همســات حالـمه
New member
مســاء حلو ما يشـبه الا انـتو
حبايبي شلونكم ؟ ولــهت عليــكم
اول شي بس بقول شغله ان امس انقهرت والله لان في ناس طيبه قاعده تنقل روايتي من غير ما تذكر اسمي بما اني صاحبة الروايه وهذا وانا مأمنه على هالشي من البدايه !! والله ما تتصورون شكثر كل بارت ياخذ مني وقت ومجهود....
فعندي 3 رسالات .....
اول شي حق الحلويـن العسولين اللي انقلوا روايتي وذاكرين اسمي من البدايه وهذا يعبر عن طيب أصلهم أقولهم....عـلى راسـي انتوووو
أما حق الناس اللي ناقله الروايه ومو متعمده انها ما تذكر اسمي لان سبحان الله يمكن ما انتبهوا ولا شي أقولهم قبل لا تكملون الروايه وتنقلون البارتات ذكروني الحين ....وعلى فكره اسمي " همسات حالمه "
والحيــــــــــــن انيي حق
الناس المتعمـــــــــده اللي تنقل الروايه وما تذكر كلش اسم صاحبتها ولا هامها تذكر....عرفتوا نفسكم صح؟؟؟:sfg:
أقولهم انا مو محلله حق أي شخص ينقل الروايه من غير ما يذكر اسمي وبسألكم سؤال بسيـــــط....يرضيكم؟؟
فاللي ما يرضى على نفسه لا يرضى على غيره وراح اييكم يوم وتنقهرون على شي لكم مثل ما قهرتوني....وانا أدري ان انتوا ما نقلتوها الا عشان عاجبتكم وتبون تشاركون الناس فيها بس كملوا جميلكم وذكروا الله أحسن وصفوا النيـه ونقــلووا بضميـــــــر....
>>> بليـز ياريت اللي ينقل البارت ينقل هالكلام معاه
امبيه اليوم احس فيني قرقه مو طبيعيه تحـملوا :ada:
يلااا الحيــــن
البـارت السـادس عشـر
أم عبدالله: انا كلمت أبوج
روابي خافت وبدا قلبها يطق حيل....
روابي: شقال؟؟؟
أم عبدالله: عقب ما عانيت عشان أقنعه...ورضى بالغصب
روابي: صــــــــج؟؟؟؟
أم عبدالله : بس بـشرط
روابي اخترعت: شنووو؟؟؟
أم عبدالله: انج تـتـنازليــن عـن بنــتج
روابي انصدمت.................
روابي: شنووو؟؟ أتنازل عن بنتي!!!!!!
أم عبدالله: اي هذا شرطه
روابي قام جسمها كله ينتفض: شلون يبيني أتنازل عنها؟!! وليش؟؟!
أم عبدالله: يقول ما يبي شي يذكره بعصيانج له ... يقول تبي يا هلا فيها ما تبي بيتي يتعذرها
روابي سكتت من الصدمه ومو قادره تستوعب كلام أمها....
اقتباس من روابي: أبوي قلبه قوي وتوقعت منه هالـشي...
فجـأه بـدت تبـجي حيــل....
أم عبدالله: يمه انا أقول وافقي انا ادري انج عايشه معاه بعذاب وريلج يبي مرته فخلاص وافقي
روابي واهي تبجي : أوافق!!! شلون تبيني أوافق؟!! هذي بنتي شلون اتنازل عنها بهالسهوله؟؟
أم عبدالله: روابي تنازلي عنها وخلي ريلج ياخذها ويربيها
روابي بدت تصرخ : لااااء....ما أتنازل عنها لااء
أم عبدالله: يمه هدي شوي وفكري بالموضوع
روابي: من غير ما أفكر لااء هذي بنتي مستحيـل اتنازل عنها
أم عبدالله: يمكن أحسن عشان تقدرين تبتدين حياة يديده
روابي قامت بس تبجي لدرجه ما قامت تقدر تتكلم....
أم عبدالله: حبيبتي صدقيني اذا ظليتي معاه راح تعانين طول حياتج..... زواجج منه كانت أساسا غلطه فحاولي انج تخلين كل شي وراج عشان تنسينه خلاص وتنسين أي شي له علاقه فيه
روابي: يمه انتي شتقولين؟؟ هذي بنتي!!! شلون أخليها وراي!!! شلون راح انساها بيوم؟؟! مستحيــل
أم عبدالله: على العموم انا قلتلج شرط أبوج وحاولت معاه كثر ما أقدر بس ما يبي يتنازل عن الشرط!!! انتي فكري بالموضوع وباجر راح أمرج عشان اخذج من المستشفى ففكري وشوفي شنو تبين تسوين
وطلعت أم عبدالله....
روابي ظلت طول الليل سهرانه بس تطالع بنتها وتفكر بالموضوع وتبجي.... ما كانت عارفه شتسوي؟!! ما تطلق وتظل معاه تتحمل؟!! بس شلون؟! ناس وايد تعبت وراح تظل تتعب اذا ظلت بذمته....
تتذكر مواقف قديمه.....
كانت على الأرض تبجي وتتألم من الطــق....
سعود مهستر و يصارخ: كلـه منج صار كل هذا!! ياريت عمري ما شفتج..... زوجتي طرحت....عيالي من اعرفوا قاموا يكرهوني بسببج.....نفسياتهم اتعبت وامرضوا كله منج......أكرهج...ما أبيــج.....انتي هدمتي حياتي...انتي خربتي بيتي
قامت تبجي أكثر وتطالع بنتها بس ماهي قادره تشيلها....اهي أصلا من وقت ما ولدت عمرها ما شالتها حتى ما رضعتها ولا مره.... تمد ايدها ودها ترفعها بس خايفه.... وتتذكر موقف ثاني...
سعود قاعد يصلي ويدعي واهي تسمعه من غير ما يدري...
سعود يبجي : يااارب سامحيني....يارب لا تحرمني من عيالي....يا رب دوم حواليي وأشوفهم يكبرون جدامي....يالله ريح بالهم...يالله احفظهم وخليهم لي ولا تحرمني منهم....يارب رجع لي بيتي......يارب انا غلطت سامحني....سامحني
رابي تحس بقلبها خناجر....تلوم نفسها على كل شي.....اهي كانت السبب...اهي اللي ضيعت نفسها وحياتها.... تتذكر وتبجي بس ما تتذكر الطق....ما تتذكر السب....تتذكر سعود متضايق بسببها وهذا الشي الوحيد اللي كان يكسرها..... على كل اللي سواه فيها تظل تحبه... تظل خايفه عليه وتبي ترضيه.....
ما ودها يظل سعود معاها مغصوب....ما ودها تهدم بيته أكثر....ما ودها ناس تتعب بسببها أكثر.... كانت ضايعه....ما تدري شتسوي!! وشرط أبوها هز كيانها....محتاجه احد معاها......يسمعها....يوقفلها وتشد الظهر فيه....تحس انها بهالدنيا بروحها...وحيـده.....مالـها أحـد تبجي على صدره وتشكيـله...
وظلـت طول الليل تبـجي وما نامـت.....
ثـاني يوم يوها امها ورغد وخالتها الصبـح.....
أم عبدالله: ها شقلتي.؟؟؟
روابي: يمه انتي تتكلمين جنه شي عادي وسهل!!! شلون تبيني اخذ قرار جذي بيوم وليله؟؟!
أم عبدالله: روابي اليوم لما تطلعين من المستشفى يا انج بتروحين بيت ريلج او راح تيين بيت أبوج....قرري من الحين احسن
رغد كانت ساكته وبس تبجي....
روابي صوتها يرجف: يمه ما أقدر....شلون أتنازل عنها؟! شلون؟؟!
أم عبدالله: حبيبتي شتسوين يعني؟؟؟ ما تبين تطلقين؟!
روابي: لا بكلمه يمكن يرضى يطلقني وتظل بنتي معاي
أم عبدالله: ما أعتقد راح يرضى.....وبعدين معناته بجذي ما راح تقدرين تبتدين حياة يديده.... وبتظلين طول عمرج عايشه حق بنتج بس
روابي: يمه ما أقدر لا تقولولي تنازلي ما أقدر ما أقدر
خالتها عواطف: حبيبتي ما تدرين يمكن أحسن حق بنتج هالشي...يمكن ما راح تقدرين تربينها بروحج
روابي: خالتي بنتي وين تروح؟؟؟؟ تبون مرته تربيها؟؟؟ مرته ما راح ترضى؟!
عواطف : مو شرط مرته!! ممكن اخته او امه
روابي: لا لا انا امها وانا اللي ابي اربيها
أم عبدالله: روابي راح ترجعينله وتعيشين بعذاب معاه ماله اخر صدقيني
روابي قامت تبجي بجـي....
عواطف: انتي تعبتي بما فيه الكفايه ... خلاص وخري عنه وتركيله كل شي
أم عبدالله: حبيبتي انا أقول احسنلج هالشي وردي بيت أبوج
عواطف: روابي مالج حل غير جذي
أم عبدالله: أبوج مستحيل راح يوافق اذا ما نفذتي شرطه
وكانوا قاعدين فوق راسها ويحنون واهي بـس تبجي بس وصلت حدها وبدت تصرخ...
روابي تصرخ: بس خلاااص .. بس حرام عليكم....طلعوا بره خلوني بروحي
أم عبدالله : روابي احنا....
روابي تصرخ: ماابي أسمع شي خلاااص خلووني
عواطف: خلاص خلاص خل نطلع خل ترتاح شوي احسن
أم عبدالله: انزين....احنا راح نرجع نمرج العصر
وقاموا وطلعوا بره....
روابي حست انها خلاص وصلها حدها...... كانت محتاره.... تفكر ان يمكن صج احسن حق بنتها لو تعيش بعيده عنها وترجع تقول لااا انا أمها ويكفي وجودي معاها حتى لو راح نتعب.....ظلت بالساعات تفـكر وبس تبجي...
دق عليها سعود....
سعود: انا ياي بالطريج عشان أطلعج من المستشفى
روابي صوتها مخنوق : انزين
سعود: يلا 10 دقايق واوصل
روابي: انزين
سعود: مع السلامه
روابي: مع السلامه
صكت الخط وبس تطالع بنتها وتبـجي....
بملأ عيوني من النظر قبل لأمـوووووووت
عذوب تكلم رهف بالتلفون....
عذوب: بس والله صدمتيني ... امس طول الليل أفكر!! شالصدفه؟!
رهف: اييييه !!
عذوب: بس شلون ؟؟ ما كان مفروض يتخرج هالكورس؟!
رهف: اي المفروض بس نفسيته وايد كانت تعبانه وسقط بجم ماده
عذوب: لا والله!! ما قلتيلي !! انزين ليش؟؟؟
رهف: يعني صارت وايد أشياء أثرت فيه... تدرين بعد ان ريم تزوجت مساعد رفيجه
عذوب: لا والله!!! امبيــه حراام اكيد هالشي أثر فيه
رهف: اي هذي من ضمن الأشياء اللي تعبته
عذوب: انزين يعني تهقين متحسف عليها و بعده يحبها عشان جذي بعدها نفسيته وايد تعبانه؟!
رهف: لا لا مو جذي بس عشان يعني متحسف ليش انخدع فيها ووايد أشياء سوالها وكان على طول يحاول يرضيها يعني حس انها استغفلته !!
عذوب: والله ترى اهي ما تستاهله .. زين انها تركها
رهف: أصلا من البدايه كان واضح ان ما يهمها الا مصلحتها !! قالت ولد عايله وخوش واحد خل اشكيله واسوي روحي اكسر الخاطر وعندي مشاكل لين اخليه يحبني !!! واخوي بعد مسكين وبسرعه وثق فيها لين انقص عليه
عذوب كانت حيل متضايقه عشان عبدالله لان لو شنو ما كان اللي بينهم ما تتحمل تسمع انه متضايق وتعبان....
عذوب: الله يعنيه والله
رهف: اهم شي ان افتكينا من دلـي ومـلي
عذوب: ههههههههه واي اي تذكرين اختها ؟؟
رهف: هههههه اي واي هذي الله يعينها على نفسها
بالمسـتشفـى....
كانوا توهم طالعيـن وسعود شايل بنته....
سعود يطالع بنته وميت عليها : البنت تهبل بطه وتونس
روابي طول الوقت كانت سرحانه وتفكر وتستعيد كل الذكريات....
واهمه ونازلين بالسلم اهي وقفت فجـأه واهو حط البنت اللي كانت نايمه بفراشها بالسياره جدام وخلى الباب مفتوح عشان تركب روابي....
سعود: شفيج وقفتي؟؟! يلا دخلي السياره
روابي واقفه وساكته....
سعود: روابي شفيج؟؟ امشي
روابي: سعود طلقني
سعود انصدم: شنووو؟؟؟
روابي: بس سعود طلقني...انا نزوه بحياتك وان استمرينا الحين بنتعب وبتتعب مرتك أكثر خصوصا اهي اجهضت بسببي وانا يبت منك بنت
سعود: هاه؟؟! لا لا ما أطلقج.....راح تحرمين مني بنتي وبتردين لحياتج المتهوره وانا ما أضمن تربيتج لها شلون بتكون
روابي بدت تبجي: سعود بس تكفى أبي أتطلق
سعود: لا لا انا ابي بنتي ما راح اخليج تاخذينها مني
روابي: سعود تكفى خلاص اتركني .... خلني أعيش حياتي...ابي ارتااح تعبت
انا ابرحل .. وانت خلك مكاني
حتى تعرف اني شقيت وتحملت !
نويت اريّح هالزمن من لساني
ماعاد باقي بالحكي كثر ما قلت
واليا سألوك الناس منهو خذاني ؟
قل : ما خذاها غير قلبي ولا زلت !
سعود: لا ما راح اطلقج!! عشان بعدين ترجع بعد حياتج نفس ما كانت قبل وبنتي معااج!! لا لا مستحيل
روابي: سعود انا ما راح أحب بعدك ويكفي اللي صارلي منك.....خلاص طلقني
سعود عصب: بس روابي صكي الموضوع الحين
روابي: سعود بس خلاص ناس كافي تعبت ... لي متى جذي؟!
سعود: روابي بس شتقولين انتي ؟؟ فكري.....اذا على مرتي لازم تتقبل وضعج لانج يبتي بنت يعني اخت عيالي
سعود: روابي ما ابيج تستعيلين!! فكري عدل ... الموضوع مو سهل
روابي انفعلت : بس سعود طلقني طلقني
سعود: قلتلج ما راح أطلقج.... بنتي مستحيل راح اخليج تحرميني منها
روابي: انا متنازله عنها
روابي بس قالت جذي حست بجسمها كله ينتفض....جسمها كله قشعر وحست ببروده جنه الروح اللي فيها طلعت....
سعود بقق عيونه: شنوو!!! تتنازلين عن بنتج!!! انتي شتقولين؟؟
روابي عيونها تدمع: انت تكفل فيها ووصي مرتك لا تأذيها مالها ذنب
سعود: من صجج راح تنازلين عن بنتج!!!!
روابي ابلعت ريجها : اي عشان أعيش ابيتنا
سعود: شنو؟؟
روابي: أبوي ما يخليني ارجع البيت الا اذا تنازلت عن البنت
سعود منصدم وساكت...
روابي صوتها كان يرجف: اذا مرتك ما تقدر تشوفها وتذكرها فيني ودها لأختك اكيد بتكون حنونه عليها
سعود: انا مو مصدق اللي قاعده تقولينه
سعود بدا يهز جتوفها ويصرخ: اصحي...انتي مينونه؟؟ ما تبين بنتج؟!!!....فكري قبل لا تهدمين أمومتج
روابي تبجي : تكفى أخذها معاك الحين مابي أردها معاي البيت وأتعلق فيها
سعود يطالعها واهو منصدم بعدين راح شال البنت من فراشها ويابها لها يوريها اياها واهي مو قادره تطالعها ودزته....
سعود: شوفي بنتج
روابي تبجي : سعود بس
سعود يصرخ: روابي هذي بنتج شوفيهااا...شوفيها
روابي: بس تكفى ارحمني
سعود: هذي جوري شوفيها
روابي صرخت: سعود بــس....بـــس كافي ارحمني خلااص
سعود منصدم : روابي!!!
روابي: انا قررت وماكو رجعه بقراري
مَآعنِديّ ( وَقتْ ) أسمَع كَلآم ..
هَذِيّ " النِهَآيَه " والسَلآمْ ..!
سعود سكت شوي....
سعود: خلاص انا ما راح أترجى أكثر بس شوفي على شرط
روابي بس اسمعت " على شرط " خافت وكان ودها تصرخ.... ما ضيعتها الا هالشروط...
روابي سكتت طالعته ناطره تسمع شرطه....
سعود: لما نتطلق توقعين على تنازل عشان باجر ما تيين وتطالبين فيها
روابي ساكته وبس تبجي.....
سعود: ومابي تدقين علي بيوم تقولين بشوفها .... خلاص انسيها وانا راح اخلي مرتي تربيها بس مثل ما قلتلج....بشرط انج ما تطلعين بحياتها أبدااا...انزين؟؟
روابي ابلعت ريجها وصوتها كان يرجف : انزين
سعود: وان سمعت واهي كبيره او عرفت من شهادة الميلاد او وصلها اي شي بقول انج متي لحظة ولادتها
ما درى انها ماتت ومات قلبها واحساسها باللحظه اللي قالت فيها انها بتتنازل عن بنتها عشانه....
حط السهر فوق السهر وأذبح الشوق ..
وأجرح كثر ما كنت تجرح وزيده ..
وأعلن وفاتي وأرفع بهامتك فوق ..
صدق وصلت وصار كل ما تريده ..
واكتب على الغلا بدمعة الموت ..
غالي ذبح منهو يحبه بأيده
روابي: انزين .... احسن جذي عشان ما تكرهني
روابي كان جسمها كله يتنافض وايدها ترجف....
سعود: روابي مافي رجعه بكلامج؟؟؟
روابي: لا بس خلاص روح واخذ بنتك وطلعوني من حياتكم
مدام السالفة صارت ...... نهاية .. مؤلمة .. وجراح
أبي منك طلب واحد ... أمانـــــة .... لاتذكرني
ومشى سعود وخذا بنته وركب السياره وراح....
اهي من اسمعت صكة باب السياره واهي بحالة صدمه وظلت واقفه متجمده بمكانها.....
دقـت روابي على أمها عشان اتيي تاخذها وبعد ربع ساعه وصلت أمها.....
ركبت معاها السياره وكانت طول الطريج ساكته....بعدها ما كانت مستوعبه اللي صار....
أم عبدالله: روابي هذا كان أحسن....كان لازم تسوين جذي
روابي: يمه بس مابي ما اتكلم
أم عبدالله: بعرف شقال؟؟ رضى يطلقج وياخذ البنت؟؟
روابي: اهو ما كان يبي يطلقني عشان لا أحرمه من البنت ولما عرف اني بتنازل عنها ما قال شي بس بشرط
أم عبدالله: شنو؟؟
روابي: اني ما أطلع بحياتها ولا تعرف عني شي كلش
أم عبدالله: اي جذي أحسن حق البنت....بس مرته ترضى تربيها؟؟
روابي: يقول راح يخليها تربيها....
روابي بدت تبجي.....
روابي: يمه بالله ما تبيها؟؟؟؟ بالله قامت تأذي بنتي؟؟؟؟
أم عبدالله: انتي قبل ما تتنازلين عنها رسمي لازم تشرطين عليه ان يهتم فيها ومحد يأذيها
روابي سكتت وبدت بس تبجي.....
ثـاني يـوم راحت المحكمه مع سعود عشان يتم الطلاق....
روابي: سعود زوجتج راح ترضى تربي البنت؟؟؟
سعود: اي كلمتها وتناقشت معاها على هالشي ورضت بس بشرط انج ما تطلعين بحياتنا أبداا وتقولين انج أمها وتبينها
روابي ارتاحت وسكتت.....
سعود: انتي لازم تنسينها مره وحده....تنسين انج بيوم يبتي بنت....لا تفكرين تدقين مره وتقولين أبيها وأبي أشوفها.....انزين؟؟
روابي متردده شوي : انزين
وتــم الطــلاق ووقــعت روابي على التنازل.....
مرت أيااام وروابي من وقـعت على التنازل واهي منهاره كلــياااا.....يوميا تبجي بهستيريا...تاكل وتبجي....تتسبح وتبجي.....لو مهما سوت عشان تلهي نفسها ما كانت تقدر.....
روابي كانت نايمه......وفزت من نومها تصرخ....
أم عبدالله ياتها بسرعه لان تعودت عليها أكثر من مره تفز من نومها وتهستر...
أم عبدالله: روابي شفيج...هدي
روابي كانت قايمه مثل المينونه وتدور على بنتها.....وهم على سعود لان كانت بعدها تحبه...
روابي تبجي وتصرخ: يمه وين جوري؟؟؟ وينها؟؟ أبييها...هاتوولي ايااها
أم عبدالله: روابي اسم الله عليج....هدي
روابي: يمه دقي على سعود...دقي عليه قوليله أبيها خلااص أبيهاا
أم عبدالله راحت حق روابي تحاول تمسكها عشان تهديها بس مو قادره تسيطر عليها....
أم عبدالله: روابي حبيبتي هدي شوي
روابي تبجي وتشاهق وتصرخ : ابي بنـــتي.....ابي بنـــتي
وطاحت غشيانه على الأرض.....هذي مو أول مره تطيح غشيانه لان كانت تطيح عليهم تقريبا كل يوم وأغلب الوقت دايخه....
أم عبدالله قامت تصرخ تنادي بناتها عشان يساعدونها يشيلونها ويحطونها على الفراش....
مـر الصيـف كلـه وكانت على هالحاله .... كانت كل يوم عن يوم تصير حالتها أسوأ....
بدا الدوام وامها قالتلها خل توقف قيدها بس ما رضت لانها تبي أي شي يشغلها شوي ويحاول ينسيها....
نزلت تحت الصبح وصادفت أبوها بس بعده ما كان يكلمها وحتى عينه كلش ما يرفعها عليها....
روابي : صباح الخير يمه
كان شكلها تعبان حيل.... وزنها نازل بشكل مو طبيعي...شكلها كئيب وتعيس
أم عبدالله: صباح النور.....
أم عبدالله كان منكسر خاطرها على بنتها وكانت تحاول تساعدها وتهتم فيها...
أم عبدالله: يلا زهبنا لج الريوق ما يصير ما تاكلين....لازم تحطين بالج على روحج
روابي: مابي اكل
أم عبدالله: لا يلا اكلي عشاني ... ما يصير جذي
روابي : يمه مابي
أم عبدالله : انزين على الأقل بس شربي هالعصير
رضت وقعدت على الكرسي تشرب العصير واهي تشرب فجأه قامت تبجي... كان ودها ترجعله وترجع بنتها لها......تحس انها محتاجتهم...راح تموت بدونهم...مو قادره تستوعب انها قطت بنتها وتخلت عن حبها.....
لاتسألوني
وش جرى في حياتي
خلوا همومي بالحشى مستقره
الصمت ثوبي والمواجع عباتي
والحزن كله وسط قلبي مقره
لو استعيد بواقعي ذكرياتي
أحيا واموت في الثانيه الف مره
همي يجيني من جميع الجهاتي
تجاوز حدود الفلك والمجرة
أم عبدالله: حبيبتي بس كافي رحمي نفسج
روابي: مع السلامه
وقامت من مكانها وطلعت عشان تروح الكليه....
عذوب وسليمان واختها مي وصلوا أمريـكا وبلشت الجامعه عندهم من أسبوع.....
عذوب كانت تمشي بالممرات وطول الوقت بس تتلفت يمين وشمال تدور على عبدالله يمكن تـشوفه.....بس الجامعه كانت وايد كبيره واحتمال قوي انها يمكن حتى عمرها ما تصادفه....
سليمان: شفيج؟؟؟ شنو تدورين؟؟ شنو نسيتي مكان القاعه؟!
عذوب: هاه؟؟! لا لا ادلها
سليمان: اي بعد جدام مو اهني
مي : عذوب بس وصليني بالأول بليـز.....ماني قادره اتذكر وين الكلاس
مي عمرها 18 سنه.....حلوه بس مو بجمال أختها عذوب.... شعرها أسود...ضعيفه.....بيضه وطولها حلو....
سليمان: اي لا تحاتين راح نوصلج بالأول
عذوب كانت طول الوقت سرحانه مو مركزه معاهم لانها لا شعوريا تدور على عبدالله....وكل شوي تشوف واحد تحسب ان اهوه وقلبها يفز بس يطلع شخص ثاني مو اللي قاعده تدور عليه....
رهف تكلم عبدالله بالتلفون....
رهف: هاا عبود....ِشلونك؟؟
عبدالله: هلا والله....ماشي الحال وانتو شخباركم؟؟
عبدالله ما يدري شي عن طلاق روابي وانها تنازلت عن بنتها لان من غير شي نفسيته تعبانه.... بس فرح يوم ما تزوجت رغد بالصيف بس ما قدر يحضر زواجها....
رهف: شلون الجامعه؟؟
عبدالله : عادي
رهف: يلا عاد عبدالله شد حيلك عشان تتخرج وترجع
عبدالله: ان شاء الله
رهف: امممم
رهف كانت خايفه تقوله ان عذوب وزوجها هناك لان متأكده لو يعرف نفسيته راح تتعب أكثر بس كان ودها تعرف اذا صادفها او لا ....
رهف: جم ماده ماخذ؟؟
عبدالله: 3 مواد
رهف: يلا زين ان شاء الله تعديهم كلهم
عبدالله: ان شاء الله....رهف اكلمج بعدين اوكي؟؟
رهف: اوكي
عبدالله : سلميلي على الأهل
رهف: الله يسلمك
عبدالله: مع السلامه
رهف: عبوود دقيقه
عبدالله: هلا ؟
رهف: دير بالك على نفسك اوكي ؟؟
عبدالله: اي وانتي بعد
رهف: ان شاء الله
عبدالله: مع السلامه
رهف: باي
روابي كانت تمشي بالممر جان تنتبه على البنت اللي من أهل سعود واللي عرفت منها ان سعود متزوج.... راحتلها ووقفتها
روابي منفعله: السلام
منى : وعليكم السلام!!
روابي: الله يعافيج ممكن اكلمج شوي
منى : اي تفضلي
روابي : تذكريني؟؟؟
منى: ااااه اي انتي كنتي معاي بمحاضره قبل
روابي: اي وسألتج عن اخت سعود وقلتيلي انه متزوج
منى: اي اي صح
روابي: امممم بغيت أسألج عن بنته
منى: اي؟!
روابي: جوري....تعرفينها؟؟
منى تفاجئت: اي اعرفها....انتي شعرفج فيها؟؟؟
روابي نزلت راسها........
منى: انتي....انتي أمها؟؟
روابي ابلعت ريجها : اي
منى انصدمت: والله انتي امها؟؟!
روابي : اي
منى: انتي تنازلتي عنها صح؟؟!!!!
روابي : اي
منى سكتت شوي ومنصدمه.....
روابي انفعلت : انا مابي منج شي....بس طلبتج محتاجه اعرف اخبارها....ابي اعرف مرت سعود شلون تعاملها؟؟؟؟ ابي اعرف بنتي شلونها!!
منى ساكته.....
روابي: تكفين...طلبتج أبيج تطمنيني عليها
منى: ااااه ان شاء الله راح احاول اييبلج أخبارها
روابي: بس أمانه لا تعلمين احد....مابي سعود او مرته يعرفون اني طلبت منج هالشي
منى: خلاص ان شاء الله
روابي: لو يعرفون سعود راح يعصب
منى: لا تحاتين خلاص ما راح اعلم احد
روابي: مشكوره حبيبتي وايد...تاخذين رقمي؟
منى: اي اي احسن عطيني اياه
وسجلت الرقم عندها ومشت.....
خلصت محاضراتها وارجعت البيت....
أم عبدالله: ها شلون كان الدوام؟؟
فجأه روابي بدت تبجي....
أم عبدالله: روابي بس خلاص ما تعبتي من البجي؟! خلاص انسي
روابي: انسى؟؟؟ انسى!!!!! بنتي قطيتها جنها قطوه وتبيني انسى؟!
أم عبدالله: خلاص روابي يمكن هالشي كان حق مصلحتها..... بس خلاص ساعدي نفسج تطلعين من اللي انتي فيه
روابي تبجي : يمه انا مو بس خسرت بنتي ..... انا خسرت بعد ريلي كله بنفس اليوم
أم عبدالله: اووه روابي يعني معقوله بعدج تحبينه وتبينه؟؟؟ مو كافي كل اللي صار فيج بسبته ؟ّ!
روابي بس تبجي......
أم عبدالله: هذي نتيجة غبائج والحين تعلمتي من كل اللي صار وبس حاولي تنسين
روابي بدت تنهار.....
أم عبدالله تصرخ: بس كافي خلااص كل يوم... كل يوم!!!! يعني محد اجبرج تسوين هالشي!!!
روابي بدت تصرخ واهي تبجي : يمه اناا تعبانه..... احس اني راح اموت خلاص ماني قادره اتحمل اكثر
أم عبدالله: كل اللي صار من سواتج ولازم تتحملين نتيجة أفعالج
روابي: يمه بس كاافي خلاص رحميني شوي
آآآآآآآآآآآآآهُ يًـــآيًـــــمٍَهُ
يًآيًمٍَهُ آرٍجَوٍگ سِمٍَعُيًنٍيً .. يًآيًمٍَهُ بُسِ (( لآتَِقٍِسِيًنٍ))
وٍآذِآ شَُفٍتِيً دُمٍَوٍعُ آلحِبُ .. ضَمٍَيًنٍيً
آليًنٍ مٍَآأمٍَوٍتِ .. آبُيً آنٍسِآآآآآهُ وٍآنٍسِىٍ آلصِوٍتِ ..
آبُيً آنٍسِآهُ يًآيًمٍَهُ .. نٍسِيًنٍيً !!
وٍعُلىٍ حِضَنٍگ آبُيً آبُگيً .. عُلىٍ نٍَفٍسِيً وٍعُلىٍ سِنٍيًنٍيً
تِعُآليً لآيًَفٍوٍتِ آلَفٍوٍتِ .. وٍرٍيًحِيًنٍيً
يًآيًمٍَهُ آرٍجَوٍوٍگ طَمٍَنٍيًنٍيً .. آحِسِ آلَفٍرٍَقٍِآ تَِقٍِتِلنٍيً (( وٍتِنٍهُيًنٍيً))
يًآيًمٍَهُ تِعُبُتِ وٍآنٍآ أگآبُرٍ .. وٍآَقٍِوٍل للنٍآسِ مٍَآيًعُنٍيًنٍيً
أم عبدالله لما شافت بنتها صارت على الأرض ومنهاره تبجي انكسر خاطرها وارفعتها وحاولت تهديها.....
ودتها الفراش وحاولت تهديها وتقرا عليها قران لين غفـت.....
مـر حوالي شهــرين.....
روابي : جوري....جوري شووفي مامااا
سعود: اسم الله عليها صايره تشبهج وايد
روابي : ايييه الكل قاعد يقولي هالشي.....ها رايح الدوام؟؟
سعود: اي ما أقدر أتأخر اليوم عندي شغل الصبح
روابي: انزين سويتلك الريوق...اكل عالسريع
سعود: امممم يلا اوكي عشانج
روابي: بعد عمري والله
سعود: ها انتي اي ساعه محاضرتج؟؟؟
روابي: الساعه 10
سعود: وجوري؟؟
روابي: راح أقطها بيت أمي قبل ما اروح
سعود: تمام.... يا حلووها تطالعج
روابي : ايي هذي رووح امهااا
أم عبدالله: روابي.....روابي
روابي اخترعت : هاه؟؟؟!
أم عبدالله : بشنو تفكرين؟؟
كانت طول الوقت سرحانه ووتتخيل نفسها مع سعود وبنتها..... تحس ان الخيال يريحها....تحب تحس انها بينهم حتى لو مو بالواقع.....
روابي: لا ولا شي .... انا صاعده انام
أم عبدالله: اوكي حبيبتي تصبحين على خير
صعدت غرفتها وخذت من الحبوب المنومه اللي صارت ما تنام الا لما تاخذهم...
واللي مريحها شوي ان منى تطمنها بين فتره وفتره عن بنتها....وعرفت ان مرت أبوها تحبها وتعاملها وايد زين مثل بنتها وحيل حنونه عليها.....
آڷنۈمٍ فينيٌ يڜبَه [ همۈٍم صدريٌ ]
ڷآجيٺ آنۈّمهم صَحۈآ ..
............................ ۈآبڷڜۈنيٌ !
بڛ گيفٍ آنۈّمنيٌ آنآ گيف
............... مَدريٌ !
يصڷَح آنآم آن گنٺ فآٺح عيۈنيٌ !!
أمــريــكا......
عذوب وسليمان كانوا قاعدين يمشون بالممر بالطابق الثاني.....فجـأه جان تلمح واحد من بعيد طالع من كلاس....قلبها بدا يرقع بقوه....حست انه عبدالله
سليمان: وين تبين ناكل؟؟؟
عذوب كانت تحاول تطالعه من بعيد بس مو مبين عليها عدل.....
سليمان: عذوب...عذوب....عذوب شفيج؟؟؟ اكلمج انا
عذوب: هلا؟؟!!
سليمان: بشنو سرحانه؟!
شافته ينزل تحت بالسلم وخافت انها تضيعه.....
عذوب: ااااه سليمان بس دقيقه شوي وراجعه
سليمان: وين بتروحين؟؟!
عذوب : بس دقيقه
راحت عذوب وصارت تمشي بسرعه تحاول توصله ....وكانت ميته خوف وقلبها يطق بقوه..... ما تدري ليش قاعده تدور عليه جذي؟ بس الا تبي توصله....تبي تشوفه وتعرف اخباره لانها تحس انها مشتاقتله حيل
قربت منه أكثر وأكثر لما وصلتله ونادته....
عذوب: عبدالله !!
عبدالله من سمع الصوت لف ويهه.....
عبدالله انصدم من شافها : عذوب!!!!!!!!!!
عذوب كان قلبها يطق حيل وايدها ترجف وجسمها كله ينتفض ظلت واقفه تطالعه وابتسمتله....
عبدالله: انتي....انتي شتسوين اهني؟؟؟!
عذوب ابلعت ريجها : انا ادرس اهني
عبدالله: شنوو؟؟؟ من متى؟؟!
عذوب: من بداية هالكورس
عبدالله مصدوم وساكت.....
عذوب: ما صادفتك ولا مره قبل وهذا واحنا بنفس الجامعه
عبدالله: ماني قادر اصدق انج اهني!!! ما قالتلي رهف
عذوب: ابي اعرف انت شلونك؟؟ شلون الدراسه معاك؟!
عبدالله: اااه والله عادي ماشي الحال.....انتي اهني بروحج؟؟؟؟
عذوب: ااااه لأ مع....اااه مع سليمان واختي
عبدالله من سمع سليمان انصفق ويهه وسكـت....
عذوب: انا وسليمان قاعدين نكمل ماجستير بس اختي مي سنه اولى
عبدالله بلع ريجه وكان حيل متضايق بس يحاول كثر ما يقدر ما يبين هالشي: يحليلها مي والله كبرت.....شلونها مع اول كورس؟؟
عذوب: والله الحمدالله تمام
عبدالله: وانتي شلون الكورس معاج؟؟
عذوب: تمام بخير
عبدالله انتبه من بعيد ان سليمان ياي بس بعده ما كان منتبه عليهم لان وايد كان في ناس حوالينهم .....
عبدالله: ااااه عذوب اشوفج بعدين انا هااه.....يلا مع السلامه
ومشى بسرعه......
عذوب استغربت وظلت واقفه وحاولت تناديه : عبدالله !!!
بس مشى بسرعه عنها ودخل بين الناس.....
سليمان مسك جتفها من ورا وفزت من الخرعه
عذوب: وااااي سليمان خرعتني
سليمان : انتي وينج؟؟؟؟ وين رحتي؟؟! جذي فجأه عاد!!
عذوب: هاه؟!! لا بس شفت احد اعرفه وكنت بسلم عليه
سليمان: اها اوكي....انزين يلا امشي حيل يوعان
عذوب: يلا
عذوب واهي ماشيه تلف راسها تشوف وين راح بس اختفى مره وحده....
عبدالله كان قاعد يمشى وكان يحس انه مخنوق حيـــل....كان يبي يصرخ....مو مصدق ان شاف عذوب وسليمان اهني....بجامعته...!!! يعني شنو؟؟! يعني يمكن كل يوم اشوفهم مع بعض؟!
راح سكن الطلبه وكشت بمحاضرته وظل بس يفكر بعذوب وريلها....كره نفسه....كره عيشته....
أوقـآت نشڪي من قسى آلوقت وأوقـآت
آلجـرح في قمـة فرحنـآ خذلنـآ ..!
من حزننـآ نجلس على شط آلآهـآت
همـ آلبحر غـآرق بسيـرة مللنـآ ..!
مـآعـآد للڪلمـﮧ طعمـ بين آلأبيـآت
نفس آلشعـور آللي ڪتبنـآ قتلنــــآ
بــعد جـم يــوم......
روابي رايحه موعدها مع الطبيب النفسي اللي صارلها جم أسبوع تتعالج عنده....
روابي: يمه انا رايحه حق الدكتور
أم عبدالله: شلونه؟؟؟ قاعد يساعدج؟؟
روابي: والله بعد ما حسيت ان وايد ساعدني بس اليوم عندي تنويم مغناطيسي
أم عبدالله اخترعت : شنووو؟؟؟ تنويم مغناطيسي!!!!
روابي : اي
أم عبدالله : لا لا بس لا تروحيله هذا ... شنو تنويم مغناطيسي؟!! شدراج شنو ممكن يسوي فيج هذا؟!
روابي: يمه اشدعوه هذا طبيب مشهور حيل وعارف شغله
أم عبدالله: مينونه انتي تبين تخلينه ينومج مغناطيسيا؟؟!
روابي: اي يمه شفيج يعني؟؟ عادي يمكن يريحني!!! يلا يلا مع السلامه لا أتأخر
وراحت عيادة الدكتور......
روابي : دكتور تعبت....مر الحين 5 أشهر من وقت طلاقي وكل يوم قاعده اتعب اكثر....
دكتور سعد : شي طبيعي لان مو سهل اللي صار
دكتور سعد كبير فيه بالخمسينات.....من اول يوم ياته روابي واهو منعجب فيها وبشكلها.....بس كلش ما حاول يبينلها هالشي واهي ما حست ولا مره.....
روابي بدت تبجي: انزين بس لي متى دكتور جذي؟؟ خلاص مو قادره اتحمل بعد أكثر !!
دكتور: لا شوفي اليوم انزمج مغناطيسيا وراح ترتاحين بعدين أكثر...بتشوفين
روابي: صج دكتور؟؟
دكتور : اي اي لا تحاتين
روابي: دكتور لاني عارفه انام...لاني عارفه اكل ولا عارفه عيش مثل الناس
روابي كانت تكلمه ومنهاره وتبجي بقوه.....
دكتور: بس لازم تهدين عشان يضبط التنويم
وكان يحاول يهديــها بس مو قادر عليها.......
أمريكا......
عذوب صارلها جم يوم تروح تنطره عند نفس الكلاس اللي طلع منه يوم شافته بس ما كان يحضر....وبدت تحاتيه ومو عارفه شلون تقدر تحصلـه!!!!!
عبدالله كانت نفسيته حيــل تعبانه....كان ماسك نفسه طول هالفتره ما يبي يبجي بس عقب ما شافها ما قدر ومع ريلها بعد!!!! بـجى غصبن عليه.....وما كان قادر ينام كلش ولا قامت تهمه دراسته ولا حتى تدريب الكاراتيه كان يروح.....
روابي بعدها منهاره وتبجي والدكتور يحاول يهديــها.....
http://www.4shared.com/file/115044113/a63ea031/____-__.html?s=1
http://www.4shared.com/file/63794672/9cc8dfa8/____-_.html?s=1
لو تعرف الخطايا كيف كنت محروم..... كان سود الليالي يوم طحت سمحت
لو هموم المفارق مثل كل الهموم...... ماتشوفون عيني بالدموع سبحت
ولو تنحل المشاكل عقب حب الخشوم..... كان حبيت خشم المشكله واستحت
بين صدة عزيز وكبرياء مهزوم....... عين شحت على وعينٍ استسمحت
بس مالله خلقني من بكاي معصوم....... وادري انه المحاجر لو تفيض افضحت
والله اني على جرحي صبور وكتوم....... لكن ان الدموع ان روحت روحت
اعذلتني ظروفي وانهكتني عزوم...... والوجيه احزنت لي والقلوب افرحت
اشهد ان الليالي ماتعرف السلوم...... قلب جافي لقاه ووجه صافي بحت
راهنتني تبلل بالدموع الكموم....... ويشهد الله عليها راهنت واربحت
احرمت نور عيني من غلا قوم...... بذرةٍ وارتوتني واثمرت واطرحت
جادلٍ دوم ماهي مثلها كل يوم....... استضاحت غموض وبالغموض اوضحت
دورت بين قلبي والهدب درب نوم...... وامرحت وين مدري المهم امرحت
تنحت اسمي بقلبٍ جيت فيه معزوم...... واسمها بين جلدي والعظام انحت
مثل جفني لعيني بالنعاس محكوم...... كل مانمت نامت كل ماصحى صحت
ماتعارض كلامي غير عند اللزوم...... بس لا قمت اسولف واندمجت سرحت
دايم ازعل عليها بس قلبي رحوم...... وهي تموت بعذابي من تحت لي تحت
مثل وجه العلاقه في ثياب الخصوم...... ان تطيبت طابت وان جرحت اجرحت
خصها الله بوصفٍ من خيال معدوم....... لا اذان اسمعتبه ولاعيون المحت
كن ربي خلقها من بياض الغيوم........ ومن كفوف السحابه بالورد القحت
عن سواها فرقها بالقمر والنجوم....... وكل عذرى تباها بالجمال انزحت
بالحلا هي كوم وباقي الناس كوم....... كفتٍ عادلوها بالبشر وارجحت
حسبي الله على اللي مابغاها تدوم....... من بعد كيف كانت شوف كيف اصبحت
لاتحقق وصال ولا فراق محتوم....... خطةٍ قربتني للفشل وانجحت
لعنة العشق تبقى مثل ضرب السهوم... لو محى الوقت جرحه صورته ما انمحت
كيف ابنسى وانا اللي من جفاف لسموم..... ماحشمت العيون ولا الدموع فلحت
كانها بالحميا كل ربعي قروم...... لو يلدون لاصعاب الظروف صلحت
اجزم ان كنت ياقلبي شجاع وجزوم...... لد لعيون بنتٍ لا التفت الفحت
ماتهين البخيل الا يدين الخدوم........ دام كف الخطايا بالجفا لوحت
نطح الباس باس ونطح اللوم لوم...... وان تهدت تهد وصيح ان صيحت
ياتعيش بمعزه ياتموت محشوم........ ودك ان الليالي لافعلت امدحت
عمر ضعف الاراده مايسر الرخوم...... ضربت السيف لوبيدين الشجاع ذبحت
تــــــــم البــــارت السادس عشــر
>>> اول بارت بحياتي اكتبه وبجاني
بنات ترى البارت الياي مو البارت الأخير لان ما امداني احط كل شي بهالبارت
حبايبي شلونكم ؟ ولــهت عليــكم
اول شي بس بقول شغله ان امس انقهرت والله لان في ناس طيبه قاعده تنقل روايتي من غير ما تذكر اسمي بما اني صاحبة الروايه وهذا وانا مأمنه على هالشي من البدايه !! والله ما تتصورون شكثر كل بارت ياخذ مني وقت ومجهود....
فعندي 3 رسالات .....
اول شي حق الحلويـن العسولين اللي انقلوا روايتي وذاكرين اسمي من البدايه وهذا يعبر عن طيب أصلهم أقولهم....عـلى راسـي انتوووو
أما حق الناس اللي ناقله الروايه ومو متعمده انها ما تذكر اسمي لان سبحان الله يمكن ما انتبهوا ولا شي أقولهم قبل لا تكملون الروايه وتنقلون البارتات ذكروني الحين ....وعلى فكره اسمي " همسات حالمه "
والحيــــــــــــن انيي حق
الناس المتعمـــــــــده اللي تنقل الروايه وما تذكر كلش اسم صاحبتها ولا هامها تذكر....عرفتوا نفسكم صح؟؟؟:sfg:
أقولهم انا مو محلله حق أي شخص ينقل الروايه من غير ما يذكر اسمي وبسألكم سؤال بسيـــــط....يرضيكم؟؟
فاللي ما يرضى على نفسه لا يرضى على غيره وراح اييكم يوم وتنقهرون على شي لكم مثل ما قهرتوني....وانا أدري ان انتوا ما نقلتوها الا عشان عاجبتكم وتبون تشاركون الناس فيها بس كملوا جميلكم وذكروا الله أحسن وصفوا النيـه ونقــلووا بضميـــــــر....
>>> بليـز ياريت اللي ينقل البارت ينقل هالكلام معاه
امبيه اليوم احس فيني قرقه مو طبيعيه تحـملوا :ada:
يلااا الحيــــن
البـارت السـادس عشـر
أم عبدالله: انا كلمت أبوج
روابي خافت وبدا قلبها يطق حيل....
روابي: شقال؟؟؟
أم عبدالله: عقب ما عانيت عشان أقنعه...ورضى بالغصب
روابي: صــــــــج؟؟؟؟
أم عبدالله : بس بـشرط
روابي اخترعت: شنووو؟؟؟
أم عبدالله: انج تـتـنازليــن عـن بنــتج
روابي انصدمت.................
روابي: شنووو؟؟ أتنازل عن بنتي!!!!!!
أم عبدالله: اي هذا شرطه
روابي قام جسمها كله ينتفض: شلون يبيني أتنازل عنها؟!! وليش؟؟!
أم عبدالله: يقول ما يبي شي يذكره بعصيانج له ... يقول تبي يا هلا فيها ما تبي بيتي يتعذرها
روابي سكتت من الصدمه ومو قادره تستوعب كلام أمها....
اقتباس من روابي: أبوي قلبه قوي وتوقعت منه هالـشي...
فجـأه بـدت تبـجي حيــل....
أم عبدالله: يمه انا أقول وافقي انا ادري انج عايشه معاه بعذاب وريلج يبي مرته فخلاص وافقي
روابي واهي تبجي : أوافق!!! شلون تبيني أوافق؟!! هذي بنتي شلون اتنازل عنها بهالسهوله؟؟
أم عبدالله: روابي تنازلي عنها وخلي ريلج ياخذها ويربيها
روابي بدت تصرخ : لااااء....ما أتنازل عنها لااء
أم عبدالله: يمه هدي شوي وفكري بالموضوع
روابي: من غير ما أفكر لااء هذي بنتي مستحيـل اتنازل عنها
أم عبدالله: يمكن أحسن عشان تقدرين تبتدين حياة يديده
روابي قامت بس تبجي لدرجه ما قامت تقدر تتكلم....
أم عبدالله: حبيبتي صدقيني اذا ظليتي معاه راح تعانين طول حياتج..... زواجج منه كانت أساسا غلطه فحاولي انج تخلين كل شي وراج عشان تنسينه خلاص وتنسين أي شي له علاقه فيه
روابي: يمه انتي شتقولين؟؟ هذي بنتي!!! شلون أخليها وراي!!! شلون راح انساها بيوم؟؟! مستحيــل
أم عبدالله: على العموم انا قلتلج شرط أبوج وحاولت معاه كثر ما أقدر بس ما يبي يتنازل عن الشرط!!! انتي فكري بالموضوع وباجر راح أمرج عشان اخذج من المستشفى ففكري وشوفي شنو تبين تسوين
وطلعت أم عبدالله....
روابي ظلت طول الليل سهرانه بس تطالع بنتها وتفكر بالموضوع وتبجي.... ما كانت عارفه شتسوي؟!! ما تطلق وتظل معاه تتحمل؟!! بس شلون؟! ناس وايد تعبت وراح تظل تتعب اذا ظلت بذمته....
تتذكر مواقف قديمه.....
كانت على الأرض تبجي وتتألم من الطــق....
سعود مهستر و يصارخ: كلـه منج صار كل هذا!! ياريت عمري ما شفتج..... زوجتي طرحت....عيالي من اعرفوا قاموا يكرهوني بسببج.....نفسياتهم اتعبت وامرضوا كله منج......أكرهج...ما أبيــج.....انتي هدمتي حياتي...انتي خربتي بيتي
قامت تبجي أكثر وتطالع بنتها بس ماهي قادره تشيلها....اهي أصلا من وقت ما ولدت عمرها ما شالتها حتى ما رضعتها ولا مره.... تمد ايدها ودها ترفعها بس خايفه.... وتتذكر موقف ثاني...
سعود قاعد يصلي ويدعي واهي تسمعه من غير ما يدري...
سعود يبجي : يااارب سامحيني....يارب لا تحرمني من عيالي....يا رب دوم حواليي وأشوفهم يكبرون جدامي....يالله ريح بالهم...يالله احفظهم وخليهم لي ولا تحرمني منهم....يارب رجع لي بيتي......يارب انا غلطت سامحني....سامحني
رابي تحس بقلبها خناجر....تلوم نفسها على كل شي.....اهي كانت السبب...اهي اللي ضيعت نفسها وحياتها.... تتذكر وتبجي بس ما تتذكر الطق....ما تتذكر السب....تتذكر سعود متضايق بسببها وهذا الشي الوحيد اللي كان يكسرها..... على كل اللي سواه فيها تظل تحبه... تظل خايفه عليه وتبي ترضيه.....
ما ودها يظل سعود معاها مغصوب....ما ودها تهدم بيته أكثر....ما ودها ناس تتعب بسببها أكثر.... كانت ضايعه....ما تدري شتسوي!! وشرط أبوها هز كيانها....محتاجه احد معاها......يسمعها....يوقفلها وتشد الظهر فيه....تحس انها بهالدنيا بروحها...وحيـده.....مالـها أحـد تبجي على صدره وتشكيـله...
وظلـت طول الليل تبـجي وما نامـت.....
ثـاني يوم يوها امها ورغد وخالتها الصبـح.....
أم عبدالله: ها شقلتي.؟؟؟
روابي: يمه انتي تتكلمين جنه شي عادي وسهل!!! شلون تبيني اخذ قرار جذي بيوم وليله؟؟!
أم عبدالله: روابي اليوم لما تطلعين من المستشفى يا انج بتروحين بيت ريلج او راح تيين بيت أبوج....قرري من الحين احسن
رغد كانت ساكته وبس تبجي....
روابي صوتها يرجف: يمه ما أقدر....شلون أتنازل عنها؟! شلون؟؟!
أم عبدالله: حبيبتي شتسوين يعني؟؟؟ ما تبين تطلقين؟!
روابي: لا بكلمه يمكن يرضى يطلقني وتظل بنتي معاي
أم عبدالله: ما أعتقد راح يرضى.....وبعدين معناته بجذي ما راح تقدرين تبتدين حياة يديده.... وبتظلين طول عمرج عايشه حق بنتج بس
روابي: يمه ما أقدر لا تقولولي تنازلي ما أقدر ما أقدر
خالتها عواطف: حبيبتي ما تدرين يمكن أحسن حق بنتج هالشي...يمكن ما راح تقدرين تربينها بروحج
روابي: خالتي بنتي وين تروح؟؟؟؟ تبون مرته تربيها؟؟؟ مرته ما راح ترضى؟!
عواطف : مو شرط مرته!! ممكن اخته او امه
روابي: لا لا انا امها وانا اللي ابي اربيها
أم عبدالله: روابي راح ترجعينله وتعيشين بعذاب معاه ماله اخر صدقيني
روابي قامت تبجي بجـي....
عواطف: انتي تعبتي بما فيه الكفايه ... خلاص وخري عنه وتركيله كل شي
أم عبدالله: حبيبتي انا أقول احسنلج هالشي وردي بيت أبوج
عواطف: روابي مالج حل غير جذي
أم عبدالله: أبوج مستحيل راح يوافق اذا ما نفذتي شرطه
وكانوا قاعدين فوق راسها ويحنون واهي بـس تبجي بس وصلت حدها وبدت تصرخ...
روابي تصرخ: بس خلاااص .. بس حرام عليكم....طلعوا بره خلوني بروحي
أم عبدالله : روابي احنا....
روابي تصرخ: ماابي أسمع شي خلاااص خلووني
عواطف: خلاص خلاص خل نطلع خل ترتاح شوي احسن
أم عبدالله: انزين....احنا راح نرجع نمرج العصر
وقاموا وطلعوا بره....
روابي حست انها خلاص وصلها حدها...... كانت محتاره.... تفكر ان يمكن صج احسن حق بنتها لو تعيش بعيده عنها وترجع تقول لااا انا أمها ويكفي وجودي معاها حتى لو راح نتعب.....ظلت بالساعات تفـكر وبس تبجي...
دق عليها سعود....
سعود: انا ياي بالطريج عشان أطلعج من المستشفى
روابي صوتها مخنوق : انزين
سعود: يلا 10 دقايق واوصل
روابي: انزين
سعود: مع السلامه
روابي: مع السلامه
صكت الخط وبس تطالع بنتها وتبـجي....
بملأ عيوني من النظر قبل لأمـوووووووت
عذوب تكلم رهف بالتلفون....
عذوب: بس والله صدمتيني ... امس طول الليل أفكر!! شالصدفه؟!
رهف: اييييه !!
عذوب: بس شلون ؟؟ ما كان مفروض يتخرج هالكورس؟!
رهف: اي المفروض بس نفسيته وايد كانت تعبانه وسقط بجم ماده
عذوب: لا والله!! ما قلتيلي !! انزين ليش؟؟؟
رهف: يعني صارت وايد أشياء أثرت فيه... تدرين بعد ان ريم تزوجت مساعد رفيجه
عذوب: لا والله!!! امبيــه حراام اكيد هالشي أثر فيه
رهف: اي هذي من ضمن الأشياء اللي تعبته
عذوب: انزين يعني تهقين متحسف عليها و بعده يحبها عشان جذي بعدها نفسيته وايد تعبانه؟!
رهف: لا لا مو جذي بس عشان يعني متحسف ليش انخدع فيها ووايد أشياء سوالها وكان على طول يحاول يرضيها يعني حس انها استغفلته !!
عذوب: والله ترى اهي ما تستاهله .. زين انها تركها
رهف: أصلا من البدايه كان واضح ان ما يهمها الا مصلحتها !! قالت ولد عايله وخوش واحد خل اشكيله واسوي روحي اكسر الخاطر وعندي مشاكل لين اخليه يحبني !!! واخوي بعد مسكين وبسرعه وثق فيها لين انقص عليه
عذوب كانت حيل متضايقه عشان عبدالله لان لو شنو ما كان اللي بينهم ما تتحمل تسمع انه متضايق وتعبان....
عذوب: الله يعنيه والله
رهف: اهم شي ان افتكينا من دلـي ومـلي
عذوب: ههههههههه واي اي تذكرين اختها ؟؟
رهف: هههههه اي واي هذي الله يعينها على نفسها
بالمسـتشفـى....
كانوا توهم طالعيـن وسعود شايل بنته....
سعود يطالع بنته وميت عليها : البنت تهبل بطه وتونس
روابي طول الوقت كانت سرحانه وتفكر وتستعيد كل الذكريات....
واهمه ونازلين بالسلم اهي وقفت فجـأه واهو حط البنت اللي كانت نايمه بفراشها بالسياره جدام وخلى الباب مفتوح عشان تركب روابي....
سعود: شفيج وقفتي؟؟! يلا دخلي السياره
روابي واقفه وساكته....
سعود: روابي شفيج؟؟ امشي
روابي: سعود طلقني
سعود انصدم: شنووو؟؟؟
روابي: بس سعود طلقني...انا نزوه بحياتك وان استمرينا الحين بنتعب وبتتعب مرتك أكثر خصوصا اهي اجهضت بسببي وانا يبت منك بنت
سعود: هاه؟؟! لا لا ما أطلقج.....راح تحرمين مني بنتي وبتردين لحياتج المتهوره وانا ما أضمن تربيتج لها شلون بتكون
روابي بدت تبجي: سعود بس تكفى أبي أتطلق
سعود: لا لا انا ابي بنتي ما راح اخليج تاخذينها مني
روابي: سعود تكفى خلاص اتركني .... خلني أعيش حياتي...ابي ارتااح تعبت
انا ابرحل .. وانت خلك مكاني
حتى تعرف اني شقيت وتحملت !
نويت اريّح هالزمن من لساني
ماعاد باقي بالحكي كثر ما قلت
واليا سألوك الناس منهو خذاني ؟
قل : ما خذاها غير قلبي ولا زلت !
سعود: لا ما راح اطلقج!! عشان بعدين ترجع بعد حياتج نفس ما كانت قبل وبنتي معااج!! لا لا مستحيل
روابي: سعود انا ما راح أحب بعدك ويكفي اللي صارلي منك.....خلاص طلقني
سعود عصب: بس روابي صكي الموضوع الحين
روابي: سعود بس خلاص ناس كافي تعبت ... لي متى جذي؟!
سعود: روابي بس شتقولين انتي ؟؟ فكري.....اذا على مرتي لازم تتقبل وضعج لانج يبتي بنت يعني اخت عيالي
سعود: روابي ما ابيج تستعيلين!! فكري عدل ... الموضوع مو سهل
روابي انفعلت : بس سعود طلقني طلقني
سعود: قلتلج ما راح أطلقج.... بنتي مستحيل راح اخليج تحرميني منها
روابي: انا متنازله عنها
روابي بس قالت جذي حست بجسمها كله ينتفض....جسمها كله قشعر وحست ببروده جنه الروح اللي فيها طلعت....
سعود بقق عيونه: شنوو!!! تتنازلين عن بنتج!!! انتي شتقولين؟؟
روابي عيونها تدمع: انت تكفل فيها ووصي مرتك لا تأذيها مالها ذنب
سعود: من صجج راح تنازلين عن بنتج!!!!
روابي ابلعت ريجها : اي عشان أعيش ابيتنا
سعود: شنو؟؟
روابي: أبوي ما يخليني ارجع البيت الا اذا تنازلت عن البنت
سعود منصدم وساكت...
روابي صوتها كان يرجف: اذا مرتك ما تقدر تشوفها وتذكرها فيني ودها لأختك اكيد بتكون حنونه عليها
سعود: انا مو مصدق اللي قاعده تقولينه
سعود بدا يهز جتوفها ويصرخ: اصحي...انتي مينونه؟؟ ما تبين بنتج؟!!!....فكري قبل لا تهدمين أمومتج
روابي تبجي : تكفى أخذها معاك الحين مابي أردها معاي البيت وأتعلق فيها
سعود يطالعها واهو منصدم بعدين راح شال البنت من فراشها ويابها لها يوريها اياها واهي مو قادره تطالعها ودزته....
سعود: شوفي بنتج
روابي تبجي : سعود بس
سعود يصرخ: روابي هذي بنتج شوفيهااا...شوفيها
روابي: بس تكفى ارحمني
سعود: هذي جوري شوفيها
روابي صرخت: سعود بــس....بـــس كافي ارحمني خلااص
سعود منصدم : روابي!!!
روابي: انا قررت وماكو رجعه بقراري
مَآعنِديّ ( وَقتْ ) أسمَع كَلآم ..
هَذِيّ " النِهَآيَه " والسَلآمْ ..!
سعود سكت شوي....
سعود: خلاص انا ما راح أترجى أكثر بس شوفي على شرط
روابي بس اسمعت " على شرط " خافت وكان ودها تصرخ.... ما ضيعتها الا هالشروط...
روابي سكتت طالعته ناطره تسمع شرطه....
سعود: لما نتطلق توقعين على تنازل عشان باجر ما تيين وتطالبين فيها
روابي ساكته وبس تبجي.....
سعود: ومابي تدقين علي بيوم تقولين بشوفها .... خلاص انسيها وانا راح اخلي مرتي تربيها بس مثل ما قلتلج....بشرط انج ما تطلعين بحياتها أبدااا...انزين؟؟
روابي ابلعت ريجها وصوتها كان يرجف : انزين
سعود: وان سمعت واهي كبيره او عرفت من شهادة الميلاد او وصلها اي شي بقول انج متي لحظة ولادتها
ما درى انها ماتت ومات قلبها واحساسها باللحظه اللي قالت فيها انها بتتنازل عن بنتها عشانه....
حط السهر فوق السهر وأذبح الشوق ..
وأجرح كثر ما كنت تجرح وزيده ..
وأعلن وفاتي وأرفع بهامتك فوق ..
صدق وصلت وصار كل ما تريده ..
واكتب على الغلا بدمعة الموت ..
غالي ذبح منهو يحبه بأيده
روابي: انزين .... احسن جذي عشان ما تكرهني
روابي كان جسمها كله يتنافض وايدها ترجف....
سعود: روابي مافي رجعه بكلامج؟؟؟
روابي: لا بس خلاص روح واخذ بنتك وطلعوني من حياتكم
مدام السالفة صارت ...... نهاية .. مؤلمة .. وجراح
أبي منك طلب واحد ... أمانـــــة .... لاتذكرني
ومشى سعود وخذا بنته وركب السياره وراح....
اهي من اسمعت صكة باب السياره واهي بحالة صدمه وظلت واقفه متجمده بمكانها.....
دقـت روابي على أمها عشان اتيي تاخذها وبعد ربع ساعه وصلت أمها.....
ركبت معاها السياره وكانت طول الطريج ساكته....بعدها ما كانت مستوعبه اللي صار....
أم عبدالله: روابي هذا كان أحسن....كان لازم تسوين جذي
روابي: يمه بس مابي ما اتكلم
أم عبدالله: بعرف شقال؟؟ رضى يطلقج وياخذ البنت؟؟
روابي: اهو ما كان يبي يطلقني عشان لا أحرمه من البنت ولما عرف اني بتنازل عنها ما قال شي بس بشرط
أم عبدالله: شنو؟؟
روابي: اني ما أطلع بحياتها ولا تعرف عني شي كلش
أم عبدالله: اي جذي أحسن حق البنت....بس مرته ترضى تربيها؟؟
روابي: يقول راح يخليها تربيها....
روابي بدت تبجي.....
روابي: يمه بالله ما تبيها؟؟؟؟ بالله قامت تأذي بنتي؟؟؟؟
أم عبدالله: انتي قبل ما تتنازلين عنها رسمي لازم تشرطين عليه ان يهتم فيها ومحد يأذيها
روابي سكتت وبدت بس تبجي.....
ثـاني يـوم راحت المحكمه مع سعود عشان يتم الطلاق....
روابي: سعود زوجتج راح ترضى تربي البنت؟؟؟
سعود: اي كلمتها وتناقشت معاها على هالشي ورضت بس بشرط انج ما تطلعين بحياتنا أبداا وتقولين انج أمها وتبينها
روابي ارتاحت وسكتت.....
سعود: انتي لازم تنسينها مره وحده....تنسين انج بيوم يبتي بنت....لا تفكرين تدقين مره وتقولين أبيها وأبي أشوفها.....انزين؟؟
روابي متردده شوي : انزين
وتــم الطــلاق ووقــعت روابي على التنازل.....
مرت أيااام وروابي من وقـعت على التنازل واهي منهاره كلــياااا.....يوميا تبجي بهستيريا...تاكل وتبجي....تتسبح وتبجي.....لو مهما سوت عشان تلهي نفسها ما كانت تقدر.....
روابي كانت نايمه......وفزت من نومها تصرخ....
أم عبدالله ياتها بسرعه لان تعودت عليها أكثر من مره تفز من نومها وتهستر...
أم عبدالله: روابي شفيج...هدي
روابي كانت قايمه مثل المينونه وتدور على بنتها.....وهم على سعود لان كانت بعدها تحبه...
روابي تبجي وتصرخ: يمه وين جوري؟؟؟ وينها؟؟ أبييها...هاتوولي ايااها
أم عبدالله: روابي اسم الله عليج....هدي
روابي: يمه دقي على سعود...دقي عليه قوليله أبيها خلااص أبيهاا
أم عبدالله راحت حق روابي تحاول تمسكها عشان تهديها بس مو قادره تسيطر عليها....
أم عبدالله: روابي حبيبتي هدي شوي
روابي تبجي وتشاهق وتصرخ : ابي بنـــتي.....ابي بنـــتي
وطاحت غشيانه على الأرض.....هذي مو أول مره تطيح غشيانه لان كانت تطيح عليهم تقريبا كل يوم وأغلب الوقت دايخه....
أم عبدالله قامت تصرخ تنادي بناتها عشان يساعدونها يشيلونها ويحطونها على الفراش....
مـر الصيـف كلـه وكانت على هالحاله .... كانت كل يوم عن يوم تصير حالتها أسوأ....
بدا الدوام وامها قالتلها خل توقف قيدها بس ما رضت لانها تبي أي شي يشغلها شوي ويحاول ينسيها....
نزلت تحت الصبح وصادفت أبوها بس بعده ما كان يكلمها وحتى عينه كلش ما يرفعها عليها....
روابي : صباح الخير يمه
كان شكلها تعبان حيل.... وزنها نازل بشكل مو طبيعي...شكلها كئيب وتعيس
أم عبدالله: صباح النور.....
أم عبدالله كان منكسر خاطرها على بنتها وكانت تحاول تساعدها وتهتم فيها...
أم عبدالله: يلا زهبنا لج الريوق ما يصير ما تاكلين....لازم تحطين بالج على روحج
روابي: مابي اكل
أم عبدالله: لا يلا اكلي عشاني ... ما يصير جذي
روابي : يمه مابي
أم عبدالله : انزين على الأقل بس شربي هالعصير
رضت وقعدت على الكرسي تشرب العصير واهي تشرب فجأه قامت تبجي... كان ودها ترجعله وترجع بنتها لها......تحس انها محتاجتهم...راح تموت بدونهم...مو قادره تستوعب انها قطت بنتها وتخلت عن حبها.....
لاتسألوني
وش جرى في حياتي
خلوا همومي بالحشى مستقره
الصمت ثوبي والمواجع عباتي
والحزن كله وسط قلبي مقره
لو استعيد بواقعي ذكرياتي
أحيا واموت في الثانيه الف مره
همي يجيني من جميع الجهاتي
تجاوز حدود الفلك والمجرة
أم عبدالله: حبيبتي بس كافي رحمي نفسج
روابي: مع السلامه
وقامت من مكانها وطلعت عشان تروح الكليه....
عذوب وسليمان واختها مي وصلوا أمريـكا وبلشت الجامعه عندهم من أسبوع.....
عذوب كانت تمشي بالممرات وطول الوقت بس تتلفت يمين وشمال تدور على عبدالله يمكن تـشوفه.....بس الجامعه كانت وايد كبيره واحتمال قوي انها يمكن حتى عمرها ما تصادفه....
سليمان: شفيج؟؟؟ شنو تدورين؟؟ شنو نسيتي مكان القاعه؟!
عذوب: هاه؟؟! لا لا ادلها
سليمان: اي بعد جدام مو اهني
مي : عذوب بس وصليني بالأول بليـز.....ماني قادره اتذكر وين الكلاس
مي عمرها 18 سنه.....حلوه بس مو بجمال أختها عذوب.... شعرها أسود...ضعيفه.....بيضه وطولها حلو....
سليمان: اي لا تحاتين راح نوصلج بالأول
عذوب كانت طول الوقت سرحانه مو مركزه معاهم لانها لا شعوريا تدور على عبدالله....وكل شوي تشوف واحد تحسب ان اهوه وقلبها يفز بس يطلع شخص ثاني مو اللي قاعده تدور عليه....
رهف تكلم عبدالله بالتلفون....
رهف: هاا عبود....ِشلونك؟؟
عبدالله: هلا والله....ماشي الحال وانتو شخباركم؟؟
عبدالله ما يدري شي عن طلاق روابي وانها تنازلت عن بنتها لان من غير شي نفسيته تعبانه.... بس فرح يوم ما تزوجت رغد بالصيف بس ما قدر يحضر زواجها....
رهف: شلون الجامعه؟؟
عبدالله : عادي
رهف: يلا عاد عبدالله شد حيلك عشان تتخرج وترجع
عبدالله: ان شاء الله
رهف: امممم
رهف كانت خايفه تقوله ان عذوب وزوجها هناك لان متأكده لو يعرف نفسيته راح تتعب أكثر بس كان ودها تعرف اذا صادفها او لا ....
رهف: جم ماده ماخذ؟؟
عبدالله: 3 مواد
رهف: يلا زين ان شاء الله تعديهم كلهم
عبدالله: ان شاء الله....رهف اكلمج بعدين اوكي؟؟
رهف: اوكي
عبدالله : سلميلي على الأهل
رهف: الله يسلمك
عبدالله: مع السلامه
رهف: عبوود دقيقه
عبدالله: هلا ؟
رهف: دير بالك على نفسك اوكي ؟؟
عبدالله: اي وانتي بعد
رهف: ان شاء الله
عبدالله: مع السلامه
رهف: باي
روابي كانت تمشي بالممر جان تنتبه على البنت اللي من أهل سعود واللي عرفت منها ان سعود متزوج.... راحتلها ووقفتها
روابي منفعله: السلام
منى : وعليكم السلام!!
روابي: الله يعافيج ممكن اكلمج شوي
منى : اي تفضلي
روابي : تذكريني؟؟؟
منى: ااااه اي انتي كنتي معاي بمحاضره قبل
روابي: اي وسألتج عن اخت سعود وقلتيلي انه متزوج
منى: اي اي صح
روابي: امممم بغيت أسألج عن بنته
منى: اي؟!
روابي: جوري....تعرفينها؟؟
منى تفاجئت: اي اعرفها....انتي شعرفج فيها؟؟؟
روابي نزلت راسها........
منى: انتي....انتي أمها؟؟
روابي ابلعت ريجها : اي
منى انصدمت: والله انتي امها؟؟!
روابي : اي
منى: انتي تنازلتي عنها صح؟؟!!!!
روابي : اي
منى سكتت شوي ومنصدمه.....
روابي انفعلت : انا مابي منج شي....بس طلبتج محتاجه اعرف اخبارها....ابي اعرف مرت سعود شلون تعاملها؟؟؟؟ ابي اعرف بنتي شلونها!!
منى ساكته.....
روابي: تكفين...طلبتج أبيج تطمنيني عليها
منى: ااااه ان شاء الله راح احاول اييبلج أخبارها
روابي: بس أمانه لا تعلمين احد....مابي سعود او مرته يعرفون اني طلبت منج هالشي
منى: خلاص ان شاء الله
روابي: لو يعرفون سعود راح يعصب
منى: لا تحاتين خلاص ما راح اعلم احد
روابي: مشكوره حبيبتي وايد...تاخذين رقمي؟
منى: اي اي احسن عطيني اياه
وسجلت الرقم عندها ومشت.....
خلصت محاضراتها وارجعت البيت....
أم عبدالله: ها شلون كان الدوام؟؟
فجأه روابي بدت تبجي....
أم عبدالله: روابي بس خلاص ما تعبتي من البجي؟! خلاص انسي
روابي: انسى؟؟؟ انسى!!!!! بنتي قطيتها جنها قطوه وتبيني انسى؟!
أم عبدالله: خلاص روابي يمكن هالشي كان حق مصلحتها..... بس خلاص ساعدي نفسج تطلعين من اللي انتي فيه
روابي تبجي : يمه انا مو بس خسرت بنتي ..... انا خسرت بعد ريلي كله بنفس اليوم
أم عبدالله: اووه روابي يعني معقوله بعدج تحبينه وتبينه؟؟؟ مو كافي كل اللي صار فيج بسبته ؟ّ!
روابي بس تبجي......
أم عبدالله: هذي نتيجة غبائج والحين تعلمتي من كل اللي صار وبس حاولي تنسين
روابي بدت تنهار.....
أم عبدالله تصرخ: بس كافي خلااص كل يوم... كل يوم!!!! يعني محد اجبرج تسوين هالشي!!!
روابي بدت تصرخ واهي تبجي : يمه اناا تعبانه..... احس اني راح اموت خلاص ماني قادره اتحمل اكثر
أم عبدالله: كل اللي صار من سواتج ولازم تتحملين نتيجة أفعالج
روابي: يمه بس كاافي خلاص رحميني شوي
آآآآآآآآآآآآآهُ يًـــآيًـــــمٍَهُ
يًآيًمٍَهُ آرٍجَوٍگ سِمٍَعُيًنٍيً .. يًآيًمٍَهُ بُسِ (( لآتَِقٍِسِيًنٍ))
وٍآذِآ شَُفٍتِيً دُمٍَوٍعُ آلحِبُ .. ضَمٍَيًنٍيً
آليًنٍ مٍَآأمٍَوٍتِ .. آبُيً آنٍسِآآآآآهُ وٍآنٍسِىٍ آلصِوٍتِ ..
آبُيً آنٍسِآهُ يًآيًمٍَهُ .. نٍسِيًنٍيً !!
وٍعُلىٍ حِضَنٍگ آبُيً آبُگيً .. عُلىٍ نٍَفٍسِيً وٍعُلىٍ سِنٍيًنٍيً
تِعُآليً لآيًَفٍوٍتِ آلَفٍوٍتِ .. وٍرٍيًحِيًنٍيً
يًآيًمٍَهُ آرٍجَوٍوٍگ طَمٍَنٍيًنٍيً .. آحِسِ آلَفٍرٍَقٍِآ تَِقٍِتِلنٍيً (( وٍتِنٍهُيًنٍيً))
يًآيًمٍَهُ تِعُبُتِ وٍآنٍآ أگآبُرٍ .. وٍآَقٍِوٍل للنٍآسِ مٍَآيًعُنٍيًنٍيً
أم عبدالله لما شافت بنتها صارت على الأرض ومنهاره تبجي انكسر خاطرها وارفعتها وحاولت تهديها.....
ودتها الفراش وحاولت تهديها وتقرا عليها قران لين غفـت.....
مـر حوالي شهــرين.....
روابي : جوري....جوري شووفي مامااا
سعود: اسم الله عليها صايره تشبهج وايد
روابي : ايييه الكل قاعد يقولي هالشي.....ها رايح الدوام؟؟
سعود: اي ما أقدر أتأخر اليوم عندي شغل الصبح
روابي: انزين سويتلك الريوق...اكل عالسريع
سعود: امممم يلا اوكي عشانج
روابي: بعد عمري والله
سعود: ها انتي اي ساعه محاضرتج؟؟؟
روابي: الساعه 10
سعود: وجوري؟؟
روابي: راح أقطها بيت أمي قبل ما اروح
سعود: تمام.... يا حلووها تطالعج
روابي : ايي هذي رووح امهااا
أم عبدالله: روابي.....روابي
روابي اخترعت : هاه؟؟؟!
أم عبدالله : بشنو تفكرين؟؟
كانت طول الوقت سرحانه ووتتخيل نفسها مع سعود وبنتها..... تحس ان الخيال يريحها....تحب تحس انها بينهم حتى لو مو بالواقع.....
روابي: لا ولا شي .... انا صاعده انام
أم عبدالله: اوكي حبيبتي تصبحين على خير
صعدت غرفتها وخذت من الحبوب المنومه اللي صارت ما تنام الا لما تاخذهم...
واللي مريحها شوي ان منى تطمنها بين فتره وفتره عن بنتها....وعرفت ان مرت أبوها تحبها وتعاملها وايد زين مثل بنتها وحيل حنونه عليها.....
آڷنۈمٍ فينيٌ يڜبَه [ همۈٍم صدريٌ ]
ڷآجيٺ آنۈّمهم صَحۈآ ..
............................ ۈآبڷڜۈنيٌ !
بڛ گيفٍ آنۈّمنيٌ آنآ گيف
............... مَدريٌ !
يصڷَح آنآم آن گنٺ فآٺح عيۈنيٌ !!
أمــريــكا......
عذوب وسليمان كانوا قاعدين يمشون بالممر بالطابق الثاني.....فجـأه جان تلمح واحد من بعيد طالع من كلاس....قلبها بدا يرقع بقوه....حست انه عبدالله
سليمان: وين تبين ناكل؟؟؟
عذوب كانت تحاول تطالعه من بعيد بس مو مبين عليها عدل.....
سليمان: عذوب...عذوب....عذوب شفيج؟؟؟ اكلمج انا
عذوب: هلا؟؟!!
سليمان: بشنو سرحانه؟!
شافته ينزل تحت بالسلم وخافت انها تضيعه.....
عذوب: ااااه سليمان بس دقيقه شوي وراجعه
سليمان: وين بتروحين؟؟!
عذوب : بس دقيقه
راحت عذوب وصارت تمشي بسرعه تحاول توصله ....وكانت ميته خوف وقلبها يطق بقوه..... ما تدري ليش قاعده تدور عليه جذي؟ بس الا تبي توصله....تبي تشوفه وتعرف اخباره لانها تحس انها مشتاقتله حيل
قربت منه أكثر وأكثر لما وصلتله ونادته....
عذوب: عبدالله !!
عبدالله من سمع الصوت لف ويهه.....
عبدالله انصدم من شافها : عذوب!!!!!!!!!!
عذوب كان قلبها يطق حيل وايدها ترجف وجسمها كله ينتفض ظلت واقفه تطالعه وابتسمتله....
عبدالله: انتي....انتي شتسوين اهني؟؟؟!
عذوب ابلعت ريجها : انا ادرس اهني
عبدالله: شنوو؟؟؟ من متى؟؟!
عذوب: من بداية هالكورس
عبدالله مصدوم وساكت.....
عذوب: ما صادفتك ولا مره قبل وهذا واحنا بنفس الجامعه
عبدالله: ماني قادر اصدق انج اهني!!! ما قالتلي رهف
عذوب: ابي اعرف انت شلونك؟؟ شلون الدراسه معاك؟!
عبدالله: اااه والله عادي ماشي الحال.....انتي اهني بروحج؟؟؟؟
عذوب: ااااه لأ مع....اااه مع سليمان واختي
عبدالله من سمع سليمان انصفق ويهه وسكـت....
عذوب: انا وسليمان قاعدين نكمل ماجستير بس اختي مي سنه اولى
عبدالله بلع ريجه وكان حيل متضايق بس يحاول كثر ما يقدر ما يبين هالشي: يحليلها مي والله كبرت.....شلونها مع اول كورس؟؟
عذوب: والله الحمدالله تمام
عبدالله: وانتي شلون الكورس معاج؟؟
عذوب: تمام بخير
عبدالله انتبه من بعيد ان سليمان ياي بس بعده ما كان منتبه عليهم لان وايد كان في ناس حوالينهم .....
عبدالله: ااااه عذوب اشوفج بعدين انا هااه.....يلا مع السلامه
ومشى بسرعه......
عذوب استغربت وظلت واقفه وحاولت تناديه : عبدالله !!!
بس مشى بسرعه عنها ودخل بين الناس.....
سليمان مسك جتفها من ورا وفزت من الخرعه
عذوب: وااااي سليمان خرعتني
سليمان : انتي وينج؟؟؟؟ وين رحتي؟؟! جذي فجأه عاد!!
عذوب: هاه؟!! لا بس شفت احد اعرفه وكنت بسلم عليه
سليمان: اها اوكي....انزين يلا امشي حيل يوعان
عذوب: يلا
عذوب واهي ماشيه تلف راسها تشوف وين راح بس اختفى مره وحده....
عبدالله كان قاعد يمشى وكان يحس انه مخنوق حيـــل....كان يبي يصرخ....مو مصدق ان شاف عذوب وسليمان اهني....بجامعته...!!! يعني شنو؟؟! يعني يمكن كل يوم اشوفهم مع بعض؟!
راح سكن الطلبه وكشت بمحاضرته وظل بس يفكر بعذوب وريلها....كره نفسه....كره عيشته....
أوقـآت نشڪي من قسى آلوقت وأوقـآت
آلجـرح في قمـة فرحنـآ خذلنـآ ..!
من حزننـآ نجلس على شط آلآهـآت
همـ آلبحر غـآرق بسيـرة مللنـآ ..!
مـآعـآد للڪلمـﮧ طعمـ بين آلأبيـآت
نفس آلشعـور آللي ڪتبنـآ قتلنــــآ
بــعد جـم يــوم......
روابي رايحه موعدها مع الطبيب النفسي اللي صارلها جم أسبوع تتعالج عنده....
روابي: يمه انا رايحه حق الدكتور
أم عبدالله: شلونه؟؟؟ قاعد يساعدج؟؟
روابي: والله بعد ما حسيت ان وايد ساعدني بس اليوم عندي تنويم مغناطيسي
أم عبدالله اخترعت : شنووو؟؟؟ تنويم مغناطيسي!!!!
روابي : اي
أم عبدالله : لا لا بس لا تروحيله هذا ... شنو تنويم مغناطيسي؟!! شدراج شنو ممكن يسوي فيج هذا؟!
روابي: يمه اشدعوه هذا طبيب مشهور حيل وعارف شغله
أم عبدالله: مينونه انتي تبين تخلينه ينومج مغناطيسيا؟؟!
روابي: اي يمه شفيج يعني؟؟ عادي يمكن يريحني!!! يلا يلا مع السلامه لا أتأخر
وراحت عيادة الدكتور......
روابي : دكتور تعبت....مر الحين 5 أشهر من وقت طلاقي وكل يوم قاعده اتعب اكثر....
دكتور سعد : شي طبيعي لان مو سهل اللي صار
دكتور سعد كبير فيه بالخمسينات.....من اول يوم ياته روابي واهو منعجب فيها وبشكلها.....بس كلش ما حاول يبينلها هالشي واهي ما حست ولا مره.....
روابي بدت تبجي: انزين بس لي متى دكتور جذي؟؟ خلاص مو قادره اتحمل بعد أكثر !!
دكتور: لا شوفي اليوم انزمج مغناطيسيا وراح ترتاحين بعدين أكثر...بتشوفين
روابي: صج دكتور؟؟
دكتور : اي اي لا تحاتين
روابي: دكتور لاني عارفه انام...لاني عارفه اكل ولا عارفه عيش مثل الناس
روابي كانت تكلمه ومنهاره وتبجي بقوه.....
دكتور: بس لازم تهدين عشان يضبط التنويم
وكان يحاول يهديــها بس مو قادر عليها.......
أمريكا......
عذوب صارلها جم يوم تروح تنطره عند نفس الكلاس اللي طلع منه يوم شافته بس ما كان يحضر....وبدت تحاتيه ومو عارفه شلون تقدر تحصلـه!!!!!
عبدالله كانت نفسيته حيــل تعبانه....كان ماسك نفسه طول هالفتره ما يبي يبجي بس عقب ما شافها ما قدر ومع ريلها بعد!!!! بـجى غصبن عليه.....وما كان قادر ينام كلش ولا قامت تهمه دراسته ولا حتى تدريب الكاراتيه كان يروح.....
روابي بعدها منهاره وتبجي والدكتور يحاول يهديــها.....
http://www.4shared.com/file/115044113/a63ea031/____-__.html?s=1
http://www.4shared.com/file/63794672/9cc8dfa8/____-_.html?s=1
لو تعرف الخطايا كيف كنت محروم..... كان سود الليالي يوم طحت سمحت
لو هموم المفارق مثل كل الهموم...... ماتشوفون عيني بالدموع سبحت
ولو تنحل المشاكل عقب حب الخشوم..... كان حبيت خشم المشكله واستحت
بين صدة عزيز وكبرياء مهزوم....... عين شحت على وعينٍ استسمحت
بس مالله خلقني من بكاي معصوم....... وادري انه المحاجر لو تفيض افضحت
والله اني على جرحي صبور وكتوم....... لكن ان الدموع ان روحت روحت
اعذلتني ظروفي وانهكتني عزوم...... والوجيه احزنت لي والقلوب افرحت
اشهد ان الليالي ماتعرف السلوم...... قلب جافي لقاه ووجه صافي بحت
راهنتني تبلل بالدموع الكموم....... ويشهد الله عليها راهنت واربحت
احرمت نور عيني من غلا قوم...... بذرةٍ وارتوتني واثمرت واطرحت
جادلٍ دوم ماهي مثلها كل يوم....... استضاحت غموض وبالغموض اوضحت
دورت بين قلبي والهدب درب نوم...... وامرحت وين مدري المهم امرحت
تنحت اسمي بقلبٍ جيت فيه معزوم...... واسمها بين جلدي والعظام انحت
مثل جفني لعيني بالنعاس محكوم...... كل مانمت نامت كل ماصحى صحت
ماتعارض كلامي غير عند اللزوم...... بس لا قمت اسولف واندمجت سرحت
دايم ازعل عليها بس قلبي رحوم...... وهي تموت بعذابي من تحت لي تحت
مثل وجه العلاقه في ثياب الخصوم...... ان تطيبت طابت وان جرحت اجرحت
خصها الله بوصفٍ من خيال معدوم....... لا اذان اسمعتبه ولاعيون المحت
كن ربي خلقها من بياض الغيوم........ ومن كفوف السحابه بالورد القحت
عن سواها فرقها بالقمر والنجوم....... وكل عذرى تباها بالجمال انزحت
بالحلا هي كوم وباقي الناس كوم....... كفتٍ عادلوها بالبشر وارجحت
حسبي الله على اللي مابغاها تدوم....... من بعد كيف كانت شوف كيف اصبحت
لاتحقق وصال ولا فراق محتوم....... خطةٍ قربتني للفشل وانجحت
لعنة العشق تبقى مثل ضرب السهوم... لو محى الوقت جرحه صورته ما انمحت
كيف ابنسى وانا اللي من جفاف لسموم..... ماحشمت العيون ولا الدموع فلحت
كانها بالحميا كل ربعي قروم...... لو يلدون لاصعاب الظروف صلحت
اجزم ان كنت ياقلبي شجاع وجزوم...... لد لعيون بنتٍ لا التفت الفحت
ماتهين البخيل الا يدين الخدوم........ دام كف الخطايا بالجفا لوحت
نطح الباس باس ونطح اللوم لوم...... وان تهدت تهد وصيح ان صيحت
ياتعيش بمعزه ياتموت محشوم........ ودك ان الليالي لافعلت امدحت
عمر ضعف الاراده مايسر الرخوم...... ضربت السيف لوبيدين الشجاع ذبحت
تــــــــم البــــارت السادس عشــر
>>> اول بارت بحياتي اكتبه وبجاني
بنات ترى البارت الياي مو البارت الأخير لان ما امداني احط كل شي بهالبارت
التعديل الأخير:
همســات حالـمه
New member
7 و 5 دقايق
يلا عذوووبنبي
يلا هموووووس نبي البارت بسرعه
باقي 4 دقايق وتصير الساعه 8
وااي بعد جبدي فديــــــــــــتكم :dddds:
وسامحوني على كل دقيقه تأخرت فيها :**
همســات حالـمه
New member
8 و 9 دقاااااااااااايق
لووول يحليلكم موو صج انتووو ... قاعدين تحسبون بالدقايق :dddds:
فديــــــــــــــــــتكم :***
همســات حالـمه
New member
الحين 8 و 28
و نص و دقييقتين
8 و 57 دقيييييييييييييييييقه
امبيه كل هذا كان يصير وانا مادري عنـكم!!!!
سووري بـدعـت فيــكم اناا ادري :tomato2:
سيتي
New member
واااااااااااااااااااااااايد حلووو البااارت
ويبجي
وااايد كسرت خااااطري روااابي
مسكييينة الله يعييينها حرااااااااااام
يعطيييج العاافية على البااااااااارت الحلووو ايننن الباااارت
وناااطرينج
ويبجي
وااايد كسرت خااااطري روااابي
مسكييينة الله يعييينها حرااااااااااام
يعطيييج العاافية على البااااااااارت الحلووو ايننن الباااارت
وناااطرينج
:| :|
لألألألألألألألألألأ
روابي لاتهد بنتها
ليش روابي بنتج هذي حرااااااااااااام
و عبدالله مسكين واالله تعب حييل
امبي همووووووووس قمت ابجي
و حاطه مباراه برشلونه ضد روبن الروسي
و ابجي لوول شكلي فلم
همووووووووووووووس امانه نبي البارت الياي
تكفين قلبي الوضع روابي خالتطلع من الي اهيا فيه حرااااااااااام
لألألألألألألألألألأ
روابي لاتهد بنتها
ليش روابي بنتج هذي حرااااااااااااام
و عبدالله مسكين واالله تعب حييل
امبي همووووووووس قمت ابجي
و حاطه مباراه برشلونه ضد روبن الروسي
و ابجي لوول شكلي فلم
همووووووووووووووس امانه نبي البارت الياي
تكفين قلبي الوضع روابي خالتطلع من الي اهيا فيه حرااااااااااام
ام فطومه 82
New member
- إنضم
- 10 سبتمبر 2009
- المشاركات
- 37
- مستوى التفاعل
- 0
- النقاط
- 0
kity
New member
حراااام عبووووود
ورااابي ليش الي ينعجبووون فيها شيااااب
وهمن تكسر الخاااطر وامها تقهر برود اعصااااب حرااام بنتهااا شذمبها
ومشكوووورة حبيبتي
بس بليز بليز بليزز جم بارت باقي ويخلص البارت
ورااابي ليش الي ينعجبووون فيها شيااااب
وهمن تكسر الخاااطر وامها تقهر برود اعصااااب حرااام بنتهااا شذمبها
ومشكوووورة حبيبتي
بس بليز بليز بليزز جم بارت باقي ويخلص البارت
اخييه على روابي والله عوار قلب بس لحظة شبسوي لها دكتور تقولين انه معجب فيها معقوله اسوي شي فيها ولا انه اعتقد دام معجب فيها يمكن يتزوجها
وعبدالله ليش اسوي بعمرج جذي والله حراام حراااام وعذووب وايي همن حراام عليها ورهف مفروض كانت تقولها وتقوله اوووف والله كاسر خاطري هالعبود والله
وياحسرتي على سليمان مادري ليش حاسه بحس انه عذوب تحبه وراح اطلقها وعبدالله يتزوجها
وااي الله يعينج هموس والله صج عذاب
وعبدالله ليش اسوي بعمرج جذي والله حراام حراااام وعذووب وايي همن حراام عليها ورهف مفروض كانت تقولها وتقوله اوووف والله كاسر خاطري هالعبود والله
وياحسرتي على سليمان مادري ليش حاسه بحس انه عذوب تحبه وراح اطلقها وعبدالله يتزوجها
وااي الله يعينج هموس والله صج عذاب
الله يعطيج العافيه الصراحه البارت ابكبره يعور القلب :0bee2e8d89: وروابي واااااااااااااي الله يعينها صج حالتها ما تسر،،، عورني قلبي حيل عليها :eh_s(16): ،،، وعبدالله مسكين يكسر الخاطر بضيع مستقبله ولا أحد حاس فيه ،،،الله يعينهم ويعوضهم ان شاء الله
وتسلم ايدج يا همسات ما قصرتي الصراحه ابداع :s142:
وتسلم ايدج يا همسات ما قصرتي الصراحه ابداع :s142:
miss limoona
New member
- إنضم
- 1 يونيو 2009
- المشاركات
- 815
- مستوى التفاعل
- 0
- النقاط
- 0
واااااااااااااااااااي هموسه شهالبارت امبيه قلبي قام يتقطع على روابي بعدعمري والله
الله يسامحج عورتي قلبي زووود
هههههههههه
تسلم ايدج
هموسه البارت الياي باجر ولا عقب باجر؟
الله يسامحج عورتي قلبي زووود
هههههههههه
تسلم ايدج
هموسه البارت الياي باجر ولا عقب باجر؟
ambiiiiiiiiiiih HaMooooooooooS BDaaaaaa3Tiiiiiiiiiiii 7aaaDCh
alpart eyneeeeeeeeeeeeeeeeeeeeeeeeeeeeeeeeeeen
BSSSSSSSSSSSSSSSSSSSSSSSSSSSSSSSSSS
YBjiiiiiiiiiii BCHaNiii leeN gaaal Bsss :'(
WaaaaaaaaaaaY kliiihm y3wrooon alqalb
Yaa raaaaaaaaaaaaab Yaaaaaaaaaa Raaaaaaaaaaaaab alllah yfrej haam Rwabii o yfree7 Galbha
MaShkooooooraaaaaa 7bibty 3la elebdaaa3
o NA6reeNCH plz la 6wleen 3laina 7dii mtshwga a3reeef sh9eer
love u ;******8
alpart eyneeeeeeeeeeeeeeeeeeeeeeeeeeeeeeeeeeen
BSSSSSSSSSSSSSSSSSSSSSSSSSSSSSSSSSS
YBjiiiiiiiiiii BCHaNiii leeN gaaal Bsss :'(
WaaaaaaaaaaaY kliiihm y3wrooon alqalb
Yaa raaaaaaaaaaaaab Yaaaaaaaaaa Raaaaaaaaaaaaab alllah yfrej haam Rwabii o yfree7 Galbha
MaShkooooooraaaaaa 7bibty 3la elebdaaa3
o NA6reeNCH plz la 6wleen 3laina 7dii mtshwga a3reeef sh9eer
love u ;******8
أم حيدر
New member
- إنضم
- 14 أكتوبر 2006
- المشاركات
- 3,085
- مستوى التفاعل
- 0
- النقاط
- 0
بجيييييييييييييت عندي بنت عمرها 6 شهور و أرضعها
لما روابي عطت بنتها حق سعود ضاقت الوسيعه فيني وأول شي طرالي ، شلون اذا در صدرها حليب وجوري بعيدة
ليش يا روابي ليش انا منج أبيع الدنيا ولا أبيع ظناي
هموسة خلاص هونت مابي بارتات بعد صج اكتئبت
لما روابي عطت بنتها حق سعود ضاقت الوسيعه فيني وأول شي طرالي ، شلون اذا در صدرها حليب وجوري بعيدة
ليش يا روابي ليش انا منج أبيع الدنيا ولا أبيع ظناي
هموسة خلاص هونت مابي بارتات بعد صج اكتئبت
أمبييييييييييه صدمــــــــــــــــــــــــه
حرااااام روااااااابي والله العظيم , بس ليش تهد بنتهاا جيي و تتنازل عنهااا :eh_s(11):
و الدكتوؤر أمبيه أحس ان رااح يسوي شي حق رواابي :eh_s(10):
و عبدالله أمبيه كسر خااااطري وعلياا :0bee2e8d89:
أوف هالباااااارت يبجي :eh_s(2):
حرااااام روااااااابي والله العظيم , بس ليش تهد بنتهاا جيي و تتنازل عنهااا :eh_s(11):
و الدكتوؤر أمبيه أحس ان رااح يسوي شي حق رواابي :eh_s(10):
و عبدالله أمبيه كسر خااااطري وعلياا :0bee2e8d89:
أوف هالباااااارت يبجي :eh_s(2):
