روايــتي الثــالثـه / خطــايــا القلــب / وهالمــره قصــه حقيـقيـه

[همســات حالـمه]

9baaaaaaaaaaaaa7oooooooooo hamooos ;p>> adri 9erna al'97a al3od ay 9ba7o bs twni ga3da
HaMoooooooooS plz plz plz plz nzlii part nw
3ndi class mn 2-4 o 7da mali 5ilga so abi ag3ad agra alrwaya feeeh
plz plz plz
o TRa RDaiT ktabt M3rab 3shan laa tst'3rben
waiting 7bibty ;*******8

يااا صباااح الأنواااار :dddds:

والله حبيبتي توووني مخلصـه منه وان شاء الله الساعه 5 يكون ناازل يعني باقي ربع ساعــه :ggdw:

ان شاء الله يكون وصلتي البيت على الموعد وتقريـنه فريــش ,,, لووووول يااا سلام تقرين الروايه بالمحاضره :dddds:

لوووووول فديــــتج كل شي منــج حلوووو :*****

 

[همســات حالـمه]

:0bee2e8d89:

هموووسسسه ننطررر البااارت عفيه نزليه مداااام انج شاااابكه


والله ما صدقت من ييي الاثنين ....


يا الله انشاااء الله قبل 8 تنزلينه

من اليوم اقرا الباااارتات من 1 لما 11 يااااااااا اللله شوووووووقتينااااااااااااا​

​

حياااااتي ان شاء الله كااه 10 دقايق ويكون جاهز ونااازل :ggdw:

فديـــــــــــتج ياااا رووحـي انتــي :*****

 

[همســات حالـمه]

حبيبتي هموسه لا الطولين علينا

لا عمرري الحين راح انزل البارت 12 :ggdw:

 

[همســات حالـمه]

متى تنزلين البارت

الحيــــــــــــــــــن :ggdw:

 

[مـ سهله ـو]

هياااااا ناطرينج :>

هموسه شسالفه الازداحام بالجامعه ما تحسين اووفر !!

 

[همســات حالـمه]

السلام عليكم
سوري اذا كنت راز ويهي بمنتداكم
اعتبروني اخوكم الصغيير انا بس حبيييت اشكر الفنانه الكبييره والغاليه همس على القصص وبصراحه قصصها حبيبتني بالمنتدى وانا كنت اتبع كل قصصج اول باول وكل مره اقعد على الاب انطرج تنزلين البارتات الباجي على نار بس انا لحظت شغله بسيييطه علييج ان بقصص القبل كان البارت طويييل والحين البارت 5 دقايق اخلصه ... وحبيت اقولج شغله من زمان ودي اقولج ياها دام انج فنانه مشالله و اول مره بحياتي اشوف جذي كاتبه روعه ليش ما تنزلين روايات بكتب يعني نفس الفنان الكبير عبدالوهاب الرفاعي تصيرين مشهوره والكل راح يحب رواياتج مثل ما سحرتينه وخليتينه نحبهم لانج اكثر من روعه ..... ومع السلامه وسوري اذا كنت ضايقتكم بالمشاركه باي

ولا تنسين همس على الي قتلج ياه انشالله اشوف البارتات طوال باي :0bee2e8d89:

أهليــــن أخووي

شفـت كلامك قبل ورديـت عليـه بعد

شوف ردي عليك في صفــحـه 64

و البارت اللي بنزله الحين ان شاء الله طويـل :eh_s(6):

مشـــكووو

 

[همســات حالـمه]

هياااااا ناطرينج :>

هموسه شسالفه الازداحام بالجامعه ما تحسين اووفر !!

اييييييييييه صححح والله الوضع اليوووم كان موو طبيــعي!!! مع ان أمس كانت الانتخابات وما كانت الزحمه هالكثر؟!!

اليوم الزحمه كانت ويع ويع ويع مأساااااااااة :eh_s(14):

 

[همســات حالـمه]

واااااااااي هموسه القصة تهببببببببببببببببببببببل
وانتي حدج عجيبه فديتج
ويتنق

حيااااااااتي والله انتي اللي تهبليييييييين وحدج عجيــــــــــــبه

يفدااااج كلــي ياا بعد جبدي :***

 

[كويتية و النعم]

ناطرينج على نآآر حبيبتي

:ggdw:

:ggdw:

:ggdw:

 

[مجبورة انساك]

الاااااااااااااااااي في بارت اليوم

 

[همســات حالـمه]

همساااااااات

نبي البارت متى ;'(


و الله شعور جنا على ايام ام البنات لوووووول

أهلااااااااااا

الحيـــــــن البااااااااارت راح ينزل الحين الحين _03BA:

لووووووول لا والله :dddds:

فديــــــــتج يااا عســـل :**

 

[كويتية و النعم]

:ggdw: :ggdw:


:ggdw:


ناطريييين

 

[همســات حالـمه]

البارت 12

عبدالله و ريم كانوا واقفين على جنب وبعاد شوي عن عذوب ورهف....

عبدالله : ريم خلاص بسج بجي الناس قامت تطالعنا

ريم: عبدالله لا تسافر

عبدالله: من صجج !! انتي عارفه اني ما أقدر ولازم اسافر...كلها سنه واتخرج

ريم: انت اذا سافرت راح تنساني

عبدالله: من قالج اني راح انساج!! لا طبعا اكيد ما راح أنساج وعلى طول راح ادق عليج من هناك

ريم: اي الحين تقول جذي ومع الوقت اكيد راح تتغير

عبدالله: انتي ليش جذي ما تثقين فيني!!.. خلاص الحين ريم مو وقته هالكلام....لازم أمشي تأخرت

ريم: اوكي

عبدالله: وانتي أبيج تحطين بالج على روحج وخليج قويه..لا يهمج شي....انزين؟

ريم: انزين

عبدالله: يلا حبيبتي مع السلامه,,, روحي انتي الحين

ريم هدت شوي بس لحد الحين عيونها تدمع: مع السلامه

ومشت ريم ومشى عبدالله راح حق امه اللي كانت واقفه مع رهف وعذوب...

عبدالله: يلا يمه أسلم عليج عشان أدخل

وباسها وحضنها.....

أم عبدالله: شفيها ريم؟؟

عبدالله: لا ما فيها شي......ما أوصيج ها

أم عبدالله: اي حبيبي لا تحاتي وحط بالك على روحك

عبدالله: ان شاء الله

رهف كانت معصبه شوي: يلا بالسلامه ان شاء الله

عبدالله: حبيبتي الله يسلمج ..

رهف: ان شاء الله بس ما تنسانا

عبدالله: من صجج!! راح أفقدكم حيل والله

وسلم وباس اخته ولمها.....عذوب كانت واقفه وكانت ماسكه نفسها بقوه ومبينه انها حيل عادي جدامه....حسسته يعني شنو تسافر ولا ما تسافر!!

رهف : ما راح تسلم على عذوب؟؟

عبدالله: شالهبل اللي فيج انتي؟؟؟ شلون ما أسلم عليها يعني؟؟؟ عذوب اختي وكافي انها يايه اليوم المطار

عذوب خلاص ملـت من كثر ما يقول أخـتي وأختـي....حست انها مخنوقه ومو قادره توقف بعد....

عبدالله: يلا عذوب مع السلامه وديري بالج على نفسج ها

عذوب: ان شاء الله... توصل بالسلامه والله يوفقك

عبدالله : الله يسلمج وانتي بعد شدي حيلج وموفقه ان شاء الله

عذوب: مشكور

عبدالله ابتسملها ومشى.....

ليـه ياقاسـي تغيـر منطـقـك


ليه اسلوبك معـي صابـه بـرود


ولا ذنبي انـي احبـك وأعشقـك


وانت تتجاهل كأن مالـي وجـود


وسـافر عبدالله.....

روابي لحد الحين من وقت ما راحت الشقه ما طلعت ولا مره....

روابي: سعود اختنقت من قعدة البيت محتاجه اطلع ما يصير جذي

سعود: قلتلج طلعات انسي...بس عندج يوم اليمعه تزورين أهلج

روابي: انت الحين وين رايح؟؟

سعود: بطلع بغير جو

روابي انفعلت: انزين عيل انا بروح بيت أهلي

سعود عصب وراح لي عندها ودزها على القنفه حيل واهيه صرخت من الخرعه...

سعود: ما تتحركين من مكانج فاهمه,,, يلا بس جب ولا كلمه انا بطلع

سعود طلع من البيت وقفل عليها الباب بالمفتاح..... اول ما طلع بدت تبجي

عذوب ورهف وأم عبدالله طلعوا من المطار....

أم عبدالله: شرايكم تبون نروح ناكل بمكان؟

عذوب كان وايد ضايق خلقها ومالها نفس: خالتي مشكوره بس مضطره أرجع البيت

رهف: لا ليش امشي معانا

عذوب: والله ميخالف رهف غير مره أحسن....انا صافطه ذاك الصوب...يلا مع السلامه

رهف الحقت عذوب وحطت ايدها على جتفها...

رهف: عذوب شفيج؟؟؟

عذوب: ما فيني شي

رهف: امبله فيـج شي....ايي معاج بيتكم؟؟ او تيين انتي عندنا؟؟

عذوب: ااااه ميخالف روحي مع امج حرام تبي تطلعج

رهف: لا لا عادي دقيقه خل أقولها

وراحت كلمت أمها وورضت ان تروح مع عذوب بيتها....

واركبوا سيارة عذوب.... وطول الطريج كانوا ساكتين وعذوب كانت سرحانه

رهف: عذوب يلا قوليلي شنو اللي مضايقج؟؟

عذوب: مضايقني وايد أشياء

رهف: عشان سافر يعني؟؟ ولا عشان ريم ياته المطار؟؟

عذوب: الأثنيـن

رهف: انزين بس لا تضايقين روحج

عذوب: اي خلاص جد من يوم ورايح ما راح أضايق روحي

رهف: شقصدج؟؟

عذوب: بس خلاص يعني راح أعتبره أخوي مثل ما اهوه يعتبرني اخته

رهف: اي بس.....

عذوب: لا بس ولا شي !! خلاص انا قررت

رهف سكتت لان ما عندها شي تقوله وطبيعي تحس بهالشي عذوب....لكن عارفه رفيجتها تموت على أخوها من سنين ومو سهل عليها تنساه وتطلعه من حياتها...

عذوب على كثر ما كانت متضايقه من قرارها بس بس تحس ان هذا الحل الوحيد...

الفرآآق وكلمة انسى وتجريح الحبيب
كلهم ضدي تمادوا وانا وحدي بقيت

مـر اليوم وروابي كانت زهقانه حيـل....من وقت ما طلع سعود واهيه بس قاعده تطالع تلفزيون وما سوت شي ثاني.... كان ضايق خلقها لان اليوم مفروض يكون سعود معاها لان باجر راح يروح حق مرته بس اليوم كله ضاع واهو بره ما يدري عنها....

دخل سعود بليل.... وكانت قاعده تنطره ايي

سعود دخل وكان منفس حيل: ان شاء الله من وقت ما طلعت ما تحركتي من مكانج؟؟؟

روابي: اشتبيني اسوي يعني؟؟

سعود: قومي تحركي سوي شي مفيد....نظفي البيت....اكوي هدومي

روابي: شنو شايفني خادمه عندك؟؟؟

سعود عصب وراح وقومها من القنفه ومسكها من هدومها....

سعود بصراخ: غصبن عن عينج تسوين اللي انا ابيه لاا ترادديني فاااهمه

روابي خافت وقامت تنتفض....مو مصدقه هذا نفسه سعود قبل اللي كان حنون عليها...

روابي بلعت ريجها: هدني ... ليش ماسكني جذي

سعود: انتي شكلج ما ينفع معاج الا جذي.... امشي خل اخذج الجمعيه تروحين تيبين أشياء عشان تنظفين البيت باجر مع ويهج

روابي: الحين بنام مو وقته خلها باجر

سعود مسكها من شعرها ودزها صوب الغرفه....

سعود: روحي لبسي يلا .... فاضيلج انا؟؟ باجر عند مرتي انا من يوديج الجمعيه....يلا يلا لبسي خلصيني....انا ناطرج بالسياره


راحت الغرفه ولبست عبايتها بسرعه وطلعت خافت تتأخر عليه...

وصلوا الجمعيه وكانت خايفه ومرتبكه لان ما تعرف حق شغلات البيت وشنو تحتاج حق التنظيف....

سعود: اشفيج واقفتلي جذي؟؟ يلا روحي تحركي

روابي مو مصدقه اللي قاعد يصير فيها...فحياتها ما ذلت نفسها حق احد ويه سعود وقلب كيانها...

كانت قاعده تشوف الصابون اللي على الأرفف ومو عارفه اي نوع تاخذ وشنو تسوي فيه وشلون تستخدمه... وسعود طول الوقت يطالعها بنظرات احتقار وحاس فيها انها متوهقه

سعود: أقول أقول وخري انتي

وقام اهوه يحط الأشياء بالعربانه واهيه تدزها....

سعود: روحي اوقفي عند الكاشير... بروح اييبلي شي وراد

روابي كانت رايحه صوب الكاشير تبي توقف بالطابور وكان في هندي بنفس الوقت رايح يوقف وعصبت ليش سبقها ووقف جدامها....واهيه من غير شي كانت معصبه ومتنرفزه حيل.....
روابي بصراخ : يلا ورا ورا

الهندي تصروع منها بس ما رد عليها....

روابي بدت تعلي صوتها: هييي انت قاعده اكلمك انا..... انا كنت قبلك وانت ييت جدامي.... يلا خلص ارجع ورا قبل ما امسح فيك الأرض

الهندي خاف وعلى طول تحرك من مكانه ووخر....

الجمعيه بليل كانت هاديه شوي بس الموجودين صاروا يطالعونها وخافوا منها...

سعود: هييي هييي انتي شفيج؟؟ هدي

روابي: لا بس هذا نرفزني مالت عليه

سعود: قاعده تحطين دوبج دوب هندي!!! جان طقيتيه بعد !! شفيج جذي انتي؟! صج تفشلين الواحد

روابي سكتت وما ردت عليه......

خلصوا من الجمعيه وارجعوا الشقه....

سعود: يلا دخلي الأغراض الثلاجه.....انا رايح انام

ثاني يوم.....

قام سعود من النوم ورايح الدوام....

سعود: هاليومين انا عندي مرتي....بس ارجع الاقيج منظفه البيت ومسويه كل شي

روابي: انا شعرفني شلون انظف البيت؟؟ أبي خدامه

سعود: هههههههه والله تضحكين انتي....حلفي تبين أحطلج خدامه!!

روابي: اي يعني شنو انا حامل واتعب بسرعه

سعود: يرحم أمج لا تقعدين تدلعين علي مالي خلق ,,,, يلا انا ماشي

روابي: لا يكون بعد راح تقفل الباب علي؟؟

سعود: اي اكيد بقفله

روابي: سعود من صجك!!! يومين راح تظل قافل الباب علي؟؟ بالله صار شي واحتجت اطلع

سعود: شبيصير يعني؟؟! أقول بس يلا بروح لا أتأخر

روابي: سعود حرام عليك اللي قاعد تسويه فيني؟؟! ماله داعي تقفل الباب

سعود: لا له داعي ونص.... الحين انتي سويتي كل هذا معاي قبل يعني مو صعب عليج كلش تسوينه مع غيري وغيري ... يلا ذلفي زين

روابي من كثر ما انصدمت من كلامه تجمدت.... للهدرجه يشك فيها واهيه اللي عمرها ما عارضته وبكل شي تطيعه!! هذي اخرتها.....جذي نظرته لها؟!


يـــــــــــــــــــــــــــاخســـــــــــــــــار ه وقت في حبك قضيته
ضـــــــــــــــــــــــاعت احداثــــــــــــــــــــــه هدر طول اليالي


راحت المطبخ تشوف الأشياء اللي يابوها امس ومتوهقه ومو عارفه شلون تنظف وشتسوي ؟!! اهيه اللي كانت في بيت أبوها عايشه معززه مكرمه...اللي عمرها ما حركت شي من مكانه!! يات اهني وتبهدلت على ايده....

حاولت تـخم وتغسل وتنظف وتأزمت بأشياء بس كان ما ودها تدق على أمها تسألها عن شي وتحسسها انها محتاجتها...

مـر يوميــن ومن وقتها ما كلمت احد من اهلها ودقت عليها أمها...اول ما تقوم من النوم تبجي...وقبل لا تنام تبجي....تحس انها مكبوته ومحتاجه تشكي بس حق منو تروح؟؟؟ اذا الانسان الوحيد اللي كانت تشكيله غدر وخدعها فيه....
رن تلفونها....

روابي اول ما شافت امها داقه عليها تحس انا ما صدقت واول مره بحياتها تكون متلهفه تكلم امها...

روابي منفعله : هلا يمه

أم عبدالله: بسم الله شفيج تصرخين جذي؟

روابي: هاه؟؟ لا عادي

أم عبدالله: بغيت أشوف شلونج؟ بعد ما تدقين ولا تسألين ولا شي

روابي بلعت ريجها: الحمدالله بخير مستانسه

أم عبدالله: زين

روابي: اااه يمه انا اليمعه ان شاء الله راح امركم

أم عبدالله: اوكي تمام....يلا اذا بغيتي شي دقي

روابي ودها تنادي امها عشان تظل معاها على الخط لان زهقت من وحدتها...وأم عبدالله مع ان بعدها ماخذه موقف من بنتها وتكلمها بنفسيه شوي بس قلبها حن شوي عليها...

روابي: يمه

أم عبدالله: خير؟؟؟

روابي:..........

أم عبدالله: شفيج؟؟

روابي: هاه؟؟

أم عبدالله: شبغيتي؟؟

روابي: لا لا ولا شي سلامتج

أم عبدالله: اوكي عيل....مع السلامه

روابي: مع السلامه

اول ما صكت الخط امها بدت روابي تبجي حيـــل لان تحس انها كانت محتاجه تكلمها وتقولها بكل شي بس هونت لان عندها تكبت ولا ان امها تتشمت فيها....

.....مخنوٍقة يمّـه، وٍ أحس الخنقة هدّتنـيْ . . !


....مكسوٍرٍقلبيْ . . وٍ ع'ـَينيّ مدرٍي وٍش فيهآ !


وٍ دموٍع'ـَيْ آلليْ غ'ـَصْب ع'ـَن ع'ـَينيْ بگتنيّ.
.
....ملّيت أغ'ـَمّض جفوٍنيّ { . . لجل أدآرٍيهــآ ! !

سعود بعد يومين رجع البيت.... دخل ولا راحلها وولا سلم عليها...

سعود: يوعان !! شنو الغدا؟؟

روابي: ما سويت شي

سعود: نعم؟؟!

روابي: شعرفني يعني شلون اسوي غدا؟!! ما اعرف اطبخ شي

سعود: وان شاء الله متى ناويه تتعلمين؟؟ ان شاء الله على طول راح نقزرها مطاعم؟؟

روابي: يبيلي وقت اتعلم...بس هالفتره

سعود: تدرين شلون مالي نفس اكل....انا رايح انام

روابي كان ضايق خلقها على الوضع اللي اهيه فيه بس تظل تقول ان اكيد راح يرجع يتغير ويصير نفس ما كان......أكيد يحبها بس متضايق منها بسالفة الحمال....وتظل تسمع نفسها كلام يعجبها عشان ترتاح....

عذوب قاعده بدارها ومن وقت ما سافر عبدالله واهيه بس تبجي.... على كثر ما كانت تحاول تبين انها قويه وعلى كثر ما كانت تقول حق نفسها انها اذا خسرته ما خسرت الدنيا....بس عارفه انها قاعده تخدع نفسها وانها كل يوم تحبه اكثر من اليوم اللي قبله وكل يوم تشتاقله اكثر..... بس حالفه انها راح تحاول تساعد نفسها عشان تطلع من اللي اهيه فيه دام عبدالله راح منها خلاص....

المحبه من "طرف" ماتستمر
لو وضعت الشمس بيدك والنجوووم

لو تركت الغيم فوقك ينهمـــــــر
""المحبه"" من طرف ويــــل وهموم؟؟؟؟؟؟

مايصحي""" قلبك الميت""" جمــــــــــــر
ليه اجادل وشتكي منك والوووووم

بنسحب والحق على تالي العمــــر
المحبه :::ماتجي::: (((غصب))) ولزووم

رهف دقت عليها...

رهف: هااااي

عذوب: أهليــن

رهف: واااي تخيلي بس باقي الويك اند ونبلش دوامات

عذوب: اي والله...بس ترى احسن لان الدراسه تلهيني شوي

رهف: تلهيج عن شنو؟؟

عذوب: يعني من أشياء وايد قاعده افكر فيها

رهف: اهااا.....ما ودج نطلع هالويك اند نغير جو قبل الدوامات؟؟

عذوب: اممم اوكي

رهف: تمااام عيل فكري وين تبين على ما البس

عذوب: اووكي قلبي

رهف: يلا أشووفج

عذوب: باااي

صكت الخـط منـها وقعدت تفـكر ووتذكـر عبدالله وبعض المواقف اللي صارت معاه قبل ما يتغيـرعليها فجـأه....

عبدالله ورهف وعذوب كانوا بالشاليه وبعدهم البنات كانوا 17 سنه يعني ما خذوا الليسن فخذاهم عبدالله بسيارته يعلمهم السياقه.... عبدلله قاعد جدام يم اللي يسوق

عبدالله: بس بس وقفي السياره

رهف: لا ليــش ابي بعد

عبدالله: اووف حدج تخرعين بالسياقه انتي... مو مال تسوقين والله!!!


عذوب: يلا عاد دووري الحين

رهف: مابي اوقف

عبدالله: والله حاشني صدااع ,,, اوووقفي

رهف: بعد شووي

عبدالله: وقسما بالله يا رهف ان ما وقفتي الحين لا أكتفج وأحذفج بالدبه

رهف: اووف انزيـــن

طقت بريــك قــوي.....

عبدالله: عـن أبـوج جذي يطقوون بريـك!!! نزلي نزلي

رهف: اشتبي انت مو قلت اوقفي؟!

عبدالله: يلا يلا عذوب دورج

عذوب: وأخيــــــرااا

نزلت عذوب واركبت جدام واربطت الحزام....

عبدالله يتطنز: عاد انتي شكلج حدج متهوره

عذوب: هههههههههه انا؟!

عبدالله: اي الله يستر... الحين اول شي تعرفين يمينج من شمالج؟؟

عذوب: لا والله!!!

عبدالله: ههههه انزين البنزين على اليمين والبريك اللي بالشمال

عذوب: اوكي

عبدالله: يلا انطلقي

عذوب: اول شي ربطوا الحزام

عبدالله: يلا ربطنا.... انطلقي

عذوب داست وكانت ميته من الخوف ورهف تقرا ايات قرانيه بصوت عالي...

عبدالله: رهوفو قاعده اتدودهين البنت

رهف: شنو احنا الحين قاعدين نمشي؟؟ هههههههههه

عبدالله: عذوب حبيبتي تقدرين تدوسين أكثر عادي

عذوب: لا مابي مابي

عذوب كانت حيل متوتره وخايفه....

عبدالله: ههههههههههه خلاص اوكي هدي عادي


عذوب: أمبيــــه عبدالله سياره سياره جدامنا

عبدالله: ههههههه لااااااه سياااره!!!

عذوب: أمبيه سيااره يايه من ورااانا

عبدالله: لااا تقوليــن!!

عذوب: السياره اللي ورا قاعده تقرب شسوي شسوي؟؟!!

عبدالله يطنز: اووف لا سياره يايه خلاص متـنااا....متــناااا....متــنااا

عذوب بدت تصـرخ.....

عبدالله ورهف قاموا يضحكون عليها.....

عذوب: بس مابي بنزل

عبدالله: لا شنو تنزلين؟؟ ههههههه

عذوب قامت تصرخ لان كثروا السيارات اللي بالشارع......

رهف: هههههههههههههه يلااا خل تنزل اناا بسووق

عبدالله: عذوب عادي شارع وفيه سياارات

عذوب: واااي يمه ببجي

رهف: اناا ابي اسوووق...احد يررد علي

عذوب كل ما تمر سياره من صوبها تقعد تصرخ....

رهف: ليش محد يرد علي؟؟

عبدالله: ههههههههه بسج صراااخ بطيتي أذوني

رهف تغني: منسيـه منسـيه يا عونت الله ولا لي عندكم طاري....منسيه منسيه ولي الله هو اللي عالم وداري

عذوب: عبدالله تعااال أخذ مكااني

عبدالله: أشقح يعني؟؟ هههههههههههههههه

عذوب: بس مابي أسوق خلاص

رهف: خل أمسك السكان عنج

عبدالله: رهف جب..... عذوب انتي شفيج جذي أعصاب؟؟

رهف بعدها تغني وتقلد صوت عايشه المرطه : انا كله يتروالي اني بدنيتي بروحي....لا لي خل ولا والي يشاركني الهوى روحي منسيـه منسيـه منسيـه

عبدالله صرخ : رهف وويـــعه بـــس

يـعني السياره باختـصار كانت ازعاج وصيحه وصراخ.....

عذوب: هههههههههههههههه

عبدالله: وانتي بعد ليش تضحكين؟؟

عذوب: مادري ههههههههههههه

رهف: اي والله يضحك هههههههههههههه

عبدالله: انتي الحين ليش كل ما تضحكين اتدوسين بريك ماني فاهم شعلاقته يعني؟! هههههه

عذوب: هههههههههه

عبدالله: انا لله... ترجع اتدوس بريــك!!! أقول بس يلا اوقفي اهني على جنب

عذوب: ههههههههه

واوقفت السياره على جنب....

عذوب: هااا شرايك فيني؟؟

عبدالله: شرايك فيني!!! لا خوش صفطه الصراحه...أحيـيج عليها

عذوب: ههههههههههه ترى أنا جان سقت احسن من جذي لو مو الجو

عبدالله: هههههههه اي صح في هوا شوي اليوم

عذوب: ههههه شفت شلووون

رهف: هاا عبود يصير؟؟

عبدالله: تفضلي تعالي جدام

رهف: هيااااااا......قال اهوه كنت أتمنى انا الجيـه....قلت أشوه يعني انا ماني منسيه

عبدالله: رهف الحين بفتح ال air bag عليج يا تسوقين يا تغنين !!

رهف: خلاص خلاص بسكت

وانزلت بالسياره وبدلوا أماكن رهف وعذوب.....

عذوب تحس ما بقت معاها الا الذكريات....تحس ان احلى ايام حياتها لما تكون مع عبدالله ورفيجتها....ودها هالأيام ترجـع...كله ضحك ووناسه من غير أي تعقيـدات

كل ما تحاول تلهي نفسها بشـي يـظل في بالها ويظل تتذكر مواقفها معاه....

عبدالله يكلم عذوب من تلفون رهف عقب ما طلب منها تدق عليها....

عبدالله بنبره حاده: عذووب...شنو هذااا ياا عذوب؟؟

عذوب: ههههه ليش شنوو؟؟

عبدالله: لا والله!!! شحقه شحقه تيبيلي التلفون؟؟ بالله انا عطيتج اياه عشان تيبيلي واحد بداله

عذوب: هههههه عادي هديه مني ما يصير تردها

عبدالله: لا انتي الحيــن راح تخليني أعصب...ترى راح أبلش انفعل من صجي

عذوب: ههههههه يعني شبتسوي ؟؟

عبدالله: صدقيني انتي ما تبين تشوفيني أعصب... ممكن اسوي اي شي

عذوب: لا عادي بشوف....يلا شبتسوي؟؟؟

عبدالله: بس خلاص عصبت

عذوب: هههههه لااااااااه!!! والحين شنوو راح يصير؟؟

عبدالله: ااااه راح أصك الخط بويـهج

عذوب: اوووف لاااا للهدرجه

عبدالله: اي للهدرجه.... حتى شوفي طـوط طـوط طـوط

عذوب: هههههههههه وييييييه لااااء !!

عبدالله: بس خلاص صكيته عقب شنو يايه تقولين لااء!! طوط طوط طوط


عذوب: ههههههههه خلاص عيل بصك انا الخط الحين

عبدالله: لاااء لااااء تكفيـــن بس خلاص ما راح أقول طوط طوط

عذوب: هههههههههههه

عذوب واهيه سرحانه وتتذكر عيـونها ادمعت وعلى طقة الباب انقطع التفكير ومسحت دموعها بسرعه وقامت افتحت الباب....

عذوب: هلا بابا

وسلمت عليه وبـاسـته....

بو فيصل: ها حبيبتي...شلونج؟؟

عذوب: بخير

عذوب تحس انها مو قادره تقمت البجيه أكثر....

بو فيصل: بابا فيج شي؟؟

ما قدرت تتحمل عذوب وعلى طول احضنت أبوها وبدت تبجي...

بو فيصل: اسم الله عليج بابا شفيج؟؟؟

عذوب: مادري بابا احسني تعبانه شوي

بوفيصل: امشي عيل اوديج المستشفى

عذوب: لا لا عادي

بوفيصل: لا خل يشوفون شفيج

بو فيصل اخترع عليها حيل لان عذوب بالذات اهي دلوعة أبوها...

عذوب: لا بابا عادي والله بس يمكن عشان الدوامات راح تبلش فحاسه اني مخنوقه شوي

بوفيصل: وي بابا كل هذا عشان الكليه؟؟ بالطقاق بالكليه لا تداومين اول أسبوع

عذوب: لا ما أقدر صعبه

بوفيصل: لا ليش صعبه؟؟ اهم شي راحتج بابا

عذوب: ميخالف بس الحين بعدين راح أصير عادي والله

بوفيصل: بابا اكيد؟؟

عذوب: اي اي اكيد ... بابا عادي الحين اطلع مع رهف؟؟

بوفيصل: اي عادي أحسن عشان تغيرين جو شوي

عذوب: اوكي مشكور بابا

بوفيصل: اذا فيج أي شي قوليلي ها

عذوب: ان شاء الله

بو فيصل بعدين حضن بنـته ومـشى.....

واول ما صكت الباب بـطتها بــجي....

يازمن ارجع ورى...كل ما وقتي سرى....لاجل اشوفة بنفس المكان

مـــر حــوالي أكثر من 3 أشـــهر.....

روابي بهالفتره كانت تحاول ترضى سعود بأي طريـقه....تعلمت الطبخ والتنظيف وكل شي عشان لا تزعله منها.....بس سعود على ما اهوه عليه.... وبالعكس عصبيته قاعده تزيـد لكن بعدها تحس ان تحبه وانها محتاجته ومن دونه تضيــع....

كانت قاعده بالصاله كالعاده بروحها لان هاليومين مو عندها وكل ما يروح مكان لازم يقفل عليها....ما يخليها تطلع الا حق بيت أهلها يوم اليمعه و الصبح حق الكليه ولما تخلص عقبها يرجع يقفل عليها ويروح حق مرته اذا كان باليومين اللي مفروض عند مرته الأولى....

علـى انها عارفه ان حياتها صايره جحيـم بس تظل تقول راح يتحسن معاها اكيد وان العيشه اهني اهون بيت أهلها لأن لو ترجع راح يتشمتون فيها ويلومونها ويكفي ان أبوها لحد الحين ما يكلمها وماخذ موقف منها...

قامت وراحت المطبخ تسويلها شي تاكله بس شافت انها محتاجه أغراض جمعيه وما تقدر تطلع لان الباب مقفول....

دقت على سعود وما يرد وحاولت مرتين وثلاث لما رد....

روابي: الو سعود

سعود: اشتبين داقه؟؟؟

روابي: سعود بس أبيك تقط علي المفتاح لان محتاجه أغراض من الجمعيه

سعود يصرخ: الحين داقه علي عشان جذي!!!!

وصك الخط بويهها....

اهيه اخترعت وما ارجعت دقت عليه مره ثانيه لان خوفها....

ما مـر ربع ساعه الا وصـل سعود الشقه وكان معصب حيـــل وعيونه طالعه منها شرار....

اهيه خافـت وقلبها بدا يرقع لان مو فاهمه شفيه وشنو سوت ؟!

راح لي عندها ودزها على القنفه وقام يطقها طراقاات كان واضح انه فيه حره يبي يطلعها....واهيه تبجي وتصرخ بس ولا اهتز وولا همه شي وهذي مو اول مره يطقهاا....

سعود يصرخ: انتي شلوون ادقين علي وانا مع أم عيالي هااا؟؟

روابي تصرخ وتبجي....

سعود: وشنو بروح الجمعيه؟؟؟ وقته يعني؟؟؟ عشان تروحين المواقف تواعدين هنااك صـح

روابي واهيه تبجي: سعود حرام عليك

سعود: حسبالج انا ما اعرف انتي شلون صايره؟؟ خلاص بابا نظامج عرفته...مادري شبي فيج اناا!!!

ورجع عطاها جم طراق وكان راح يمشي....


روابي مسكته من ايده قبل لا يروح وتبـجي و تبوس ايده وريوله وتقوله : سعود الله يخليك لا تطلقني....الله يخليك لا تتركني

سعود: انزين بس بس

روابي واهيه بعدها على الأرض: سعود حرام عليك تدري اني أحبك لا تسوي جذي فيني .... لا تتركني وتروح

سعود انكسر خاطره شوي ومسح على راسها: الله كريم خلاص قومي....احنا الأثنين غلطنا

سلامـة رماحـك اللـي جرحهـا غـالـي
........ طعنتنـي غاضـب ليـن أنكسـر رمحـك
لو قلت لـي كـان أجـرح حالـي بحالـي
....... لا عاش قلبٍ جزع وارتـاع مـن جرحـك
لاجلـك جروحـي غـدن اليـوم عذالـي
......ذميت ظلمـك وأنـا مـن عادتـي مدحـك
ياليت لـي ذنـب وألقـى علقمـك حالـي
....... وياليت بك عدل .. وأرضى فـالهوى ذبحك
ياسيـدي وإن نويـت تـزيـد غربـالـي
....... قلي وأنا أبعد ظلامي عـن سنـا صبحـك
لو ما يسـرك أطـول الشمـس بجبالـي
..... مايكفـي إن عشقـت جبالـك وسفـحـك
كـل الهـوى بالهـوى يزهـى ويختالـي
..... وأنا الـذي فـي خسـارة عزتـي ربحـك
ياعـل ماتزهرالأشجـار فــي رمـالـي
....... لو أعتذر عن شموخي في رجـا صفحـك
سلامـة رماحـك الـي جرحهـا غـالـي
....... طعنتنـي غاصـب لـيـن أنكسررمـحـك

سعود: خلاص ميخالف لا تبجين

روابي: سعود انا قاعده احاول أسوي اللي تبيه وقاعده أحاول كثر ما أقدر أرضيك بأي طريقه بس احس ان مهما اسوي ما يعجبك شي مني

سعود اخذ نفس عميق : ادري مو قاعده تقصرين معاي انتي.....يلا انا لازم امشي الحين أشوفج باجر ودزيلي مسج بالأشياء اللي تبينها من الجمعيه واييبلج اياها

روابي تمسح دموعها: انزين

سعود: مع السلامه

روابي : مع السلامه

ويـاها ثـاني يوم سعود....

سعود بنفسيه : هاج هذي الأغراض اللي تبينها

اول ما داخل راحتله روابي كان ودها تحضنه بس ما عطاها فرصه تقرب ودخل الدار....

روابي متعوده عليه جذي....مرات يتقبلها ومرات لا....واهيه على طول تطوفله

عقبها طلع الصاله وقعد يطالع تلفزيون....تحس انها فاقدته ...كان ودها تسولف معاه عن اخر أخبارها وكليتها بس بالغصب قاعد ياخذ ويعطي معاها...

روابي: شلون كان دوامك؟؟

سعود: عادي

روابي: اليوم كان عندي امتحان

سعود: وشسويتي فيه؟؟

روابي: زين الحمدالله

وظل ساكت سعود وكأنه ماله خلقها كلــش...

روابي: سعود اييبلك شي؟؟؟ أسويلك شي؟؟

سعود طنشها وما رد عليها...واهيه اسكتت حست انها ضايقته واخر شي تبيه انه يتضايق منها بس نفسها تفهم شنو شعوره الحين اتجاهها؟!! شنو اهيه بالنسبه له؟؟؟ شنو اللي يبيه منها؟؟؟ واهيه مسـتعده تصيـر اللي يبيه بس يكون راضي عليها...


كان فيني عيب قلي فيك العيب الفلاني

كان هرجي مزعلك في شي قلي لاتعيده

جيت مابيك تحقرني جيت أبيك تعز شأني

جيت آبي فزعة ضلوعك من مشاعرك البليدة

يعلم الله شفت منك ومن غيابك ماكفاني

كان ماتقدر تخفف هم قلبي "لاتزيده"

روابي: سـعود

سعود: اووهوو ترى أذيتيني؟؟ نعم؟؟؟

روابي: خلاص ولا شي سلامتك

بيت بوعبدالله.....

عبدالله داق عليهم ويكلم رهف على التلفون...

عبدالله: هااا رهوووف شلونج؟؟؟

رهف: اهليــــــن....تمااام وانت شخبارك؟؟

عبدالله: والله كل شي تمام الحمدالله.... وشلون الباجي والأهل وكلهم؟؟

رهف: زينين ....عاد أمي طالعه مع رغد وغصون

عبدالله: اهااا...وروابي شلونها؟؟

رهف: والله زينه ما نشوفها الا بالأسبوع مره وباليالله تدق علينا

عبدالله: ان شاء الله مرتاحه مع ريلها؟؟

رهف: اي تقول مرتاحه ومستانسه

عبدالله: زين اشوه..... وشلونها مع الحمال؟؟

رهف: والله تقول تعب شوي بس الحمدالله

عبدالله: انزين وعذوب شلونها؟؟

رهف: ااااه زيـنه الحمدالله

عبدالله: يحليلها من زمان عنها

رهف: اي والله.....عبود انت متى راجع؟؟

عبدالله: امممم بعد حوالي 3 أسابيع

رهف خنقتها العبره : يلا بالسلامه ان شاء الله

عبدالله: رهف!! شفيج؟؟ أحس صوتج فيه شي

رهف: لا والله عادي بس لان صج صج مشتاقتلك بشكل ما تتصور

عبدالله: يا بعد عمري وانا أكثر والله

رهف: حط بالك على روحك

عبدالله: حبيبتي ان شاء الله وانتي بعد

رهف: ان شاء الله

عبدالله: يلا مع السلامه

رهف: مع السلامه

شقة سعود وروابي....

سعود: يلا انا طالع


روابي: سعود تكفى طلعني معاك

سعود: روحي زين رايح مع ربعي انا

روابي انفعلت: يعني ما يصير الأيام اللي تكون فيها معاي قاعد تطلع!!!

سعود: شوفي عاد لا تقعدين تلوعين جبدي !!!

روابي: ما أقدر أقعد بالبيت بعد زهقت ابي اشوف الناس......وصلني بيت أهلي

سعود: ماكو طلعه قلتلج بس اليمعه عند أهلج

روابي: سعود بروح بيت أهلي بزورهم شفيها يعني؟؟؟

سعود بدا يعصب وتنرفز....

سعود بصراخ: لا تقعدين تقوليلي شفيها وشفيها؟؟!! انتي تدرين ليش انا ما أثق فيج وطبعا معاي حق

روابي: لا سعود مالك حق....يعني وقتها لما كنت معاك كنت انت اللي تشجعني اطلع معاك واسوي اللي تبيه وكنت تزينلي هالشي والحين قاعد تحاسبني عليه

سعود: ليش يعني اي واحد يقولج سوي جذي وسوي جذي تردين عليه على طول وتسمعين كلامه؟؟ ما عندج شخصيه؟؟ ما عندج مخ تفكرين فيه؟؟

روابي: سعود انا كنت أحبك وسويت كل هذا من كثر ما كنت أحبك

سعود: شوفي دامج رضيتي على نفسج تسوين كل هذا وما احترمتي نفسج شلون تبيني انا احترمج؟؟؟!!!

روابي: ليه متى سعود؟؟؟ ليه متى راح تظل تذكرني!!

سعود: خلاص أصلا طول عمرج راح تظلين بنظري جذي....صج مسكينه انتي

روابي انجـرحت من كلامه حـيل ووقفت مصدومه من اللي قاعده تسمعه منه



ماأبيگ متهور / وقاسي / ونسّاي !

گنگ على أول غلطه تحتريني !

ولاني بحاجه بمن يذگرني : خطاي ,,

أدري بهآ" أگثر" من أصابع يديني ..

محتاج قلبٍ أگبر من خطايآي ..

يغفر جميع ذنوبي

[ويحتويني]

وعصبت وبدت تصرخ.....

روابي بصراخ: حسافه اني شفتك...حسافه اني عرفتك...حسافه ضيعت وقتي معاك يا عديم الاحساس....انت مووو ريااال مووو ريااال

سعود عصب وبدا يطقهااا ويعطيها طراقات ...

سعود: ريااال غصبن عليـــج وعلى اللي يابووج ... تكلمي عدل أحسنلج لا أقطج بالشارع فاهمه ولا لا؟؟؟

روابي كانت تصـرخ وتبجي وبعدين من الطق حست بعوار ببطنها واهيه حامل بالخامــس ...

روابي تصرخ : اااااااااااااااي بطني

سعود: تمثلين بعد !!

روابي: سعووود بطني والله بطني يعورني

سعود خاف لان شاف من صجها وماسكه بطنها وتبجي حيــل وتصرخ من العوار.....

تـــــم البـــارت 12


حبايبي أحب أقولـكم شـغله

روابي من البدايه متابعه كل البارتات وردودكم بصـمت

وأحـب أهديـلها هالأغنيــه

V
V
V
http://www.4shared.com/file/120119722/d3f8139a/_--__.html?s=1

 

[همســات حالـمه]

ناطرينج على نآآر حبيبتي

:ggdw:

:ggdw:

:ggdw:

يااا بــعد عمــــري انتي :***

 

[همســات حالـمه]

الاااااااااااااااااي في بارت اليوم

اييييييه فييي ونزززل ياا قلبــي :dddds:

 

[همســات حالـمه]

:ggdw: :ggdw:


:ggdw:


ناطريييين

فديـــــــــتج يا عســل :***

 

[MeeMeeYoo_2]

لا سعود غلطااااااااااااااان !!

لا تعليق حده :\

وعذووب الله يعينها انشالله


ناطرييييييييييييين

يعطيج العافيه

 

[المستبــده]

همووسه حبيبتي قلت قبل لا اقرا البارت ابي انبهج

ترى في قانون هني لا كلمتي صبي ورديتي عليه
تتوقف عضويتج
ديري بالج حبيبتي


والحين برووح اقراه

 

[ღ TőOőma ღ]

يسلموووو عالباارت الرووعه

مارديتي علي البارت الي قبله خلاص لاتكلميني << لول لا اتغشمر

واخذي رااحتج حووبي اي وقت تبين نزليه وسلمي على روابي بعد عمري

مواااااح لووف يوو << نهايه كل رد خخخخ

 

[همســات حالـمه]

همووسه حبيبتي قلت قبل لا اقرا البارت ابي انبهج

ترى في قانون هني لا كلمتي صبي ورديتي عليه
تتوقف عضويتج
ديري بالج حبيبتي


والحين برووح اقراه

لا والله!!!

توني ادري تصدقيــن

امممممم

عاد في روايتي اللي طافت رديت على واحد وما سوولي شي !! :tomato2:

مشــكوره انج نبهتيني قلبـي وراح احط بالي المرات اليايه :**