتيله تدرين اني ابي اشوفه
ريم : ماعليه يمه اهو يسلم عليج ويعتذرلج لأنه اليوم مشغول مايقدر وانشالله بييلج يوم ثاني
امها: انشالله

-----------------------------------------------------------------

ام عبدالله : لا يافي ابوها سوى الصح ماكان لازم يخليها عندهم وبعيده عن اهلها الصجيين
في : خالتي احنا ما نقول مانبيها بس صعبه انه تفارق اهلها اللي ربوها وتفارق ايام الطفوله كلها واتيي عندنا واهي ماتعرف عنا شي
ام عبدالله : مالها خيار ثاني
ريان : ايي والله يوم كانت تقولنا شلون قال مايبيها تكسر الخاطر
ليان : ايي والله اذكر حتى اول ماصعدت غرفتي بجيت
الكل :هههههههههههههههههههه
ريان رجعت ذاكرتها حق هذاك اليوم

ريم : اهلي مايبوني
الكل انصدم : شنووو
ريم : ابوي بعد ما عرف اني مو بنته مو من لحمه ودمه طلب مني اني اييلكم لأنكم لازم تفرحون بضناكم ترجيته بس ما رضى وقالي مابيج روحي حق اهلج يبونج وانا ماقدرت اذل عمري اكثر خذيت هدومي وركبت سيارتي وييت
فهد : ليش جم عمرج اللي عندج ليسن
ريم تبتسم : كملت 18 قبل 6 اشهر تقريبا
فهد :مبروووك
ريم : يبارك فيك
ام عبدالله : يمه حبيبتي غرفتج جاهزه واغراضج فوق ليان قومي وصليها خليها تريح قبل العشا
ليان : انشالله
ريان وفي : بييي
ام عبدالله : البنيه بترتاح وانتو بتقرقون عليها
ريم : لاا خا وسكتت
ام عبدالله : انا امج مو خالتج
ريم :ماتعودت ليلحين
ام عبدالله : ماعليه يلا حبيبتي روحي ريحي باقي ساعتين عالعشا
ريم: انشالله
وراحت مع البنات تريح





----------------------------------------------------

هند : هلا والله ريوم شلونج
ريم : هلاا فيج تمام وانتي
هند : الحمدلله بخير
ريم : وينه جسوم
هند : رايح الفرع مع عمه شوي ويرد
ريم : اكيد مع خالد محد معطيه ويه غيره
هند : هههههههههه ايي والله كل هذا لأنه نسخه مني
خالد : السلام عليكم اووه ريوم اهني ويروح يسلم عليها
خالد : شلونج مرتاحه
ريم : اي الحمدلله وانت شخبارك ومتى ناوي تتزوج على الاقل تاخذ ولدك ولا بنتك معاك الفرع
جاسم : أمه ليييييم ( عمه ريم )
ريم : ياعيون عمتك
جاسم يلمها : وين لهتي انا اثتقتلج
ريم : ياحياتي انا اكثر
جاسم : ثوفي ثوفي أمي كالد ثرالي هواو ( شوفي شوفي عمي خالد شرالي حواو )
ريم: عطني واحد
جاسم : بث وهده ويعطيها
ريم : مشكور حبيبي وتبوسه
خالد قعد : جسوم تعال بحظني
جاسم : مابيــــــــــــــــــــــه ابي اقأد بهدن أمه ريم ( مابي ابي اقعد بحظن عمه ريم )
خالد : اوريك يالكلب انا اوديك واردك ولما تيي هالريم يطيح سوقي
جاسم يتفل عليه
خالد : استح على ويهك ياولد
جاسم : ما اهبك ويروح عند ريم يلمها ويبجي
ريم : حبيبي ليش تبجي
جاسم : أشان هادا مو هلو يقول أني كلب و ماما كله تقول أيب مايقولون جدي ( عشان هذا مو حلو يقول اني كلب وماما كله تقول عيب مايقولون جذي )
ريم : حبيبي اهو مو حلو انت ليش تبجي
جاسم: ادا اهو مو هلو ماما ماتكليني اروه مآآه الفلأ بأدين ويكمل بجي ( اذا اهو مو حلو ماما ماتخليني اروح معاه الفرع بعدين )
الكل: ههههههههههههههههههههههههههههههههه
خالد : انا قلت بيقول لأنه يحبني مايبيني اسب
الكل : هههههههههه
ريم : خلاص حبيبي لا تبجي واهو بوديك
جاسم استانس وركض له :اهبك انا ولمه ( احبك انا )
خالد : طير يالمصلحجـــي
ريم : خالد حرام عليك ترا ياهل
خالد : خل يولي هالكبر ومصلحجي
ريم : ياهل ماعليه كلافه
خالد: هههههههههه خلاص ولا يهمج


-------------------------------


ريان : بنات خل نطلع باجر
ليان : ايي والله من زمان ما طلعنا
في : خالتي شرايج ؟
ام عبدالله : منو بوديكم و وين مقررين تروحون
ليان : الافنيو اكيــــــــد
في : ايي حده ماكو غيره
ريان : خل ندش السينما
في : ايي بلييييييييز فيلم انجلينا نازل بروح له
ريان : انا ما يفرق معاي الفيلم المهم اطلع
ليان : وانتي كله جذي
ريان: ايي
في : خلاص نكلم الشباب
فجر توها واصله : السلام عليكم
الكل : وعليكم السلام
البنات : وين كنتييي
فجر: بالصالون
في : نعم نعم ومن منو استأذنتي
فجر : اول شي انا اختج الكبيره لا ترفعين صوتج ثاني شي استأذنت من عمي وفواز
في انجعمت
ريان :ليش شعندج
فجر : قصيــت شعري
البنات : من صجــــج
فجر: ايي والله
ريان : وليش ماقلتي وشلون قصيتيه ورينا
فجر: ههههههه عاد اهني
ريان : ايي عادي ماكو احد
فجر :اوكي وفصخت حجابها
البنات : واااااااااو
فجر : شرايكم
ريان : سمي على روحج حدج اتيننين
فجر :تسلمين حبيبي ..خالتي شرايج
ام عبدالله : شحلاتج قمر قل اعوذ برب الفلق
فجرتبتسم
في :لا لا وصابغته الكلبه
فجر : في جم مره اقولج بلا سب
في : مومهم ..حدج زوغه
فجر:تسلمين.. ليان ماعلقتي ؟
ليان: ايي حبيبي حلوو والله
في : اقول فجور ترا قلنا يمكن باجر نروح الافنيو
فجر : ايي يلا ليش لأ من زمان ما طلعنا
ليان :المشكله بالشباب خل نسألهم اول
فجر: عادي اذا ما يبون نروح احنا انا وريوم نسوق خو
ريان : ايي وترا يبون فيلم انجلينا
فجر : ايي يقولون قوي عاد
في : خلاص فجور بليز كلمي الشباب ما يردونج نبي نروح كلنا احلى
فجر :هههههههه خلااص انشالله انا اكلمهم اليوم

------------------------------------------

احمد :بونسب وينك اليوم طولت
فواز و واضح عليه متضايق : كان عندي شغل
عبدالله : فواز ليش متضايق
فواز: مافيني شي بس صداع
عبدالله : سلاماات اخذلك بندول
فواز : توه ماخذلي حبتين
احمد يرد على تلفونه : هلا والله بحياتي
:هههههههههه بلا نصب
احمد : امريني ياروحي
: ههههههه اقول بلا هالسوالف ومرني ماعليك امر
احمد : سواق ابوج
: لا تخليني ادق على ابوي ونشوف اذا سواق ابوي ولا لا
احمد : ريوم جب زين لا كف وبعدين دقي على ريلج شكو داقه علي انا
فواز: تبي ترد البيت
احمد:ايي وناطرتني امرها قوم مرها ترا انا مو سواق ابوها
فواز: اقول بلا ضراط الحين عمي يقولك مرها تتصرقع وتقوم
احمد : ابوي طلباته اوامر
فواز: الا خوف منه .. ليش مادقت علي ؟
احمد : ريوم ليش مادقيتي عليه
ريم : قبل لايقول جذي خل يشوف فونه داقه فوق ال 10 مرات
احمد: اوووه معصبه خلاص انا امرج الحين
فواز : جب جب انا امرها الحين قولها تتجهز 10 دقايق وانا عندها
احمد: اتوقع سمعتي يلا باي ويسده
فواز: شفيك اليوم
احمد : فهود مومعاي اشتقتله الكلب
عبدالله : شدعوه
احمد : اسكت ترا مو شايفه من 5 ساعات
فواز : اووه وايد روح شوفه لا تموت علينا يلا سلام بروح حق مرتي
احمد وعبدالله : وعليكم السلام

--------------------------

ريـم: يلا يمه انا لازم امشي وتسلم عليها
امها: وين تو الناس
ريم : صارلي 3 ساعات اهني
امها:تعشي ويانا
ريم: لا يمه مره ثانيه انشالله
ورن تلفونها
ريم : يلا يمه هذا فواز اكيد وصل مع السلامه
سلمت عليهم ومشت

بالسياره

فواز كان مندمج بالاغنيه وما حس بريم واهي طالعه


تبونا نبتعد عن بعضنا ونشقآ
ولكن يالعواذل حبنا ابقآ
ولو اشطركم يجرب يفرقنآ
تري نجوم السما اقرب من الفرقآ
قلنا ممكن تسرقون
كحلنا اللي في العيون
الا موضوع التجافي بيننآ ..ماتقدرون
مستحيل ان نتفارق
لو يكون اللي يكون


لالالا .. لالالا .. ما تقدرووون

ريم: السلام عليكم
فواز: وعليكم السلام .. استانستي
ريم : ايي الحمدلله
فواز : دوم انشالله
وكمل مع الاغنيه وماناقشها

تحدينا بمحبتنآ شطارتكم
وشفنآ بعيننآ حسرة خسارتكم
نصيحتنآ لكم لا تتعبون اكثر
معنا بايره جدا تجارتكم
قلنا ممكن تسرقوون
كحلنا اللي في العيون
الا موضوع التجافي بيننآ.. ماتقدروون
مستحيل ان نتفارق
لو يكون اللي يكون


لالالا .. لالالا .. ماتقدرون

ريم : صوتك حلو
فواز :تسلمين بس مو احلى من صوتج
ريم : لا بالعكس صوتك احلى
فواز : هههههه كل واحد و رايه .. تعشيتي ؟
ريم : لا مومشتهيه
فواز: بس انا يوعان خلينا نتعشى بأي مطعم
ريم: ابي ماك
فواز: هههههههههههه توج مومشتهيه
ريم مدت بوزها وبدلع مو مقصود : خلاص مابيي
فواز :فديتج انا
ريم انصدمت من كلامه بس ضحكت : ههههههههه
فواز : دام بخاطرج ماك نروح ماك جم ريم عندي
ريم : تسلم
فواز : يسلمج .. نروح اللي عالبحر ؟
ريم : عادي
فواز : ريم بسالج
ريم :تفضل اسمعك
فواز : دام فضلج .. وين تبينا نروح شهر العسل
ريم مبتسمه من قلب : مايهمني المكان او الديره المهم الشخص اللي رايحه وياه وشهر العسل يحلى بتفاهم الشخصين ومحبتهم مو المكان اللي يحلي هالشهر
فواز بخيبه : وانا مو الشخص اللي تتمنينه معاج مو
ريم تطالع الشارع وقالت بكل جرأه : ​

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

قرااءه ممتعه
انشالله يعجبكم البارت ..
لا تحرموني من ردودكمــ

 

[only pink]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

اووووة ...ودي اعرف الباقي ... المهم واااااايد حلووو هالبارت تسلمييييين

 

[rayona]

sh'haL FwaaZ gmT ashik FE enf9am bl sh59ya --> emwadeha 3nd omha el thnya Oo ga6 3liha el e9wer oo em3a9eb 3liha .. Ooo al7en yay ma5eth.ha yg6lha 7achi 7luu wLa chena emsa3a emsawee shaii shnu hathaaaa !!! '3areb amrah wallah .. bs 3sa dom chethii ma ynaked 3liha .. Ooo a3tged btred 3lieh btgolah mu enta el sh59 eli atmnah maybe mu akiid y3nii ..
Ooo thnx galbii 3La iLpaart iL7Luu oo na6rinich

 

[ورده الجهراء]

تسلمين حبيبتي على البارت الروووعه
ياليت بارت اليوم اطول واحلى .....

 

[الحلوه اوصلت]

تسلمين الروايه عجيييييييييييييييييب نبي بارت

 

[BRoNZ GiRL]

رد : روايـــتي الاولــى ][ انا مو عاشق ولاني حيل احبــك انا ميت فيك يا اغلى من غلاتـي

مشكورين عالردود ..
وانشالله بنزل البارت اليوم الفير